|
كل الامور الي قلتها عن زوجتك من
وظيفه وساكنه عند اهلك صاله وغرفه وعندكم ثلاث عيال ونظام عملك المتعب الا بعد زوجتك ذهب متحمله حطها تاج على راسك ... |
زوجتك وعليّ عليها بالمره مضغوطه ومحرومه من اغلب حقوقها (إلي هو عدم وجودك باستمرار معاهآ- تحملها المسؤولية كولهافي اغلب الاوقات- ماعندها بيت مستقل - رفضك لاستقالتها)
بس الحلو منك انها لما تعصب هيه ماتقوم ترد عليها وهذآ من واجبك اصلا كرجل الحل إلي انا اشوفو انو إذا زوجتك عصبتك لا يكون موقفك سلبي بس تطالع فيها او تترك البيت لين تهدى وترجع لا امتص غضبها حاورها بهدوء قولها انا حاسه فيك ياقلبي , ويالله كم سنه وتهون ومن هالكلام مو انت تجتمع معها بنهاية الاسبوع اتركو اطفالكم عند اهلكم خرجها وديها الملاهي وديهآ اماكن رومانسيه دلعها كثثيير علشان تخفف الضغط إلي عليها الله يعطيها الصحه والعافيه وربي زوجتك امراة صالحه وقلبها طيب وتحبك مرره لو وحده مكانها كان هجت من البيت واحمد ربك اني صابرة على هالعيشة! ^ ^ وربي الضغط يخلي الوحده تقول كلام مو من قلبها وانت ياخوي الله يكون بعونك ويعجل لكم في البيت وياليت بعد ماينبنآ البيت تخليها تقدم استقالتها |
ماشاء الله عليك صبر وحكمة انت رجل رائع بصبرك وحكمتك وانت مثال جميل وجيد لنا نحن معشر الرجال
فقليل منا يقدر ويبحث عن اسباب عصبية زوجته انت رائع بهذا التصرف لكن هل تغدق عليها بالكلام الجميل ؟؟؟ ان الكلام الجميل والذي يرفع المعنويات ويعطي الزوجة القدرة على المتابعه في صراعات الحياة مثلاً لما ترجع من العمل قبلها واحملها وقل لها انها امرأه تضج بالأنوثه وانها امرأه عن عشرة رجال اغدق عليها بكلمات الحب والغزل حتى تحس بأنك تقدر لها ما تفعله ان جاءت بعصبيه قبلها وقل لها انك اروع امرأه في هذه الدنيا دعها تشعر بأنك رجل لست صبورا وحكيما فقط بل وايضا رجل تقدر مجهودها وتعبها وسترى منها ما يسرك بإذن الله الله يجمعكم بجنات النعيم اللهم آمين |
يالله!!!
بصراااحه زوجتك الله يكثر من أمثاالهااااا فعلا صاااااااااابره والله لو أنا بمكااانهااا كان تتطلقت من زمااان (بعيييد الشر) لاني ماعندي قوة صبر مثلهااا ماشاء الله تبارك الرحمااان سكن مع اهل الزوج لوحدو يبغااالو صبر ايوب اخوي هي صااابره لأبعد الحدود وانت كمان عشان كذااا اطلب من ربي الرحماان ان يوفقكم ويسعدكم ويخليكم لبعض يارب |
الله يكون بعونها
ماشاء الله تبارك الله عن عشرة رجال ربي يعطيها العافيه ويحفظها لكم احييك اخوي على صبرك الذي يدل على كرم و نبل اخلاقك انت حاول قد ما تقدر انك اخر الاسبوع تعوضها عن تعب الاسبوع كله خرجها وديها سبا دلعها ارفع معنوياتها (اكيد المعنويات عندها صفر) خلاص هي تتعب طول الاسبوع انت اتعب كمان اخر الاسبوع خذ عنها الصغير خليها تنام وترتاح الله يفرج عنكم همكم ويسخركم لبعض |
أسأل الله لك ولها التوفيق والسداد..وبارك الله فيك
|
السلام عليكم
إذا كنت طيلة أيام الأسبوع غير متواجد وبالتالي غير قادر على مشاركتها في الأعمال المنزلية وفي رعاية الأطفال عوض عن غيابك في نهاية الأسبوع وذلك بتغيير الجو خارج المنزل وياحبذا لو استطعت حجز ليلة في فندق متواضع وترك الأطفال لدى أهلك أو أهلها وقضاء ليلة مليئة بالحب هذا سيكون إ:22:ن شاءالله كفيل بتفريغ الطاقة السلبية والتخلص من التوتر والأعصاب المشدودة وفي نفس الوقت إعادة شحن البطارية!!! بطارية الطاقة الإيجابية والقدرة على مواصلة الوظيفة ورعاية المنزل والأطفال بصورة جيدة وبمعنويات أفضل |
ماشاء الله الأخوان ماقصروا
بس من جد الأسباب الي ذكرتها سبب قوي لعصبيتها أسأل الله أن يعينها وأن يصلح حياتكم ويسعدكم مع بعض اللهم أمين أجلس معها جلسة مصارحه وبهدوووووء وذكرها بالأجر في تربية العيال وتحمل الوضع والصبر عليه وأنها بعصبيتها تضيع على نفسها أجر كبير ولو بأستطاعتكم تروحوا عمره لكي تريحوا على أنفسكم شوي ويخف الضغط ولاتنسى يأخي أكثر من الأستغفار والدعاء بصلح زوجتك الله يوفقكم يارب |
مشكورين يا أخوان والله ما قصرتوا واسمحوني في التأخير في الرد لعطل فني في الشبكة
صدقوني كلام كم هذا فتح عيني على أشياء كانت غافلة نوعا ما عن ذهني وحسسني اني مقصر في حق زوجتي كثير وكسرت خاطري من كلامكم يالحريم يعطيكم الف عافية وان شاءالله نصايحكم على العين وعالراس |
بارك الله فيك..وكثر الله من امثالك..ونعم الرجل في زمن صعب
|
| الساعة الآن 05:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©