|
لأ طبعاً .. تتركه .. ده بتاع مشاكل .. وبعدين كان ممكن يتكلم معاها مباشرة لأن هي تعتبر زوجته مش يقول لأهله .. لأن كده البنت صغرت في عين أهله .. وبصراحة أنا حاسة أنه يستهبل علشان يقلل مهرها .. خليه يروح يمثل في بيت تاني ..
|
حسبي الله و نعم الوكيل
خلي أختك تكثف الإستخارة |
اشوف انها تصرف النظر عنه....وإن شاء الله ربي يعوضها خيراً منه.....
وبعدين هو شافها وقال اللي قاله .... يبقى خلاص مافي إنجذاب وذوقه وموصفات فتاة الاحلام لديه غير ما رأى..ما دام قال لاهله انها ما عجبته وقال ما قال.... وخوفي على اختك تصير فيها عقده وهو السبب...اخبريها ان كلامه ليس مقياساً للجمال.. اختي الناس اذواق....وبيجي اللي يشوف اختك ملكة جمال...بالتوفيق... |
يا بنت الحلال شكله ما منه فايده هل الرجال
مادام من اولها كذا يا بنتي اتركوه وربي يعوض اختك باي احسن منه ان شاء الله وربك فوق |
بصراحة ما يستاهل عروس...
اللي تكلم عليها بهذا الشكل... ولازم تتعدل اكثر.. هذا يبي جمالك شكل بس.. طيب بعد العرس بدون مكياج وش بيسوي؟؟؟؟؟ اختي خل اختك تستخير الله... وتشوف... والله يصرف عنها الشر |
شنو هذا الهرج !! بنات الناس المحترمات صارو سمار و سوس و قبح !! وين عينك قبل ؟؟ و وين المهر ؟ هذا داش على طمع و ما يبي يا اخوان و لو من صجه يدق يسال او يبين عن شوق ... بنات الناس مو لعب لو اخته شان ما رضه عليها و اذا اخته قايله جذي صراحه لا اهوا و اهله محترمين ما يستاهلون .. ف انا اقول اهيا على البر ... تفسخ و خل عقله المحدود ينفعه .. يا اختي لا تستعجلون على الزواج ارجوكم العيش في منزل ابوها معززه مليون مره افضل
اختج بني |
هل هو مقتنع بالزاوج ام مجبر؟؟
و بصراحة اللي هذا اوله ينعاف تاليه.. ليه هو ماشافها و اقتنع فيها قبل الملكة..؟ |
اذا كان الكلام صادر منه اكيد انه مجبر على الزواج من قبل اهله وشافوا اانه مافيه فايده قالوا خليها تجي منكم احسن
خصوصا انك قلت ان عمره35على مااضن يعني ليش مااتزوج لحد آلان؟؟؟ ا |
السلام عليكم
اشكر كل من رد وعقب وادلى برأيه الكريم وردا على مجمل الاستفسارات اقول : 1: هو جاء وشافها الشوفه الشرعيه وابوي خلاه يطول معاها خوفا من انه يتعذر انه ماشافها زين . 2: نعم احنا متأكدين مليون في الميه انه اخته اللي دقت لانها تصيرمرة عمي 3: لما كلمت اخته على امي وقالت لها هالكلام امي قالت خلاص دومتنا لس على البر شبكتكم وذهبكم راح ترجع لكم ..لكن اخته قالت لا وانا ماقصدت كذا انا بس ابي انصحكم عشان تصلحونها زين في الزواج ؟؟ 4:ابوي درا وقلنا له الموضوع وخلى امي تدق على مرة عمي وتقولهم ابوي يتحرا اخوك بكره بعد صلاة المغرب عشان يتفاهم معه على الكلام اللي قاله بحق اختي .. 5: مرة عمي انهبلت وقالت ليه قلتي لابوكم الله يهديك احنا ماقصدنا نكبرها ونسوي مشاكل وانا اخوي لو درا راح يزعل ومن هالكلام .. بس امي قالت لها لا هالكلام فيه تتشهير على بنتنا ..ولازم يتوقف اخوكم عند حده ياأنه يجي ويقول اللي في خاطره لزوجته او انه ينهي كل شي وكل واحد يروح لطريقه .. وبكره ان شاء الله راح يجي وراح اوفيكم باذن الله بآخر التطورات الله يجزاكم كل خير ودعواتكم الله يهدي النفوس .. ويكتب لاختي الخيره الصالحه .. |
هلا فيك ياقلبي
اليك الخطوات التالية: 1- ابوك يطلب مقابلة من الولد وتكون اختك موجودة ويتم السؤال عما جرى واطلبي من اختك التماسك 2- اذا اعتذر او تبين ان هناك لبس في الامر كان بها 3- اذا تبين انه متعمد فاعتقد ان عدم الاحترام من البداية لن يتغير مع مدى الزمن فافضل الانفصال وربي يسعدها أختك حائزة |
| الساعة الآن 02:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©