عزيزتي قد يكون كلامك صحيح وفيه من التبذير لكن لا تنسين ان كل دولة تختلف عن الدولة الثانيه بعاداتها واسعارها وطريقة حياة شعبها.. عندنا في السعودية كل الناس تلبس ومارح تقدرين تكونين اقل من الناس كلهم حتى اللي ماعنده يشتري ويلبس بالذااات في العيد وعندنا الاسعار غاليه نار نار يعني انتي قلتي مبلغ 2500 على اي اساس؟؟ في اسواقنا ماتكفي ست اشخاص مستحيل الا لو راحو اسواق شعبية وغالبا الفقراء هم اللي يشترون من الاسواق الشعبيه..

انا برأئي انك تشاور زوجتك بينك وبينها كم محتاجة واي سوق رايحه او بالاصح اي محل هل هو ماركه او لا لان اسعار الماركات اكثر من اسعار المحلات العاديه..وكل عام وانتوا بخير

هو سؤال


هو هذا اول عيد يمر عليكم ؟؟؟


السنه كلها الاسواق فيها تخفيضات
و المشاغل مفتوحه

الان السؤال الاهم زوجتك كم طالبه منك للعيد هيه و بناتها؟؟

و انت ما هي مقدرتك ؟؟

و في طريقه

ممكن زوجتك تجمع ملابس من الاسواق

الغاليه و الرخيصه و يتكون لها مجموعه تمشيها هالعيدهي وبناتكم

وممكن البنات يلبسو من بعض محد حيحفظ ملابسهم


يتبادلو الملابس السنين الي فاتت ويضيفو اكسسوارات جديده و تطلع كانها جديده

يعني من الكبيره للصغيره

لانه حرام التذبير
لكن نصيحه مجربه
اشتري و زوجتك احتياجاتكم خلال السنه

لان شهر رمضان للعباده والله يسهل علجميع

اسألهم كم يبغون, هم اعرف بحاجتهم..

اخوي الان كل شي غالي الاكل والشرب بصفه عامه وماحد يخفاه هذا الشي والملابس بعد ارتفعت
فاذا كل وحده محتاجه فستان او تايور أساسي و واحد ثاني اقل منه غيار يعني (اذا كان في عيلتكم جمعات وروحات وجيات) وشنطة وجزمه اعزك الله واكسسورات للبس والشعر و ملابس الداخليه
اذا تشترون من الماركات كل وحده تحتاج 1000 أو 800
اما اذا عادي او تقليد ماركات احتمال بحدود 600 او 700
يالله اذكر وحنا صغار كان في العيد اهلي الله يرفع قدرهم ويجزاهم عني خير الجزاء يشترون لكل وحده لبسين مع ملحقاتها من شنطه وجزمه......مع ماذكرت في الاعلى مع ذهب وقبل العيد اللي بعده كان ينباع وينشرى نقشه جديدة الان الذهب غالي والبنات ماعاد اهلهم يلبسونهم ذهب كثير مثل زمان وبتجديد مستمر فالا نحرمهم الاكسسوارات على الاقل.
وترا البنات نفسياتهم حساسه اذا شافت البنات اللي حولها كلهم احسن منها وترا بيعايرونهم وممكن تنعزل البنت عن الناس وتصير انطوائية.فالاتقصر بأنهم يصيرون اقل ولا تسرف بأنهم يصيرون فوق الجميع والله يبارك لك فيهن ويستر عليهن ويرزق برهن.

السلام عليكم

اخوي هذا يعتمد عليكم من الناحية الماديه ... ومن الناحيه الاجتماعيه

يعني اذا كانوا عائلتك يحبون الماركه وايام العيد الثلاثه كلها ارتباطات غداء وعشاء

الله يعينك <<<<<<<< كبر الميزانيه

واذا كانوا من النوع الي يلبس ماركه بس الارتباط قليل في العيد <<<<<<<< الميزانية اقل

وقس على ذلك

انا شخصيا ما اشتري لنفسي كل عيد ... يعني اذا عيدت عند اهل زوجي البس لبس سبق لبسته عند اقاربي بس ماشافوه اهل زوجي... والعكس
والله لي حوالي 3 سنوات ماشريتلي لبس خاص بالعيد ,,, غالبا ملابس الصيف

وبالتوفيق اخوي

أنت كم ميزانيتك..و إحتايجاتك و على اساسه تحدد كل واحدة كم ميزانيتها..
حسب نوع عائلتك هل هم من النوع اللي يعتمد على العيد في الكسوة..يعني ما ينزلوا السوق غير نزلة العيد..أو من النوع إللي دائما في السوق مع كل راتب..
كمان يختلف حسب عمر البنت يعني الصغيره ممكن تجيب لها أشياء كثيرة بمبلغ ما يجيب للكبيرة غير قطعتين..

السلام عليكم و رحمة الله و بركاته

يعتمد الصرف على حالتك المادية اخي الكريم

ولكنني بصراحة أرى ان الاسعار المعروضة من قبل الأخوة مبالغ فيها جدا


200 ريال لكل بنت كاف حسب وجهة نظري و الام المدبرة هي التي تعلم متى تشتري و متى تمتنع عن الشراء في موسم الاعياد

اختي الوفيه 200 لبنات كبار ؟؟ هالحين جينز ما يجى ب 200 ريال صلى ع النبى