الحل هو التطنيش... واذا كانت تدق عليك او ترسل بحجه طلب الفراق قفل جوالك او حط خدمه الجوال المقفول
لما تدق يجيك رساله انها دقت ... حاول عالاقل تتركها شهر . وكل ماحنيت لها تذكر افعالها وقول ماتستاهلني وتذكر انه مجرد شهر ... صدقني التطنيش هو الحل... ولو درت انك مسافر لبرى ... مناطق معرووفه بالفساد (مراقص) وغيره... رح تموت غيره عليك... !!

ولو سمعت خبر انك رح تتزوج من فلانه معينه من منطقتهم رح تغلي وتخاف على نفسها

هي الحين ضامنتك لانك تترجاهم ولانك تعشقها ولان ببطنها طفلك ...

ارسل لهاا .. اخر رساله .. واكتب فيها الوداع الاخير...

انا سويت اللي علي وانتي اللي بعتيني ومن باعني برخيص بعناه ببلاش لو كان غالي والله يوفقك مع الشخص اللي تتمنينه وانا رح اريحك مني ومن طاريي لدرجه حتى لو بغيتي توصلين لي ماتلقيني ...
في وداعة الله
يعني رتب كلام زي كذا .. بحيث يوجع قلبها
ولاتنتظر اتصال او رسايل
وتجاهل قد ماتقدر ... صدقني صدقني انت الرابح ...!!!!!!

الآن لن تقلق لانها تعلم انني احبها , لكن اعتقد إن طالت المدة ستبدأ بالقلق وحركات الجنين في بطنها ستذكرها بي

هل ترين الرسالة ضرورية لاني بدات مشوار المقاطعة

الله يهدي زوجتك ويسخرها لك ويردها لك ردآ جميلآ

أسأل الله العظيم في هذا الشهر الكريم أن يفرج همك

وهمومنا وكل مسلم ومسلمه

يقول كلاماً في الماضي نقصاً با العقل.

ولكن اسمح لي بعقب على كلمه قلتها، انت تقول بيئتهم الفاسده، طيب وش لون ترضى انك تتزوج من بيت او من عائله بيئتهم فاسده او با الاصح غير صالح؟؟؟؟ او من الاساس انت ما تعرف بها الشيء.

اما بخصوص المشكله، اصبر ولا تستعجل انت ما قصرت ، وانت من الاساس منتب غلطان، ولكن عليك مأخذ بسيط وهو انك ما قطعت العرق وسيحت دمه من البدايه ،والله لو انها شافت منك الشده با الوقت اللازم للشده.

ما احد يلومك على تدليعك وتدليلك لزوجتك با العكس ، انت مأجور على ها الشيء ، ولكن انت الي عطيتها المجال واسمح لي بها الكلمه.

المهم لا تستعجل بعلاج المشكله، واهلك مالهم علاقه با الموضوع ، قول لهم، والله ان احد منكم تدخل با الموضوع او رحتوا من وراي وانا ما ادري ان هذا يعني طلاقها ، انا اقولك ها الكلام اذا فعلاً انت صامل وما تبيهم يتدخلون واهم شي ابوك وامك، قولهم بليز يا يبه او يا يمه هذي حياتي وخلوني اعيشها وارتبها مثل ما ابي ، اذا احتجتكم او احتجت نصيحتكم بجيكم ، ولكن لا تسوون شي انا ما ابيه او ما ادري عنها ، وان سويتوا تدرون وش بيصير.

قولهم اذا انتوا تبوني ارتاح خلوني ارتب حياتي مثل ما ابي ، واذا مستعجلين على رجعتها ، الي جابها يجيب غيرها، ماوقفت الدنيا عليها.

زي ما قلت لك اصبر ، ان صار شي جديد قبل الولاده فخير وبركه ، واذا لا فأصبر الى بعد الولاده، واذا مافيه حل الا انها ترجع بشروطها ، فمو مشكله ، ولكن اخذ عليها مره ، وخليها تعرف ان الله حق ، وانها مو اول واخر بنت بها الحياه.

الله يوفقنا ويوفقك

أخي

هل بيت أهل زوجتك أحد علماني ؟

أو من صديقاتها أو المنتديات التي تزورها ؟

ههههههه

لااا هداك الله