منتدى عالم الأسرة والمجتمع - علاقتي بزوجتي ليست مستقره

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - علاقتي بزوجتي ليست مستقره (http://www.66n.com/forums/showthread.php?t=184624)

اما من ناحية نقلك للشرقيه
فاقنعها
وقؤل لها
ياحبيبتي
مافي ؤحده الا وترضئ تروح مع زوجها وين مايرؤح
وانا اوعدك اني ماراح اقطعك من اهلك ابدا
فلا تخافي من هالموضوع ابدا

وقؤل يعني هاذ اول طلب اطلبك وترديني يعني00
واسئلي اي ؤحده وتشؤفين ردها 00وراح تقؤل
اي ؤحده بترؤح مع زوجها وين مارؤح هذا اذا تحبه

وصدقيني يافلانه اذا حياتنا بتبدء بعناد فصدقيني ماراح تمشي

انا اتمنئ نكون متفاهمين 00

هي بيلين راسها0

أخوي .. عمرك جلست مع زوجتك جلسة خااصة .. زيارة بالبيت غير محدودة الوقت ؟؟

أرجو الرد على هذا السؤال خصوصا .. لأني راح أجيك بالكلام إن شاء الله

اذا من اولها اهلها يتدخلون في حياتها و يهددون بالطلاق على اقل شي اذا ابشر بحياه مليئه بالمشاكل ..

لان مستحيل انها راح تنسلخ من اهلها و تلتصق بك من اول يوم تدخل بيتك ..

فانت لن تتزوج بالبنت فقط .. انما راح تتزوج اهلها ايضا .. لان مستحيل راح تاخذ عود واحد من الحزمه و

ترمي الباقي اللي هم اهلها ..

اعد حساباتك دام انك على البر ...

اقتباس:

المشاركة الأصلية كتبت بواسطة أميرات (المشاركة 2131738)

اختي اميرات اسمحيلي انتي دايما متميزه بردودك الرائعة الا هالرد أبدا ماعجبني
والبنت مالها ذنب باللي صار هي عروس ويحقلها تدلع وماطلبت الا حقها
كل المشاكل اللي بينهم عاديه ودنيويه ماتستحق توصل للطلاق
وانا لاحظت انها ميته تبيه لكن الاخ الفاضل هو اللي عنده عادي يطلقها
شكلها زوجته طيبه كلمه تجيبها وكلمه توديها
انا مثلا قبل الزواج اي شي اهلي يقولونه اسويييه وماكان هامني زوجي واذا بيطلق خليطلق كنت مستهتره لكن هو الحمدلله اعقل مني
لكن بعد الزواج حبيته واي شي يقولونه اهلي اعصب ومارضى عليه ابد ولا ارضى اضايقه او اطلب شي فوق طاقته
بعد الزواج تتغير المشاعر ويصير الزوج هو اهم شي بحياتها ان شاء الله

والسموووحه اميرات :)

اقتباس:

المشاركة الأصلية كتبت بواسطة طيب وحالته حاله (المشاركة 2131525)

ياخي مدري ليه سبحان الله حسيت انك طيب وابن حلال .. يعلم الله هذا اللي حسيت فيه وانا اقرا كلامك ..

أول شي مسألة الطلاق حاول انها تكون آخر الحلول مو على طول الله يهديك ..

ثاني شي البنت تبيك ولو ما تبيك كان نشبت لك عند النقل ووافقت انك تطلق ..

ثالث شي انا عتبان عليك بخصوص الرسايل لانه يمكن جوالها ما شافته بعد ساعه او يمكن الرساله ما وصلت الا في الوقت اللي قالته .. حتى اخوها يمكن صدق ما شافها الا الاربعاء أو يمكن كان جواله مقفل في الدوره والرساله كانت في الانتظار لحد ما يفتح جواله يوم الاربعاء وانت وصلك انها وصلته حسب التقرير .. يعني الاحتمالات كثيره ولا تعتمد على التقارير في مسألة التصديق والتكذيب .. ونصيحه من أخ لأخوه انت مبين عليك حساس مره فلذلك ألغي تقارير الرسايل علشان ما تصيبك بالشك .. والله هذا أفضل لك ..

رابع شي أخوها شكله ما بعد تزوج وجرب المرمطه اللي تجي فترة الملكه ويفكر ان الحق كله مع أخته .. فالمفروض أنه ما يصدقها أبد حتى لو ان معها الحق لان هذي امور عاديه ولا يكبر المسأله وبعدين الحرمه ما لها الا رجالها تروح وين ما راح .. يعني بالعقل لو كان ماخذ أختك .. هل من العقل والمنطق أنه بينقل لها الشرقيه علشان أهلها ويترك أهله والمكان اللي مستقر فيه .. أتوقع لو تقول له هالكلام بيقتنع الا اذا كان غبي << مع فائق احترامي ... وهو صدقني راح يجرب ويتمرمط وتقول ما قلته .. لكن انت اذا اخذتها عندك راح تقدر تحكمها وتفتك من تدخلات اخوها لانها والله العالم فيه احد يعطيها شورها وما عندها ثقه بنفسها وهذا شي طبيعي لان النساء ناقصات عقل ودين ومسكينات في نفس الوقت .. فأنا حاس انها اذا صارت معك بتنحل هالامور وانت مبين عليك قدها وقدود ..

أخيراً إذا خالفتك في شي حاول تسحب عليها يوم او يومين وصدقني بيلين راسها واذا رجعت كلمتها بعد التطنيشه جيبها باسلوب حلو وانك تعزها وتقدرها لانها بتكون منتظره اتصالك وانك ما اخترت هالشي الا انك تشوفه الافضل لك ولها وحاول تجيب لها اسباب حلوه خلتك تسوي هالشي ..

بالنسبه للزواج اقديت يومك استأجرت القاعه مع ان الاتفاق من اول كان غير كذا لكن عادي لو استأجرت ومو شرط يحضرون العائله كامله .. لكن اقل شي علشان تمشي اوضاعك وما تقلقك بعدين لان البنات عندهم الحفله والقاعه اهم شي ويحبون المظهريات .. فالله يعينك ..

انا ادري انها مندبله كبدك لكن وش تسوي انا حالي نفس حالك بس احاول امشي لامور حدها تمشي وصدقني حنا اللي نبيه بيصير بس باسلوب والواحد ما ييأس ويختار آخر الحلول .. يعني الطلاق لا تعودها على هالشي والكلمه هذي لانه لازم يكون في شي اكبر من كذا علشان تعرف قيمة هالكلمه ...

وانا والله اني اعاني مثلك وحتى النوم ما يجيني بس الشكوى لله ان شاء الله تتيسر امورنا ونرتاح .. وبعدين اشتر لها اشرطه وكتب وخلها تقرا علشان تفهمك صح ..

وفقك الله أخوي

الله يوفقك حبيبي ويرزقك

ما قصرت ربي يسعدك

اقتباس:

المشاركة الأصلية كتبت بواسطة همس 2009 (المشاركة 2131588)

يااخي
اذكر الله
مسكينه زوجتك اخوها او اهلها يشحنونها وهي سمعا وطاعه
وهي عنيده
وانت طفشت من عنادهم
عليك
بمكالمة مصارحه
معها
والاتفاق مع والدها مو اخوها

واسئلها
انتي تعزيني تحبيني
وهي بتقؤل اكيد احبك
قؤل ليش
تطنشيني وتعانديني
دامك تعزيني
اسئلك تطنشين
ارسلك ماتردين واذا رديتي تردين خلني ارتاح

اتمنئ منك تكونين متفاهمه معي
مو متعاندين

نرجع مثل اؤل رسايل اتصالات
ممكن

والافضل
ان امور الزواج مع والدها لانه كلامه يمشي
مو اخوها الي كل شؤي بكلمه

واتفق انت وزوجتك فيما بعد علئ امور الاثاث وغيره
وصدقني ان اخوها

هو الي يعبي راسها

اما
عن الرساااايل
في هاذي مااتفق معك فيها ابدا

انا بلملكه كنت اعاني وهو ان زوجي بلملكه يرسل وما توصل بؤقتها
وكنت ادق اذا قطع اتصاله ويقؤل انا استغربت ان جوال مقفل فعرفنا فيما بعد ان الابراج ضعيفه شؤي 00
فاانت لاتظلم زوجتك بها الامر00

وبعدين
انت قؤل لها

نبي انا وانتي تصير فترة ملكتنا افضل ملكه
وانا وانتي نقرر ونختار
ونتسؤنس
وابيك الان تتفقين معي نفتح صفحه جديده وكلها شؤق وحب
ابيك مثل اؤل يؤم تدقين وتسئلين عني واشتاق لصؤتكك

ويعني من هالكلام الي يكسر قلبها

واتفق معها ان محد يتدخل بينكم لااهله ولا اهلك
وقؤل ابي انا وانتي عايشين بسعاده مو مشاكل0

لاتقؤل ماراح ينفع صدقني راح ينفع0

وبلتوفيق0
تحياتي

انشاءالله وفقك الله

اقتباس:

المشاركة الأصلية كتبت بواسطة همس 2009 (المشاركة 2131595)

والله قلت هالشي ما بقى الا ابوس راسها

الله يسعدك حبيبي

اقتباس:

المشاركة الأصلية كتبت بواسطة تبا للعزوبية (المشاركة 2131724)

والله حبيبي ما حصل

وقلتلها اكثر من مره وتصرفني

حتى إني شريت هديه بعطيها قالت احتفظ فيها ليوم الدخله ... للأسف

وحفظت الهديه بالدولاب

ربي يعيني مع العلم اني احبها

اقتباس:

المشاركة الأصلية كتبت بواسطة أميرات (المشاركة 2131738)

أشكرك أميرات

حتى إني كلمتها والاحظ ما فيه توافق بالافكار

انا اكلمها ابي منها كلمه حلوه

وهي تناقشني بامور ياسبحان الله

اشكرك قلبي
ربي يوفقك

إذن يا عزيزي .. تأكد من أمر مهم جدا

تأكد إنها تكلمك لحالها .. وأن ما فيه أحد يراقبها .. تأكد إنها تتكلم بكل الكلام اللي تقوله لك بدون اي ضغوطات من أحد ..

ربما - والله أعلم - إن اخوها اللي ما يبغاك .. يطلب منها تقول لك كلام ما يعجبك .. وهي مو راضية بس ما بيدها حيلة

ربما ودها تشوفك وتقابلك في الملكة .. لكن فيه أحد يمنعها

أقول ربما .. ولا أظلم أحد .. لكن من كلامك عن أخوها اتوقع إنه ما يبغاك ويبغى يفشل الزواج وهذا السبب اللي خلاني أقول إنه ممكن هو يجبرها على قول كلام ما تبغاه

أما إذا كانت تقول آراءها وكلماتها عن قناعة شخصية بما تقول .. فأرجو إنك تراجع موضوع ارتباطك بها .. وإذا تبغاني أوضح لك أكثر فأنا مستعد

لي تجربة انتهت بالطلاق ولذا أقول مثل الكلام هذا للحذر

الحب اللي تحس فيه الآن لا يعتمد عليه .. حب فطري عاطفي لا أكثر .. وما راح يكون حب قوي وحقيقي إلا بعد الزواج وبعد ما تتوفقون

على كل حال .. كلماتي مبعثرة جدا .. لأني دايخ وبروح أنام .. إذا تبغاني أوضح لك أكثر فلا مانع بكره إن شاء الله .. أكون في مزاج وذهن صافي للكتابة

موفق يا أخي