المشاركة الأصلية كتبت بواسطة عاشق الجواهر (المشاركة 2235868)

السلام عليكم ورحمة الله وبركاته



بعد ان انهينا التراويح اتصلت علي زوجتي وقالت فستاني عند الخياط ما طلعناه

طيب الخياط في جنوب الرياض وهو مكان سكننا وانتي مع اهلك بالسوق شرق الرياض

والساعة الان 12 ونصف ما يمديني وانا مخطط للقيام مشكلتك ليه ما طلعتيه قبل هالوقت

قالت انا مشغوله بالسوووق

قلت عجيييب مشغوله بالسوووق طول رمضان مفروووض الأسواق مخلصه منها من زمان من قبل نصف رمضان شطبتي على الأسواق خلاص


قالت لا خلاص موب لازم اليوم جيبها بكره العصر بس قوله لازم يخلصها بكره قوله بنسافر علشان العيد

هنا تنرفزت شوي وقلت بصوووت معصب شوي يوم انه موب لازم اليوم ورا ما جبتها كلها بكره وانتهينا

قالت معليش


قلت معلوم زحمة هالأسواق انا اكرهها اوكي نامي

ثاني يوم اقولها اطلع فساتينك قالت ايه وجبها لي ببيت اهلي ومر البيت قبل ابي مكياجي واغراضي لاني بنام عندهم لانهم بيعيدون على جدتي بدري بعد صلاة العيد معليش ؟؟؟


قلت معليش وجمعت اغراضها كلها اللي وصتني عليها واخذت فستانها من الخياط


افطرت وجلست مع اهلي وتتصل الساعه 11 بالليل وتقول الفستان وسيع لازم يضيقه كبير مرره


قعدت تصيح وتسب بالعامل ما يعرف يخيط وجع يوجعه قلت خلاص ياعيني ولا يهمك اهم شئ البيبي اللي ببطنك لا تتنرفزين


تشكرتني وغرقتني رسايل شكر وامتنان والله ما كنت ابي منها ولا رسالة

ولما وصلت لبيتهم دقيت عليها وقالت ان المشغل دقوا علينا وجا دورنا ورحنا

<<<< طق فيني عرق وقلت وش اسوي الان انا اخذ الفستان

قالت انا علمت عليه بقلم الرصاص وبالدبابيس وهو بيضيقه

وجات اختها الصغيره والله قالت لي وش فيك كل شوي تجينا وتروح <<< شفتوا شلون

وقلت يا ولد هالوضع بس علشانها ضغطتنا بآخر الأيام وكانت ببداية الحمل وآثاره عليها بأول الشهور وماكان لها نفس تطلع اسواق ولا شئ وكانت حايمة تسبدها وتحمل

واخذت الفستان ورحت للجنوب وضيقناه وانا انتظره واخذته ورجعت للشرق وعطيتها أياه

وقلت لها لو طلع وسيع انا ما لي علاقة ماراح ارجعه خلاص انتهى

وسكتت

واصلت وصليت وسلمت على اهلي وهي سلمت على اهلها وقلت لها لك الى الظهر بعدها بجي اخذك واسلم على اهلك ونرجع لأهلي نسلم عليهم

قلت لها وانا اتثاوب طول الطريق انا تعبت امس ترا خلاص المرات الجاية تخلصين امورك كلها قبل 20 رمضان

وقالت ان شاء الله وخلصنا سلام وخلصنا كل شئ ورجعنا للبيت ونمت الى المغرب

صحيت الا هي صاحية ما نامت جالسه بغرفة الجلوس بالظلام الحالها

قلت بنفسي الله يستر شكلها براسها مشكله

وجالسه معصبه وش فيك ولا شئ وش فيك ولا شئ يمين يسار ماقالت شئ

اهلي بيروحون منتزة قالت ماني رايحه

اهلها يبون يروحون ملاهي بنروح قلت روحي مع اهلك وانا بروح مع اهلي ما اقدر اقول لأهلي ماني رايح معكم وبروح مع نسايبي موب زينه

ما له داعي تبرر لقراراتك ، أنت تقول و هي تسمع <<< طبعا باحترام و الزي منّه

ورجعت لها بالليل واخذتها اسولف معاها تعشيتي تقول ايه شلونك شلون البيبي عسى ما تعبتي

ترد بس احس ان فيها شئ موب طبيعي موب راضية تقولي شئ

رجعنا للبيت وحطت راسها ونامت

قلت تعبانه خلها ترتاح اكيد تعبت اليوم وهي حامل يعني لابد الواحد يكون مراعي لهالامور

وفتحت الاب توب وجلست اطقطق شوي وتهجم هجمة خطافيه علي بغرفة الجلوس وتاخذ شاحن جوالها وتسكر الباب وتسكر باب الغرفه

رحت لها وش فيك ؟؟؟

قالت مافيه شئ نايمه ودقت امي وفصل الجوال ورحت بسرعه اجيب الشاحن

قلت طيب ما يصير تقومين بسرعه انتبهي ترا ببطنك جنين انتبهي له تراه برقبتك

ولاحظت انها ما رجعت تتصل على امها على كلامها ولا شئ تعوذت من الشيطان وسكت

مر ثاني يوم عيد عزايم وعشا المهم

الانفجار صار ثالث أيام العيد اليوم الوطني

اهلها سافروا للطايف وازعجتني يالله نروح معاهم

قلت لها يا بنت الحلال انتي عندك ماشاء الله 4 خوات وانا لو رحت مافيه الا اختك الصغيره ما تتغطى عني

وباقي خواتك بيتغطون مو معقوله رايحين رحلة وانا اقسم العائلة نصفين

ثاني مرة أقول لك لا تبرر لقرارك

وشوي اقولها يابنت الحلال احنا طفارا والفلوس اللي عندي جامعها لقسط الجامعه ماراح اصرف منها شئ

الحرمة قلها ما نيب معطيك بس لا تقولها أبد أني طفران

وتقول امي تقول تعالوا والله تستانسون اكثر من ان معاكم فلوس ( برضو هنا طق فيني عرق من بقى من اهلك ما يدري ان زوجك مامعاه فلوس يسفرك ؟؟؟ )

هذي يحتاج لها خطبة بعد العصر اليوم ، يعني يحسبونك معيي عليها ما تبي تصرف دراهمك
و كل البيت يدرون وش الي في رصيدك ،، <<< لا تعليق


تبين تروحين ماعندي مانع روحي وسعي صدرك واهلك مانيب خايف عليك بالعكس

وشوي وتقول لا مابي اروح بقعد معاك قلت تحبيني ما تقدرين تفارقيني قالت لا بس امي تقول تروحين مع رجلك ولا لا تجين

يعني هي و أمها يقررون و يفصلون و أنت تلبس ، و الأوامر تجي من فوق أنت ولي أمرها بس مثل ولاة أمور العرب .




سكتت وانا عارف انها متضايقه من شئ وبرضوا قلت مصيرها بتتكلم وتقول وش مشكلتها ماني مستعجل

شوي وتطلع من محفظتها ألف ريال قلت وش هذي قالت عيدية من أبوي لك 500 ولي 500

أنا لو مكانك خذت ال 500 و قصيت بها تذكره لها و دزيتها على أهلها و أعيد و أنا مرتاح

قلت لا ماآخذ شئ افهموني يا جماعه ابوها ما عطى اخوها ولا بناته كلهم 1000 ريال يعطيها لي انا

وانا عارف انها كلمتهم عن اوضاعنا خصوصا اني ادرس الان بجامعة الإمام انتساب

وزعلت وقالت تحب تضيق صدري وتنكد علي قلت لها معي فلوس وشوله اخذ من ابوك خليها معاك تحتاجينها انتي

قالت بنطلع نتمشى طفشت قلت يالله عاادي ماعندي شئ

طلعنا وليتنا ما طلعنا اليوم الوطني وهالشباب ما تركوا مكان ما سببوا فيه زحمة وتحرشات الله يكافينا الشر

ودخلنا بالزحمة عند طريق الملك عبدالله وفيه شباب يرقصون وطالعين مع الشبابيك ويخبطون السيارات

انا منفعل خلقة وواصله حرارتي H ونزلوا شباب يرقصون ويمر واحد من عند شباكها ويضربه ويصرخ خافت هي وانا على اعصابي فتحت الباب ونزلت وتضاربت معاه والناس فرقونا بعد ما شوته تشويت الويل

قواك الله

ركبت السياره ما ادري وين غترتي

قلت حسبي الله عليه ما يستحي

قالت لا تعصب انت كنت مثلهم بشبابك عااادي

هذي عاد اللي ما قدرت أبلعها أبد أبد أبد ،، توك دابغ الكلب عشانه روعها و تجي تقول لك هالكلام

قلت وش شبابك مانيب شايب عمري 27 ومرينا بهالمرحله بس مو الى هالدرجة نضرب شبابيك السيارات وهالخرابيط

قالت يعني ما قد غازلت بحياتك

قلت لها ولا عمري كلمت بنت قالت باين ؟؟؟؟

و الله كلام رائع في توقيت أروع و حال الأروع

وش باين وش فيك فيك شئ تكلمي قالت لا خلاص وسع صدرك يالله نروح مطعم نتعشى ونرجع للبيت

قلت لها مالي مزاج مطعم يرحم والديك خل نشتري عشانا من أي مطعم تبين ونتعشى ببيتنا

قالت ماعليك انا بحاسب وفر فلوسك

ما شاء الله لا قوة إلا بالله عسى ما أنظلك على سعة حلمك و طول بالك


<<<< هذي اللي بتجيب لي جلطة وش فيها من حملت صارت تصرفاتها لا عقلانيه

قلت لها وش قالوا لك ماني قادر اصرف عليك واعشيك ؟؟؟؟

اللي تبينه بجيبه لك قالت ما بي شئ قلت احسن

واحنا نمشي الظاهر اني من الضغط والعصبيه بدأ خشمي ينزف واخذت منديل وسديته

ورجعنا للبيت قافله اخلاقها ليه ما تعشينا برا وتطنشني طول الليل ما ترد علي ولا تكلمني

جلست على النت وطنشتها شوي

على فكرة شغالة اهلها عندنا لانهم يوم جو يسافرون قالو خلوها عندكم

المهم تنظف كل البيت وانا والله مو متعود على شغاله نهائياً

وكل ما اجي اطلع من الغرفة تمسكني تعال وين رايح ( وش وين رايح اصغر عيالك ؟؟ )

قالت نسيت شغالة اهلي فيه قلت طززززز فيها وش دخلني فيها هذا بيتي واتمشى فيه مثل ما ابي

قالت لا فيه حرمة غريبه قلت يابنت الحلال هالغريبه كبر جدتي اكبر من امي

وخري بروح الغرفه قاتل انها تغير الشراشف حقت السرير وترتب الغرفه

قلت وشو وانقز وسبقتني على الغرفه ودفيت الباب وتمسكه لاتدخل عليها

قلت يابنت الحلال وخري وش تسوي بالغرفه لاتكون تغير ملابسها وخري سحبتها بشويش عن الباب وفتحت الباب وقلت للخدامه اطلعي روحي المطبخ

وقلت لها تعالي يا زوجتي الحبيبة عيب الخدامه تشوف خصوصياتنا اللي ما نخلي اولادنا يشوفونها ترتبها وتغير شرشف السرير

قولي لي وانا اغير لك الشراشف وقالت انت ما تدخل عليها وعيب وهي موب محرم لك

قلت مكانها المطبخ وغرفة الغسيل والكوي وتنظف البيت وتكنسه اذا انا مو موجود اما انها تسرح وتمرح وانا مسجون بغرفه لا

وهذا نظامي يا تمشين عليه يا خذي شغالة اهلك واحجز لكم تذكرتين تلحقين اهلك

وسكتت وزعلت وهذا البيت ماعاد لي عيشه فيه واشيل غترتي وقلت بتروحين الباب يوسع جمل

هذي قوانيني تبينها اهلا وسهلا ماتبينها مع ألف سلامة

ماقصرت معاك بشئ وشغالة اهلك مثل ما قلت لك مكانها المطبخ وغرفة الغسيل اذا طلعت وانا مو موجود نظفوا باقي البيت

قالت لا والله تطلع وتستانس وانا اقعد الحالي

استفردت فيني لما عرفت ان اهلي مسافرين

هههههههههههههههههههههههههههههههههههههههههههههههههه هههه



قلت لاحول ولا قوة الا بالله العلي العظيم

الظاهر اني مدلعك كثير ولما حملتي بالبيبي دلعتك اكثر ونسيتي لمن القوامة بالبيت

اخر كلام بقوله لك واطلع علشان تطلع شياطيني اللي تناقز فوق راسي واستغفر ربي واهدأ وارجع للبيت

الشغالة ما تطلع من المطبخ وغرفة الغسيل الا اذا انا مو موجود وانتهى مفهوم علشان لا اواجهها ولا تواجهني

شئ فيه حرمان لحريتي الشخصية ويخليني اتنقل بإذن مرفوووض


لو فيه سواق حذفته برا ولا خليته بمكان يحد من خصوصيتك وكل شوي اقولك لحظة لاتروحين ولا تجين

وطلعت ورجعت عقب ما هديت شوي وقلت ياعاشق الجواهر

هذي زوجتك ومتوترة واهلها مسافرين وكانت تبي تروح وامها لزمت عليك وضاق صدرها

والحمل وهرموناته مأثره على نفسيتها لو ما تحملتها انت من يتحملها ؟؟؟

هذا صار مسمااار جحا

يالله الصبر على هالحريم اللي بيشيبون فينا واحنا باقي صغار :15:

المشاركة الأصلية كتبت بواسطة أخي في الله (المشاركة 2235942)

لا تصالحها

ولا تخليها على حالها

وإنما

عديها هذه المرة في داخلك ، ووريها من الخارج أنك متضايق من هذه التصرفات

وطبعاً ياريت تذكرها بالكم الهائل من التصرفات الحلوة التي عملتها لها خلال 6 أيام

1- التضحية بتأخير صلاة التراويح من أجل الخياط .

2- التمشور رايح جاي وفي الوقت بدل الضايع في شوارع الرياض وماأدراك ما شوارع الرياض .

3- أختها الصغيرة لاحظت ذلك ، فهي من باب أولى أن تلاحظ ذلك مالم يكن الدلال عاميها .

4- الخروج لطريق الملك عبد الله وفي اليوم الوطني .

5- الانتقام ممن روعها .

6- الذهاب للمطعم .

7- موافقتك لأخذ شغالة أهلها .

8- تحملك حكاية أن أهلها عرفوا بوضعك المالي .

9- الغيرة من واحدة كبر جدتك (وهذا دليل على أنها تحبك وعلى انها في بداية الحب وفي اول سنوات الحياة الزوجية) .

10 - أنك تنازلت عن أشياء كثير مقابل مراعاتها وانك تحبها وأنها حامل .

بعد ماتذكرها بهذا يجب ان تعمل انك متضايق (بحزم ومن غير صراخ ومهاوشة) فقط ابعد الابتسامة عن وجهك

لأنه لحد هنا وخلاص ، لأن أي دلال منك فوق اللي عملته يعتبر تخريب لها ، يجب ان تعمل موازنة ، ترى ان دلعتها إلى بكرة لن تشبع ، فيجب أن تعلمها حدود تدليلك لها ، بحيث لايكون ضرر ولا ضرار .

والله يوفق بينكم أكثر وأكثر.