نعم ممكن تستغني عن الشغالة بشروط

1) إنك تكون شخص منظم و مرتب و معتمد على نفسك ..أغراضك في محلها..لمن تستخدم شيء ترجعه لمكانه..لمن تأكل تنظف الأواني اللي تستخدمها ..ملابسك النظيفة مرتبة في دولابك ..و الوسخة في سلة الغسيل في مكانها المخصص ...و تحافظ على نظافة المكان اللي أنت فيه..و تخدم نفسك بنفسك في كل شيء..

(سبحان الله هذه الأمور معدومة عند كثير من الرجال وهو سبب إعتماد الزوجة على الخادمة لأنه سي السيد تنقص رجولته و كرامته لو شال المنديل اللي مسح به من الأرض أو على الأقل يرميه في السلال اللي مرتبتها الزوجة في البيت..و تنقص رجولته لو قام شرب كأس موية من المطبخ ..و تنقص رجولته لو حط ملابسه الوسخة في سلة الملابس الوسخة)..

2)تستخدموا احدث الأجهزة للقيام باعمال البيت مثل غسالة الصحون ، غسالة الملابس الأوتوماتك ( اللي تغسل و تشطف و تنشف 100% بنفسها ) ، العجانة و الخلاطة و قدر الضغط لتسريع عملية الطبخ..

( وهذه كثير من الناس تستكثر سعرها الغالي لم تشتريها )

و الكوي عند المكوجي..و في حال زوجتك عاملة الأكل من المطاعم أو تصبر على الأكل المعد ليلا أو تصبر تطبخ لك بعد الدوام..

3) تساعد زوجتك في العناية بالأطفال ( يعني ما تقرف تحفضهم أو تحممهم أو تعملهم رضعاتهم و تتناوب مع زوجتك في النوم و السهر عليهم)

(وهذه من المستحيلات عند كثير من الرجال..و اللي يتقبلوها أو يعملوها يعتبروا أحجار كريمة و جواهر نادرة الوجود)

و تتنازل عن فرصة الجلوس مع زوجتك بهدوء كما في الأيام الأولى للزواج..

أنسى مرررة إنك تستمتع بوقتك بهدوء مع زوجتك لو خلفتم ..
لمن تتزوج حاول قدر الإمكان تستمتع بوقتك قبل ما يجوا الأولاد ..أستغل كل دقيقة و كل ثانية..و لا تبخل على زوجتك لا بسفر و لا بمطاعم رومانسية..و لا بأي شيء..
من أول يوم تصير فيه أب أنسى الهدوء..
ممكن تضطر تجيب شغالة بس عشان تلاقي وقت هدوء مع زوجتك..

انا اشووف انة تقدر تستغني عنهااا
شوف انا عندي اثنين بنت وولد وكلهم تحت 3 سنوات وبيتي يعني موكبير شوي بس متعب
وانا يومياا اطبخ واهتم بعيالي وزوجي دائما يجي وانا مرتبة وعيالي كماااان
يعني عااااااااادي وفوق هذا كلة اجلس اختلي بنفسي ساعتين او ثلاث اذا ناامو كلهم
اجلس اقرأ او على النت

اهم شي الواااحد ينظم نفسة وراااح يلحق على كل شي ان شاء الله
ويكووون مرتاح نفسيااااا

بس الاحلى من هذا كلة زوووجي دائما يقدر مجهوداتي وتعبي عشااانهم

ممكن خادمة بس ما تبات فى البيت

تبغون الصراحه هالايام البيت من غير خادمه صعب ادارته وخاصة اذا كان البيت كبير اما ان كان البيت صغير وام العيال ما تشتغل يعني متفرغه انا في رأيي ما في داعي لان وعن تجربه قدرت ام العيال اتدير بيتها وبكل جداره بمساعدتي لها لاني وفرت لها كل شي من الالف حتى الياء وخاصة هالايام متوفر غسالات الملابس الاوتماتيكيه وحتى غسالة الصحون يعني بكبسة زر اتنظف لك الملابس والصحون اما بالنسبه للكوي انا في رأيي تاخذ الملابس للمغسله وترحم ام العيال بتنال الاجر وذلك لصعوبة هالمهمه !! فما بقي سوى الطبخ وتنظيف البيت وهذا الحمدلله سهل ولو تذكرت البنت امها كيف كانت تدير البيت ومن غير الوسائل الحديثه كالمكنسه الكهربائيه والغسالات والادوات الاخرى وقد يكون لديها اكثر من عشرة اولاد واحيانا تكون حامل لهان الامر عليها ولكن بناتنا للاسف دلوعات شوي !!!!