اكبر خطأ ارتكبته في حياتك انك توليت ترتيب عرس الحريم ...
كان المفروض انك تحجز الصالة و تسلم ترتيبات عرس الحريم كاملة الى العروسة و اهلها لان العرس للبنت و هي ابخص باللي تبيه و تحتاجه ... هي ابخص بالزين و الشين ..
الحين انت دخلت نفسك في سواليف حريم ما تفهم فيها ..
لذلك ليس امامك الا الصبر و تلبية ما تطلبه خطيبتك لانها افهم و اعرف منك في هذه الامور

لا والله يا دانتيل ما زعلت ولا شي ولو ابزعل ما كان دخلت عليكم وكتبت موضوعي ..



لأن ما راح اقتنع لو اني من النوع المتمسك برأيه ويفكر انه الصح والناس على خطأ , ولا راح اكتب موضوعي او استشير أحد ..



وفقك الله وتباً للعزوبيه هههههههههه مع فائق احترامي للشخص المجهول خلف هذا المعرف ..

عادي هو زعل خطيبته لازم نزعله شوي هههههههه

ما ودنا نشوف أحد يخطي بمثل أخطائنا وحنا نتفرج

لا تنسوني من دعواتكم بالتوفيق .. فأنا أخوض تجربة الحلم الثانية .. الله يتممها على خير

يا حليلها زوجتك عن جد صعبت علي خاصة بهاالفترة الحرجة بالنسبة لكل بنت يصير الها مثل هالموقف الصعب، الله يخليكم لبعض ترى ردودها لك مو كل بنية تقدر تسويها وتقول ابشر وانت قاعد شبه تهدد وتنذر صدقني اهي تحبك مووووووووووت ماشاءالله فلا تحرمها فرحتها خاصة انه قربت والله يهنيكم ببعض ان شاءالله ويبعد عنكم كل ضيقة صدر

الله يوفقكم ويجمع بينكم ويتمم لكم على خير لكن ماكان له داعي تذكر تفاصيل المكالمه الله يسعدكم تعلم ذكر المفيد لحل مشكلتك وتجنب ذكر التفاصيل تقبل نصيحتي فالعين حق والله الله باالتحصين لك ولزوجتك

يابعدي خطيبتك مهايطية وتبي تهايط قدام صديقاتها وأقاربها وأنت الله يصلحك معيشها الجو
كل ماقالت لك شي قلت ابشري ما راح أقصر .

لو استمريت على هالوضع أتوقع يستمر وضعك بعد الزواج على كذا عشان كذا لو كنت مكانك
رجعت وحجزت بنفس القاعة الي تزوج فيها عيال عمك خصوصاً إنك محتاج ولا هو وقت بهرجة وهياط

وبرضو أمنع الطقاقات الي ماوراهن الا القلق والصرف الي ماله داعي يروح عليهن تقريباً إيجار نص سنة لشقتك

قسم بالله حرام وأنت مزنوق تسوي كل هالأشياء وهي المفروض توقف معك ماهو توقف ضدك ولا تقدر وضعك

اعذرني يا حلو على صراحتي :) بس ما أدري وش فيني حسيت إني أمون عليك ههه