|
طمنا اخي ماذا حدث لصاحب الموضوع
|
والله اعرف واحد متزوج على زوجته من جنسية عربية أخرى
ومرة من المرات قاله واحد انه يشوف رجل من نفس جنسيتها يدخل بيته اثناء عمله ورجع البيت ولقى فعلا رجل من هذه الجنسية بالحوش على طول طلق زوجته وارسلها لبلدها بنفس اليوم الزوجه الاولى سوت حفلة كبيرة وعزمت كل اقربها وجابت طقاقات شك الرجال بالموضوع وراح للرجل اللي شاهده بالحوش واقاله ابعطيك اللي تبي بس قلي وش السالفة قال فلان الفلاني متفق معي اني اطمر بيتك باليوم الفلاني وانه راح يعطيني كذا من المبلغ وانا مدري ان السالفة فيها طلاق سبحان الله انفضحت الزوجه الاولى وقام على طول رجع الثانية وطلق الاولىهذه قصة تصلح أن تكون دليل براءة المرأة قلها لصديقك الله يجمعهم على خير هذا شيطان إنسي يريد التفريق بينهم |
اقتباس:
|
السلام عليكم
تكلمت مع صديقي وصرف النظر عن الطلاق ولكن رفض الذهاب للإمارة بسب رفض إخوان الزوجة خوفا من الفضائح ويوجد له معارف في الإمارة ولاكن قال سأضع اجهزة تصنت ومراقبه مخفية وسينكشف الموضوع عاجلا ام آجلا وأعيش حياة طبيعية من أجل أبنائي مالم يثبت شئ واضح امامي وزاد من طمأنينته أن زوجته إتصلت على صديقاتها وأقاربها لتعرف من هو المشكوك فيه وأحست من احد الصديقات ريبه في الرد وعدم موافقتها لزيارتها في المنزل بعد ان قالت لها الموضوع مما جعلها مصدر شك ان تكون هي الفاسقة مع ان صديقتها عانس لم تتزوج وتحسدها في بعض الأمور . |
لايستعجل على الطلاق
هذي قصة لزوجة خالي كانت عندها شغالة لعينة وخرابة بيوت راحت قالت لخالي ترى زوجتك تكلم رجال بالتيلفون..تبغى تخرب بينهم.. راح خالي ماقال شي لزوجته بس حط تسجيل للتيلفون يسمع كل المكالمات وماسمع الا تكلم امها وخواتها وبس يعني زوجته مظلومه وسفرو شغالتهم وحسبي الله ونعم الوكيل... |
الحمد لله اللي ربي هداه يحكم عقله ويصرف نظر عن الطلاق والله يكفيهم شر الحاسدين والفاسقين ويطمن قلبهم ويفرج همهم.
|
اقتباس:
والله ماعندك ماعند جدتي الحين تقارنين الرجال ينام مع وحده ثانيه وهي بالحلال برساله جته ويطعن بشرف زوجته وتخونه وتبينه يسكت اقووووول يازينك منثبررررررره من جد مامعك عقل وبالنسبة للرجال انا اقوووووووووول له فيه حلول اكثر من الطلاق ويجب عليه ان يتقصى الحقائق شوي شوي ولايطعن بشرف هالمسكينه ياخوي شف عائشة رضى الله عنها جلست ايام وهي مظلومه ولا تأكل ولاتشرب وكل وقتها نائمه الين جت آيه من القرآن للرسول عشان يخف عنها اتق الله في نفسك وشف لك حل غير حل الطلاق ولاتستعجل وتشرد نفسك وتشرد اطفالك وبالأخير تطلع ظالمها وتعض اصابع الندم بأستعجالك لقرارك الخاطئ وثق تماما لو يحدث الطلاق راح تتضح الحقيقه ولو بعد حين وتبي ترجعها تقولك آسفه ماارجع لواحد مو واثق فيني لكن اتق الله في نفسك واحكم عقلك قبل قرارك الخاطئ |
اي والله اخي كان توه متزوج وقبل لايتزوج كان واحد يرسل له انه نام معاها وتفاصيل قذره
واستمر اخوي بزواجه مع العلم ان المسجات جته قبل زواجه بأيام وبعد ماتزوج صاروا شله بنات يكلمونه عن زوجته بس الحمدلله كانوا كذابين والحين هم عايشين بسبات ونبات وخلفوا صبيان وبنات |
المعذرة ولكن صديقك لا يمتلك عقلا...! لا أعتقد أنه يشك في زوجته بل يبحث عن سبب لتخلص منها! |
خلينا نضع النقاط على الحروف في البداية وان الموضوع مايخرج عن حالتين اما تكون الرسالة صح او خطأ : اول شي تغيرها عليه في الايام الاخيرة وكرهها له وتبريرها له إنه بسبب زواجة وانها متوحمة . ثاني شي ممكن تكون رسالة كيدية من وحدة حاقدة عليها او غيرانه منها . في اعتقادي إنه لازم يأخذ الموضوع بشكل جدي ولايتسرع ابسط شي ممكن يسوية انه يضع جهاز تسجيل للمكالمات لأنه اذا كانت الرسالة صحيحة راح يبين او تطلع الزوجة بريئة . الجزء الثاني من المعروف انه الايام هذي انتشر الحقد والكراهية بين الناس ممكن تكون وحدة من زميلاتها او وحدة قريبة لها تود الانتقام منها . |
| الساعة الآن 07:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©