ربنا يخفف عنك و يفرج همك ،

وان شاء الله ربنا يرزقك الزوج الصالح ،،

في أمان الله ...

والله ينايت احس فيك وبقوه.. قهر بنات اصغر مني ب8 سنوات.. قادرات يسوون اللي يبون.. حتى بالبس والمكياج وكل شئ.. ويدلعون .. وعادي تزور صاحباتها وتروح وتجي .. لانها متزوجه.. عادي تروح مع السواق يوصلها لاي مكان لانها متزوجه.. عادي تروح هي واخواتها اللي اصغر منها.. لانها متزوجه.. والكل يحترمها ويقدرها لانها متزوجه وكلمتها مسموعه..


في وقت انتي محرومه لانك غير متزوجه.. وكانه الرجال هو الجنة وبدون جحيم الحياة تكون..

وكانه اللي عمرها 18 متزوجة.. تفهم اكثر من اللي عمرها 35 وما تزوجت..


انا وضعي مثلك ويمكن ازفت.. ممنوع اروح لصديقاتي ولا زيارات ولا اخرج لبيت خوالي لانه عندهم شباب.. ولا اكلم كثير بنات اخوالي.. لانه فيه بيتهم شباب.. وووصل مراحل انه ممنوع اسافر لبيت جدتي.. لانه غير متزوجه.. في وقت بنات خوالي اللي بعمري متزوجات يحق لهم السفر.. بس انا الناس راح تتكلم علي ولو سافرت ...لبيت جدتي.. والناس الباقين عادي يسافرون.. كثير امور ننحرم منها .. والله توصل مرحله هم يدفعونك للانحراف من شدة صرامتهم...



وساعات اقرا قصص البنات اللي غير مسلمات اللي تعمل رقاصة واللي تعمل نادله وواللي كانت لياليها رقص طول الليل وكاسات الخمر..

وبالنهاية تعرفت على شاب في احدى الجلسات.. وتكلم معها عن الاسلام.. واسلمت على يده.. وتزوجها..


والله ساعات احسد هذولي البنات.. صحيح ماضيهم اسود... بس هذا ما منع الشباب المسلم يتزوجهم.., في وقت احنا المصونات اللي نخاف على سمعتنا.. ونبتعد عن الحرام ولا احد يعبرنا.. وبالعكس ننذم وتتفضل البنت الغير مصونه علينا..



زمن معكوس ويقهر..


ويمكن انتي ما وصلكم.. بس وصلنا.. اذا رحتي تبين تتزوجين يكون اكثر الطلب مسيار.. الله واكبر.. حنا صنا نفسنا على الحرام نبي استقرار..

واخر شئ يبون يتزوجنا مسيار.. يعني ساعة من اسبوع يجي يقضي غرضه ويمشي.. ولا اجيب عيال ولا نفقه ولا شئ..

ويطلقني اذا شبع.. انسانه مالها حقوق..

وغيرنا من البنات اللي لاحشه ولا دين.. معززه مكرمه..

كيفك يا اختنا وإنشاء الله تكونين بخير وعافيه ياربي

المهم احمدي الله على كل حال وعلى الإنسان ان لا يرفض نصيبه ويؤمن بالقضاء والقدر وبصراحه لا أعرف بالنسبه لشرعية بعض العبارات

مثل العباره التي في السطر قبل الاخير

صدقيني يا اختي اني اتمنى لك الخير والسعاده والتوفيق

الله يستر عليكي ويوفقك

هههههههههههههه انامنطلقة وع 23 مابي سوواقة ابي بس ازور صديقاتي بس مع اهلي متفهمين وطيبيبن معي بس هناااا المشكله روحة لهم لا لازم يجوونك بعدين تروحين
متى اشووف صديقاتي اذاجت تتزوج ارووح اسلم عليها واشتري هدية لها واسلم وارجع حتى مااطوول م ع العلم ان صديقاتي بنات ناس وحمايل بس الشكووى لله تقالمناااااااااااااا
الله يعووضني ويعووض الجميع ويسعدكم

واياك اختي ..

بالنسبة لسوؤالك ..لأني غير واثقة في المجتمع اللي حولها ... والبنت مهما كان مخلوق ضعيف .. ممكن يصير لها اي شيء غصب عنها وليس برغبة منها ... ولن تعرف كيف تتصرف لأنها بالدرجة الأولى ضعيفة في عالم متوحش .. والشي الثاني انها قليلة الخبرة ..فيصعب عليها ان تحدد التصرف السليم ...حتى وان ظنت انه تصرف سليم في وقتها ..ولكنه قد يظهر فيما بعد حطأه ...

وكما قلت ستر مصيبة المتزوجة أسهل من ستر مصيبة البنت ..


انا الآن اذكر نفسي جيدا قبل الزواج كيف كنت امنع من الخروج رغم ثقة اهلي بي ..ولكن عندما اتذكر بعض المرات التي كان لا بد أن اتصرف كيف أسأت التصرف وكنت أظن اني احسنت صنعا ...لالشيء الا لانني قليلة الخبرة بالحياة ...وقليلة الخبرة بنفوس البشر ...

مب كل الناس طيبة وقلبها ابيض زيك يا نايت ... وهذا يصعب علينا الحكم على البشر والتعامل معهم ...


آسفة للاطالة ... ولكن هوني عليك فالأمر اهون مما تظنين ....