ياقلبي خلي الاسم على جنب ..

تدري انا كنت مثلك .. بس اخر شي خليت ابوه يسميه

الاب مسكينة
ما ياخذ من البيبي الا الاسم :)

لانه بعدين البيبي بيصير كله لك ان شاء الله

قصدي انه بعدين بتشوفي تعلق المولود بك انتي ..

ابني ابوه سماه .. بس تعالي شوفي الحين كل التعب و الوحم و السهر على قولتك جاب فايده
لانه متعلق فيني ,, كل شوي يجي بحضني .. يبوسني .. يلاعبني ,, و ابوه يتفرج و مو راضي يروح له :)

و كل ما يشتكي ابوه اقوله يكفيك الاسم :) ...

لا تشغلي بالك و تنكدي على نفسك ... مهما كان الاسم فا ابنك اللي بيحليه ... و الاهم انك تقومي بالسلامة
و تحضنيه بالسلامة ياارب
و بعدين من الحين اشرطي عليه .. هو سمى الاول خلاص بقية الاطفال كلهم انتي تسميهم ان شاء الله

الله يتمم لك على خير عزيزتي

الأسماء سينادى بها يوم الحساب والرسول علية الصلاة والسلام وصانا بحسن اختيار الأسماء

واياً كان الأسم فاهم شئ يكون اسم حسن

انا زوجتي حامل بمولودنا الاول

وقلت لها بنتشاور على الاسم وشاورت الوالد وقال سموه انتوا براحتكم انا موضتي قديمة شوي ويمكن اسميه اسماء قديمه اكل الدهر عليها وشرب

وسألت الوالده قالت لا انا سميت اغلبكم ومالي خلق دور على اسم وموب زين الا حلو وحوسه سموه وبكيفكم

اخر شئ قلت لأبو زوجتي يسميه

وسبحان الله اقولها ابوي بيختار الاسم قامت زعلانه ليه وعلشان ايش انا احمل واتعب واشقى وانتوا تسمون

وسبحان الله اقولها ابوك بيختار الاسم قامت تضحك ومبسوطه وايه ان شاء الله يختار اسم حلو وجديد

والله انتوا يالحريم شئ عجيب بس يالله نكبر عقولنا ونخليكم براحتكم ومهما كان هو اسم ما يقدم ولا يأخر اهم شئ يكون حسن



لكن اتمنى قبل ان تفكروا بالاختلاف على الأسم ادعوا الله ان يرزقكم بذرية طيبة معافاه من الاعاقات والأمراض

يذكر عن احد ابناء علي بن ابي طالب انه كان اذا رزق بمولود لم يسأل ما جنسه بل كان يسأل أسوي وسليم هو

اذا قالوا نعم قال الحمد لله وسكت ولم يسأل عن جنسه اذكر ام انثى او ما سيسميه

لا حول ولا قوة إلا بالله

أنا ماراح أناقش موضوع الإسم من حق مين .. شرعا . .. لأني ما أعرف هل هو من حق الوالد أم لا

ولكن أقول لكل الأباء والأجداد وأمهات الأزواج .. أكيد نفسكم تسمو حفيدكم لكن حبذا لو كان بأسلوب

فقط لمراعات مشاعر الأم اللي حملت وتعبت تسع شهور ..

يعني مثلا الأب يختار الإسم ويشاور الأم ويقول لها أنا أخترت هذا الإسم وإيش رأيك

أختي ..

صح شيئ يقهر لكن فوضي أمرك لله .. وإن شاء الله يكون الإسم مناسب

يا أختي ريحي بالك ولاتشيلين هم المهم قومتك بالسلامه والطفل يكون سليم_لان المسمي هو الله أنا من عرفت أن في بطني بنت وأنا أبحث عن أسماء بنات وأشوف معانيها ولما ولدت جلست ثلاث أيام محتاره واخيرآ سميتها أسم ما خطر على بالي أبدآ لحظتها عرفت أن الاسم مكتوب وإحنا أسباب الله يقومك بالسلامه

ملفوفة ... صح ابني سماه ابوه بس سماه على اسم جده و كان اسم قدييييييييم و مو حلو بس ايش بنسوي

يمكن حماك يختار اسم حلو ما تدرين ...و بعدين راح يدلعها و يحبها كثيييييير لانه هو اللي سماها

و صدقيني ربي بيبارك لكم فيها ان شاء الله لان زوجك بر بابويه و فرح ابوه بهذا الشي البسيط

فا ان شاء الله هذا الخير يرجع لكم باولادكم

لا تكبريها و افرحي بالمولود و بعدي الهم .. هذا اول بيبي ان شاء الله فلا تضيعي فرحته لاسباب ما تستاهل
والله يا ملفوفة فرحة اول بيبي ما تعادلها اي فرحة ربي ما يحرمها لاحد ياارب

عاادي فيه وااحد من الاصدقاء قال اول مولود يسميه ابوي

وفعلا لما جا ابوه يسميه وقف وقال يا يبه هالاسم والله قديم يعني مو معقوله

زميلاتها بالمدرسه وبالعائلة اللي اسمها لجين واللي اسمها افنان واللي اسمها راما

وتجي بنتي اسمها منيره ؟؟؟ مو مقبوله وقاله ابيك تعذرني والله يا يبه والله ودي بس علشان هالبنت مابيها تجيك بكره تقول ليه يا جدي تسميني اسم قديم ورضا قال براحتكم

فأنتظري وان شاء الله يكون الاسم جميل وماخطر ببال احد واحتمال ما يعجبكم وزوجك يضطر يفتح النقاش مره اخرى مع ابوه

بكل الحالات الضنا غالي سواء سميته او انتي سميتيه او ابوه او جدانه