|
اقتباس:
كل عام وانتي بخير حبيبتي سبحان الله كانك تتكلمين عن خالتي نفس الشخصيه ونفس الطيبه بس ياعيوني انتي بينك وبينهم بنت وتعتبر بنتهم ومن حقهم التواصل والاطمئنان بس انا مايربطني فيهم شي عشره وصداقه وانتهت بمجرد انتهاء زواجي من جهتي(ماقليت ادبي ماحقدت ماغلطت بس فضلت الانفصال الكلي عنهم واعتقد حقي) التواصل ليش عشان يعرفون تحركاتي وينقلونها له !! او العكس (((ماله داعي))) هو اختار يتحمل خياره |
غاليتي ندى هذا اللي تمرين فيه طبيعي جداً أهل طليقك وأمه واخواته راح يتواصلوا معك بناءاً على علاقتك ا الطيبة معهم قبل الطلاق لذلك ياأختى خليك معهم زي ما أنتِ ، بغض النظر عن هدفهم . ******** شوفي أنا الى اليوم وطليقي يبحث عن اخبار ..واهله واخواته لشافوني وشفتهم سلمت عليهم أوقات يرسلوا سالمهم لي مع اخواتي أو الناس اللي يحتكوا فيني مباشره وأنا أدري أن ورى هذه السوالف طليقي بس أهم سي لا يعرفوا أني حزينه ومهمومه والله يوفقهم وييسر امرهم .ويفرج همي بسرعة ودمتي بود |
اقتباس:
كل عام وانتي بخير حديثنا والله عجيب يطلقون ويبحثون عن اخبارنا من وراء ؟؟؟؟ ليش اعطيه مراده ليش توصله اخباري من حقه يطلق وهو اختار هالحق ومن حقي انفصل فصل نهائي عنه وعنهم وهذا اختياري( اهله تكفيهم طيبة عشرتي معهم كذكرى جميله مني) انا لي غايه يمكن ماوضحتها ابي عن جد يحترق قلبه لفراقي...وشلون يحصل هالشي وهو يعرف كل تحركاتي ماابي يعرف عني شي ابد ابد |
اقتباس:
الحين فهمتيني زين هذا اللي اتمنى كل مطلقة تعرفة وتعرف إهميته ( التجاهل ) طليقك تجاهليه لكن بالشي اللي يريده . . يعني مهم جداً أنو يسمع أنك مبسوطه وماتغير عليك شي والطلاق ما كسرك خاصة أنو هو اللي تخلى عنك . شوفي أنا أهله يجو عندي البيت لكن علاقتي فيهم هلا وكيف الحال والسلام ...وبس كلام زياده ولف ودوران ما عندي. وأزيدك من الشعر بيت أوقات أسافر ما أسمع اللي أنو جاي في نفس المنطقه اللي أنا فيها هذه الحركات مؤشر مهم ولازم تفهمينه ... أنو بدأ يفتقد ندى ويبحث عنها ... وبعد مده راح يعرف يدق الباب طالب ندى . إحترامي |
ندى
اهله يحبونك ويحبون اهلك اتصلو ا عليكم حفاظا على العشرة وهم مالهم ذنب في الي سواه ولدهم ولو ماتصلو خافو ان اهلك يعتبون ويقولون مافيهم خير هم اصلا فترة بيتصلو لو مالقيو تجاوب رح ينسحبون من حالهم بس انتي خليك زي منتي ندى الطيبة بنت الاصل يعني لاتبينين لهم شي عيشي حياتك وربي ان شاء الله يعوضك بسيد سيده هذا المستهتر الي ما يصلح يدخل بيوت الناس ويطلب بناتهم اسفة رجعتك للماضي |
اقتباس:
بالضبط وبالتمام هذا اللي انا ابيه ندى خلاص انتهت من حياتك يافلان وبطلبك انت(ماراح يوصلك منها خبر) بعد ماكانت اقرب لك من نبض قلبك الحين بعيده بعد السماء للارض عنك ومن ناحية عايشه حياتي هو يعرف ومحسسته بالفتره الاخيره اني عايشتها ويدري حاليا" اني مسافره لديرت اهلي وحتى قبل لاستلم ورقت طلاقي وواجهت اهلي والمجتمع وعااااااااااااادي وهو يعرف هالشي بس الشي الوحيد اللي تغير اني ماعاد واصلته ولا اهله كنت معودتهم ارسلهم معايده حتى بعيد رمضان وانا فبيت اهلي ارسلتلهم كلهم الا هو. بس هالعيد وبعد الطلاق خلاص ماعاد يربطني فيهم شي ولا اشوف فيها عيب او غلط هم بديره وانا بديره مايربطنا الا هالالو وانا خلاص ماعاد ابيه صحيح اخته بنفس منطقتي بس ماكانت تجينا من قبل وماراح تجينا الحين تواصلها كان بالتلفون وهالتواصل رافضته |
اقتباس:
مالهم ذنب ادري والحب مجود ادري بس بتواصلي راح يعرف عني الكثير وانا ماابي ابي يحترق قلبه ابي يفكر شلون بين ليله وضحاها اصبحت غريبه عنه وبعيده كل البعد |
اذاً اختي ندى انتي لاتبحثين عن حل وهذه ضغوط نفسيه تمرين بها وكذلك لاتريدين احداً يذكرك بهذا الشخص لان في نفسك ذكريات تجعلك تتذكرين اشياء جميله كانت في حياتك اسال الله يعوضك خيراً منها
|
اقتباس:
هلا بك مره اخرى المنتدى مفتوح لي وللغير اشكي ابكي افضفض ادور حل او اتواجد مع اخواني واخواتي هذا قسمنا كل منا تبوح بما تشعر فيه للمشوره والاخذ بالراي واعطاء الراي انا متواجده بموضوعي هذا لاكثر من سبب وكوني جديده ولا اجد الخبره الكافيه حبيت ارى ماعند الغير من من سبقني في هذا الطريق(اسال الله لي ولهم العوض الصالح) لا ارى مانع في ذلك وشكرا" على المرور |
فضفضي ... وش وراك زي ما قلتي ربما تجدين الحل مثل ما قلتي وتعبري عن ما بداخلك يا ندى وجهة نظرك ايضاً يشاهدها الجميع ويدلون بدلوهم تقبلي مروري ووجهة نظري
|
| الساعة الآن 11:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©