من رأيي طالما هي مو طالبة مبلغ محدد والا مبلغ كبير

استغني عن الاكل الجاهز وعن المغسلة واعطيها هذا المبلغ المصروف فيهم

وخليها هي تطبخ وتغسل لانها مثل ماقالت ماهي ببيت ابوها هي ببيت زوجها ولازم تعرف التزاماتها ووجباتها قبل ما تطالب بحقوقوها

أستغفر الله .....والله من جد تقهر زوجته

هي ما تبغاك تعتمد على راتبها ،، هي ما تزوجت علشان تصرف عليك ياخوي

هي هذا اللي تبغى توصله لك ، لإنه طول ما الرجال يمد يده و ياخد من زوجته ، عمرها ما راح تحترمه


المسألة مو مسألة 300 ريال - افهموها -

المسألة إنها تبغى زوجها يشعر بالمسؤولية تجاهها ،، و متأكدة لو إنها شافت زوجها بيتعب علشان البيت

راح تساعد من حالها ، بس هي تبغى تفهمه إنها ماهي مجبرة على الصرف و لكن الشئ هذا كرم منها و ليس واجب


و حكاية إنه الأخ غير مجبر ياكل من المطاعم و يغسل بالمغسلة


طيب و إيش الفرق بينه و بين الرجل اللي متزوج وحدة غير موظفة ،، و جايب لها شغالة و يعطي لزوجته مصروف ؟؟؟؟؟؟

هذه مو مصاريف يدفعها من جيبه كمان ؟؟؟؟

ليه ماحد بيكلمه ؟؟؟؟؟؟؟


و بعدين مافيها شئ الزوجة تعطي مالها لأمها و أهلها و تساعدهم ،، هي حرة فيه ..

و إذا بتعطي لزوجها ، فراح يتحسب لها ( صدقة ) .. و غسل الملابس و الطبخ ،، فالزوجة ليست مجبرة عليها


و هو ماحد ضرب على يده و قال له يتزوج موظفة ، و المفروض يكون عارف الأشياء هذه أولا

و تاني شئ ، هي ماهي غبية علشان ما تحس إنه زوجها طمعان في فلوسها


بس شكلهم الأعضاء تعاطفوا مع الأخ من أسلوبه في سرد الموضوع


يعني تدقق على ال15 ريال ،، و ما نعرف ليه هي عملت كذا ؟

يمكن شايفتك طول الشهر تصرف الفلوس على أصحابك مثلا أو أي سبب آخر ؟؟؟؟


يعني طالعنا بمنظار الأخ و ما طالعنا بمنظار الأخت ؟؟؟؟؟؟؟

الزوج بالنسبة للزوجة رقم1

واهلها رقم 2

خاصة لو هالزوج مديون وحالته المادية صعبه المفروض تقف بجانبه لما يتخطى هالازمة بعدين ترجع تصرف على اهلها

مو تطلب منه كمان

أخي الكريم
انا رأيي من رأي الأخ سعدون الوافي

لاكن ترى زوجتك عليها حقوق بعد
فهمها انك متغاضي عن اشياء من حقك.
لاكن انا اتوقع ان الموضوع والله اعلم فيه جزء لم تذكرة والله أعلم.


الله يوفقكم

والله ياخي في الله اني لم أزيد ولم أنقص أنني طرحت الموضوع كاملاً بتفاصيله

أشكر كل من رد على موضوعي وشاركني في رأيه

الله يوفقكم جميعا

اخواني وأخواتي في الله

حصل بيني وبينها نقاش في صباح هذا اليوم

وقلت بما أن الأجار بينتهي في 1/3/1431هـ وأنه ليس عندي استطاعه ادفعه سوف أنقل للخرج واستأجر شقه على

قدنا قالت لا أنا ما أروح بالخرج عشان دوامي قلت لها يابنت الحلال تأخذين نقل زيك زي الناس قالت لا انا ماني معلمه

عشان احصل نقل أنا طبيبه ودوامي من 8 الى 4 يلزمني سواق قلت طيب جيبي سواق خاص بزوجته رفضت وقالت

مستحيل انا بسكن عند اهلي وانت ليا بغيتي تجي ونأخذ شقه مفروشه حتى يتم نقلي للخرج وانت خلك عند اهلك

وتجيني خميس وجمعه ناخذ فيها شقه مفروشه -- قلت مستحيل ازين كذا ابد. قالت خلاص ننفصل وانت دور رزقك وانا

أدور رزقي قلت روحي للمحكمة اطلبي خلع.

(( مع العلم ان أهلي بالخرج-- وعندهم غرفتين ودورة مياه مالهم فيها حاجه مسكرينها --- ويقولون اسكن فيها

وهي رافضه هذا المبدا))

مستحيل اني اصرف راتبي على احد حتى اهلي الي هم ربوني حتى كبرت لأني ما أقدر

وجزاك الله خير

جزاك الله خير