منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ماهي العادة الجميلة التي عودتِّ زوجكِ عليها ؟ (http://www.66n.com/forums/showthread.php?t=164821)

بسمات الروح 04-06-2008 03:42 PM

اقتباس:

المشاركة الأصلية كتبت بواسطة همس الأصيل (المشاركة 1856711)
موضوعك حلووووووووووووا يادمعات الروح


الله يديم الحب والسعادة بينكم

أنا معودة زوجي على قبلة على خدة اذا بيطلع من البيت مع دعاء الخرووج وأكون موصلته للباب

واذا زعلت عليه يفتقد للعادة هاذي واذا بيطلع يرجع ويقول مانسيتي شىء




الله يحلي ايامج دوم الدوم ياهمس الاصيل


تسلمييييييييين على الدعا الطيب الله يخليج ياررب


ماشاء الله ماشاء الله عليكم


ياحلاتها عادة ^_^

ههههههههه شفتي يعني العادة تصير سبب صلح والله انكم طيبوين انتي وزوجك احس فيكم شفافين
الله يخليكم لبعض ولا يحرمكم من بعض يااارب



الحمدلله الله لا يجيب الزعل بينكم ابدا

ولا تتركينها عادة والله يكثر من العادات الحسنة الحلوة

والله يكثر من طلاتج على مواضيعي ياغالية :d

لا حرمني الله هالطلة الحلوة

شرفتي




اقتباس:

المشاركة الأصلية كتبت بواسطة الفارس 2007 (المشاركة 1856780)
الله يوفقكم مع ازواجمك ويسعدكم دنيا واخره ،،،

اسمحولي اني اضيف ردي مع ان الموضوع موجه للزوجة !!!!

انا لي ست سنوات متزوج انا اصحي نفسي للعمل !!!!
وزوجتي ماعودتني على اي شي بالعكس انا ارسلها رسايل حب من العمل انا اكتبها من صميم قلبي وووو الخ ،،،!!!!!

اتمنى التوفيق للجميع ،،،،



مرحبا باخوي الفارس

شكرا جزيلا على الدعاء الطيب ولك بالمثل ان شاء الله

عادي اخوي حياك الله باي رد

ماشاء الله طول العمر مع بعض ان شاء الله

الله يهديها ان شاء الله هذا والله لانك طيب معاها الله يخليكم لبعض

اكيد لو ماترسل تفقد رسايلك

ماعليه خلك حنين معاها واطلب منها باسلوب لطيييف اهتمام شوي اكثر

الله يحنن قلبها عليك

بس اكي تحبك لانه تقوم بواجباتك وفي بيتها

الله يسعدكم يارب ويسخر قلبها لك

شرفت اخوي

واضافتك دعوة للزوجات للاهتمام بازواجهم لانه يمكن هو شي بسيط بس يحسسه بسعادة غامرة





اقتباس:

المشاركة الأصلية كتبت بواسطة ام-وقاص (المشاركة 1856815)
هلا حبيبتي تسلمين عالموضوع الحلو , والله يهنئكم ..
انا توني متزوجه , بس حسب علمي انه متعود علي على هالاشيا :
أول شي, زوجي متعود على كلامي و سوالفي ,و دوم ماشاءالله يستانس, لأنه من النوع الهااادي ,وانا لاعيه و انكت و مرحه كثييير والحمدالله, فمعودته على صوتي =) لو اسكت اشوي , يسألني, شو في؟؟ زعلانه ؟ ! ..
و بحكم اني جامعيه و دارسه كثير والحمدالله (الله يخلي اهلي ويطول في عمرهم امين) وموظفه في مكان مرموق والحمدالله, زوجي متعود انه دوم يستشيرني في شغله و تجارته و اموره الماليه ..
معوده زوجي ما ينام الا و مسويتله مساج , والحين ندمانه , لأني حتى لو حيييييييل تعبانه , ماله خص, اسويله يعني اسويله !! .. يسلملي =) ..
متعود اوصله و استقبله .. حتى لو معصبه عليه, بوصله, لاكن بدون اي ابتسامه, فيضحك علي و نتصالح =)
و منكم نستفيد و نزيد ان شاءالله =)




هلا بكل الغلا هلا بالوردة ام وقاص

الله يسلمج ويسلم غاليج

وينيهج حبيبتي

ماشاء الله ماشاء الله

اللهم صل على سيدنا محمد وعلى ال سيدنا محمد

عادات جدا جملية وحلوة الله لا يخليه منج ولا يخليج منه

الله يسخركم دوم الدوم لبعض ويبعد عنكم العين

هههههههه كلهم جذيه في المساج مساكين معذورين يشتلغون طول النهار


انا يجيني جنب الكمبيوتر وحامل الزيت يحطه لي قدام الشاشة يجنني لو ماسوي له

هذا شي اساس في حياته

حتى مرات اقول له الحساب اخر الشهر :d

يقول لي والله لو انتي تسوين مساج مكان المساج التايلندي مايفرطون فييييييييييييج ابدا محترفة

عاد هو يصبغ علشان اسوي له :d

شرفتي يالغلا الموضوع والله يسعدج انتي وزوجج يارب ولا يحرمكم من بعض





اقتباس:

المشاركة الأصلية كتبت بواسطة أم _حمزة (المشاركة 1856824)
أخواتي الكريمات...

حسستوني بالذنب ...

قاعدة أتذكر حياتي الزوجية من بدايتها إلى يومي ما لفت انتباهي عادة مميزة يتضايق اذا قطعتها!!!!

لكن مع هذا أحاول قدر الأمكان إني ما أقصر في واجباتي كزوجة ... الله يسامحني على تقصيري ..

يمكن في عادة واحدة فقط لكن أحب أحتفظ فيها بالرغم انها عادية ...

المهم في العادة أن تكون نابعة من القلب وتكونين انتي مستمعة فيها وانتي تسويها مهما كانت بسيطة حتى تلاقي ثمرتها..

أنا حتى قومته للعمل مو دايم وأحيانا اذا كان يبغى فطور قومني أسويله<<<الله يسامحني ...

يمكن لإننا ما ننام بدري حتى أستطيع أقوم قبله وولدي(سنتين) في نص الليل يجي ينام جنبي ويضايقني فما أنام مرتاحة وبطبيعة الحال ما راح أقدر أقوم علشان أصحيه وأسويله فطور ...

أعذريني إن خرجت عن الموضوع ..

لكن اللي يهمني أكثر أحساسي بالشيء اللي أسويله اياه حتى لو كان أحد الواجبات .. أسويه وأنا مستمتعة فيه أفضل بكثير من عادة أعوده عليها لاني أبغى أعوده عليها ..

وشكرا على الموضوع ومنكم نستفيد ,,,

والله يديم عليكم الحب والسعدة ويجعل أيامكم غامرة بالأفراح ..

أختك .. أم حمزة






اشدعوه يالغلا ولا تحسي بالذنب ولا شي والوقت مافات حبيبتي اعتبريها تذكيير وتنبيه والحياة قدامكم عيشيها مع زوجج طول بعرض

ويكفي انج تقومين بكل واجباتك اليومية وتهتمين فيه وفي اكله وصحته وثيابه وبيتج وطفله

ماشاءا لله عليح انا متاكده انج كاملة مكملة والكمال لله

الله يسخركم دوم الدوم لبعض ويسعدكم

الاشياء هذي مجرد لمسات تضيفينها

يعني تتركين بصمة لج في حياته

وعلى بساطتها الا انها تزيد التراحم والمودة والحب

وليس لانك ماتعمليها انك قصرتي ابد والله

واعتبريها الان توجيه لطيف مننا لك وان شاء الله تستفيدي من تجاريب الاخوات

شرفتني ياغالية باضافتج

لا خل ولا عدم منج يا ام حمزة

اسعدني تواجدج وصراحتج

واوعدينا بالافضل ونتمنى لج احنا كل الخير والافضل

الله يسعدج حبيبتي

لا تحرمني من طلتج الغالية ^_^



اقتباس:

المشاركة الأصلية كتبت بواسطة ام-وقاص (المشاركة 1856828)
ام حمزه حبيبتي, ترى هذي العادات مو هي اللي تخلي الزوج ما يستغني عن زوجته : يكون مجرد متعود لها .. وانت مو حاسه بس أكيد تعملي مليون شي بس مو عارفه ..
و كلامك مليون فالميه صح -" لكن اللي يهمني أكثر أحساسي بالشيء الليي أسويله اياه حتى لو كان أحد الواجبات .. أسويه وأنا مستمتعة فيه أفضل بكث من عادة أعوده عليها لاني أبغى أعوده عليها .."
فليش تحسين بالذنب ؟ .. ابتهجي حبيبتي , انتي تأدين الواجب و أكثر , و انا متأكده انه زوجك يعشق اهتمامك فيه , وما يستغنى عنك =)




اوافقج الراي غاليتي ام وقاص

فقيامك بواجبك اتجاه خير دليل على انه راضي عليج

ومثل ماقلت لج مجرد لمسات تضيفينها

مثل عاملين في شركة وحده الاثنين يكلفون بنفس العمل وينجزون العمل واحد منهم يسوي الي عليه ويمشي والثاني يسوي الي عليه ولكن يحاول يضيف مقترحات واراء وافكار جديدة تخدم الشركة وبتقييم نهاية الشهر يطلع الثاني تقييمه اكثر مع انهم اثنينهم انجزوا العمل بنفس الكفاءة ولكن واحد منهم نشيط ويحب عمله ويضفي على شغله لمساته الخاصة فترك اثر ايجابي لمدرائه في العمل

بالضبط نفس الشي في الحياة الزوجية اللمسات هذي تضفي جو من الحب والليونة بين الاثنين والقرب


اسعدكم الله ياخواتي الغاليات



اقتباس:

المشاركة الأصلية كتبت بواسطة ][ لمني بشوق ][ (المشاركة 1856827)
موضوع في غاية الرووووعه..تسلم الايادي

بالنسبة لي ..زوجي متعود على اشياء واااااايده مثل:

- قبلة قبل الذهاب الى العمل وعند العودة..
- الاتصال والاطمئنان عليه ..والمسجات الرومانسية
- الليالي والافكار الرومانسية والمفاجآت بين فترة وأخرى..
- قصاصات الورق التي تحمل كلمات الحب والعشق والتي اضعها في سلة عند مدخل الباب فعندما اكون في العمل وهو
في اجازة او كنت نائمة او غير موجوده يأخذ ورقة كلما اشتاق لي ويقرأها..واظطر الى ان املأ السلة كل يومين او ثلاثه
لانه يأخذ من السلة حتى لو كنت في البيت..


- النقاش على طريقتنا الخاصة ..فقد وضعت صندوقين مفتاح صندوقي عنده ومفتاح صندوقه عندي..انا اضع ملاحظاتي
المكتوبه على قصاصات ورق صغيره في صندوقي وهو يضع ملاحظاته في صندوقه ..وفي اخر كل اسبوع او في يوم اجازته
يفتح كل منا صندوق الاخر ويبدأ بقراءة الملاحظات ..واحيانا مفاجأة بسفره او هديه او عتاب..ونتناقش وزوجي تعود على هالشي..


- زيارة زوجي في مقر عمله واحضار العشاء او الغداء او الفطور على حسب وقت دوامه ...فتعود على ذلك ولا يحاتي الوجبات هذه وان تأخرت او انشغلت يوما ..يحزن ويتصل ليتطمن ويسأل ان كنت مريضة او زعلانه من شي..

- اللعب من فترة واخرى ..مثل العراك بالبالونات المليئة بالماء...او العراك بالمخدات وغيرها فزوجي تعود على هذه الحركات
والالعاب وان لم نلعب لفترة طويلة يحاتي ويسأل ويشتاق لتلك الالعاب فيبدأ هو..


- قبله قبل النوم ولا يغمض عينيه قبل ان يحصل عليها.. وقبله عند الاستيقاظ ولا يتحرك من فراشه بدونها..

وهنـــاك اشياء كثيرة في البيت وخارج البيت...وهو بعد معودني على اشياء وااااااااااااااايده..

الله يسعدكم ويحفظكم

اختج ---- لمني بشوق





الاروع تواجدج يالغلا في الموضوع واضافتج الاكثر من رائعة

ماشاء الله لا اله الله

اللهم صل على سيدنا محمد وال سيدنا محمد

عادات جملية جدا جدا جدا

ماشاء الله عليكم عيني علىيكم باردة

قمة في الرومنسية

لا يحرمكم ويزيدكم من واسع فضله

الله يسخر قلوبكم دوم الدوم لبعض


ملاكين الابداعين في الحياة الزوجية انتي وزوجج ^_^

شرفتي ياغالية الموضوع

واستفدنا وايد من اضافتج الغالية يابعدهم

لا تحرميني هالطلة الغالية على قلبي حبيبتي لمني بشوق^_^



اقتباس:

المشاركة الأصلية كتبت بواسطة أم أغلى البشر (المشاركة 1856829)
للأسف أنا ما تعود شي مني كل ما أسويله شي و أقطعه ابا أشوف ردت فعله احسها عادي عنده و لا حتى يذكرها في أول زواجنا كانت اطرش له مسج أول ما يطلع من البيت رايح للدوام و بعدين قطعته أشوف بيذكر و الحبيب مطنش عادي عنده و مرات أقوله طمني يوم توصل الدوام و لا يطمني و ازعل منه بس ماشي فايده ما أدري شو الحل احس كل شي عادي عنده اهتميت و لا ما اهتميت النتيجه واحد ...و الله صرت بارده مثله و وايد أنسى كل ما أقول بسويله شي أنسى ..

ابي رايكم شو الحل مع مثل هذا النوع من الازواج..؟؟


اهلين احتي الغالية ام اغلى البشر

له له لا تقولي جذيه

المسالة مسألة تعود ووقت

ويكفي انج تقومين بواجباتج على اكمل وجه معاه

ماعليه خليج الاحسن وتواصلي وتقربي منه اكثر بعض عادات الرجل الشرقي صعبة المراس

استمري فترة طويلة وبعدها اسكتي عنه يومين وبحس هو بنفسه بالفرق

اتعمال معاه مثل الطفل الكبير

وان شاؤ الله ربي يسعد قلوبكم مع بعض ويسخره لج ويحنن قلبه علج يااارب


شرفتي ياوردة معانا وان شاء الله تستفيدي ومرة ثانية نبي بشارات :22:

لا تحرمينا طلاتج حبيبتي ^_^



اقتباس:

المشاركة الأصلية كتبت بواسطة سحر أنثى (المشاركة 1856882)
الافكار مرررة حلوة..
انا العادة اللي عندي.
ادخل له كل يوم عالماسنجر واكتب له كلام غزل وشوووق،وحركاات ناوية اعملها لما يرجع من العمل
ويرجع وهو مشتاااق.



ماشاء الله ماشاء الله

الله الله شهالحركات الزينة الحلوة ياحلوة انتي

وايد حلو واكيد تاثيرها راح يبان وقت وصوله الله يرده عليج سالم بكل الاوقات ولا يحرمج طلته عليكم

تسلمين على الاضافة الاكثر من رائعه

شرفتي ياغلاهم ولاهنتي

لا تحرمينا احنا بعد من هالطلات الغالية ياغالية ^_^

خيوط الحزن 04-06-2008 05:37 PM

اقتباس:

المشاركة الأصلية كتبت بواسطة الفارس 2007 (المشاركة 1856780)
الله يوفقكم مع ازواجمك ويسعدكم دنيا واخره ،،،

اسمحولي اني اضيف ردي مع ان الموضوع موجه للزوجة !!!!

انا لي ست سنوات متزوج انا اصحي نفسي للعمل !!!!
وزوجتي ماعودتني على اي شي بالعكس انا ارسلها رسايل حب من العمل انا اكتبها من صميم قلبي وووو الخ ،،،!!!!!

اتمنى التوفيق للجميع ،،،،

ههه لاتزعل أخوي ولا شي ترى في زوجات مايعرفن هالسوالف اهم شي مهتمه ف البيت والريل والعيال مايعرفن اسوون حتى حفلات رومنسيه .. الحمد لله أهم شي الراحه ..

-نوران- 04-06-2008 05:38 PM

عندي اقتراح
اتمنى تضيفوا الموضوع لمفضلة عالم المتزوجين لأنه فعلا موضوع مفيد و مميز

بسمات الروح 05-06-2008 12:18 AM

خيوط الحزن


نوران


اهلين حبيباتي في الموضوع مرة ثانية


اشكرك جزيل الشكر نوران على هذا الاطراء المميز

تسلمي لي ياقمر على اقتراحك الحلو

عيون فتانه 05-06-2008 12:26 AM

اقتباس:

المشاركة الأصلية كتبت بواسطة احلاهم واتحداكم (المشاركة 1856670)
تصحيح الخطأ المطبعي
ياليت هذا السؤال يتوجه لأزواجنا...
بالنسبة لي ما أدري عن زوجي شنو يحب و شنو مايحب!!!!
أحسه كل شي وااااااحد عنده

وانه مثلك

الفارس 2007 05-06-2008 08:54 AM

اشكرك اختي دمعات الروح على ردك الجميل ،،، جزاك الله خير

واشكر الاخت خيوط الحزن على ردك ،، (الله يبعدك عنك الحزن ويجعلك سعيده دنيا واخره ويرزقك الزوج الصالح )

اتمنى للجميع السعاده ،،،

بنت حيرانه 05-06-2008 11:35 AM

موضوع قيم واكيد استفدت منه كتييييير
انا مو متزوجة بس ناوية ان شاء الله انى اطبق معظم تلك العادات علشان ما يستغنى عني ابدااا :)

http://dl4.glitter-graphics.net/pub/...ygkpzfr3jr.gif

mysoso 05-06-2008 05:16 PM

انا زوجي متعود عليا اذا وافق في اي شي اطلبه منه على طول ارسل له رساله شكر ومحبه من القلب واذا ماارسلت يقول غريبه ماارسلتيلي شي

الزاجله 05-06-2008 07:41 PM

انا عودته ان اصحيه الصبح للدوام واسوي له كوب الشاي وانتظره لين يششرب ويخلص وودعه عند الباب الفجر مره كنا متزاعلين جهزت كل شي ودخلت انام جه من دوامه يقول اشفيج معصبه مع اني كنت عادي وصالحني خخخ كسر خاطري

* والشي اللي تعود عليه استقباله عند عودته من العمل وتجهيز اغراضه ومرة تاخر بالدوام وماسلمت عليه قال وين السلام اليوم ولا في كلمه الله يعطيك العافيه مع اني قلتها

*وان اذا كنت بابات بيت هلي اترك رسايل ونوتات في كل مكان في الغرفه حتى عند اللمبات وطبعا قبلها عطري

الله يسخر للجميع ازوجهم ان شاء الله ويهدي سركم وبالكم يارب

صمت الهوى 05-06-2008 08:24 PM

الله يديم الحب والمودة والرضا بين كل زوجين ويبعد عنهم كل عين ومكروه

بالنسبة لي عودت زوجي انه مايطلع الصباح للدوام الا ببوسة وادعيله حتى لو كنت تعبانه ونايمه يبوسني قبل مايطلع لانه تعود واذا رجع من العمل كذلك

عودته ايضا اني اذا سافرت لاهلي اضع له رساله على السرير دائما حافظ مكانها ويكون معها شي من اغراضي الشخصية واعطرها بالعطر اللي يحبه وكل مرة يتوقع وجود شي طبعا طوال مدة سفري يتعذب
يوصلني للمطار ويرجع للبيت يدور الرسالة

اعتاد انه ماينام الا ويدي بشعره العب بشعره الين ينام وطبعا العادة هذه اتعبته اذا كنت مسافرة يصير معه ارق نوم لكنها من صالحي بحيث انه بكل ويك اند يجي مايستغني

تحيـاااااااااااتي...............


الساعة الآن 01:41 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©