رايك على العين والراس ونصيحتك بصراحه افكر فيها

شاكرا لك اختي

اختي الكريمه بالنسه للاهمال والله العظيم انه واصل للاسف لدرجه تبكي البنت مره

ضايعه كلامها كلام اولاد وخشنه مره وتربيه غلط وأمور والله للاسف تقهرني

بس وشقول ..... حسبي الله ونعم الوكيل

فعلا كلامك والله صحيح للاسف.... والمشكله ان الجد هي التي خلف كل هالأمور

والان هي ما عندها الا بنتي تبغى تنكد علي راحتي الي انا فيها

تحياتي لك وشكرا

اخوي خذا بنتك وارتاح
اهم شي ترتاح البنت

المعذرة منك يا أخي ... ولكنني بصراحة ألحظ شيئاً من التهاون والاستسلام في تعاملك مع الموقف.

فمن يقول أن وجود البنت في حضانة والدتها يعني أن يتقلص حقك وتتلاشى مسؤوليتك وينتهي دورك في تربيتها؟!!!



أنت أب ... يعني مسؤول شرعاً وقانوناً عن ابنتك حتى لو كانت حضانتها عند والدتها.




أخي الفاضل..

أنا أفهم بالطبع أن حل مثل هذه الأمور بشكل ودي هو الأفضل دون شك ... ولكن إن كان الطريق أمام التفاهم الودي مسدوداً فليس من المنطق أن تستلم وتكتفي بـ(حسبي الله ونعم الوكيل) و(الله بيحاسبهم)!!

فكما أن الله سيحاسبهم .. فإنه جل وعلا سيحاسبك على تهاونك في إصلاح وضع ابنتك إن كانت بالفعل في وضع سيء .. وأنا هنا لا أتحدث عن الملابس والألعاب .. بل أتحدث عن التربية والسلوك والطبائع السيئة التي بدأت تلاحظها على ابنتك.

وأنا أبداً لا أشجع فصل الأبناء على والدتهم .. لأن الأم بطبيعة الحال هي الأقدر والأولى بحق رعايتهم دون جدال .... أما إن كانت الأم تتهاون في مسؤوليتها تلك فيفترض أن يكون لنا رأي آخر دون شك.

فإن كنت متأكداً من أن وضع ابنتك وحياتها مع والدتها ينعكس بشكل سلبي على تربيتها وسلوكها وشخصيتها كما تقول .. فإثبات ذلك أمام القضاء ليس صعباً.

بصراحه انا ما رايح اسكت وجالس افكر الان بشكل جدي اخذ بنتي

لان كل محاوله معهم سويتها لكن للاسف بدون تجاوب.... وما فيه حل قدامي الان الا أن تكون بنتي

عندي وهذا افضل لها

ا

اخوي فيصل قرأت ردك..

الام موظفة.. واغلبية اماكن العمل ماتوفر دور حضانه.. فاكيد البنت بتصير عند جدتها.. واذا تحتك مع اطفال ذكور بتاخذ من طباعهم..

وهذا شئ عادي.. حتى الطفلة الوحيدة لاب وام غير منفصلين اذا كل اخوانها ذكور تاخذ طباعهم.. بس من تدخل المدرسة تتغير..


انت اصلا حاط براسك تاخذ البنت.. وتدور الاعذار.. ولا وجدت البدائل... ولا فكرت في هذي الام المسكينة.. ولا فكرت في هذي الطفلة.. وحسبت الامر انه زوجتك الان حليوه.. لكن
هل راح تستمر على هذي الحال كل السنين الباقية؟؟؟
هل اذا جابت بعد سنة سنتين طفل جديد راح تبقى كذا؟؟؟
هل راح تعوض بنتك مكان امها؟؟ (( خصوصا اذا عندك بنات )) راح تلاحظ بنتك اللي من زوجتك الثانية فرق الحنان بينهم..


تصرفك فيه ظلم لام بنتك وبنتك.. انهم تفرقهم عن بعض.. خصوصا انت اب وتعرف غلاة الضنى.. تخيل ابنك مأخوذ منك ومحطوط عن رجال غيرك بالاضافة الى عيالها.. وانت وحيد..

انت رجل فيك تتزوج وتنجب.. بس المرأة مو على كيفها تتزوج وتجنب.. وهي مطلقة.. ومحرومه من طفلها..


اخوي بنتك حلها سهل جدا.. دخل بنتك للروضة.. وراح تلااحظ شلون تتغير.. راح تكون اكثر وقتها مع بنات.. ومن ترجع تنام مع امها..

والله مدري شقول لو انك قريتي كل ردودي على الأخوان

والأخوات كان فهمتي اصل المشكله.... ويكون بعلمك مو كل الأمهات مثل بعض فيهن

الحنونه الي تموت بضناها وفيهن الي تقطهم ولا تسأل عنهم وكثير نسمع قصص

وحكايات..... ويكون بعلمك ان فيه كثير اباء يعلم الله انهم افضل بكثير من الأمهات

وفي كثير زوجات اباء صاروا امهات واهتموا بأبناء ازواجهم عندما تخلت عنهم امهاتهم وهذا شي انا اعرفه لأنه فيه من جماعتنا حصل معهم هالشي.

كلامك انا اعرف قصده لأنك فاهمه اي بس اختلق الأعذار علشان اخذ بنتي!!!!!

وجوابي لك عند مين اختلق الأعذار عند اعضاء هالمنتدى وش بيدهم اصلا هم من يقرروا

اني اخذ بنتي او اتركها؟؟؟؟؟

على العموم ما يعلم بالنيات الا رب العالمين ولا يحس بالنار الا واطيها

بالنسبه لبنتي من سنتين وانا كل شهر اخذها عندي يوم ويومين واحيانا اسبوع

بعد الواسطات طبعا وطلعت الروح..... ويعلم الله انها صارت تنادي زوجتي بأمي

واذا جيت ارجعها لأمها ترفض وتصيح وتقول ما ابغى اروح وتخاطب امها بأسمها

ويكون بعلمك انها تكره امها والسبب الأهمال الشديد وعدم الرعاية والحنان

واذا فقدت هالأشياء ماذا يبقى للام من اسم وعنوان.... يعني انا ولدتها وبس

تحياتي لك

اعانك الله يا اخي
بس اخاف ان اخدتها عندك تلقى اهمال اكثر وتمييز ما بينها وبين اخوانها
ع الاقل هي عند امها لوحدها مافي غيرها
لكن عندك اخاف ان زوجتك ما تعتني فيها...ما ادري بس انا احس ان مهما كان تبقى زوجة الاب غير عن الام

وانت مارح تكون في البيت 24 ساعة ومممكن تحصل اشياء ماتدري عنها...
استخير الله وان شاء الله ربي ييسر لك...