قاعات الزواج وغيرها من المصاريف والبهرجة الفاضيه باختصار هي نتيجة لسطحية التفكير والفهم الخاطئ لمشروعية الزواج
مجرد مضاهر فارغة لا يسلم منها الى من آتاه الله الحكمة { وَمَنْ يُؤْتَى الْحِكْمَةَ فَقَدْ أُوتِيَ خَيْرًا كَثِيرًا }

تعرف اخوي شغموم..
انا وحده ضد البهرجة.. والمهور الغالية.. وانا اصلا اذا الله يسر لي .. زواجي راح يكون باستراحه.. الا اذا هو طلب كيفه.. بس دين لا.. حفلة ملكة.. هذي مشيوله من راسي نهائي.. وليلة حنا .. رفض مطلق... انا ضد حفل ملكة.. يوم حنا.. حفل عرس .. حفل مدري اايش وش هذي السخافات.. ليلة عرس وهادئة ننبسط فيها مع صديقاتي وقريباتي وبس....

بس اخوي بقولك شئ.. وانت احكم..مشكلة .. نظرة الرجل الدونية للمرأة اذا جاته بتيسير.. ما اتكلم عن اي مجمع..اتكلم عن مجتمعنا.. لانه ظاهرة البهرجة قويه..
زمان كنت افكر انه زواجي عائلي جدا جدا جدا.. وكنت افكر اخفض مهري كثير جدا.. لكن الاوضاع اللي شفتها لقريباتي وصديقاتي.. من مرارة بعد زواجهم.. خلتني اغير النظرة.. وافكر بالاستراحه.. ورفع مهري..

مشكلة الكذب.. البنت تخفض مهرها.. وتلغي ليلة العرس.. على وعد من الزوج المصون انه راح يوفر الفلوس ويسافر معها.. ويعيشون شهر عسل خيالي.. بعد الزواج.. ولا شئ يصير.. تكتشف كذبه.. تبقى مكسورة من داخلها انها حرمت نفسها فرحة الفستان الابيض.. وحضور صديقاتها وفرحة العمر.. وبالاخير..ولا فرحة تذوق..

مشكلة ثانية الاحتقار.. بقولك على سبيل المثال.. عائلتي من العوائل اللي ما تكلف على الرجال شئ يذكر.. بس يدفع 40 الف مهرها.. وبعضهم مهرها 28 الف.. فقط.. ولا يطالب بليلة عرس..ولا انها تسكن لحالها..الزواج يكون بسيط جدا جدا ببيت اهل البنت بحضور العائلة.. والسكن اذا عنده فلوس يسكنها..واذا ماعنده يسكنها مع اهله.. النهاية للاسف احتقرن بنات العائلة.. هي والجزمة وانت بكرامة سوى..لانها بنظرهم رخيصة.. وماله داعي.. يدفع لها شئ.. الحين صار رفع مهور بنات العائلة ..ومطالبة بليلة العرس .. وتسكن لوحدها..حفاظ على كرامة بنتهم..

وهذا مو بس بعائلتي والله عوائل ثانية اعرفها كذا كثير.. والمشكلة حتى اهل الولد يضيقونها.. انه بنزوج ولدنا الثاني القيمة بالنت الفلانية بالقيمة الفلانية.. مو انتي ...... وكل شوي يذكرونها باللي يبون يسوونه بعرس فلان..

في منهم اعرفهم.. يجلس زوجها يردد عبارة انا ماتمعت بعرسي.. انا وانا.. ويجلس كل شوي يذكرها بليلة عرسهم بكل سخريه..

وسبق قرأت قصة لمرأة كان اذا طلبت منه شئ يقولها لو عليك القيمة ما كان جيتيني رخيصه..

7

7

7

7
والامر.. والمحزن.. لما يقولها صريحه ابي اتزوج ثانية ابي احس اني معرس..

أختي الفاضلة فعلا مثل ما تفضلتي هناك من يقعد يقول مثل هذه السخافات وتصير نكد على الزوجة بدل مو تسهيل عليه لكن ايضاً العكس يكون سبب في النكد راح يقول خسرت فلوسي على شيء ما يسوى ليتني وفرت فلوسي شوفي فلان تزوج وما شاء الله كان اهل زوجته متعاونين معه أهلك بايعينك لي بيع مو زواج ووو من الكلام اللي ما يخفى عن الجميع والسبب في حصول ما تقدم هو المحانك بين الزوجين ومحاولة الزوج رفع ضغطها وإلا في الحقيقة في داخل صدره مبسوط أنهم متساهلين معه


يقال في قصة أنا وأحد تزوج بنت عمه وحط عمه المهر ريال واحد
وبعد الزواج صار يعايرة علبة بيبسي علبة بيسي وكانت المسكينة صابرة عليه لين طقت من الصبر وراحت بيت أبوها وعلمته فزعل أبوها وكلم أخوه وقال له قدرناكم وزوجناكم ومطلبنا مهر فتفق الاثنين الأب والعم على الولد وقالوا ما ترجع الا بمئة ألف ريال المهم دبرها الرجال ورد الحرمة فصار إذا شافها توقعوا وش يقول لها

.
.
.



مصنع بيبسي جاء مصنع بيسي راح



يعني التعليق صاير سواء المهر قليل أو كثير

قصه البيبسي ابويه الله يحفظه حكاني عنها

وشكها حقيقيه بس والله يقولون انعدل بعدها يستاهل


عذرا على المداخله مره اخرى

الزوج رفع ضغطها وإلا في الحقيقة في داخل صدره مبسوط أنهم متساهلين معه

اذا انت تتكلم عن اللي تساهلوا معه .. انه مبسوط من داخله بس يرفع ضغط زوجته.. يقول لها كذا..

اقولك صدقني لا.. بالعكس .. تزوجوا ..وواحد دفع لحرمته الثانية مهر 150 الف ريال.. وليلة زواج كبيرة.. وشقه لحالها..ودلال ودلع.. والاولى والله كان يضربها وهي نفاس.. لانها رمت السفره..اللي تكون مجموعة سفر ب10 ريال .. على شكل لفه..يقولها انا شريتها عشان تغسلينها وتجلس سنة كامله.. مو ترمينها..

وفيه منهم فعلا ندمان يقول ما حسينا اننا معاريس.. وينصحون اي واحد يتزوج يقولون انبسط... وواحد واثنين طلقوا.. ووكذا واحد تزوج عليها.. وبعضهم مهملها ..

انا مع الوسطية.. لا مهر عالي جدا.. 35 الف كويس.. ولا زواج فخم.. استراحه وبس.. وشقه على قدهم يسوونها والثأثيث حبه حبه..