|
اقتباس:
دام انك واثقه في زوجك اذا اتركي زوجك يرتاح قليلا فهذا شي من حقه .. ليش تحرميه من الراحه.. زوجك اكيد مضغوط و حالته النفسيه تعبانه و محتاج ان يكون لحاله عشان يرتاح و يرجع لك بنفسيه زينه لكن اذا ظليتي ماخذه منه موقف الشك تأكدي انه راح يرجع لك بنفسيه سيئه جدا جدا و بعدها لا تلومي الا نفسك لانك انت اللي راح تجيبي لنفسك النكد .... احيانا الزوج يحتاج انه ياخذ اجازه لحاله عشان يرتاح من ضغوط العمل و الحياه الاسريه و بعدها يرجع لاسرته بنفسيه زينه .. |
شوفي ..
كل انسان يعمل في حياته خطأ يحتقر نفسه .. يبقى يحتقر نفسه كثير كلما تذكرها يحس نفسه أحط من الحشرات .. هذا دليل صحة .. ودليل أن النفس اللوامه صاحية وتعمل عملها يعني اهو في صراع داخله بين الخير والشر .. وعموماً كل انسان يعيش هالصراع داخله .. لكن تتباين المواقف بين الشدة والخفة ومقاومة الانسان تختلف حسب ثقافته وحسب ايمانه بالله وحسب الشي الي خلاه يلجأ للمعصية في الماضي زوجك باين عليه ان لجوئه للشرب في الماضي بسبب الضغط النفسي والنظرة السوداوية للحياة فكان يشرب وينسى ولو لفترة من الزمن هو الحين يمر بنفس الظروف عشان كذا نفسه تسول له بالرجوع الحين المشكلة وين .. انا شايفه أنه يعاني من أكتئاب .. داخله ضغط نفسي كبير شفتي قدر الضغط لما تسكرينه ولا تخلين له منفذ للبخار شنو يصير فيه ؟؟ ينفجر .. هو محتاج ينفس عن الي داخله .. بس كيف ؟؟ هو مو عارف كيف .. هو تعبان ويبي يرتاح .. باين من المسج الي ارسله والكلام الي قاله أنه مكتئب وتايه في حاجة ناقصة .. في حلقة ضايعه في الموضوع شنو الشي الي مكدر حياته ؟؟ شنو الشي الي ناقصة ؟؟ ايش الي يبي ينساه ؟؟ هو محتاج يتكلم .. بس في عقدة داخله لازم تنفك .. |
اقتباس:
اقتباس:
لانه يقول تصدقين المفروض الواحد مايسافر الا لحاله مدري وش خلاني اروح مع احد (طبعا هو انطوائي ويكره الخروج مع الناس لانه يقول تعقدت من الناس كلهم وانا دايم أقوله انت غلطان الناس اللي كنت معهم كانوا خبثاء وفيه ناس صالحين ) ولما راح مع هذا رجعت الفكرة الشينة عن الناس لدرجة يقول الناس كلهم حقيرين تخيلي اني اسولف مع الهندي والهندي يسولف معي علشان يبيني اعطيه فلوس اقتباس:
|
اقتباس:
أرجو منكم الدعاء بتفريج همه |
اقتباس:
كل مصيبة تجيني اعطم من اللي قبلها وانا ودي اعرف وش اللي ناقصه لاني كل ماسالته يقول مدري بس احس اني ودي ارتكب المعاصي ولما أقع فيها تجيني ضيقة عظيمة احس اني مغصوب على المعصية انا ودي اخليه يتكلم ويفضفض لكني كل ماتكلم تهت معه ومادري وشو بالضبط الحلقة الناقصة وأكثر مايضيق صدره أنا يقول تعبتك معي ماأطلعك ماأعطيك حقك أنت صابرة علي اتركيني روحي بيت اهلك انا مااستاهلك وكل ماقلت لها اني ابسط انسانة واك ماقصرت معي عصب وقال لا لاتكذبين انا عرضت عليه يروح طبيب نفسي يمكن ينفع معه العلاج السلوكي لان الاحظ ان العلاج الدوائي مانفع مرة لكنه مو مقتنع يقول وش بيقولي الدكتور انا أعلمه ادعوا لي تكفون وساعدوني ترى والله اي كلمة تقولنها تخفف علي وتفتح لي ابواب كانت خافية عني لعل الله يشفيه على ايديكم |
آخرتطورات موضوعي
زوجي كلمني وقالي انه راح يسدد الفلوس أول مايرجع وحلف أنه ماشرب شي أبد ولا راح يشرب ان شاء الله وان نفسيتي مرتاحه يطلع بالليل على البحر يجلس يفكر يحاول يصفي ذهنه قالي انه الايجارات غاليه 400 ريال بالليلة وهو ان شاء الله راح يطلع الحزن اللي ارهقه في السنوات الاخيرة وراح يرجع بلا حزن وانه اذا طرا عليه الحزن بعد مايرجع راح يقول لنفسه خلاص طلعت كل اللي فييني وراح يعوضني على صبري واول مايرجع يروح يقترض من بنك التسليف ويرجعه أنا قررت احط له الفلوس وأبدا اسدد له من مكافئتي ومن ما يرزقني الله ماراح اضطره للسلف ان شاء الله أهم شي عندي انه وعدني انه ماراح يحزن إذا رجع أدعوا لي وله الله يجزاكم الجنه ونورني بأي شي تحسون مفيد |
كل اللي أقدر أفيدك فيه
وكل اللي تملكيه الآن هو الدعاء له رددي بينك وبين نفسك من داخل قلبك { يا مقلب القلوب ثبّت قلبه على دينك } ليس فقط في خلال سفره .. بل على الدواااام وفوضي أمرك لله تعالى ,, وبإذن الله قرب بتبشرينا بكل خير |
ان شاء الله يرجع لك بالسلامة
بس زوجك حساس جداً .. ومثل هالحساسية الزايدة مضرة بالنفس وتخلي الانسان على طول متشائم وينتظر الأسوء اذا جاكِ بالسلامة ان شاء الله وبدأ يتكلم عن معناته وآلمه الماضية ويسردها وتحسين كأنك بتتوهين معه قولي له : كل انسان يمر بصعوبة في حياته .. وكل انسان صعوباته في جانب اشد من جانب آخر يعني بدال ما المصاعب الي مريت فيها تقويك هدمتك المفروض تكون عندك ارادة تتخلص من همومك مو تستسلم لها وبعدين العقبات الي تواجهنا نتعلم منها ونكتسب خبره مو نقعد نتحسر ونجتر الآلام انتي كذا قاعد تحطم نفسك .. غير نظرتك للحياة وانت تتغير .. ( ان الله لا يغير ما بقوم حتى يغيرو ما بأنفسهم ) تدرين زوجك مشكلته وحلها بيده .. اهو مصر على اجترار المصايب .. قولي له يتخلص منها .. يجلس يفكر فيها ويتأملها وياخذ العبر منها وانتهينا مو معقوله كلما مر بمشكلة رجع ذكريات الطفوله من اولها .. كذا يتحطم زوجك يفكر بطريقة غلط .. وهذا الي يجمع عليه المصايب ويعين الشيطان عليه ويسوس له انه يرجع لأخطاء قبل اهو محتاج يغير طريقة تفكيرة .. لأن حل مشكلته تبدأ من داخله هو محتاج للتسامح .. خلي يسامح نفسه ويسامح غيره محتاج للمحبة اتجاه نفسه وغيره محتاج للأرادة القوية والعزيمة عشان يتخطى الصعاب محتاج للرضى عن حياته عشان ينعم بصفاء النفس محتاج انه يبذل جهده عشان يعمل شي مفيد يساعد الأخرين الي محتاجين عشان يحس بصفاء الضمير لازم يشعر انه منتج .. لازم يحس بقيمة الفرحة الي يدخلها على قلب غيره وقيمة الفرحة الي تدخل قلبه محتاج للتفائل ( تفائلو بالخير تجدوه ) مو على طول متشائم ويقول مدري لوين بوصل هذا خطأ ... بالعمل والاراده والتفائل نوصل للي نبيه ومراح يصير الا الخير في النهاية اقولك زوجك مكتئب وسبب اكتئابه هو تشائمه .. وعشان يتخلص من وضعه لازم يتخلص من التشائم اذا جلس يتكلم لا تخلينه يسترسل في الآلمه .. قطعي عليه هالسلسه الي ما تنتهي ووضحي له الجانب المضيء من اي شي يقوله |
والله احس ان زوجك ممثل باااااااااااارع,,
وانتي تصدقيه وهو يستغفلك .. اذا كان انسان صالح وسوي زي ماتقولي ليش يمشي ويصادق ناس امثال صديقه الفاسق هذا؟؟؟ واذا كان حالته المادية صعبة وظروفه ماتسمح بالسفر ويش اللي جابره يسافر ؟؟؟ وهل السفر لبلاد الفجور والمنكرات راحة لو يبغى يرتاح صدق كان سافر لمكة بيت الله الحرام هناك صح راح يرتاح ونفسيته تطيب .. اسمحيلي اختي اقولك انك ساذجة وتصدقي بسرعة الله يعينك على واحد زي زوجك .. اللي يبغى يتوب من المعاصي ويبعد عن المنكرات مايروح لبلاد المنكر برجله ويقول ما ابغى ارجع لايام زمان وووو!!!! عجبي .... |
طيب وانتى مالك ومال الموال ده كله
انتى مجرد وسيله لارسال النقود له ومالكيش دعوه هو حر مع اهله يمكن هم يسامحوه فيها لكن هو اللى عمره ما هيسامحك لو ما بعتيش الفلوس له ........ وبعدين بالله عليكى يعنى الراجل يعمل ايه دلوقتى وهو غريب ومش فى بلده يروح يغسل صحون علشان يجيب فلوس ولا يسرق يعنى !!!!! |
| الساعة الآن 05:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©