|
اقتباس:
زوجي يكره شيئ اسمه حنه وحنينا ومافي فايده لكن شلون اربط الحمل بالسفر حنا نأمل من رب العباد ان يرزقني بالذريه الصالحه عاجل غير آجل فالحمل مو على كيفي على كتبت ربي لان معي ضعف شوي بالمبايض وحاله عموما تبقى فكره مقترح وقد اجربيها .... |
اقتباس:
ووصلنا لام جمانه كيف الحال واشتقنالك انا بخير لولا موضوعي والله اني حابه اتسوق بمجمعات الرياض صاير اكسر الخاطر ما طلبت لندن والا تركيا ... عموما سبق وقلت اني اسلفه بس اني ادفع الروحه كلها من عندي اشوي صعبه خاصه اني مو موظفه لكن لو فعلا مسويتها ومجمعه وداخله جمعيات مو جمعيه مارضى كل وحده تعرف زوجها تدرين الي يقهره اكثر اني قلت له بذل نفسي وبروح مع اهلي قال مجد ما تروح قلت مو مشكله انا بروح قال وانتي مو ضروري تروحين ... الله يهديه ويارب اروح مكه حابه اعتمر السنه والله يلين راسه ويرضى ... عموما هو مريض هالحين جايته فلونزا ما ادري من هذرتي ذيك الليله قلت هالاسبوع نروح وانمرض مره وحده والله كسر خاطري الله يشفيه .... |
اقتباس:
بالماده معقوله ولا مره صارت الماده تسمح وفعلا لكل زوج مفتاح ومفتاح زوجي او الطريقه اتي احقق فبها مبتغاي لم اعرفها الى الان بعد عشره 7 سنوات الله كريم لعل الايام تكشف تلك المفاتيح ... شكرا والله يجزاك خير ومشكور كل من رد الله يجزاكم الجنه ..... |
آآآآآه يا قلبي ذكرتيني بالذي مضى
لا تشكي لي وابكي لك بسبب مشكله السفر دا نحفت من القهر والتفكير |
انا زيك بالضبط كل صيف اخوانه يسفرون زوجاتهم الا انا اجلس انطق
وارضى بالأمر الواقع ويقولي السفر يبغاله فلوس واخواني كلهم رواتبهم كويسه كلهم مناصب.. ويقولي انشاءالله انا ناوي اسفرك دبي بس خلي الجو يبرد!!!!!!؟؟؟؟؟؟؟؟؟ الله يصبرنا على الطفش والحر.. |
والله اني اكتب لكم ودموعي على خدي اصيح كأني طفل لا تقلون سخيفه احس بطاقه بداخلي تبغى تطلع آآآآآه من زمان ما بكيت من زمان اقتهر ولا اقدر ابكي بس الحين احس انفجرت ليه وشلي عند غيري مو عندي والله اني مجمعه فلوس حابه اتسوق حابه اتمشى في غير ديرتي اللي حفظتها الكل بيسافر من اهلي والله ما اقدر اجلس زوجي مو دائما معي لاهي بشغله وربعه طيب قالي الليله يوم فتحت الموضوع معه لا تحنين قلت خلاص قل لي شنو الي لي والي علي حابه اعرف اذا مافي روحه يقولي بروح مع اهلي ولا رد علي انا فكرت اروح مع اهلي بس الغرف ما تكفي لان ابغى اصير اجلس لحالي لما اسافر بدونه ابكي على حظي كلهم ازواجهم معهم الا انا خاصه ان معي الجديد بنتي ودي يصير ابوها موجود معنا يصير يشيله اشوي عني آآآآآآه على حظي ..... |
حتى أنا ودي أسافر ... لكن تأتي الرياح بما لا تشتهي السفن ...
أنا بكتب اللي أتوقع انه صح واللي ممكن يجيب نتيجة ... أول شي ... تفاتحيه بالموضوع بس بشرط ... انه ماتروحي للحمام ... يعني اذا حسيتي انك بتكلميه وبطنك مغصتك خلاص لا تكلميه ... لو تكرر الموضوع هذا معك أكثر من مره ... مو مشكله ... بس أهم شي تكسري الحاجز النفسي ... ولأجل لا تتأزم أمورك أكثر من كذا ... ليه كل ما جيتي تتناقشي مع بموضوع يمغصك بطنك ... هذا يا أنه من شدة التوتر أو ضغط نفسي كبير ... فيجب عليكي تخرجي نفسك من الوضع هذا ... وانتي اذا شفتي انه كل ما بغيتي تفتحي موضوع السفر معاه ويمغصك بطنك وتأجلي الموضوع لمرة أخرى راح تحسي بأن هذا عقاب من نفسك لنفسك ومره مرتين راح يرحمي نفسك من العقاب ويكون الدافع للقضاء على هذه الحاله هو السفر ... وستجدي نفسك عالجتي وضعك وزالت مشكلتك ... وتجي للخطوة الثانية وهي لا تقولي له أبغى أسافر لا ... قولي يا بو فلان والا يا فلان ... طبعاً مع شوية دلع ... قولي وش رايك ناخذ عمره والله فرصه ... وشوف حنا الله يهدينا ويسامحنا مكه عندنا ومن متى لمتى يعتمر الواحد وشوف المسلمين اللي يجون منين ويجو بكم بس مع هذا ماعندهم مشكله وكثير منهم فقير والله يعلم بحاله وكثير منهم يجي بالسنه مره أو مرتين رغم انها تكلفهم الشي الكثير ... والا اللي من عمان والا الامارات وكثير منهم يجو بالشهر مره وكل شهرين مره يعتمروا ويمسحوا ذنوبهم وييسر الله رزقهم ... خلنا نروح ونطلب ربنا وندعيه لعل الله ييسر لنا كل أمورنا واذا على التكاليف ماهي بمكلفة شي كلها يومين ثلاثة وحنا راجعين ..... واذا تيسرت أموركم ورحتوا انتي وشطارتك بس أهم شي اذا رحتي مكه تدعي لي .... وقبل انسى قبل كل شي اذا ظبطت خطتي لازم تقولي لي ان امورك تمام .... |
جسمي احسه شاب نار ومو قادره انام
وهو صوته يطلع وهو نايم ولا هامه الله كريم والله يخلف علي ... |
اقتباس:
هلا بأم مجد الحمد لله انكم بخير وأنا قصدي تجمعي من الفلوس اللي يعطيها لك من عنده مو من فلوسك علشان مايزعل مثلاً اعطاك 100 جمعي منها عشرة أو أعطاك 500 ريال جمعي منها 100 وهكذا على العموم المقدر والمكتوب هو اللي بيصير فلا تزعلي نفسك ويمكن مرضه خيرة لكم بعد مايشوف إهتمامك به المكثف يلين ويوافق وإذا أنت عارفة أن بالفعل ظروف زوجك ماتسمح فلازم تكوني بجنبه وماتحمليه فوق طاقته وماتحسسيه بأنه مايقدر يسعدك ويسفرك لأن هذا الإحساس صعب على الرجل ويمكن يخليه يعصب ويحس إنك أنانية ومايأمن لك ويخاف لو مثلاً لاقدر الله خسر ماله أنك تتركيه وماتوقفي بجنبه ولا تطلبي منه تسافري مع أهلك إذا هذا الشيء يضايق زوجك ويجرحه بالعكس بيني له أنك معاه بالشدة واليسر ولايمكن تنبسطي من دونه وبأنك صابرة معاه في كل الأحوال لأنه عندها بيشعر بالثقة فيك وفي حبك وعندها ممكن يضحي بكل شيء علشانك واصبري وربنا كريم وانظري لمن أقل منك ولاتنظري لمن أعلى منك ناس عايشين في عشش طول عمرهم وراضيين برزق ربهم وفرحانين فاحمدي الله واشكري فضله قال الرسول صلى الله عليه وسلم (انظروا لمن هم أسفل منكم و لاتنظروا إلى من هو فوقكم فإنه أجدر أن لا تزدروا نعمة الله عليكم) رواه مسلم عزيزتي أم مجد زوجك من زمان يضايقه أسلوبك في النظر للغير فلاااااازم تغيري أسلوبك وتعيشي مع زوجك بدون ماتقارني أحد بحياتكم شوفي كان أكبر همك الحمل والحمد لله ربنا أكرمك بفضله فامتعي نفسك بالتعلق بالله وإحتساب مرضاة زوجك لوجه الله عندها صدقيني ستشعري بسعادة بالغة وبأن الدنيا تافهة وبأن السعادة في التعلق بالله وسيسهل الله لك أمورك ويسخر لك الله قلب زوجك ويحقق أمانيك فما توكل على الله كفاه سلامات لابو مجد ويارب يسعدكم ولايفرقكم ويهديكم ويصلحكم |
أم مجد توني قرأت ردودك الجديدة
الله يهديك ياأم مجد هذه مشكلتك كل سنة تعيدين وتزيدين فيها كل ماسافروا أهلك قلبتي البيت على زوجك ليش يابنت الحلال إلى متى وانت في نفس المشكلة تتعبي نفسك وأعصابك والمغص معروف عندك من القلولون العصبي وتتعبي زوجك معاك وماتحسسيه انك معاه من زمان قلت لك حولي أيامك لسفر مع زوجك في الفترة اللي يكونوا أهلك مسافرين فيها يعني جهزي في البيت شوي إذا عندك سطح أو بلكونة واجلسوا كأنكم في البحر افرشي الفرشة وجهزي سلطات الشوي واشوا سواء وبعدها جهزي الحلى (وترى أحسن لك في المكيف لأن الجو عندنا ولله الحمد رطوووووووووووووبة وحــــــــــــــــــر ماأدري كيف الناس تخرج وتتمشى) ويوم ثاني قولي له ودنا نطلع برة نتعشي وجهزي العدة وثلاجة الشاي وانبسطوا قولي له : سفر أهلي بيخلينا نبقى مع بعض أكثر وقت وننبسط مع بعض لوحدنا كأننا مسافرين شوفي ياأم مجد أعيد واكرر مشكلتك أن زوجك ينقهر من مقارنة حياتك بأهلك علشان كذا يصر أنه مايوافق علشان يبغاك تبطلي هذه العادة وانت مصرة ماتبطليها وكل سنة تعيدي الموال وتتذكري لما سفرك بعدها لوحدكم صدقيني مفتاح زوجك انك تحسسيه أنك ماتقارني حياتك بأحد وتحسسيه أنك معاه في كل الأحوال وتحسسيه أنك ماممكن تتخلي عنه ولا تحسسيه أنه مايقدر يسفرك لأن الزوج لما ينجرح بيكابر ويعاند على الأقل يربح ورقة سلطته عليك أم مجد الزعل والبكى ماينفع قومي الأن وتعوذي بالله من الشيطان واتوضيء وصلى ركعتين الضحى وروحي حطي لزوجك كمادات وإذا مافيه سخونة المسي رأسه كل شوي علشان يحس بك وقولي له مو قادرة انام لأني قلقانة عليك حسسي زوجك بحبك وحناااااااااااااااانك وحسسيه أن سعادتك بقربه في اي مكان روحي الأن وقولي له ( أنا ماأبغى أسافر مع أهلي ولاأفكر أسافر إلا بك لأني ماأنبسط إلا معاك سواء خرجنا أو جلسنا في البيت لأن أسعد أوقاتي بقربك) وصدقيني بيلين قلبه لك ويحن عليك زوجك طيب وطيب جداااااااااااا ( أعرفه خبرة كم سنة في المنتدى تشتكي منه:30:) ويحبك فلا تخسريه بوساوس الشيطان وأكيد قال لك من قبل نفس كلامي أنه يبغاك تغيري أسلوبك وماتقارني حياتكم وحياة أخواتك بكم ) صح؟؟؟ أنا متأكدة ان كلامي صح فخلاص إلى متى مصرة على أسلوبك!!!؟؟ |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©