|
بسم الله الرحمن الرحيم
أختى الكريمه لدى مثل يقول (لا تعايرنى ولا اعايرك الهم طايلنى وطايلك) يعنى هى صديقتك السعيده وعايشه حياة مثاليه اكيد لا ولو اظهرت هذا كل انسان قدر الله له ما يستطيع الصبر عليه و ربك يقول: (( أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) ))سورة العنكبوت طبعا لا واحمدى ربك على ما انتى عليه غيرك عنده اكثر شوفى المريض وشوفى الفقير اللى ينام وما لاقى اى شئ يغطيه فالحمد لله واكيد انك احسن من وحده تتزوج لمده اقل من سنه وتطلق وعمرها لم يتجاوز العشرين وهى قصه حقيقيه عاشرتها بنفسي فكنت انا تلك البنت وحياتك ببيت اهلك اهون من وجود زوج يخرب كيانك. ولازم تخرجى وتغيرى كل شئ . دع الايام تفعل ما تشاء وطب نفسا بما حكم القضاء والله يهون عليكى. حسبي الله ونعم الوكيل فى كل ظالم وكل معاون على الظلم. الإشراف/ يرجى كتابة الآيات القرآنية بشكل صحيح وفقكم الله |
الله يجزاك خيرعلى كلامكم وحناهنا اخوات لك والله يسعدك ويفرح قلبك باللي يسرة وويسترعليك
ويهنيك بحياتك وسعي صدرك وانااختك وثقي بالله والزمي الاستغفار واستغلي فراغك الزمي الاستغفار وصلاة الليل والله يوفقك ويسعدقلبك باللي يسرة ولاتنسين صيام البيض الله يخليكم دعواتكم |
اشعليج منهم يا أختي..
عيشي حياتج واستانسي.. ولا تفتكرين.. خلج قوية.. الله يعوضج بالله ياخذ قلبج.. ويخطفج على حصانه الأبيض.. ويخلي كل من حووووولج يموتون قهررررررر.. لا تشيلين هم حبيبتي.. وعيشي حياتج بكل ملذاتها.. أحنا جم مرة نعيش؟ |
مشكلة تأخر سن زواج الفتيات حاليا في جميع دول العالم يعانون منها
لكن هم لديهم حل مؤقت وهو ممارسة الحرام لكن اسألي بعض من لجأو لهذا الحل يعقبه ضيقه أشنع من هذه الضيقة اللتي تعانين منها أعاذنا الله وإياك وجميع المسلمين والمسلمات منها.. الله يسعدك.. ويوفقك |
اقتباس:
عيشي حياتج واستانسي وارضي باللي الله كاتبه لج انا عمري 42 وماتزوجت والله والله والله عمري ماصارت لي مواقف من هلي او صديقاتي تحسسني بعنوستي واذا حصلت مع اني متاكده انها بتكون بدون قصد رح اطنشها ولا احطها ببالي لان احنا على قولة اخوانا المصريين مش واخدين منها حاجه :) |
شوفي حبيبتي اولا اسأل الله ان يرزقك ماتتمنين
ثانيا خليني اورد لك قصه من جماعتنا بنات حموله وسنع ولا اعرسن الا كبار وحده حول الثلاثين او كبر والثانيه حول الاربعين وماشاء الله لاقوة الا بالله وحده زوجها مهندس ووحده زوجها دكتور ولا تقولين اخذوهم على حريم لا ابد ولو تشوفينهم وتشوفين نظراتهم قبل لا يتزوجون والله يا اعذروها انك تذكرين الله على القوه الي بشخصيتهم ماهمهم وضعهم قنوعين ومبسطوين بحياتهم ولا محسسين نفسهم بالنقص ولا محسيين الي حولهم انو ناقصنا شئ وتعبو على انفسهم ووصلو وصارو ويروحون ويجون ويحضرون زواجات ويحضرون جمعات لانهم موكلين امرهم لله صدقيني يالغاليه خلك واثقه من نفسك ولا تنتظرين من الناس كلام والي يتكلم ردي عليه رد لبق الله يوفقك ويرزقك الي تتمنين |
هلابك صادقة اختي الله يسعدك ويوفقك
ويخليك اتكلواعلى ربكم وربي كريم بيرزقكم وماخلقكم بيضيعكم وربي كريم الله يخليكم ويسعدكم وربي ينصركم |
أمه الله .. وكان أعذروها إشتقنا .. والله إشتقنا بس للنكد لا والله .. فيني طرب يمكن أبحارب الهم .. مابي ضيقة خلق .. ... .. يابنتي صلي عالنبي .. تصدقين يا غاليه .. ياما مرت علي مواقف وكنت أقول في نفسي الله لو أعذروها تعرف هالبنت .. عندي صاحبة عمرها 22 كل ماشفتها سألتها الله بعدك ماتهورتي وتزوجتي تضحك وتقول هذا إنتي تهورتي وست شهور ورجعتي . . تصدقين بعمرها ماهزتني كلمتها .. مدري يمكن فيه ناس مايهمني كيف يردون لأني أنا بالمقابل أهز مزاجها أحبها وأحب أنكد أوقات .. . . تصدقين هي تفكر كل مره تبتكر عذر آخر عذر قالت مابتزوج من أهل الدنيا ............... .. خلينا رجال الدنيا .. كنت أتوقعها تخرف طلع بالآخر كلامها صح .. تصدقين حسدتها ..!! تخيلي عندي ولد وعشت وعندي قمر يسمونه ُعمر وحاسدتها يابنتي والله محد مرتاح .. إنتي أشغلتي نفسك بهالكلام والله الدنيا أكبر .. الدنيا مو زواج حققي نفسك بعيد يا بنت .. يعني بتفهميني إن الحياة بس رجل عساه ياربي ماجا مع إحترامي الكبير لسيدي الرجل ..!! ..!! أدري بتقولين ماحس أنا مثلك الفرق أنا عندي طفل يعني مسؤليه وهم أكبر وذكريات موجعه أكثر لكن . . كل مره ألتفت حولي وأقول هل الزواج أهم أو أنا أهم .. إكتشتفت آخر همي إني أتزوج .. .. تصدقين أخاف أوقات أفكاري تخرب غيري . بس أشوف كثير من اللي حولي ودهم أتزوج ..!! . . وكل مره يشوفوني يدعون لي .. وأنا أضحك .. أنبسط إني جالسه أمثل لهم خطر قريب .. غباء كيف يفكرون هالخلق ..!! . . بس بجد عمر الزواج ماكان هدفي .. يمكن لأني مشغوله بشي أكبر .. بطلي تدوري على شي مانكتب لك ولا تتحسسين من كل كلمة طولي بالك ودوري أعذار للي تحبينهم بس لأجل التعايش ..!! قليلاً من الدفء لقلبك .. أسعد الله قلبك .. وملأه رضا وهناء .. وتذكري .. الرضا فضيله وفكري بهم أكبر فكري لنفسك عليك حق ففكري بهنائها ولايهمك كثر الطنين .. محبتي ..لك .. ولأمك .. |
الله يرزقك راحــــــــــــــــــــــــــــــــــــــــــــــة البال .ويبدل تعاستك وضيقة صدرك بسعادة لاتشقين بعدها ابدا...
اختي صعبه اتفلسف عليك واقول لك اصبري ..ولاتفكري بالزواج ...لان اي فتاه بالدنيا تتمنى تتزوج وتحس بالاستقرار .. لكن برضوا صعب جدا جدا جدا ان نأخذ شيء ربي ماكتب لنا فيه نصيب او بالاصح ماجات ساعة ... ربي يفرج همك ويرزقك عاجلا غير اجل انتي وكل من ارادة الزواج والاستقرار بالازواج الصالحين .. |
انا لى مداخلة بسيطة على بعض الاعضاء الى يردون ويقولون انا اعرف وحدة تزوجت على 35 او 40 وكانهم خلاص معجزة انهم تزوجوا فى هذا العمر؟؟؟
وبعدين تراكم تضايقوننا لما تقولون هالكلام يعنى كاننا لازم ننطر الى 35 او 40 عشان نتزوج فعلا زيى مايقول المثل مايحس النار الا واطيها اختى امة الله كلى الى انت فيه نحن فيه والله يرزقنا قريبا امين |
| الساعة الآن 10:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©