|
اقتباس:
لي هالدرجة تهتمون في هالامور !!! لازم احط بالي من هالشي وبعدين بالفعل استغرب لحد الآن اغلب الاخوات تقول انها ماتفتش وانها واثقة وهناك مواضيع عدييييييدة ان الزوجة فتشت ورى زوجها !!! الله يخليكن لأزواجكن تحياتي |
ياحليكم ... والله الصراحة انا فيني مرض اسمه التفتيش ... والله موعدم ثقة ... بس فيني لقافة ياساتر موطبيعيه .....
احيان افتش والقى رقم زوج صديقتي مثلا مكلمه او اخوي او عمي او اي احد من اللي انا اعرفهم ... وهو ماقاللي وش السالفه ...طبعا اللقاثة تلعب دورها ... الف وادور .... ماكلمك فلان ؟؟؟ ماتدري عن فلان وفلانه ؟؟؟ وهو مايعطيني رد يبرد قلبي ... بعدين اقوله يعني هو ماكلمك اليوم ...؟؟؟ ااخر شي قام يفهمني لمااسال يقول وش عندك لاعبة بجوالي اعترفي ؟؟؟ اثاريه يفهمني وانا على بالي محد كاشفني ... ومرة كان يقول ان الحريم يحبون السوالف ...قلتله حتى صديقك فلان يسولف كثير .... قال من كثر التفتيش حافظة الاسامي والارقام ومدة المكالمات .... ردار حشى موزوجه .. |
اقتباس:
لقيت بكمبيوتر زوجي ...... ماتوقعت أن الأغلبيه عاقلات ماشاء الله على العموم الله يزيدهم من هالثقه والعقل:) بس بصرااااااااحه موقفك تححححفه والله العظيم ضحكتيني الله يسعد قلبك بس أكيد اخذتي درس ماعاد تنبشين ورااااااااه مره ثانيه أو تشكين فيه :) الله يحفظ زوجك ويحفظلك عبوووود مشكوره على الموقف الجميل |
ايييييييييييه ماحد محترف في هالشغلة غيري ليش مابعرف
اوثق في زوجي وبقلي عكل شي يعني لو وحدة عاكستو او شي او اي شي يحصل في حياتو بس انا ملقوفة على رايكو بشكل غير طبيعي صراحة للاسف من ايام بيت اهلي بحب اقرا المسجات والمذكرات والدفاتر وكانو اخواتي يتخانقو معي كتير بس بالاخر بطلت هالعادة مع اخواتي تقريبا وكنت اتفرج عجوال ابي وامي ههههه والان ركزت النشاط على زوجي المسكين مابعرف ليش عندي طبع الشك ودايما بفتش وكاني نفسي الاقي شي بزعل مرة ترك زوجي اللاب توب مفتوح وتارك ايميلو ملاحظة انو لو بدو يعمل شي هيك ولا هيك حيفتحو قدامي؟بس لمين تقولي والا افتح المسنجر جري كاني لاقيت ضالتي وافتش باسامي الايميلات ولاقيت اسم ايميل يدل انو بنت ورحت اجري مسكتو بالجرم المشهود ايوة مين هاي اعترف بقلي مين بقلي فلانة قلي بطلي هبل الله يخليكي هاي وحدة من الشركة في فرع اخر واتواصل معها بخصوص العمل قلتلو لااااااااااااا اكيد كذاب راح فتح الايميل وراني الصادر الها والوارد منها لايدل الا عالعمل رحت عشان اطلع نفسي من الفشيلة بقلو مممم احم احم اكيد مخبي حجات تانية ودايما هيك اتفرج عالمسجات واقلو شو هاي المسج وشو هذا الله يخلصني من هالعادة الي من وين طالعة فيها مابعرف مالها سبب ابدا مسكين زوجي ومن كتر المواقف مش عارفة شو اقلك ههههه نسيتهم من كترتهم لو تذكرت اشي محرز بقلك |
اقتباس:
والله اني انفجرت من الضحك المشكلة يا اختي انك عارفة هالطبع فيك يمكن تكون هاي وساوس .. انصحك مجرد ماتجيك الوساوس تقرأي المعوذات حتى تذهب الشياطين ومع الوقت سيزول الشك بإذن الله لان هناك بعض الرجال لو ان زوجته شكت فيه وهو صالح ... يتضايق كثيييير بل احيانا يتعمد على رفع ضغط الزوجة تحياتي |
اقتباس:
أيوه الدوريه هذي نفسي أتخلص منها واحياناً تزيد الحاله فتره تصير مستعصيه أذا كانت النفسيه زفت كأني أدور لمشاكل ؟ والمشكله أني أذا شفت رقم غريب مستحيل أسأله ولو أيش يكون لأنه لو يسوي خرابيط ماكان حيخلي الحوال مرمي بكل مكان ! بس ليش أحنا كذا موسوساات ؟ مشكوره أختي على المشاركه الله يجعلك رقم واحد في حيات زوجك دايماً وأبداً |
انا الحمدلله اولا واخرا مااغار
لكن التفتيش يومياااااااااااااا ولله الحمدوالمنه ابدا بالرسايل واحذف رسايل الدعايات وموبايلي كلها ولو اعجبتني رساله ارسلتها لجوالي بعدين ابدا بالمكالمات الصادره ثم الوارده والتي لم يرد عليها ايضا ولان زوجي يكلم كثير دايما يكون الشحن منتهى فاحطه على الشاحن:D وهالشي لازم يصير يوميا قبل النوم |
اقتباس:
الله يعين والمشكله حتى لو طلع بريء من الفشله والأحراج نلزقها فيهم ! تسلمين على الموقف الظريف الله يحفظ زوجك وفهووود ويبعد عنكم المشاكل ويسعدكم ولو تذكرتي شي قوليه سؤال هو يدري أنك بتدوري وراه ولا لأ؟ أنا حصلي موقف خطير بس الحمد لله زوجي مايدري ومن بعدها حرررررررررررمت وعقلت |
اقتباس:
أنا ادخل على سجل المكالمات على طول أعرف فيه كم مره دق ولمين أرسل يعني كل شي يطلع هناك على طول :23: نفس الحاله طيب زوجك يدري ؟ والحاله هذي ماتضايقك؟ وتسلمين على المشاركه الله يسعدك ويحفظلك زوجك ويبعد عنكم كل مكروه |
الفهدي مشكور على المرور
أتذكر مره واحد من أصحاب زوجي ببداية زواجنا دق على جوال زوجي من رقم غريب طبعاً وأحنا على وشك ننام يقلد صوت بنت زوجي قفل بوجهه طبعاً بعدين عرفنا انه صاحبه المهم أنا ماقلت شي وبعدها بديت أنبش بجهازه كل يوم ومره لقيت رقم غريب دق على زوجي كم مرره وزوجي كمان داق عليه شكيت فيه واخذت الرقم وسجلته بجوالي عشان أتأكد منه (ماأدري من فين جاتني هالجرأه ) المهم ماقدرت اصبر لليوم الثاني وزوجي كان نايم ودقيت علي الرقم الغريب لقيته مقفل هنا أستغربت وبنفس الوقت خفت وتحسفت وتمنيت أني مادقيت بس كنت بسأل زوجي هذا رقم مين وعشان مايشوف زوجي الرقم سجلته بأسم أخويه يعني أضفت الرقم رقم أخويه اليوم الثاني على جية زوجي من الدوام دق صاحب الرقم:24: أنا كنت نااااااااسيه الحركه البايخه :24: وطلع أسم أخويه ورديت على بالي أخويه وزوجي جنبي جالس:24: كلمته ألا الصوت مو نفس صوت أخويه ومسكين هوه كان يسأل أنت دقيت عليه البارح :24:أنا بغى يغمى عليه تذكرت وزوجي جنبي يطالع فيه بعدين قفلت بوجهه سألني زوجي أيش فيه قلت لا بس مافيه أرسال أنقطع الأتصال وبعد شويه طلع زوجي يصلي وجواله بالبيت ألا صاحب الرقم يدق على جوال زوجي أنا يوم شفته بغيييييييييت أنهبل :23: قلت أكيد بيقوله ورجع زوجي يوم شاف الرقم دق عليه زوجي وطلع واحد من أصحااااااب زوجي بس الحمد لله أني طحت على واحد عاقل ماقعد يزعجني أو شي ومن بعدهااا حرمت أسوي التحقيق ولا حتى أسأله هذا رقم مين ولا حتى تكلم مين ألا بالنااااااااادر جداً حسيت كان الله أعطاني درس عشاني كنت ظالمته أيش رايكم بالموقف الشنيييييييييع هذا؟؟؟ |
| الساعة الآن 06:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©