وانا بعد حبيبتي هناوي اعاني من هالمشكلة
انا بعد الزواج زدت اكثر من 20 كيلو وكانت الزبادة الكبيرة في فترة 6 اشهر
بسبب ظروف مريت بيها
وانا لما اكون مضايقة او مقهورة من شي او حاسة بالفراغ اكل
وخاصة الحلويات والشوكلاطة
وبصراحة زوجي ابد ما يشجعني ولا يساعدني بالعكس دايما
يقول تعالي ويخليني اكل وبعدين يقولي لازمك تخففي وزنك
وانا انقهر وان شاء الله انا ناوية في هذا الرمضان اخفف وزني
وانا ماشية على نظام اكل بس 3 او 5 تمرات وصحن شوربة وسلطة
مع شرب الكثير من الماء وبعد التراويح اخذ قطعة واحدة حلو من اي شي انا مسويته
الله يعينا ان شاء الله ونوصل للوزن اللي نبغاه

ضموووووني معاكم بالتنافس

طولي 158 تقريبا انا وانتي سوا يا هناوي
ووزني حسب اخر الاحصائيات :) 63
قبل الزواج و الحمل كنت 58 تقريبا انزل كيلو او اطلع كيلو
حابة انحف على الاقل 5 كيلو المتركزة في الكرش :)

شوفي فطوري حبة تمر بس و يالله اني اكملها لاني ماحب الحلو
و سلطة و عصاير و شي اسمه شفوت ( عبارة عن جباتي مع خليط مكون من زيادي و حليب
و قلقل اخضر و شوية ثومة و كزبرة ( جربيها فعلا مفيد و يشبع
و جنبه قطعة بيتزا او حبتين خلية نحل
و بعدين اظل من وقت الفطور لين الساعة 3 الفجر على الماي و العصاير
لاني مرضعة
و السحور .. حسب ساعات خفيف ساندويتشات
و احيانا رز :) . حسب المتوقر :) لانه زوجي ما يتسحر
و انا ماحب اطبخ لي وحدي
بس ما انام بعدها على طول .. على الاقل خلي ساعة ....
يالله اخر رمضان بنوزن و كل وحدة تقول كم نقصت
اوكييييييييي

و احنا معاكي :)