|
:سبحااااان الله كانك في تشاابه كبيير بيني و بينك
اللهم اني ماسويت الابرة (كنت اصرخ عشان يسووها و امي مارضت .. قالت لااااااااا تعطونها) قمت اصارخ فوق امي :) مسكينة خليني احكيها >>>>وحدة فاضية :) :22: الحمدلله طول فترة حملي ماكانت تجيني اي الام (( وكنت اسمع عن الولادة الكاذبة الخ و اقول اشمعنى انا ؟؟:25: بس الحمدلله ربي كان رحيييم فيني و ماجتني الالام الا يوم الولادة ,,,تعب يوم و لا كل يوم :) المهم الساعة السابعة و النصف من صباح 23 ابريل :)بدت الالام و صحيت للحمام و نزل مثل ماقلتي افرازات كثييرة بلون مختلف ... امي قالت خلاااص ولادة.. اتصلت بزوجي اقوله تعاال بولد ...و زوجي بدولة ثانية .. و من ساعتها من الساعة 7 بديت احسب الالم كل ساعة بس الم محتمل .... و كنت مبسوووطة :17: <<اقول بنفسي الم محتمل اييه لو الاولادة كدا ياا سلامم و ظليت ادعي للبنات .. صحبااتي و لنفسي و لبنات المنتدى و كل اللي اعرفهم :) لغاية الساعة 10 فطرت عاادي و الحال نفسة و الالم يزيد كل 30 دقيقة و انا امشي بالبيت و معي الورقة و القلم اسجل الوقت :) :) .. الساعة 11 كانت عندي موعد روتيني مع الدكتورة .. قالت لي خلااص الرحم مفتوح 2 الساعة 9 اليوم تكوني والدة .. بس روحتني البيت و قالت لما يصير الالم كل 5 دقايق تعالي.. المهم على الساعة 2 اتغديت و لا احسن :25: و شفت مسلسلي اليومي :22: و بعدها على الساعة 4 صار الالم كل 5 دقايق اتصلت عالاسعاف الا و الحرمة تقول لي لما يصير الالم كل دقيقتين تعالي اقولهاا انا بولد تقولي ماعندي سيارة اسعاف الحين استني 45 دقيقة اتصووررري :) طبقت السماعة و اتصلت بجارتي اخذتني المستشفى المهم عالساعة 4 كان الرحم مفتوح 4 لبسوني المريول و خلوني بالغرفة مع امي ,,, و مازال الالم مستحمل و انا مبسوطة و ادعي بعدها من الساعة 5 بدت المأساة خلااص صاار الم ولاادة و انا اصارخ عطووني شي .. عطوني قناع الاكسجين بس مانفع و امي تحاول تهدي و انا اقولهم سيبوووني ماحد يلمسني و مارضت يعطوني الابرة خاافت علي ...ساعتها والله من شدة الالم نسيييت كل اللي براسي ونسسييت الادعية و نسسسييت كل العالم ماكان على لساني الا يارب سهلها... المهم بدت تجيني الزحمة ... و الممرضة تقولي لاا لا تدفعي لانه لسه الرحم مقفول ولو زحمتي ممكن تتقطعي !!!! و اتخيلي 4 ساعات تجيني الزحمة و انا امسكها ,,, المم فظييع فظيييع فظييع .. افظع شعوور ممكن ينحس ان الوحدة تمسك نفسها من الدفع لغاية الساعة 9 جت الطبيبة الكبيرة تقولي لاا انتي ولااادة خلاص و من زماان ليش ما ولادووك اتار ي لممرضة الله يسامحها ما تدري عن شي... المهم جت الطبيبة تقولي يالله ولاده ادفعي ... انا طبعا خلااص كنت تعباانة مووت و ماعاد فيني حيل و اصلا ماعاد فيني زحمة ابدددا.. و بعدين بديت احاول و الطريقة غلط مثلك .. وهي توريني و انا ماقدرت .. و البيبي تعب و بدا نبضه يقل و انا احاول .. و مافي فايدة و دخلوا ممرضتين ثانيتين .. و خربطة ساعتها امي خاافت علي مسكيينة و هربت للباب و داخت :) .. و انا احاول ادفع زي ماتقولي الطبيبة... اخر شي قالت لي باقي معك محاولة و احننا بنساعدك خلي صورة اليبي قدامك و لا شوفي اما عملية و اما بيموت بعيد الشرعن قلبه المهم قطعت لي و جابت الشفاطة و بنفس واحد دفعت و هي شفطت .. بس بعدين وقفتني و طلع انه الحبل مربوط على رقبته ... و الحمدلله بالنهاية فكتة و شفطت اليبيي و سبحان الله يابنات والله ساعة ما يطلع كل الالم يختفيي .. و لا كانك كنتي تولدي ,,, ربي مايحرم هذا الاحساس لحد حتى ساعة ماولدت خيطت لي الطبيبة و قالت لي يالله قومي سوي دش... قلت لهاا لااا لسه شعري مستشور :) ... كلهم ضحكوا عليا .. لسه فيكي حيل تضحكي :17::17: المهم جابوه على صدري بس مع الشفاط سابت علم على راسه سااعتها خفت قلت ايش هذا.. ابني ايش فيه .. بعدين وضحوا لي انه بيروح ... والحمدلله رب العالمين طوولت عليكم بس على رايك يمكن غيرنا يستفيد بس لكل الحوامل .. فعلا لا تقلقوا الولادة و المها يختلف من وحدة للثانية .. نساء يتعبوا و نساء بساعة يولدو ربي يجعلها ساعة سهلهة علييكم يااارب .. وو صدقا كل الالم ينتسا بعد الولادة وو شوفة اليبيبي بحضنك و ربي يرزق كل المتاخريين ياارب كريستااالتي مررة ثانية الف الف الف مبرووووك ياقلبي و ربي يحفظه و يجعله من الذرية الصالحة يارب العالمين بس ماقلتي لي كيف احساس الامومة :) .. ها متعبك عبوودي ..بووسي لي يااه |
كريستالا الحين شفت ردك عن الم الخياطة ... وما ادراك مالم الخياطة .. حبيبتي كلها كم من اسبوع و ترتاحي ..
بس نصيييييحة ياقلبي لا تجلسي ابدا خليك دايما ممددة .. صدقيني .. اانا كانت ولادتي ايام امتحاناتي وبعد الولادة باسبوع رجعت عالابتوب اسوي الورك وادرس و بسبب القعدة افتتحت الخياطة .. خليها على الله بس .. فعشان كدا .. انتبهي.. راح تحسين نفسك بعد 10 ايام اوكي و كل شي التئم .. لكن بالحقيقة لسه من جوة ما التئم تماما .. فا انتبهي على نفسك و ارتاحي على الاقل 4 اسابيع مع مشي خفيف بالبيت ... ملوووكة ياقلبي ربيي يجعلها سااعة سهلها عليكي ياارب |
آآآآآآآآآآآآآآآآآآه
ذكرتوني بولادتي الثانيه كانت فظييييييييييييييييييييييييييييييييعه بجد وقت الولادة حسيت اني طلعت روحي ورجعت مرة ثانيه الحمد لله الله يهونها عليكم يااااارب ويسعدك يا كريستالا ويبارك لك في ولدك ويتربى في عزك وعز أبوه .. تقبلن تحيااااتي .. |
نورا
دوختيني وانا بقرا الله يسامحك احكيلي كنتي متلي دلوعة وماتتحملي حاجة ووقت الولادة تعلمتي عنجد؟يعني ولا الوحدة لما تكون دلوعة وماتتحمل اشي ممكن تروح فيها وهية بتولد؟ خبروني عنجد ممكن هيك يصير اكتئبت خوفتونييييييييييي |
الحمد للة على سلامتك اختي
والحمد للة على سلامة جميع الاخوات ويتربو اولادكم في غزكم وعقبالي اللة يهون عليا وعلى كل حامل |
اقتباس:
:d:d نفس الي حصل معايه انا بعد مامشيت أختفى الألم وأنقهرت لكن سبحان الله اليوم الثاني كانت الولاده بالعصر ومن جد المشي له تأثير في فتح الرحم وتسريعه هذا الكلام أقوله لأني بولادتي الأولى ماكنت أمشي وياالله ماأنسى ولادتي كيف كانت صعبه والطلق قوي بس الرحم مش راضي ينفتح حتى الدكتوره نفسها أستغربت وكانوا يقوموني من السرير وأنا في عز الألم يقولون لي أمشي عشان الرحم ينفتح فأخذت درس بحملي الثاني قبل اليوم ألي حددوا لي الولاده فيه بيومين كنت أمشي كثير واليوم ألي قبل الولاده حطمت الرقم القياسي بالمشي ونمت وماكان فيه أي ألم وبدت الآلام قبل الفجر بس كانت عاديه بس ماشاء الله أحس الرحم أنفتح بسرعه حتى بالمستشفى كنت أمشي كثير حتى وصلت 5 سم وبعدها خلاااااااااااااااااااص ماعاد قدرت كان الساعه ثلاثه العصر ماجاء أربعه العصر ألا وعبودي حبيبي بين يديه ماشاء الله بوسيلي الأمور عبووووودي والله يعينك على الخياطه وآلامهاياأم عبدالله وعقبالكم ياحواامل |
الحمدلله على سلامتك اختي كريستالا ... وباقي اخواتي ربي يسهلها عليكم ... وتقومو بالسلامه يارب ...
هموووم |
حمدا لله علي سلامة الجميع
وحتي تخففي من آلام الولاده ادعي ان يكون كل الم تحسين به كفاره لما لك من ذنوب والولاده امر قد كتبه الله لبنات آدم فلا يكون همك كيف سوف تتحملين الالم وانما كيف اكون صبوره وشجاعه فنحن الان نخرج اطفالنا في احسن المستشفيات واغلاها وكله عشان مانحس لكن هل سألنا انفسنا عن حال النساء قديما اظن لو تفكرنا في حالهن لعرفنا اننا بنعمه عظيمه جدا والغاليه ملك شادي لا تخافي فانواع المهدائات تكون تحت امرك ولكن اذا اراد الله ان تذوقي الالم فسوف تحسي به حتي في القيصري فأكثري من الدعاء اللهم هون الطلق وحسن الخلق اللهم ارزقنا الصبر والعافيه والذريه الصالحه اللهم سهل ولادتي وولاده جميع الاخوات |
الحمدلله على سلامتك أختي الحبيبه
آآآه ذكرتيني بالذي مضى كنت أخاف وأبكي لكن أجلس طول الوقت أدعي ربنا وأسبح وأحمده والحمدلله على كل حال تساهيل من ربنا |
الحمدلله على سلامتك كريستالا
و مبروك ما إجاك إن شالله يتربى بعزكم يا رب ما تكوني نسيتينا من الدعاء لحظة ولادتك بصراحة المواقف إلي عم تحكوها كلها مرهبة و مخيفة و بتجيب أرق أسأل الله إنو يهون علي و على كل الحوامل يا رب و يجعلها ساعة سهلة |
| الساعة الآن 06:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©