|
وعلى فكره بالنسبه لحبوب منع الحمل تسبب تقلب مزاج لكن ليس بشكل متواصل أي ان المده لا تطول كما في حال زوجتك الا الوحم اي الحمل يسبب الاكتئاب عند بعض النساء
|
اخوي
طيب اسالها اييش هو الشي اللي يخليكي مبسوطه وكيف ممكن تكوني مبسوطه او يمكن تغبي هى سي سيد انو انا رجال مااغسل عين حرمة على قولتهم ماعرف |
أخي ربما هي أصابتها عين
نعم العين حق كما قال عليه الصلاة والسلام انا زي زوجتك لم أكن اشعر براحة احيانا واشعر بالضيق والبكاء لدرجة أحيانا يدخل علي زوجي ويرى الدموع بعيني فجأة دون سابق انذار أول الأسباب لإختلاف الجو والبيئة وانسان فجأة سأعيش معه العمر كله ومن ناحية أخرى هي العين التي أصابتني وأصابته هو أيضآ ففي مرة من المرات كان بجانبي وفجأة مسكني بقوة وجلس يبكي أتصدق انه يبكي بشدة وكأن كتلة من الصخور على صدره تريد أن تتفجر الآن انا وهو منفصلين دعواتك برجوعنا لبعضنا ودعواتي لك ولزوجتك بالسعاده ولا تنسى الرقية ياأخي فهي الشفاء بإذن الله |
اخي الكريم من كلامك باين ان طلباتها جميعا مجابه وانك مسالم جداجدا معها والزوجه لابد ان ترى قوامه من الزوج قوي شخصيتك شوي ويمكن كان طلبها غسل الصحون اختبار لك |
أعتقد لأنكم ببداية زواجكم
انا والله لو ماوقفت معي خالتي وارشدتني كان تطلقت ذيك الفترة أتذكر جلست عند اهلي فترة من كثر ماانا متضايقة منه ومو طايقته اتوقع ان مساعدتك لها زادت الصراع بداخلها حست بحنيتك وعطفك أرقها وخبرها ان الشيطان هدفه يهدم البيوت المؤمنة وان الانسان غلط يستسلم لنزغاته فهمها أن الخطأ مو منك ولا منها بس منه لاجل يحزن قلوبكم وحاول تشغل وقت فراغها لأن الفراغ أكبر مهلك |
عزيزي..أرى انكم تغيرون السكن كم يوم وتشوف هل فيه فرق أو لا!!
شقة مفروشة أو فندق سواء في نفس مدينتكم أو غيرها!1 أعتقد بنسبة كبيرة حتشوف فرق كبير !!! |
حبوب منع الحمل ممكن تكون السبب خليها تتركها
هي ما تحس ان نها بس اذا تركتها بتشوف الفرق وانها بترتاح نفسيا كثير ان اقراء الرشتا الي علي العبوة حقت الحبوب مكتوب عليها تسبب اكتاب وتقلب في المزاج وزي ما قالوا الاخوان روحوا غيروا جوا اي مكان افضل تروحوا الي مكة تاخدوا عمرة وخاصة انكم في رمضان والاجواء روحانية تتقربوا من الله وتتقربوا من بعض وقبلها تترك حبوب منع الحمل اول |
[فيافي نجد]
اخي الكريم من كلامك باين ان طلباتها جميعا مجابه وانك مسالم جداجدا معها والزوجه لابد ان ترى قوامه من الزوج قوي شخصيتك شوي ويمكن كان طلبها غسل الصحون اختبار لك |
وعليكم السلام ورحمه الله وبركاته، اخوي الكريم متزوج و لكن، الله يعينك ياخوي ويفرج همك ان شاء الله... ياخوي معليش بتكلم بصراحه، وارجوا انك ما تزعل مني لا انت ولا باقي الاعضاء... اخوي مسأله غسل الصحون والقوامه اللي ذكرها بعض الاخوان ما لها اي علاقة باللي قاعد يحصل لك انت وزوجتك، وبالعكس مساعدتك لها هذا شي يحسب لك، وتأكد ان زوجتك مقدره لك هالشي... كل الناس سواءا كانوا رجال او نساء يمرون في تغيرات مزاجيه، وهذا له اسباب كثيرة ما ابي ادخل في تفاصيلها. لكن مسأله ان الانسان يكون دائما ولفترة طويله متضايق ويصيح(يبكي) بدون سبب هذي يمكن شوي غريبة... وانا بذكر لك الاسباب برأيي الشخصي والطريقة اللي اشوف انها مناسبة لحل المشكلة: وانا بطلب منك اذا تقدر انك تاخذ اجازة كم يوم، وتصير دائما مع زوجتك، تهتم فيها 24 ساعة... 1) يمكن زوجتك انسانة حساسة جدا جدا، ويمكن انشغالك عنها بسبب دوامك، صارت تحس بضيق وزاد هذا الشي يوم مع يوم الى ان وصلت لهالحاله(الله يشفيها ان شاء الله ويهون عليك وعليها). وترا مسأله الزاوج، يمكن تاثر على بعض الاشخاص يعني تخيل ان الواحد عايش معظم حياته اعزب وبعدين يصير له بيت ومسؤوليات، بعض الناس تحتاج وقت عشان تتاقلم مع نمط الحياة الجديد... الحل: حاول ان تكون معها دائما خصوصا هالفترة هذي، ودائما حسسها ان قريب منها، يعني جلسها على حضنك مسح على راسها، حسسها انك فعلا تحبها وانها على رأس اولوياتك، حتى لو انشغلت او في العمل اتصل عليها وسولف معها وتطمن عليها وطمنها... 2) يمكن يكون السبب عين لا سمح الله. الحل: اولا انتبه تقول لزوجتك ان فيكي عين او حسد ولا تجيب لها سيره نهائيا، ومع احترامي لجميع الاعضاء والمشايخ هذا الشي ما يعلم فيه الا رب العالمين، اما مساله ان الواحد يعرق وتنمل يدة ولا رجله (وانتم بكرامه) هذي كلها اجتهادات متاخرة، ولا على وقت الرسول (صلى الله عليه وسلم) وحتى الصحابة والتابعين ما قد سمعت انه ورد عنهم مثل هالاشياء اطلاقا، لكنها اجتهادات ونحترمها ونحترم اصحابها... واقرأ عليها اخوي انت بنفسك، وترا ياخوي القرآن الكريم كله بركه، ولا فيه فرق بين مرض عضوي ولا نفسي ولا حتى روحي، الله سبحانه هو اللي يشفي، اهم شي يكون الانسان متوجه بنيه صافيه لله عز وجل... ولا تنسى اخوي انك تتصدق، فالرسول (صلى الله عليه وسلم) قال: "داووا مرضاكم بالصدقة ". بعدين اذا تقدر اخوي حاول كل يوم تصلي قيام/تهجد واطلب الله انه يشفي زوجتك ويهنيكم، واذا زوجتك قادرة قومها وصل انت وياها... وان شاء الله راح تلاحظون فرق كبير بإذن الله... ونصيحة لوجه الله، لا تروح اخوي لشيخ يقرأ عليها، والله بعضهم الله يهديهم بدال ما يهون عليك يدخلك في وساوس مالها نهايه، ويبدأ هذا فيه جني وهذا مسحور، والله العظيم ورب العباد وانا بحاسب على كلامي هذا يوم القيامة انهم ما يعرفون وش في المريض، بس كلها اجتهادات ليت الله يفكنا منها، لدرجه ان المريض تسوء حالت بسبب هالاوهام اللي يعبون فيها راسه... ويعلم الله ما كتبت هالكلام اللي عارف ان فيه كثير بيعلقون عليه، الا من تجربه شخصية مرة مع شخص عزيز علي، ولا ابيك تمر في اللي مريت فيه... 3) هذا السبب بأجله لبعدين، واتمنى انك تبلغني وش يصير معك... وابيك اخوي تجرب اللي قلت لك عليه، وتكفى طمنى وش يصير معك... وان شاء الله المرة الجاية اللي تكتب فيها رد يكون بإذن الله انك تبشرنا ان الامور رجعت مثل اول واحسن... عسى ربي ان شاء الله يشفي زوجتك ويهون عليكم ويفرجها عنكم... أخوك Mort Vivant |
الله يفرج كربتك ويعينك ويولف بين قلوبكم
ارقها بنفسك وخلك قريب منها |
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©