|
الله يرزقك ببنت الحلال اللي تفهمك وتقدرك
|
ياحليلك زين لقيت احد زي زوجي بس والله فهمته مع الوقت ويوم زواجنا قالي ترى مااعرف اعتذر بس انا طبعي كذا مو كبر فيني انا فهمتها انه متكبر والله يشبه شخصيتك مره بس الحمد لله احبه ومااقدر استغني عنه
|
اللخص ماتعاني منه .....
اضطراب نفسي ..... عدم ثقة في النفس.... تريد من يتحدث معك ..... حساااااااس بزيادهـ....... اين زملائك ؟؟؟ اين اخوتك ؟؟ لماذا لاتتزوج؟؟ لاتستسلم وتضيع نفسك ..... تقبل مروري ..... |
الأم غير و الزوجة غير
|
لا أرى ان علاقتك بوالدتك ممكن تكون مثل علاقتك بزوجتك
الزوجة لها تأثير أكبر على زوجها من الناحية العاطفية و بالتالي ممكن يكون الحب أهم سبب للوقاية من المشاكل و في حال حصلت مشكلة الحل ممكن يكون أسهل بكتير من حل المشكلة مع الوالدين لأن الزوجة تكون من نفس جيلك و عمرك بخلاف الفارق العمري بينك و بين أهلك حاول ما تقارن العلاقتين مع بعض و لا تربط مشاكلك مع أمك بزوجتك مستقبلاً ممكن يكون الزواج أكتر حل مناسب لك في هذه الفترة لأن الحب وحده ممكن يحل مشاكل كتيرة اخطب و توكل على الله لكن لا تنسى تنبه خطيبتك انك حساس شوي و تعطيها بعض الأمثلة و المواقف اللي حصلت معك حتى تكون بالصورة و ان شاء الله رح تسعد بالتوفيق |
النساء تختلف اطباعهن
من جيل الى اخر والرجل في الغالب لا يحسن التعبير لذا لا تهتم وانظر الى بساطة الحياة اريح لك |
احس الي قاعد يتكلم اخوي ولد امي وابوي
فيه من الي كتبته كثير بس حنا الي نلح عليه نبيه يتزوج انسان حسااااااااااااااس ومشاعر من جوا وخارجيا جاف ويثور على اتفه سبب دائما يحاول يكتم لو احد قال نكته والا ذب ذبه يكتم الضحكه ليه مع زملاءه شييييييييييييييييييي محبوب مره والله حنا نحبه واذا كان قاعد معانا الجلسه تصير حلللللللللللوه حتى لو ماكان له ذيك المشاركه في المواضيع والله ننبسط ياحبيله والله بس اذا مر وجهه على بالي ابتسم ولو بس يجلس معانا عند التلفزيون ننبسط الله يحفظه هو الحين مغترب والله يرده لنا سالم غانم والله لا يخلينا منه اعجز اخوي عن اعطائك حل لمشكلتك لأني عاجزه احل مشكلة اخوي بس تأكد ان اهلك يكنون لك نفس المشاعر بس انت يمكن حاط في بالك محد عليه منك او محد يهتم بك ويمكن على الزواج ودهم يفاتحونك بس يخافون تثور وتعصب عليهم حب اهلك والله يحبونك حب امك والله مانسى امي يوم يروح اخوي اول مره حب اخواتك والله نستانس اذا دخل علينا في الغرفه يسولف شوي ياحبيله الله يسعده ويهنيه وين ماكان ويسخر له عبيده بس تدري كان اصعب شي وقت المراهقه ويوم فهم الحياه صح بدت تخف عنده المشكله وان شاءالله اشوفه واحد يتكلم ويفعل بأريحيه تامه والدك وش رايك في شخصيته وفي تعامله مع الناس ليش ما تفكر بقناعات الوالد وتجرب تمشي على بعضها يمكن ترتاح بالنسبه لي لو يمر على موقف ما اعرف اتصرف فيه اقول لو امي مكاني وش بتسوي واسوي مثلها بس تدري متى صارت عندي هالفكره بعد ماتزوجت عكس قبل ما اتزوج ماكنت ابي اصير مثل امي احسها حبيبه وتفكر بالناس على حساب نفسها وش علي من الناس و و و بس بعد زواجي عرفت ان امي هي الي فاهمه الحياه صح الله يحفظها امي وابوي واختي الكبيره من أكثر الناس الي احب اقتدي فيهم الله يحفظم ويسعدهم دنيا وآخره وكل غالي ويهديك وينور على قلبك ويسعدك دنيا وآخره |
السلام عليكم
شف وان اخوك، كلنا كنا نقول ها الكلام ، وما كنا متوهمين، كان واقع ، وكنا كلنا نخاف احياناً اننا وش لون نتعاوش مع شخص اول مره نشوفه ، ولانعرف عن بعض اي شي. ولكن خلني بضرب لك مثال مع كل التقدير والاحترام لأخواتنا النساء ، الي منهما امي واختي وزوجتي وبنتي. انت لما تشتري سياره، جديده وفخمه ، اكيييد انك تبي تحافظ عليها، واذا سمعت فيها صوت او اي شي، على طول تروح تفتح كتاب الوكاله او تروح للوكاله او توديها للورششه،يعني تخاف تسوي فيها اي شي تخربها او يسبب لك مشاكل ثانيه. وبعد اذا تبي تسوي فيها اي شي ولا تعرف تقعد احياناً تضغّط ها الازرار الين تعرف، المهم انه في النهايه بتكون ها السياره ملكك وتعرف عنها كل صغير وكبيره. النساء مثل كذا،(مع فارق التشبيه طبعا)، ولكن من باب التمثيل، يا اخي انا ما اعرف وش لون تفكير زوجتي ولا افهمها ولا تفهمني، ولكن انا فهمت نفسي قبل من قبل لا اخليها تفهمني، قلت بخاطري انا لابد اني اعرف وش لون افهمها الي ابي والي احبه، ولابد اني افهمها من دون ما تقولي، واذا ما قدرت اقول كل شي بصراحه ، أسئلها ، وش تبين ، وش تحبين؟؟ وش ماتحبين؟؟؟ يعني نكون واضحين جداً مع بعض، مافيه لف ولا دوران. كلنا نخاف اننا نجرح زوجاتنا، ونخاف يجرحونا، وهذا ما يعني لاوجود للمشاكل.با العكس المشاكل هي اساس التعارف والمحبه، صدقني. انت توكل على الله واعرس ، وخليك حديد، ولكن حط في بالك لابد ان تكون نظرتك ايجابيه للموضوع ككل. عشان تقدر تعيش. وبعدين يا اخي استخدم افضل اسلوب في العالم، وافضل خصله للمسلم، وهي التسامح. يا ابن الحلال وسع صدرك. كل الناس يغلطون ، واذا شفت منها مالا يرضيك ، قبل كل شي قول لها، الله يسامحك، ودايركت هي تجيك وتتأسف منك وتبوس ايدينك، وثمن انت استغل الفرصه وقل كل الكلام الي بخاطرك، ولا تنسى ان يكون بأسلوب تحترمها فيه وتقدرها بكلامك، لابد انك تحسسها انها الاولى والاخيره عندك. ومهماً صار مهما استوى ، بتظل زوجتك وام عيالك ، ولا لكم خلى عن بعض. انبسط ، وتزوج ، وصدقني بتدعي لي على نصيحتي لك با الزواج. الله يوفقنا ويوفقك. |
| الساعة الآن 12:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©