|
وعليكم السلام ورحمة الله وبركاته
ياحياتي الله يكون بعونك مالومك بين نارين الله يقوم زوجك بالسلامة وباذن ربي ماراح انساكم من دعواتي الله يكون بالعون يارب وتشفية وتردة بالسلامة ياحي ياقيوم عليك بالدعاء واقراي علية واكثري من الاستغفار وربي يعافيك ويسعدك والله يشفية |
جسي نبض زوجك اذا حسيتي انه يبغاك تكون معاه ويرتاح لوجودك معاه وانه ممكن يزعل ويمسكها عليك ويقول ماهميتك ولا فكرتي فيا ساعتها روحي معاه واذا قال لك خليك مع العيال وانتبهي عليهم اجلسي مع عيالك..
وانا رايي انك تكوني مع عيالك لانه هناك في المستشفى ماراح تاخدي راحتك ويمكن الفترة تتطول وتتعبي وكمان لاتنسي ان اخوه معاه يعني راح تكوني مقيدة اكثر ... |
استخيري والخيره فيمااختاره الله
|
اذا عندهم من يقوم بدورك توكلي على ربك وروحي مع زوجك وآستخيري ..
|
السلام عليكم ورحمة الله وبركاته
الله يجزاكم الف خير ويبعد عنكم كل مكروه ويسخر لكم كل اموركم كفيتوا ووفيتوا وما خاب الظن فيكم يااروع اخوان واخوات حبيت ابلغكم انه زوجي مو راضي اني اسافر معه ويقول ان رحلة علاجه بتطول يمكن شهور ويمكن سنه وان العيال في حاجه لي وخاصه الامتحانات على الابواب حاولت اقنعه بس مو راضي والعيال يبوني عندهم مايبون يروحون بيت اهلي يبون بيتهم وربي احس اني بين نارين انا بالديره واحاتي زوجي وشلون لما يكون بعيد عني ادعوا لزوجي بالشفاء وان الله يكشف ضره انا الحين رايحه له الله يكشف بلاء كل مسلم يارب |
بقاءك مع اولادك هو الانسب
لان سفرك مع زوجك وتركهم من باب تضييع الامانه واخو زوجك فيه البركه |
الله يعينك يا رب ويصبرك
اعملي اللي طلبه زوجك منك فترة العلاج طويله وتبعدي عن اولادك كل هذه الفتره حرام انتي ادعي له انو يرجع بخير لكم واقرءي سورة ياسين له انا حاسه فيكي انا كان بعيد عني بالمستشفى ٦٠كيلو متر وكل يوم اقود السياره ٦٠ كبلو راحه و٦٠ رجعه ولو بالايام العادي سهله انما البال مشغول وتفكير كم ولد عندك وكم اعمارهم نصيحه مني حاولي تضبطي اعصابك مع الاولاد وخصوصا اذا سمعتي حد بيضحك او يبتسم الزوج هو الدنيه للزوجه ووقت يمرض تسود الدنيا بوجهنا محظوظه اخو زوجك معه انا ما كان عندي غير الله معين لي ولاولادي الله يمضي الايام على خير زوجك ليه يسافر للخارج ، كيف الطبابه عندكم ٩٠ بالميه من الاطباء الجراحين اللي نلتقي فيهم وهم من اشهر الاطباء يقولون لنا انهم كانو يعملون بمستشفيات السعوديه الرياض وغيرها من المناطق الله يشفيه يا رب ويرجع لك سالم معافى |
الله يشفيزوجك وكل مريض طبعا وبدون تفكير اولادك بحاجه ماسه لك لاتضيعى مستقبلهم لان زوجك معه مرافق موفق بإذن الله ... لك مني أجمل تحية .
|
انا مريت بضروف مشابهة بس كان في نفس البلد فبقيت مع ابنائي وكنت ازوره بن فترة واخرى
عليك البقاء مع ابناءك واخوه معه ماشاء الله وعليك بطرق ابواب السماء في الثلث الاخير من الليل والصدقة والاستغفار شفاه الله وارجعه اليكم سالما معافا |
طيب ممكن تروحي فتره وترجعي لاولادك
يعني احملي العصا من النص والله اذكر ان زوجي ما كان يستجيب للعلاج الا اذا مسكت يده ووقت عمل العمليه المفروض تاني يوم يبدؤ يصحوه ولكن انا مسكت يده صحي فورا وكلمني وانا اترك يده يرجع ينام الدكتور الممرضات ما صدقو عيونهم وقت شافوه صعبه عليكي خصوصا اول فتره روحي معه وارجعي لاولادك الله يصبرك ويقويكي ويرجع لك سالم معافى |
| الساعة الآن 05:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©