|
الله يفرج همك ويعينك حبيبتي وعليك بالدعااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااء وكثرة الاستغفار
|
فرج الله همك وردالله زوجك ردا سليما
عليك بصلاة الليل ودعاء السجود والله لها مفعول عظيم عن تجربة وكذالك كثرة الاستغفار وان شاء الله سحابة صيف وتزول بأذن الله |
صمت وسكون
أنا اموت فيه بعثرني غيابك سحابة الصحراء الله يجزاكم خير على الرد |
اقتباس:
لا عزيزتي حنا لما قلنا لك لانه مريض يسوي كذا ماقلنا كذا مجاملة او مواساة لا عزيزتي كلامنا محاسبين عليه ولانه الحقيقة قلناه ليس مواساة او مجاملة صدقيني انتي انسي اللي صار والحمدلله انه الخيانة ماتعدت حدود الاحاسيس والمشاعر ومتى ؟؟؟!!!! في وقت كان هو غايب عن نفسه وعقله ولا يعي مايفعل حبيبتي والله انا ناصحة لك انتبهي لنفسك ولاتحرقين اعصابك على شي مايسوى زوجك يمر في ازمة مرضية لاتجلدين في نفسك وتضيقين خلقك عشان وحدة تافهة ماتستاهل حتى تفكرين فيها انا ماقول تساهلي في امور الصلاة والمعاصي وغيرها لا حاولي معه في هالنواحي وربي يقدرك باذن الله من ناحية ان العلاج راح يعطي مفعول باسبوعين من وجهة نظري انا لا اعتقد اسبوعين قليلة لكي يرجع طبيعي اصبري واهم شي ينتظم على العلاج بدقة شديدة وتابعو تاثيرة مع الدكتور يعني في كل مرة اذا جاء موعده اللي حدده الدكتور والدواء ما اعطى المفعول المطلوب قولو للدكتور هذا الكلام وانه ما اعطى مفعول وهو ممكن يضبط الجرعة او يغير الدواء وهكذا لانه الدواء وجرعته يضبط على حسب كل مريض وتاثيره عليه ويااااااااااااااااااااااااااارب ياحي ياقيوم اشفي زوج اختنا ثبات واهده لها ورده للحق وفرج همها وكربتها ياااكريم |
اقتباس:
الله يجزاك خير يااختي المتفائلة والله اني صرت احب اشوف اسمك دايم تريحيني زوجي امس كلم الدكتور وقال له ان زوجتي فيها اكتئاب وابغاك تكتب لها علاج رفض الدكتور وقال لازم تجيني اول وكلمته وقلت له اني تعبانة بسبب موضوع الخيانة ولكني ماقلت لزوجي قال لالاتقولين له شي تعالي وانا ابشوف واحس انه ناوي هو يكلمه ويعلمه بطريقته وش رايك اروح للدكتور ؟ انا الحين ودي ان زوجي يتكلم معي ويعلمني وش قصه هالبنت بالضبط ودي احل الالغاز اللي بذهني لاني اشوفه يدافع عنها واشوفه بنفس الوقت يبي ينتقم منها وبنفس الوقت يقول لي لو قلت لك السالفة راح ترتاحين لكن مامنها فايده ماراح اقولها انا ودي انه يهتم شوي بمشاعري علشان كذا يمكن لما يكلمه الدكتور ويعلمه يمكن يخف علي شوي ومع انه هاليومين الحمد لله ماصار يقهرني بالكلام زي اول مدري هو مفعول العلاج او لانه شافني ضيق صدري وابي رايك هل اقول له انه عنده اضطراب لانه مايدري ان العلاج للاضطراب يظن انه للاكتئاب والدكتور الظاهر انه ماقال له ومعليش اخر سؤال عندي :d لو افترضنا انه حب البنت ذيك الفترة تتوقعين بعد العلاج راح ينساها مع انه الحين خلاص ماعاد يذكرها وافهم منه انه يبي ينقم منها |
لا قلبي اسألي اللي تبين انا وكل اللي هنا عشان نساعدك وتفضفضين لنا كل اللي بخاطرك بالنسبة انه مايدري انه عشان الاضطراااب فهذا افضل شي سويتوه انتي والدكتور واللي ساعدكم انه اساسا يعاني من اكتئاب فانتبهي لاتخربين على نفسك وتقولي له بالنسبة لروحتك للدكتور روحي عزيزتي اكيد راح تفيدك وتخفف عنك كثييييييييييير لما تفضفضي للدكتور عن حالة زوجك ويفهمك كيف تتعاملي معاه ويفسر لك بعض تصرفاته وليش تصرف كذا وراح يطمنك ويأكد لك متى راح يرجع طبيعي يعني راح تفيدك كثير باذن الله بالنسبة للي شاغل بالك يااااعسل وسالفة هالبنت اللي انتي موراضيه تشيلينها من بالك هو الحين كارهها ( وانتي حاسة بهالشي رغم اخفاؤه عنك بس انتي مو راضيه تقتنعين ) سبب انه مايعترف لك باللي يحسه من قهر تجاه البنت وانه ندم على علاقته فيها وانه وثق فيها السبب اتوقع عشان ماتتشمتين فيه ولايحس هو انه ضعيف زيادة قدامك ... ومرات المخطئ لايريد تذكر احداث خطأه حتى بينه وبين نفسه ووده لو يمحيه من ذاكرته لانه ذكرى لشيء يدل على غباءه وضعفه. بالنسبة لسؤالك الاخير :d انا سبق وان رديت عليك في موضوعك السابق لكن حذف الموضوع نهائي المهم بعد العلاج (واتوقع من الان حسب كلامك ) بعد مايسترد زوجك عقله ويذهب عنه مايعاني منه من اضطراب باذن الله راح ينسى كل مايتعلق بالفتاة او بمعنى ادق راح يعتبر علاقته فيها شي سيء وغلطة غبية يخجل منها و لايحب تذكرها لانه لما غلط هالغلطة ماكان بعقله والان لما استرد عقله بالتأكيد عقله سيرفض هالتصرف ويخجل منه ويحتقره اضرب لك مثال مثلا فتاة في مرحلة المراهقة في المدرسة تعرفين حركات البنات والاعجاب الله يهديهن ويحميهن لنفرض ان هذه الفتاة معجبة بمعلمة ومتعلقة بها بجنون ولاتنام الليل من كثر التفكير بها وممكن توصل انها تضر بنفسها اذا حصل لمعلمتها مكروه لماذا تتصرف هكذا طبعا السبب الرئيسي انها في مرحلة المراهقة عندها اضطراب هرموني يؤثر على تفكيرها ومشاعرها لكن بمجرد ان تعقل وترشد هذه الفتاة وتتعدى هذه المرحلة ستحتقر نفسها على تعلقها بانسانة مثلها ولا تحب تذكر ماحدث لانه يدل على غبائها وتفاهتها هذا ماسيحدث مع زوجك سيحتقر انه وثق في انسانه تافهة وفكر بها وغلط هذه الغلطه لكن انتي حبه لك شرف وتاج على راسه لانه هو الصحيح والاساس راح يرجع لك ويحبك اكثر لو مابين هالشي بكلامه مثل مايعمل الان لانه لايريد ان يبين ضعفه ويهز صورته امامك اكثر ودفاعه الان عنها فهو يدافع عن نفسه وليس عن حقيرة مثلها لانه عندما تسبينها تذكرينه فيها وبتصرفه وغلطته فيريد اسكاتك فقط ويدافع عن نفسه بطريقة الهجوم اتمنى فهمتي علي ولوبشكل بسيط:d على فكره مشكلتي اني اتصور الشي تمام وكيف راح يكون لكن للاسف ما اعرف اعبر عن اللي نفسي اقوله |
الله يجزاك خير ويوفقك وييسر امرك يااختي المتفائلة
والله انك وسعتي صدري بكلامك وخصوصا بالمثال اللي ضربتيه فعلا اكيد تضايقه هالايام لما اذكرها وكلمته افتحي صفحه جديدة وانسي يدل على انه متحسف تصدقين شكلي ماراح اروح للدكتور لاني كنت ابي اقتنع والحين اقتنعت مايحتاج اروح وانت اثبتي لي بادلة من تصرفاته ماتصدقين شلون انك ريحتيني مرررررررررة الحين احس اني مرتاحه لانك حليت لغز دفاعه عنها وبنفس الوقت تفكيره بالانتقام الله يوفقك بس ابسألك ليه تشوفين انه المفروض مانقول له ان عنده اضطراب ؟ سؤال اخير ليه منذ حدوث المشكلة وذهابي لبيت اهلي يرفض انه يقول لي احبك ويقول لي انا مااحب احد حتى لما اساله عن البنت يقول انان مااحب احد ولا اكره احد حتى لما شافني مت صياح عيا يقول احبك ومرة من المرات قال ليه احب واتعلق بعدين يروح عني المحبوب اما بموت او طلاق او غيره على الرغم من انه يقول لي اموت فيك انت قلبي انت حياتي لكن احبك ما يقولها ابد وكيف اعرف انه يحبني الى الحين :d ومقدار هالحب :d:d |
اقتباس:
:22: الصراحة اسعدني جدااااااااااااااااااااااااااااااااا انك فهمتي علي وانك اقتنعتي بتفكير زوجك وربي يريح قلبك وباااااااالك على طول يستحسن ماتقولين له عن الاضطراب لاسباب كثيرة منها ممكن يكابر ويرفض العلاج ومنها ممكن تتازم نفسيته اذا عرف ان عنده مرض نفسي وانه يتعالج منه فالافضل على الاقل الان مايعرف خاصة ان الظروف تساعد وممكن تستشيرين دكتوره وتقولين له وتشرحين له الوضع وهو اكيد اعرف بحالته واللي يشير عليك سويه بالنسبة لسؤالك الثاني اتوقع هذا الشي يؤكد كلامي هو لما احتقر حبه وعلاقته مع البنت اللي ذكرتي صار عنده ردة فعل ويمكن صار يخاف من هالكلمة وماصار يفرق يخاف يطلعها وتصير غلطه عليه ويمكن يخاف يبين لك حبه وتعلقه فيك وتعرفين انتي مكانتك عنده فتكابرين عليه وماتسامحينه على غلطته بس مع الوقت راح ينساها وينسى سيرتها وانتي لاتحاولين تذكرينه فيها لحد مايستعيد ثقته بنفسه ويرجع لك طبيعي ويبين حبه لك بدون خوف انا اتوقع كذا والله اعلم وابدي صفحة جديدة معه زي ماقال لك وربي يسعدك ويهنيك ويخليكم لبعض |
لا املك لكي الا الدعاء اللهم فرج هم الاخت ثبات ورد لها زوجها ردا" جميلا" أسال الله تعالى لنا ولكي التوفبق والسعاده في الدارين.
|
طبعا ثبات اقصد بالنسبة لتحفظه عن تعبيره عن حبه الان
لكن قبل لما كان في مرضه ولما كنتي عند اهلك ذاك الوقت هو في اضطراب ومريض ولا يعي اي شي بالشكل الصحيح سواء الكره او الحب |
| الساعة الآن 02:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©