|
اتفق معك الى حد ما اختي قرين في بعض الي قلتيه بخصوص مسؤلية الرجل عن بيته.
ولكن وش تقولين عن عادتنا وتقاليدنا الي مدري وش تبي. الله يوفقنا |
السلام عليكم خليها الى ان تقوم السلامه وتخلص الاربعين يعني فترة النفاس ااااالف مبروك على المولوده الجديده :14:
|
عليكم السلام ورحمة الله وبركاته
أولاً : على البركة ماجاكم الله يصلحها ويخليها لكم أنا اوافق زوجتك تجلس الاربعين كاملة مو لأني امرأه مثلها لكن فعلاً هي محتاجة هالفترة للراحة واسترداد انفاسها بعد رحلة الحمل والولادة وماأدراك مالولادة إذا كنت تحبها فأكيد إنك تبحث عن راحتها وراحتها هذه الفترة بين احضان والدتها هي اللي راح تساعدها وتعلمها وفرصة لك إنك تشتاق لها وتفكر كيف تستفبلها وهي كذلك اعطها مساحة من الوقت وترجع لك عروس ومعها عروس صغنونه عموماً أنا من مؤيدي الإجازة الزوجية لو يومين واللهِ أحسها حلوه لما يتغير الروتين بين الزوجين في بيتهم .. وبالتوفيق .. |
أنا اوافق زوجتك تجلس الاربعين كاملة مو لأني امرأه مثلها لكن فعلاً هي محتاجة هالفترة
للراحة واسترداد انفاسها بعد رحلة الحمل والولادة وماأدراك مالولادة مشرفتنا الغاليه غاليه ليه ما تسنرد انفاسها في بيت زوجها وهو يتحمل ما جنته يداه من حب وعلاقه زوجيه كانت ثمارها هذه الطفله الجميله الله يحفظها لهم لا مانع من ذهابها لاهلها انما اسبوع هنا واسبوع هناك تتنقل لازم الزوج يتحمل مع الزوجه مشقات البيت من طبخ ولو بسيط جداااا انتو تفكرو بالزوجه وتريدون راحتها ولكن الزوج هو اللي رح يرتاح اكثر من الزوجه ماذا تحمل اول يومان وقت يبكي الطفل بالليل ويقوم من نومه ويحمله بين يديه ويعطيه لزوجته لترضعه ومن ثم يعيده لسريره رح يحس الزوج بقمة افعاله وقيمة الحياة الزوجيه الحياة الزوجيه ليست فقط ان يؤمن الزوج الاكل والشرب والجماع لزوجته هذه اجمل لحظات عمرهم ووقتها محدود لازم يشارك الزوج االزوجه حملت وتعبت حمل وولاده المفروض هو يتحمل ليزداد الحب بينهم وقت يحضر لزوجته كباية الماء وقت تريد ان تشرب وقت يجدها تريد ان تقوم لتحضر لنفسها كباة ماء ويقول لها انا احضرها لك ويسرع هل تخيلتم ما هو شعور هذه الزوجه بهذا الوقت انه التقارب والحب والموده هذه لحظات وايام لن تمحى من ذاكرة الاثنين |
وقت يجدها تريد ان تقوم لتحضر لنفسها كباة ماء ويقول لها انا احضرها لك ويسرع
هل تخيلتم ما هو شعور هذه الزوجه بهذا الوقت انه التقارب والحب والموده هذه لحظات وايام لن تمحى من ذاكرة الاثنين انتي رهيبة يا GREEN222 فعلا ماشاء الله قمة الرومانسية والحب ... الله يسعدك يارب انتي وزوجك وجميع أزواج وزوجات المسلمين والمطلقات (على شأني ) بس المطلقين لا :d:d.. .. |
ما شاء الله عليكم تبغوون حريمكم ... ووش تقولون عني دااايم يقوول اووديك لاهلك تنبسطين معهم ..
والله اغلب اياامي عند اهلي لكن الشكوى لله .. |
مطلقه صغيره وحيوها لا عدمتوها
الرجل في بلدنا العربي مدلل نفسو على الآخر المفروض الزوج يتحمل ويحس بزوجته مثل ما هي تحضر له الاكل والشرب والثياب النظيفه ووووووووووو ثم هم اولاده فلذات كبده الحياة الزوجيه مشاركه وحب وتعاون واخلاق انا عشت كل هذا اول خمس سنوات من حياتي واتمنى للجميع اول خمس سنوات من حياتي واخونا الفاضل متى ينتهي الاربعين هل اقتربت نهايته |
بعد إذن صاحب الموضوع
أحنا يا خاله green رجالنا في منهم الله يهديهم وليس كلهم ممكن يسمعك كلام يسم البدن ويطلعك انتي والبيبي اللي ليصيح في الليل عشان يبغا ينام وكثير حريم نعرفهم ولا نسمع عنهم ممكن يكملون نومتهم بالصالة ولا غرفة ثانية لهذا السبب هذا إذا حس وبعضهم نومهم ثقيل مريحين راسهم ولا يدرون انه الصغير أساسا يصحى بالليل تكونين مريضة وحالتك لله ما يفكر يشيل الصغير ويغيره عنك ولا يحاول تهدئته الأكل لازم جاهز بوقته وانتي مربوشه مع الصغير ماله شغل لو إنك بنت سنعة كان عرفتي كيف تنظمين كل أمورك من نوم ومن ترتيب ومن تغسيل وطبخ وكل شيء متناسي القدرات والطاقات هذه التنازلات والمشاركة لا يؤمن بها الكثير ربما لأنهم ما يعرفون معاناة المرأة خلال الحمل والولادة أو لأنهم مدللين وتربوا كل شيء يجيهم جاهز واللي يعرفها ويقدرها يقول خليك بيت أهلك احسن بيريحونك أكثر مني عندهم خبره وأنا ما أبغى أتعلم عليك وأتعبك لاحقين على خير استردي عافيتك وتعالي عندي |
ياقلبي ياقرين أنتي ، أنا أقرأ ردك وداخلي ابتسامة عريييضة
لأني عارفه قصدك وفاهمة عليك لكن وبكل بساطة المجتمعات تختلف وأحياناً يُفرض عليك أمر بحكم العادات والتقاليد وشي طبيعي إننا نمشي مع التيار عزيزتي .. الواقع نعيشه والمأمول ربما يكون غير مانحن عليه قليل من رجالنا ( اقصد بيئتي ) من يقوم بمثل ماتقولين عنه وربما نادر ! قليل اللي يدخل المطبخ حتى من غير حمل زوجته قليل اللي يساعد في ترتيب البيت أو على الأقل في ترتيب مابعده هو شخصياً قليل اللي يساعد في الغسيل << لاحظي مجرد مساعدة وليس غسيل كامل وووووو هذا في حالة عدم ولادة زوجته فما بالك بفترة نفاس تحتاج فيه المرأه من يهتم بأدق أمورها من غذاء خاص ومساعدة للبيبي وسهر وهذا مستحيييييييييل يعمله زوج ذكرتيني بأحد أقاربي الرجال أعطيه يحمل أي شي ولا يتحمل أن يحمل طفل صغير بالأشهر يبان عليه الخوف والرعب على ملامح وجهه هذا بالله كيف بيتحمل يساعد زوجته ؟؟ اعلم أن الأمر محبط قليلاً لكن هكذا حياة رجالنا الدلوعيين واسألي أي واحد بالمنتدى عن كلامي ( أهل نجد ) |
اقتباس:
كويس قرأت الرد بعد مااضفت ردي ، اعتقد نفس المضمون وفعلاً ذكرتيني بسالفة النوم وبكاء البيبي في الليل اغلب اللي اعرفهم تقول المشاكل تبدأ من هنا لأنه الزوج المصون مايحب الإزعاج وانتِ والبيبي مزعجين وكأنك إنتِ اللي قلتي له يبكي ويزعج أبوه وتلقينها تدووور بأبعد مكان عن غرفة نومة مايدري حتى عن نفسية زوجته وسهرها ومايحاول يساعدها على الأقل بكلمة طيبة لما يطلب منها تطلع فيه برى الغرفة ، لأني دائماً أقول : المرأه محتاجه فقط لكلمة طيبة وتعامل رقيق وصدقني راح تقوم بكل واجباتها وأكثر وهي مبسوطة والله يعيين إذا كان العكس تعب وارهاق وزوج مايعرف يتحاور بذوق ويطالبون بحياة زوجية سعيدة !! |
| الساعة الآن 06:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©