|
اتمنى انك ما تزعلين لاكن اظن انك انانيه ومتحامله على زوجت اخوك وتذكري ان الدنيا دواره
شوفي حبيبتي بالنسبه للوزن خليها تسوي عمليت ربط معده انا سويتها كان وزني(108) والحين(75) لاتفكرين ان اخوك مثالي والاخطاء كلها من زوجته (ياما تحت السواهي دواهي) دايم الرجل يحب يظهر نفسه انه كامل وهذي من جبلت الرجل ومافي احد يعرف الرجل كثر زوجته اكيد اخوك فيه سلبيات مثل مافيها سلبيات وبعدين7سنوات قليله خصوصا انها حملت قبل يعني عندها قدره على الانجاب الناس يجلسون12و15سنه ماأنجبو نهائي ومايدرون اذا البنت بتحمل ولالا بنت خالتي جلست12سنه ماحملت والحين عندها بنوته وزوجها ماتزوج واتوقع اخوك لواتزوج مو اكيد راح يستانس وينبسط لانه راح يتعب من مشاكل الحريم وغيرتهم اتمنى ماتزعلين مني اشوف ماتتدخلين نهائي اخوك يعرف يتصرف |
أنا رأيي أخوك هو من يقرر و اتركي الإثنين في حالهم
أخوك لو اتدايق حيتجوز من نفسه, و بلاش تزني على دماغه رأيي خليكِ بعيد و ما تبرريش لنفسك تدخلك في حياتهم أتمنالك التوفيق |
لا تتدخلون بينهم وهو وهي يحلان مشكلتهم000تم000وهذا الراي الصواب000
|
اقتباس:
انا ماطرحت الموضوع الا لانه يكلمني ويفضفض علي ويشتكي لي من حياته ومشاكله معها وانا ماادري وش الحل. 1)واذا قلت اصبر عليها قال إلى متى واذا قلت انصحها قال مليت من كثر الكلام ولا حياة لمن تنادي واذا قلت توها صفيرة عمرها [26] وانت[35]خليها تكبر قال لو توصل الميه هذا عقلها ماراح يتغير واذا قلت هل الزواج بالثانيه حل[ لاني احس انه يحبها ومابيه يظلم بنات الناس معه] يقول يمكن بس وظيفتي ماخذة وقتي وماعندي وقت اتحمل بيتين ومشاكل البيتين . 2)والي انا فاهمته منه........ اهو نفسه متردد في اتخاذ اي قرار [لانه اهو الي اختارها واحنا قلنا من يوم اختارها ماتصلح لك بحكم معرفتنا بتفكيرهم قال ماعليكم بسنعها وبعلمها والحين يقول احس اني فاشل في اتخاذ القرارات.] 3)وماراح نكرهه لانها طيبه وعلى نياتها ......وبعدين لو نكرهها كان ماشاورتكم واقنعته وخطبت له على طول بس نحبها وحاسين بها ابي حل يرضيها ويرضيه بس جالسه ابحث عنه. |
اقتباس:
وبالنسبه للعمليات اهي متخوفه منها لكن بطرح عليها الفكره وانشاء الله تنفع .... وبعدين اخوي اكيد مو كامل كل انسان ناقص [ الكمال لله] لكن مارتاح معها في الحيات اليومية وهذا الي مضايقنا ......واحنا نحبها مثل ماقلت سابقا |
اقتباس:
وبالنسبه للعمليات اهي متخوفه منها لكن بطرح عليها الفكره وانشاء الله تنفع .... وبعدين اخوي اكيد مو كامل كل انسان ناقص [ الكمال لله] لكن مارتاح معها في الحياة اليومية وهذا الي مضايقنا ......واحنا نحبها مثل ماقلت سابقا وبعدين في مجتمعنا هو صابر صبر ايوب الكل من الرجال يقول [ لك في الشرع اربع] واحنا نذكر له قصص العالم شوف ..وشوف....نبي نصبره ومسئله العيال هو مؤمن بالله وماهو حريص جدا .... لكن لو انها مهتمه فيه وبكيف ترضيه وتعدل شكلها اتوقع بيستانس وبينسى العيال ... |
طيب خليه يغير معاملته معاها
يحاول يكون حازم معاها شوي ومايتنازل عن حقوقه واذا قصرت مايسكت مشكلة اخوك انه يكتم بنفسه ويكتم ويكتم وهذا الكتمان بيأثر على نفسيته وممكن يجي يوم وينفجر لانه هذي كلها تراكمات فالحل الوحيد بنظري هو محاولته تحسين علاقته بزوجته يهديها كتب يشتري لها اشرطة يوديها ندوات بس قبل هذا كله لازم يكلمها ويفهمها انه لازم تتغير لانه الرغبة لازم تكون من داخلها والا ماراح تستفيد لا من كتب ولا غيره والله يسعدهم ويرزقهم الذرية الصالحة يارب |
اقتباس:
[ لانه مدلعها ] يعني هو يقول اذا بغيت شي في البيت اقوم اصلحه بنفسي .... تخيلو طيب ليش ..... يقول اهي ماتسوي الي ابي بالظبط واتضايق منها وبدال ماتصير هوشه اخدم نفسك بنفسك. |
عزيزتي كل العالم عندها مشاكل ومافي بيت يخلو منها ولكن تتفاوت مواجهة الناس لمشاكلهم برغم تشابهها
أختي تدرين ليه زوجة أخوك تمر بهالظروف <<<< سمنة مفرطة + تجاهل لأوامر الزوج + عدم الاهتمام به ............ هذا كله يرجع للحالة النفسية اللي تسببه لخبطة الهرمونات عندها أضيفي إلى ذلك أن لها سبع سنوات متزوجة والله رزقها بطفل وتوفي تخيلي الوضع الأليم اللي هي تمر فيه ..... أنا كنت أعاني من لخبطة في الهرمونات وتكيس في المبايض وكنت أعاني من سمنة وتعالجت والحمد لله وبالفعل كانت نفسيتي زفت وكل يوم لازم أطلع لي بمشكلة مع زوجي تخيلي بالبيت جالسه كله أكل ونوم وزوجي هو آخر شخص أفكر فيه وحياتي عناد × عناد واذا عصبت وانقهرت أحط حرتي بالأكل ...... واذا مالقيت شيئ بالثلاجة المطاعم ما ترد أحد .. أختي زوجة أخوك لازم لازم لازم تتعالج الهرمونات تأثر بشكل كبير جدااااااااااااااااااا على النفسيه والبتالي تخلي الواحد يتصرف بأمور ماهو واعي لها والله هالكلام أقوله من تجربتي الخاصه اللي استمرت 4 سنوات تقريباً وما تعدل وضعي الا بعد ما تعالجت وحملت ورزقني الله بولدي الله يبارك فيه ........... غير كذا لا تنسون القرب من الله صدقيني في بعض الأحيان الطب له دور كبير وكذلك الناحية الدينية لازم زوجة أخوك تشغل نفسها بشيئ مفيد يعني قراءة القرآن له أثر عجيب في النفس يهدي الروح ويسكنها ويبارك لك في أيامك ويهدي النفوس ويفعل مالا يقدر على فعله أكبر أطباء العالم ........ وصلاة الليل وما أدراك ما صلاة الليل والدعاء فيه والله العظيم أن لها أثر كبير وعظيم ما يحس فيه الا الشخص اللي جربه وعاشه بشرط الإخلاص لله ...... انصحي أخوك بعد بالتقرب الى الله أكثر بالصدقة وكثرة الصلاة والدعاء بأن يصلح الله زوجته ويصلح ذات بينهم ويرزقهم الذرية الصالحة وخليه يكثر من الاستغفار واقرئي تجارب الأخوات اللي معانا في المنتدى اللي استفادو من الاستغفار وأنا وحده منهم ..... تمر على الإنسان أيام لا يصفو له العيش ولا يهنئ له النوم فليراجع نفسه ويتذكر فيما هو مقصر من حقوق الله ... وكل شيئ يصيب الانسان فبما كسبت يديه وحتى لو كان مهتم بأمور دينه فليعتبر ذلك ابتلاء من الله ورب العالمين لا يبتلي الا العبد المؤمن ليختبر مدى صبره وايمانه ..... أختى ادعي لأخيك بصلاح حاله وحال زوجته واكثري من نصيحة زوجته وخليها تشارك بالمنتدى يمكن تقرى وتستفيد من المواضيع الطيبة الموجودة فيه ....... في الختام الله يصلح أحوالنا وأحوال جميع المسلمين |
حبيبتي كلام البنات كلة حكمة انتي اذا حبيتي تتدخلين ابدائي اولا في اخيك شوفي يمكن الي وصل زوجتة لهذا الوزن مو حب الاكل بس لان بعض الحالات النفسية ممكن يكون رد فعلها عكسي يعني تفش غلها في الاكل بدل الكلام وكثر المشاكل واكيد زوجة اخوك الله حدة اعلم بنفسيتها لان حلم كل بنت بعد الزواج الامومه يمكن اخوك فية كل المواصفات انة يكون زوج مثالي بس ينقصة بعض الاشياء الي زوجتة ما تقدر تتكلم معاة فيها ممكن تنصحيهم كل الاثنين انهم يروحوا لعيادات متخصصة مثل عيادة انجاب او عيادة ذرية يمكن تكون المشكلة جدا بسيطة وممكن مافي مشكلة ابدا في هذي الحالة انصحيهم يروحوا عند شيخ يقراء عليهم الرقية الشرعية وكلام رب العالمين ان شاء الله يهدي سرهم ويرزقهم الذرية الصالحة . واذا كان على وزن زوجتة ممكن تعمل رجيم ورياضة في احد الاندية الصحية الخاصة باالنساء او مرررررررررررررة ما قدرت تعمل عملية لتصغير المعدة اعرف بنات كثير حملو بعد هذي العملية لان يكون الوزن عائق للحمل والله الله في الصبر زين واذا كل هذي الامور ما نفعت هو الي يقرر اذا انة حاب يتزوج وحدة ثانية وقبل كل شي ذكرية ان الذكرى تنفع المؤمنين اذا انة مو قادر يفتح بيتين ويحب زوجتة وبنت خالتة لا يكبر المشكلة ويظلم بنت ناس ثانية معاة .
وسمعينا الاخبار الطيبة |
| الساعة الآن 10:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©