|
عزيزتي وش رايك انت تفكري في تغيير معاملتك لزوجك .. فانا لا اعلم انت كيف تتعاملي معه
صدقيني اختي عاملته باافضل مايكون والله شاهد علي هل انت طوول اليوم ماده بوزك في وجهه او لا .. هل تردي عليه اذا غضب او لا ؟؟ هل تحترميه او لا ابدوالله هو اللي مبوز على طول وانا ماارد عليه اذا غضب لانه يثير بوجههي وانا جدا احترمه هو اللي مايحترمني وحتى بالمزح يغلط علي بالكلام واذا زعلت هو اللي بوز علي وكانه هو اللي زعلان بااختصار مدلع وكلمته مسموعه من امه ووالدتا ماتقوله لا وعشان كذا يبغى كل شئ يجيه جاهز وهو جالس مرتاح هل تؤدي كل واجبته من اكل و تنظيف و ترتيب او لا ؟؟ هل تعطيه حقوقه في الفراش بشكل مرضي او لا؟؟؟ ايوه وماعمري تاخرت بكذا لان مو معقول انك كاااامله من كل شي و هو يعاملك معامله سيئه الا اذا كان زوجك مجنون او مدمن مخدرات او خمر .. هو من قبل يدخن سيجاره على طول وقطعها بس المعامله هي هي قبل وبعد السيجاره سيئه والله ماودي بالطلاق بس شسوي كل شئ ضدي وانا تعبت وانتهيت خلاص وربي اعلم بالحال على العموم انتي اختي اميرات منتي مصدقتني وانا آسفه لازعاجك |
اقتباس:
حبيبتي اختي ذكرى انا مصدقتك .. انما هي مجرد تساؤلات اردت منك ان تجيبي عليها عشان استوضح الصوره اكثر .. وتأكدي يا قلبي انك لم تزعجيني .. انا اعرف ان في ازواج طبعهم صعب مثل طبع زوجك ..ارضاؤهم صعب جدا جدا جدا .. انما المطلوب منك التكيف .. احيانا بعض الزوجات لا تفهم شخصية زوجها الا بعد مرور 15 او 20 سنه من الزواج .. لكن يا اختي حاولي اكثر .. اكيد في حل افضل من الطلاق .. اعيدي محاولة الاهتمام بزوجك والتقرب له .. حاولي انك تتحاوري معه اكثر و تتقربي له اكثر بالكلام اثناء ما يكون جالس معكم .. اكيد الحوار بينكم مقطوع .. بالكلام تستطيعي ان تفهمي زوجك .. الا يوجد بينكم لحظات صفاء و ملاطفه ؟؟ تكلمي مع زوجك عن حياتك وانت طفله .. تكلمي معه عن مرحلتك الدراسيه ؟؟ تكلمي معه عن ذكرياتكم الحلوه .. تكلمي معه عن الاحداث السياسيه او الاقتصاديه او عن الاخبار التي تقرأيها في النت تكلمي معه عن هواياتك و هواياته . افتحي معه مجال للحوار بدون ما تتطرقي معه عن اوضاعكم في الوقت الحالي عشان تكسبي قلبه ..لكن خذي المسأله بالتدريج حتى لا يشك في الموضوع ويبدأ في التساؤل او الاستفزاز او يتصرف باي تصرف يصيبك بالاحباط .. المسأله يا اختي محتاجه لشويه صبر و ذكاء عاطفي و سعة صدر ابناءك محتاجين منك شوية تضحيه عشان ما تهدمي بيتك .. |
الف شكر اختي اميرات
وان شاء الله اقدر اعمل اللي قلتيلي عليه بس حتى هذه انا عملتها بس مافي فايده لحظه صفائنا تكون امه مو جوده عندنا على طول وحتى اذا كان مبوز ينبسط اذا دخلت امه بدون احم ولا دستور على مقوله المثل واذا تكلمت معه تتدخل وتناقش بحده وكانها دفاع عنه ضدي وحتى اذا امزح معه ماترضى عنه يعنى وش اسوي اذا امه لاصقه عندي لا صفاء ولا حريه مع العلم ان الملحق صغير جدا غرفتين فقط والغرف صغير جدا وهو على طول يبغاها تاكل معه كل يوم صدقوني لا تفكرون اني مااحب والدته بالعكس احترمها بشده وابوس راسها كل يوم واقدرها جدااا ولا اتناقش معها وعلى كذا مايقدرني زوجي على معاملتي لامه رغم من تدخلها المستمر اللي بيهدم حياتي اكثر من كذا اختي اميرات انا مشكلتي متشابكه جداااااااااااا ومعقده جداااااااااااا هو ومشاكله من جهه ومشاكل الاولاد الاشقياء اللي ماتخلص وامه من جهه ومشاكلنا الماديه من جهه ماني عارفه شسوي بس انا متاكده ومتيقنه باان المؤمن مبتلي وان الله اذا احب عبدا ابتلاه كما ابتلي الله انبياؤه ورسله ومتاكده ان الله معي ولذالك ساارمي حملي وثقلي واتكالي على الله والحمد لله على كل شئ وحسبي الله ونعم الوكيل |
اختي ذكرى ما في مشكله ما لها حل .. لا تنظري للمشكله ككل انما جزئيها عشان تصغر في عينك .. بالنسبه للأولاد كلنا اولادنا اشقياء .. لكن نعرف كيف نتعامل معهم .. ماهي مشكلتك بالضبط مع الاولاد ؟؟ هل لا تستطيعين ضبطهم في البيت او في دراستهم ام في سلوكهم ؟؟ بالنسبه لام زوجك ما لك الا الصبر و التحايل عليها و محاولة ارضاءها .. بالنسبه للمشاكل الماديه الله يعينكم فهي بحد ذاتها تسبب ازمه في البيت .. طيب يا اختي انت بما انك جامعيه ليش ما تعملي من داخل بيتك مثل تعطين دروس خصوصيه في البيت .. او انك تعملي اشغال يدويه و تبيعيها على الجيران و الاهل مثل مشابك الشعر و اكسسوارات للبنات .. النت مليان افكار رائعه جدا .. اذا تحبي الخياطه خذي لك دورة خياطه و بكل سهوله تقدري تخيطي ارواب للبيت خاصه بالنساء و تقدري تبيعيها .. اختي ابحثي في النت عن العمل التجاري من داخل البيت و سوف تلاقين افكار كثيره لم تخطر على بالك تقدري تعمليها بكل سهوله انما انت محتاجه للعزيمه و الاراده و الافكار .. هونيها يا اختي و تهون .. ما تعانيه من مشاكله الاولاد و مشاكل ام زوجك و المشاكل الماديه اهون بكثير من انك تعيشي مطلقه ما احد يصرف عليك و لا على اولادك او حتى يفكروا فيك اصلا .. |
هلا قلبي
اسأل الله العظيم انه يفرج همك اسمحيلي اذا واجهتك بمشكلتك .. قال تعالى : ان الله لايغير مابقوم حتى يغيروا مابانفسهم " احسك شوي سلبية ... يمكن حاولتي تغيرين شي من نفسك لكن تنقصك المواجهة بحكمة ... ولا كيف فيه رجال يعامل زوجته معاملة كذا وبالاخير يحس انها جالسة عند اهلها دلع وتغيير جو .. لازم يكون فيه جلسة مصارحة بينهم بدون صوت عالي .. كلمية وادعمي كلامك بمواقف سواها وقولي تتذكر كذا وتتذكر كذا ... مو معقول انو يغلط ولا تحاسبينه وبالاخير تبينه يفهم اللي في بالك .. فهمتي ايش اقصد ؟؟؟ وحطي النقط على الحروف قولي راح اعطيك فرصة تثبت لي فيها انو راح تتغير ... ولا تلومني بعدها ايش راح اسوي ...حسسيه انك قوية ومو محاجتة له " خصوصا بعد ما تلاقي وظيفة " الله يسهل عليك ويفرجها ........عليك بالاستغفار |
صدقيني اختي اميرات انا كل يوم الف موقع وموقع ابحث فيه عن العمل وماني لاقيه
وشلون اعمل دروس خصوصيه وانا ماعندي مكان لاولادي اصلا واولادي اشقياء بالدراسه ولا شئ اتعب معهم وادرسهم وبالاخير اسؤء الدرجات وكأني ماسويت شئ وكل يوم اولادي يعملو مشاكل خناقات مع اولاد عمهم تصل لحد ان يؤذو بعض فيها وكمان مشاكل مااقدر اتكلم عنها رغم تربيتي الصحيحه (مثل مره شفت ولدي يدخن سيجاره وهو عمره عشر سنوات الكبير)لهم ورغم اني انا اقوم بدور الام والاب معهم مايحترمون الا ابوهم ولا يخافون الا منه وشلون يحترموني وهم يشوفون ابوهم مايحترمني؟؟ وام زوجي لها الله وكل شئ له نهايه بس احيانا اسكت واحيانا مااتحمل منها واضمر بقلبي حتى اصبت بالاوان الاخيره بألم بقلبي دايم لانني ماارد عليها اختي قلب الماما ماقصرتي وانا ماراح ازعل منك وعارفه اني سلبيه بس هو مايعطيني فرصه اذا زعلت معه هو اللي يتكلم ويصرخ ويهدد واذا حاولت النطق بكلمه يحصل بما لا يحمد عقباه كل الشكر لكم احبائي |
الى الان مااتصل فيني ولا كلمني
واهلي دايم يسالوني مااتصل وليه وانا اجاوبهم وخانقتني العبره وكاني منبوذه ومحد يبغاني طيب وش اعمل اختي الكبيره تقول:لا تتصلي عليه خليه يعرف قيمتك بس هو ولا هامه عايش حياته مع اصدقائه يسهر وينبسط ولا شئ عنده وانا حامله الهم كله ولدي الكبير روح عند ابوه ساعتين وسألته ابوك سال عني قال:لا ابد وانا وش اسوي حالتي النفسيه متدمره ومااحد يسال عني ولا يبغاني وش العمل انا محطمه تماما تكفوووووووووووون ساعدوني ماذا اعمل لا تطنشوني انا تعبانه مررررره وهو هذه عادته هو المخطي وهو اللي يزعل يعني الان يبغاني اعتذر له وادوس على قلبي وكأني يازيد ماغزيت |
اقتباس:
اقتباس:
اقتباس:
يا اختي المثل يقول من ترك داره قل مقداره .. انت اساسا ليش ما رجعتي بيتك ؟؟ هو على ما فهمت لم يطردك من البيت انما انت ذهبت الي زيارة اهلك و لم تعودي الي بيتك .. تعرفي انك تعتبري ناشز لانك تركتي بيتك بدون ما يطردك زوجك و بدون ما تكون بينكم مشكله اساسيه ... ليش الي الان لم ترجعي الى بيتك ؟؟ زوجك اكيد ما راح يسأل عنك لانك انت اللي تركتي البيت .. انت بعملتك هذه اعطيه فرصه ان يتمصل من مسؤولياته تجاهك و تجاة الاولاد ..ويأخذها عليك مستمسك انك لا تريدي ان تعيشي معه . ارجعي الى بيتك و اعيدي حساباتك في اسلوب معاملتك مع زوجك .. واضح ان زوجك مو مرتاح منك وانت لم تملئي قلبه و عقله عشان كذا هو يتعامل معك بهذا الاسلوب .. طبعا زوجك غلطان في تعامله معك فهو لازم يعاشرك بالمعروف و بانسانيه حتى لو لم يحبك .. شوفي يا عزيزتي انت ادرى بزوجك .. هل تستطيعي ان تجلسي معه و كل واحد منك يفتح كتابه للأخر ؟؟ ام هذا الاسلوب سوف يجعله يغضب اكثر ؟؟ هل انت تستطيعي ان تتمالكي اعصابك و تتكلمي معه بكل هدوء و حكمه و تطالبيه بحقوقك ام لا ؟؟ هل فكرتي في اساليب اخرى للتعامل مع زوجك لتكسبي وده و احترامه و من بعدها حبه ؟؟ |
الصبــــــــــــــــــــــــــــــــــــــــــــــ ــــر مفتاح الفرج
امرك صعب جدا يدمي القلب واعلمي ياسيدتي انك لست وحدك في هذا البــــــــــــــــــــــلآء فهناك الكثير مننفس المشاكل حينا اقل من مشاكلك وحينا اكثر منها لكن عليك ان تكوني على يقين من ان الله يشهد امرك اكثر منك ولن يدعك في هذا الشقى ان كنت مؤمنة بالله وعدله ورحمته تعالى استعيني بالصبر والصلاة وتأكدي من ان فرج الله آت لامحالة والله مع الصابرين |
انا رجعت لبيتي عشان اولادي وانا دخلت من هنا وهو خرج وروح لبيتهم القديم اللي
دايم يروح له ويتركني وبيني وبينه مكالمات واذا قلت له ليه تتركني يقول ابغى اتنفس من البيت شوي انتي وامي واخواني ومشاكلهم تعبت منهم وانا اتعذب بروحي اربي اولادي واداري عليهم اذبح نفسي عشانهم وولدي الكبير مهو راضي يذاكر ودرجاته نازله وانا تغبت عليه كل يوم اذاكر معه بس مافي فايده يخبي علي موعد الاختبار ومايرضى يذاكر قلت لعم اولادي ىيكلم ولدي وعمهم طنشني وقلت لزوجي وكلم ولدي بالتلفون وولدي رمى التلفون وعمل حاله مايسمعه ولدي صار لايطاق مايحترمني ولايخاف مني وحتى اذا كلمته بعقل يسمع من هنا ويرميه من هناك ولدي مشاكله كثرت ومااتحمله وكل يوم ابكي اذا خبرت ابوه قالي انا تعبان هم الشغل وهم السياره وهم امي ومسؤليتهم كل علي وانتي تزيدين علي انا وين اروح وش اسوي هو مو ولده وعمره 11 سنه ومشاكله نفس مشاكل المراهقين تعبت معه |
| الساعة الآن 03:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©