|
اقتباس:
مرور رائع... بارك الله فيك أسال الله ان يرزقك الذريه الصالحه التي تقر عينك وعين زوجك .. |
شركا اخي السيف على الموضوع
اللذي سردته في الموضوع هو مايحدث في بيتنا فعلا من 12 سنة أمي وحيدة امها وابوها توفى جدتي من قبل 12 سنة ولانه ماعندها احد يغر امي جات وسكنت عندنا هي كان عنها بيت بس ابوي الي راح وجابها البيت قبل حتى لا تقول له امي او ياخذ رايها وقال ماحد يتكفل فيها الا انا هي اساسا زوجه عمه اخو ابوه وعمة امه هههههه قصة هالنسب مع انه عندها اولاد اختها واختها حتى لمن تمرض او تحتاج شي من صرفيات وغيره كلا على ابوي حالها من حالنا واحد من الاسرة الله يطول بعمرها مع ان امي من النوع الي عصبي وتتعصب مع امها الله يهديها صراخ احيانا من الصباح بس ابوي مايرضى على جدتي ابدا ابدا ابدا ولا يرضى انه امي تصرخ عليها ينهرها في تعبها جدتي ومرضها تكفلنا فيها انا وهو انا احممها امرضها بالمستشفى نكون عندها تصدق ياسيف انه مرة من المرات كانت تعبانة حيل ورحت العمرة مع ابوي من دون امي بعد 4 ايام من وصولنا كنا مقررين نقعد 18 يوم بين مكة والمدينة اتصلنا عليهم وكلمت جدتي اتطمن عليها لقيتها تبكي تبيني ارجع ماتبي امي تقول أذتها وخلتني ابكي معاها حتى ابوي يقول لي تبين نرجع رجعنا لها كلمت بعد يومين لقيت الوضع الحمدلله اهون وواصلنا بس ماصدقت اني رجعت لها امي الله يهديها كل تتململ بس الحين تحسنت عن قبل وصارت تتغير ابوي يحبها وااايد لمن توفت جدتي لابوي امه جى يبكي عندها من جد يرحمهم كثييييييييير وبار فيهم ثنتينهم هذا من جيل ابوي الجيل ماراح يتكرر ابدا والي مثل ابوي ماراح يصير ابدا عفوا كل فتاة بأبيها معجبة ;) |
اقتباس:
يحق لك ان تعجبي بابيك فهذا حق مشروع لك ... ويعلم الله ... انني احببت صفات ابيك ...من كلامك عنه ... وايضا اقول لك .. في كثير من الاحيان ... عندما اسمع قصص و حقائق كهذه .. احمد الله واقول الدنيا بخير ... واخيرا المعدن الاصيل لا يتغير مهما تغير من حوله ... شكرا لك على مرورك العطر وقصتك مع جدتك التي فيها دروس وعبر.. أسال الله ان يحفظك من كل شر وان يوفقك لكل خير وان يرزقك ما تتمنين .. الله يحفظك .. |
السلام عليكم ..
اذا ليس لها أي أحد بكل تاكيد سأطلب منه ان تـاتي في بيتي ... وحتى لو رفض أروح لها وما أخليها ... بس الحمدلله الوالد موجود مشكور على موضوعك الرائع ... والله يوفقك .. |
الصراحة ماشاء الله تبارك الله على زوجي
إذا بيوم من الأيام زعلت أمي ، ينصحني إني ما أزعلها و كنت أدعي قبل لا أتزوج إنه ربي يرزقني بزوج صالح يعينني على البر بأمي و طاعتها و الحمد لله ربي ما يخيب رجاء عبده زوجي دايم ينصحني و يقدرها و يحترمها أكثر مني و منه تعلمت أشياء كثيرة بالرغم من إن أمي دايم تزعله و تغلط عليه لكن متأكدة إنه أمي تحبه و هي أمي كذا مع أي زوج بنت يكون توه طازة :d |
امي تكون امه و امه تكون امي و ما فيها شيء ابدا و بالعكس الام لها مكانتها و ما تثقل ابدا و اذا ما ساعدني هذا معناته انه ما يحط لها مكانه مثل ما انا احترم اهله .. مافيها شيء
اختكم بني |
اقتباس:
فعلا سبب وجيه ... وأسال الله ان يرزقك بر والديك وان يرزقك ذريه صالحه ... اسعدني مرورك العطر .. |
السلام عليكم ..
اختي الفاضله روح الطير ... اقتباس:
:: بالنسبه لزوجك فهذا من فضل الله ... ماشاء الله ... اذا كان زوجك يعينك على بر امك فهذا خير ... بارك الله لك في زوجك ورزقكم الله ذريه صالحه باذن الله ... شكرا لمرورك العطر .. |
اقتباس:
مرورك رائع وقد اختصرتي الاجابه بسط رائع جدا فهذه قناعه رائعه جدا وفعلا اذا فهمت المرأه والرجل ما فهمته من جملتك وجد معنى للحياه اسعد باذن الله ... جزاك الله خيرا .. اسال الله ان يرزقك الذريه الصالحه ... |
اعتذر عن الاخطاء الاملائية فقد كنت على عجالة من امري ولكن حبيت ارد على الموضوع لانه اعجبني
اما بالنسبة لامي قاسية كانت فعلا كانت جداتي ثنتيهنم تعبانين كنت اروح مع ابوي نحمم ونغير وناكل الاولى وارجع لجدتي ام امي بالبيت عندنا اغير لها واوديها حمام واحممها وغيره وكانت عندي دروسي بالجامع ولكن لجهلهم فهي غير متعلمة الا ابتدائي مع انها مو كبيرة وايد بالعمر عمرها 47 واتوقع تراكمات ادت بها ان تعامل امها بهالشكل طريقة امها الظاهر كانت تطبقها علينا ولكن معذوورين القدماء جهله مساكين لانه مرة ويكاثرها مرات الي كنت اكلمها عن الموضوع لمن يكلفني ابوي اكلمها تهدأ الوضع لانه ابوي عنده البيت الي فيها مسن او كبير جد او جدة تحل فيها انواع البركات والخيرات والصلوات والرحمات كانت تعصبببببب علي وتدعي علي ماترضى احد يكلمها عن هالموضوع بس اشوي اشوي بدأت تتحسن الله يهديها يارب من جد تغيرت 180 درجة بس مازالات اثار العصبية والمشادة الكلاميه مع امها بدرجة طفيفة ههههه كانت اقسى علينا من امها اجسادنا الوان ^_^ نحن اولادها ولكن عفى الله عما سلف و اعترفت بخطاها وبكت موقف محرج ان تطلب الاسف مننا انا واخي الاكبر لانه احنا الاثنين الي ذقناها ههههه وابوي جاب شغاله تساعدنا وخفت حده عصبيتها وتعرف مرة وكبيرة وتعرف الكبار الله يهديهم كل مايكبرون والمرض ينرفزهم ويصارخون ويتحججون يردون يهال الله يرحم بحالهم من جد فهي لا تتحمل لكن مع المحاضرات الاسلامية بدأت تتغير ويلين قلبها وتعترف اني الي تسويه مال اول حق جاهلين وانها كبرت وبدأت تفهم احسن شكرا لحرصك اخوي السيف ماقصرت ^_^ وسامحني اخذت مساحة من موضوعك فعلاا انا اقرب ابنائه لنفسه انا صديقته لي كلمة مسموعة لديه ولدى امي الحمدلله وماشاء الله |
| الساعة الآن 10:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©