|
لن أعلّق على مشكلتك ..
ولكن لدي اقتراح أتمنى أن يتسع صدركم له : أذكر أني سمعت فتوى للشيخ محمد العثيمين رحمه الله ويمكن أن تبحث عنها في موقعه لتتأكد من نصها .. كانت عن خروج المرأة للسوق .. أذكر من ضمن كلامه قال : من الأفضل للمرأة أن تخرج لوحدها للسوق شريطة أن تكون آمنة للفتنة ومتسترة وغير متبرجة لأن الرجل اذا خرج معها عُرفت المرأة أنها زوجة فلان الفلاني أو أخته لذلك تخرج وحدها حتى لا تُعرف وتقضي حاجتها بسرعة وبسهولة .. هذا فيما معنى كلام الشيخ رحمه الله .. وهذا فعلاً حقيقي أشعر بـ ( كـ إمرأة ) بصراحة أحب أطلع مع أخواتي بدون مااحد يعرفنا وحتى نقضي حاجتنا بسرعة ونتشاور بيننا لأننا أعرف بحوائجنا .. وحتى مايطفش الرجل من المشي بالسوق بدون فائدة .. وشيء آخر بالنسبة للمصروف بإمكانك تسوي لها حساب بالبنك وترسل لها مصروف خاص بها وبـ الأولاد .. وتخليها تروح للسوق مع بناتها لوحدهم معها بطاقة صراف وانتهينا وخلهم يمشون بالسوق الى بكرى .. ومتى ماخلصوا يتصلون عليك وتجي تاخذهم .. بحيث تبعد عن المشاكل من اختيار ملابس لها أو تعب بالمشي وغيره .. سلام عليكم ,, |
قرصتين على اذنها بتتأدب بس هي لقتك حنون ومدلعها السفر ابدا مو حل عندنا الوالدة كذا ومتورطين معاها بس وجود ابوي الله يحفظه خفف كثير من تسلطها ولولا الله ثم ابوي كنا متنا قهر انت تهرب من مسؤليتك اتجاه البيت وتترك الاولاد لمن انا والله انصحك من واقع تجربة لما كبرنا صرنا تقول نعلم ابوي بنقط ضعفها لين مرة سوينا تمثيلية عليها قلتلها سمعته يكلم صاحبه يقوله اذا البنت ماهي سليطة لسان وتحترمني خلاص خذلي موعد من ابوها وهو كذب بس علشان تتعدل وصار هو يصارخ عليها ويقولها غيرك مليان وينتقدها قبل اي تتكلم والله تحسنت وحتي اذا بدت تصارخ روح وخليها تكلم نفسها والسوق اعطيهاقلوس ووديها وخليها تلفلف لين يعورها راسها البنات خذهم واشتريلهم وخلص امورك وهي كل يوم ارميها بالسوق مع الولد لين تتأدب الوالدة احنا كذا والقهر اذا ماعجبها شي في المحل ماتخلص واذا رحنا المحلات الثانية قبل تسكر تقول بلا صياعة لارحنا السوق قمتوا تتهربون ناقشنها عدة مرات ولا نخليها في المحل ونوقفلها عند الباب تحسنت كثيرر حتى ابوي يقولها لارحنا انا والبنات خلصنا بسرعة انتي لا تقعدين بالساعات ماعندك ثقة بنفسك نبغين شي على بالك مميز ماغير ينكسر ظهرك ورجلينك وبالاخر تجيبين شي عادي لو انك لاعنة ابليس من الاول احسن كل مرة يسمعها ذا الاسطوانة والله العظيم تغيرت انت شد معها والسوق طنشها ارميها مع الولد وارجع البيت ريح والله بتتأدب صدقني ..واسفة عالاطالة بس والله حاسة فيك لاني نفس وضعك ..
|
كل عام و أهل المنتدى بخير و تقبل الله منا و منكم صالح الأعمال
الأخ ولهان يبدو أنك عودت الجماعة عندك في البيت على الموافقة على كل طلباتهم و الحواطة في المولات لكن في رمضان على الأقل كان لازم لا توافق على تضييع الوقت في الأسواق و أنا الجماعة عندي في البيت شارط عليهم اذا تريدون شيء في رمضان لازم بالنهار تجنبا لزحمة السوق و بقائمة معدة قبل الخروج من البيت و تحديد المحلات المستهدفة مسبقا لأن في السوق معروفة نوعية البضائع التي تعرض في كل محل عادة لكن لو طاوعت النساء في التسوق لا تعرف تلحق صلاة جماعة و لا عبادة و لا غيرها كل الوقت يضيع في المولات و سلامتكم |
الله يصبرك ويعينك ويفرج همك
خذها على قد عقلها ولاتعطيها وجه بزياده |
كلامك روعة ياباريسا .. الكثير من ردودك واقعية و مميزة وراقية :22:
واحب ازيد على كلام باريسا اني اعتقد والله اعلم ان اللي تسويه زوجته هو صرخة استغاثة !! نعم .. صرخة استغاثة .. زوجتك محتاجة لحدود وضوابط .. محتاجة لخطوط حمراء عشان تقدر تعيش هي بأطمئنان ,, هي ماهي حاسة بالطمأنينة لانها عايشة بدون قوانين تحكمها و وتحد من سلوكياتها. بس لاااااااااااااااااااااااا يمكن تقول لك هالكلام لانها قد تكون غير واعية لأحتياجها لركن منيع تأوي اليه ,, ولكن عقلها الباطن يدرك ذلك جيداً وبناءاً عليه تكون تصرفاتها .. لعلمك .. كل الناس رجال ونساء يحتاجون لخطوط حمراء في تعاملهم ولكن هم لايدركون ذلك ولو ادركوا فهم لايصرحون ابداً !!!! لايمكن تلقى رجال يقول لزوجته انا احبك اذا انشغلتي عني وصرتي ثقيله .. مع انه في الواقع تجذبه هذه النوعية من النساء ,, ريما يخاف ان يصارحها وبالتالي يعرض نفسه لفقدها اذا انشغلت وربما هو مايدرك هذه الحقيقة ولكن عقله الباطن يحكم سلوكه . ولايمكن تجد امرأة تقول انا احب الرجال اللي يعاملني بقسوة ,, على الرغم من شعورها بالطمأنينة اذا تعرضت للعقاب ولكن هي تخاف تصرح وتعرض نفسها للخطر .. وتخاف تتكلم عن احتياجها وزوجها يجيب العيد في تعامله معها !!!! عموماً ........... حتى لو كان تفسيري صحيح لسلوك زوجتك ,, وحتى لو هي تحتاج للشدة والصرامة ,, وحتى لو انبسطت على سلوكك الجديد . لازم تدرك انت انها بتقاومك!!!!!!!!!!!!!!!!!!!!!!!!!!!!!!!!!!!!!!!! لان الانسان يقاوم الظروف اللي تسيطر على حريته حتى لو كانت عاجبته!! ولكنها سترضخ بعد مدة وبتشعر معك بالامان وبيظهر ذلك على سلوكها لاتعتقد اني اتفلسف عليك ..لاوالله هالكلام سمعته بإذني من دكتور وشفته بعيني على ارض الواقع. وعندك قصة وقفت عليها .. مايرفض لها زوجها طلعة !!! كل يوم طالعة من البيت !! وهي من كثر الطلعات صارت تحتار وين تروح .. و اللي حصل ان زوجها طفش وزهق وصار يمنعها من الطلعات الا في حدود ... الغريبه انها تتكلم مع زميلتها وتقول يوم صار يرفض حسيت اني تنظمت !! حسيت اني اقدر امارس هواياتي بطريقة صحيحة !!! حسيت ان زوجي رجاااااااال !! حسيت انه مايبغى الفكة مني ويبغى يشوفني في البيت !!!! صرت عايشة على اساس وعلى نظام !!! << والله ثم والله ان هذا كلامها وان القصص المرفقة ماهي من خيالي انما من واقع شفته وعاصرته ___________________________________ (وهذا نموذج لنساء قويات وجريئات وطباعهم صعبة وسيئة ) امرأتين مايرتاحون ولايهجدون ولايستقيمون الا بالشدة ومدة اليد _ لا احرضك على مدة اليد ابداً ويشهد ربي ولكن اتكلم عن حال البنتين اللي اقول لك قصتهم _ وبدون الشدة يفضحون رجالهم عند الله وخلقه ويتهاوشون مع الجميع رجال ونساء_ الله يعافيهم ولايبلانا_ والله اني اقدر اميز سلوكهم قبل العقاب وبعده !!! بدون مايقولون ولايتكلمون . اذاً فيه نوعية من النساء ماتستقيم الا بالقسوة المفرطة . طبعاً كلامي هذا في حال كانت علاقتك انت وزوجتك سوية من البداية يمكن انت جرحتها زمان بخصوص شكلها او مكانتها في قلبك فهي مقهورة وحاسة بالنقص وتنتقم من بعض كلامك . او محتاجة حب او محتاجه ثناء .( وهذا نموذج ثالث لأمرأة فاضلة ولكن محتاجة مكانه خاصة عند زوجها) احد صديقاتي تقول عاشت شهور من النكد مع زوجها وبس تبكي من اقل كلمة يقولها ولاتحب تجلس معه كثير وكل ماكلمتني بس تبكي لدرجة شكيت ان عندها اكتئاب . في يوم من الايام زوجها تأملها قليل وبعدها قال والله انك جمييييييييلة !!!!! تقول واضح الصدق في عيونه ونبرة صوته . ,, زميلتي تحلف بالله ان بعد كلمته قعدوا 4 اشهر ما اختلفوا مع بعضهم ابداً ابداً ابداً_ماشاء الله تبارك الله_ كلمة صادقة جعلتها امرأة مختلفة من بعدها ودعت النكد وهالحين القصة مضى عليها سنة وتقول الله لايعيد ذيك الاشهر اللي كنت تعبانة فيها .. طلعت محتاجة للثناء الصادق . انت عاد تجاوز مرحلة الفضفضة واقعد مع نفسك جلسة صادقة و استعرض ذكرياتك مع زوجتك عشان تقدر تشوف التفسير المناسب لسلوكها وبالتالي العلاج الناجع لها . ولاتهرب ... الهروب مو من شيم الرجال .. وحبك لعيالك وين راح ؟؟ وش ذنبهم ينحرمون من الأب ويكونون اقل من غيرهم !!! والرسن في يدك اصلا ً |
والله ياخوي ما اعرف ايش اقولك بحكم ان ماعندي خبره بالموضوع ترى كلنا عندنا هم والعيد بالنسبه ليا صار وقت بكاءء اجلس افتكر فيه بابا الله يرحمه قريت كلامك وخفت تصير عاااده الله يفرج همك ويوفقك يارب وكل سنه وانتا طيب |
تأمل في سيرة سيد الخلق صلى الله عليه وسلم ..
.. فهي تكفيك .. .. |
كل عام وانت بخير يا باريسا ولكن من اهم الاشياء التي تقوم سلوك الانسان ( الثناء و الانتقاد ) ( الثواب والعقاب ) يجب أن تكون أنت مرآتها .. خذ دورها .. افعل كما تفعل .. استخدم كلماتها .. اسلوبها ردات فعلها .. يجب أن تكون نسخة منها .. عاملها كما تعاملك بالضبط .. ليس من المطلوب منك أن تغضب أو تثور أو تعاقب في المرحلة الأولى كن لحوحاً .. ملولاً .. اي شيء لا يعجبك .. انظر للجانب السيء من اي شيء تفعله لك يعني ما يعجبك العجب ولا الصيام في رجب إذا غضبت من تصرفك .. قل لها : مثلك ... دائماً ردد : مثلك ستأخذ وقتاً ولكنها ستنتبه لنفسها ولكلماتها ولردة فعلها .. لأنها ذاقت مرارة تصرفاتها وشيئاً فشيئاً ستبدأ في محاسبة نفسها وتفكر قبل أن تعمل شيء أو تقول شيء عييييين العقل يا ((( باريسيا ))) :22: اخي بالله انا من راي اختي وحبيبتي بالله بــــــــــــــــــــــــــــــــــاريسيــــــــــ ــــــــــــــــــــا انا اختك سافر معي.... لا تلموني عندما اقول لاختي باريسيا ** أحبك في الله ** |
سبحان الله طبع زوجتك كانك تتكلم عن زوجي عشق للبؤس والنكد الحمدلله على كل حال
|
أخي الولهان /
الله يهديك ليش تنظر للحريم هالنظرة السوداء ومثل مافيه حريم نكديات على قولتك فيه رجال نكديين أيضا والدنيا فيها الصالح والطالح وأصابع أيدك ماهي سوا في الطول بصراحة ياأخوي أنا أهنيك على سعة بالك وهدوؤك وحلمك مع زوجتك ماشاء الله عليك ليت كل الرجال مثلك شكلك ماتقصر معها بشئ وهاذي نقطة ضعفك وهذا مما سمح لها تتمادى أكثر في النكد يعني لازم تكون حازم شوي فيه نوعية من الحريم لوتتفضل عليه بأي شئ كهديه متواضعه وتوديها مشوار لمطعم أو سوق تقعد تدعيلك طول اليوم وكأنها ملكة الدنيا كلها بيدينها حتى لوكان ماقدمت لها ألا مجرد كلمة حلوة وأسلوب في التعامل والبعض ياأخي على الرغم من أن كل شئ ملك يديها وكل ماقالت أبغى قال لها شبيك لبيك أنا تحت إيديك إلا ان ذلك مايملى عينها لذلك ياأخي ضع خط أحمر في حياتك وخذ لك إجازة أسبوع واذهب عند أحد الأصدقاء أو زيارة أحد الأقارب ورتب حساباتك من جديد وابتعد قليلا وقل لها انك تفكر( بزواج المسيار مثلا كأسلوب لتهديد لا أكثر ) لأنك ماتحس بالراحة معها بسبب كثرة نكدها وصدقني مافيه شئ يهدد الزوجه ويخوفها ألا اذا حسستها أن مملكتها بتنهدم وانك تفكر بأخرى تجد عندها الهدوء والراحة الله يسعدك ويوفقك في حياتك & |
| الساعة الآن 09:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©