|
اعتبر ي الأمر عاادي وتعودي مابينكما فرق والعطر الذي يعجبك جدا ضعيه في حقيبتك الخاصة من استخدامك له ولا يتكرر يشم الرئحة فيه وفيك:29:
|
بصراحة يا اختي يا روح الطير
انا فاهمتك ومو فاهمتك ! يعني اعلم تماما ان زوجك تعدى حدود الأدب في التعامل مع بعض حاجاتك الشخصية وبنفس الوقت .. احاول ان احط نفسي مكانك و أجد أني سأتعامل مع الموضوع بشكل أكثر برودا لاني انا استخدم بعض كريماتي على وجه زوجي اذا بسويله تنظيف وجه أو منيكير أو بديكير .. يعني بعض الأشياء مشتركة تماما بيننا. وبنفس الوقت .. لما أعطر له ثوبه أو غترته .. القاه مسك واحد من عطوري ورش فوق العطر الرجالي بخات منه ! استغربت ولما سألته قال هذا سر الريحه المميزة .. (عموما انا نوعية عطوري قوية وتنفع يونيسكس) ما احب العطور اللي على رائحة فواكه وزهور خفيفة ابدا. لكني ما تنرفزت.. ولا عصبت .. برغم انه (مدمن عطور) ومعظم ميزانيتنا خربانه على عطوره وكشخته وانا العطر يجلس عندي بالشهور لاني ما اتعطر إلا له اصلا. اقتراحي أن تخبئي بعض العطور في مكان خاص جدا بك بحيث ان تفاجئيه حين تتعطرين بعطر غير وبعيد عنه قولي له .. حبيبي اذا انت استخدمت عطوري .. وانا حطيت نفس العطر كيف تبيني اثيرك بعطري وانت تشمه كل يوم ؟ قوليله التواليت باللي فيه كله لك .. لكن خلي لي عطرين لي انا يكونوا مميزين فيني. توقفي تماما عن شراء العطور له وخليه هو يختار لنفسه .. وبدل ما تحطي فلوسك في عطور لزوجك .. استثمريها بعطر غااالي ودهن عود من النوع الممتاز .. وخبيئيــــــــــــــــــه لك فقط |
زوجك بستخدم عطورك النسائية ؟؟؟؟؟؟؟؟؟؟؟؟ غريب !!
اطلبي منه بطريقة رومنسية انك بتحبي تشمي منه رائحة رجالي شو الفائدة انك بتشمي منه ريحتك !! لكن بالنسبة للهدايا التانية .. انا برأيي ما فيها شي يستعمل شي هو جبلك ياه بس لما تكون نيته مصلحة معك حق تتدايقي شوي عموما ممكن لو تتضايقتي تقوليله لزوجك هالمتل (جحا جابن .. جحا أكلن) يعني جحا أحرضهم و جحا أكلهم .. :) اطلبي من زوجك ينوع بالهدايا و قوليله حابة أحس انك بتهديني اذا قلك انا بهديكي عطور قولي لأ انا حابة هدية خاصة فيني مو هدية الي و الك العطور الي و الك انا بدي شي غير العطور شي نسائي بحت و كنشي موضوع استخدامه للعطور لأنه الظاهر انها سوسة ما ممكن يستغني عنها :) |
هلا اختي روح الطير
والله لما قرأت مشكلتك ضحكت من قلبي لاني متلك انا بحب الشوكولا موت وكل ما يزورني (هو مسافر لما يجي) بيجبلي معه شوكولا وبياكلها لحاله بس صار عادي عندي بالعكس بصير اضحك عليه طولي بالك اختي مشكلتك بسيطة والحمد لله مشكلة زوجك هيك مو اكبر من هيك |
أنا ما عملت منها مشكلة ، لا أحد يفهمني غلط
ترى أطخكم بمسدس موية ، و لا عاد أحكيلكم شئ مرة ثانية :D بس الموضوع مضايقني لإني فاهمة حركات زوجي : 1 - زوجي ذكي ماشاء الله في الشئ اللي لصالحه فقط ، يعني مثلا جاب لي هدية عطر زماااااااااااااااااااان صغيرة مرة و نفس الوقت جاب لنفسه عطر من الحجم الكبير وو المااااااااااااااااااركة و مو أي ماركة ماشاء الله ، ماركة عالمية و اللي أول شئ تنزل ، فيضرب أكثر من عصفور بحجر واحد ( أصلا لإني كاشفته فيجلس يضحك و يقول إبليس ما يقدر يضحك عليك :D ) ماني حابة أتفصل بالموضوع هذا ، بس عشان لا أحد يقول اتركيه براحته و لا تدققي ، يعني وحدة شايلة مسؤولية البيت و كل شئ ، و زوجها يرمي فلوسه على العطور ، ماحد يرضاها ،، و الحمد لله إني عالجت المشكلة هذه من زمان ----------------------------------------------------------- 2 - بأشرحها بالتفصيل : هو عنده عطور و عود ماشاء الله و نفسه في عطر جديد من أسبوعين و انتبهت عليه من أول ، كانت الظروف المادية شوي تعبانة ، عشان مشاكل الملحقية و فواتير تراكمت عليه (يعني عنده عطور ، و أنا عندي الحمد لله ، بس كذا نفسه في عطر) و أنا جالسة أضغط على نفسي من كم شهر عشان أساعده في تسديد الفواتير اللي عليه فقال بداخله : أنا لو جبت عطر دحين لنفسي ، راح تقول زوجتي ، يعني بأحرم نفسي عشان تجيب عطر لنفسك و عندك عطور ؟؟؟؟؟ قال بداخله ، أضرب عصفورين بحجر : أجيب عطر هدية لها ، و ما راح تتكلم و منها تفرح إني افتكرتها بهدية ، و منها استخدمه أنا و يرجع لي في الأخير أعرف تفكيره ، لإنه هذا تفكيره مع الناس دايما ، فيقول لي ما ينضحك عليك إنت ، :24: فزعلت ، أقصد تضايقت وقتها لإنه الموضوع عادي مشيته : لإني حسبته تغير و إنه افتكرني بشئ ، و بجددددد فرحت بالهدية حتى لو كانت عينات صغيرة ، بس يوم شفت حركته اللي عملها ، ( فهمت على طووووووووول إنه جابها لي عشانه مو عشاني ) و بعد كم يوم يخلصها ، و يروح يشتري لنفسه .. يعني بدل ما يجيب عطر لنفسه الشهر هذا ( كويس صارت بالشهور ، أول بالأسابيع :14:) و يخلص العطر و يجيب الشهر التاني عطر جديد له .. يقول ، أضحك على مخها و أجيب لها عطر على إنه هدية و أستخدمه و أخلصه ( يعني هو أصلا لنفسه ) و بس يخلص ، أجيب تاني غيره يعني بإختصار ، حزّت علي نفسي .. بس ما عملت منها مشكلة .. |
انت خلج مثله
وداوني بالتي كانت هي الداء جيبيله عطر واستخدميه انتي وخلصيه لين تشبعين ولا يحز بخاطرك ولاشي الزم ما على المنتدى راحة روح الطير |
اقتباس:
و ماحد كامل غير ربنا .. و الله الحكمة و العقل ، ماطلعت غير يوم طلعت عيوني من حبيب القلب .. أنا شفت هواااااااااااااااايل بس خليها مستورة .. :21: لإني أؤمن إنه السعادة نحن نصنعها لنفسنا بيدنا ، و ما نخلي الظروف تحكمنا .. بعد اللي شفته في حياتي يا قلبي .. لا تشكي لي و أبكي لك بس .. و تعلمت من بومبا و تيمون ، هاكونا ما تاتا ، يعني ارمي الدنيا وراك .. بس الموقف هذا ، كان لازم لها شوية زعل ، عشان من جد ما أبغاه يجيب لي عطر مرة تانية قلت له ، جيب لي ذهب مرة ثانية ، عشان ما تستخدمها :d --------------------------------- أعطيك مثال عالسريع :) يوم أتضايق من مشكلة لا سمح الله مثل أي حياة زوجية ، أقول بداخلي .. يا الله يكفي إني تعلمت كيف أحل مشاكلي بطرق مبتكرة و تعلمت إنه هناك أصناف تانية في الحياة مختلفة عننا .. |
اقتباس:
يا قلبي يا شيهانة ، و الله من جد أقولها لك .. لو إنه طلبها مني بأجري و أعطيها له ، و كنت و الله بنفسي بأجيب له هدية عطر .. بس حركة ( فين أذنك يا جحا ) هذه اللي تزعلني .. يعني لو قال لي ، العينةة هذه عجبتني ،، أعطيني هي ،، بأعطيه و الله و هو عارف الشئ هذا أضغط على حالي عشان سعادة أهلي و أسرتي .. بس يوم جابها لي ، قال لي عشان كل ما طفشتي من ريحة تستخدمي التانية .. يا الله عندك 5 عينات ، و إذا عجبتك وحدة ، أجيب لك منها حجم كبير ( عاد زوجي شاطر في الكلام ، عشان كذا تعلمت منه و صرت أنصح العضوات ، من كثر ما تدقدقت على راسي ) :29: ما راح يجيب لي شئ ، بس يضحك على مخي بكلمتين .. بيشوف أية وحدة تعجبني ، عشان ياخدها هو :22: المشكلة إني هبلة ، أنسى و أسامح دايم ، ما أحب أفرض سوء النية ، بس تعدي الأيام و ينكشف قدامي من ربنا ، من غير ما أدور وراه ( بأي موضوع في الحياة مو العطر ،، أي شئ ) --------------------------------------------------------- و أزيدك من الشعر بيت أختي شيهانة ،، تقولي لي أخبيها عنه ؟؟؟؟؟؟ :25: ترى هو اللي قال لي بنفسه ، خبي العطور عشان ولدك ما يلعب فيها و زوجي اللي خباها لي كمان .. ما قلت لكم إني هبلة :29: --------------------------------------------------------- إيه هو غير الطبع هذا من فترة ، بس قلت لك ذكي لمصلحته كأغلب الرجال إن ما كانوا كلهم .. يوم يشوفني خلاص بأمشي الأمور كلها ،، يرجع للطبايع تبعه القديمة ،، ياختي الطبع يغلب التطبع .. خلاص ريحت حالي و ريحته ، قلت له ما أبغى هدية عطر .. جيب لي وردة من الشارع ،، راضية بها و الله جاب لي أمس تويكس ، و فرحت فيها مررررررة .. لإني حسيت إنه بجد افتكرني وقتها .. و كل ما أشوف التويكس ابتسم ، دحين بأكلها |
اقتباس:
بس فيه كذا .. :) و أحسك فهمتيني بالضبط .. و أبشركم ،، توي رحت أكل التويكس ،، لقيته مفكوك و الأصبع الأول أكله ماشاء الله :d جلست أضحك ، لإنه من دقيقة رديت و أنا فرحانة بهم ،، بالعافية عليه :22: لو تركت التانية ، كان أكلها ،، و بروزت الكيس تبعه .. يعني بس أشم ريحة التويكس :29: يا الله ،، الحياة بالمناصفة .. :25: ^ أختي بناتي غيروني .. ما قلت لك ، ..... ارمي الدنيا وراك ؟؟ |
إيه بالنسبة للتويكس ( ما أبغى أخرج عن الموضوع )
بس كان مسافر من يومين ، و يوم رجع ،، و بعد كم ساعة تضايقت شوي من الموضوع هذا و خلاص رجعت عادي اتكلم .. قلت له بعدين .. طيب ، ما افتكرتني لو بوردة من الطريق ؟؟؟؟؟؟ قال لي ، مو جبت لك تويكس ؟؟؟؟ قلت له ، إيوة صح .. خلاص في هذه معاك حق .. قلت له ، شفت كيف ؟؟؟ شئ بسيط ممكن يفرحني ؟؟؟ بس صحيت و لقيتها مأكولة :D بالعافية :p و الله جالسة أضحك ، لإنه توي رديت و أنا مبسوطة فيهم |
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©