|
اقتباس:
عندكم مطر صح :28: الله يعين قتلنا مشاعرنا عشان مانحس بالصدمات الجديده طيب مافيه حل نرجع نعيش ونحس بالحياة زي أول معقول ياروح نعيش بالحياة كذا لا لون ولا طعم .. اكتشفت حتى المشاكل بعد مانحلت وزانت الأمور مالقيت مشاعري تغيرت الحزن باقي مع أنو ماله داعي وخلص انتهينا من ذيك السنين لكن موراضي يطلع آآآآآآآآآآآآآآآآآآه ودي اصيح ابي حديث وينه . روح الطير ازعجتك يابعدي رديت عليك مرتين :29: ماادري وش فيني |
اقتباس:
ياهلا وياغلا حياك ربي وييسرلك حفظ كتابه العزيز ( هذا التنافس الحقيقي ) شوفي انا كتبت هذا الموضوع وقلت بقرأ شيء ثاني لقيتكم تعانون نفس المشكلة لايكون الحالة طبيعية تجي كل النسوان وأنا توني اكتشف . بالله إذا كان الوضع عندكم كذا وشلون متقبلين الحياة هذه . المهم سؤالك هذا بحط نفسي ماشفته ولا مريت عليه ايه يا اختاه راح انطرد من المنتدى لو جاوبت علية فيه من يقرأ ورى الشاشه تبينها تزعل وتوقف عضويتي . بعدين وين اروح . خليها شوى واقولك الخبر السعيد >>> تراي ماقلت شي ياللي تقرين :24: احب زوجي الله يسعدك اسعدني تواجدك |
اقتباس:
هلا وغلا يا هلا يمكن والله واجهت كثير لكن الغريب وقت ماكنت في غمرة المشاكل وزحمة الهموم ما كانت نظرتي للحياو كذا آمين دعائك ريحني كثير لا حرمتي الأجر اختي |
اقتباس:
يعني تختاري البحر لي ... ياهم بيستانسون طيب المره الجاية بإذن الله ماراح اكسر خواطرهم . كلامك سليم 100% الدنيا واعرفها ماتستاهل دمعه لكن هذا قدرنا فيها والصر بالتصبر يعني لازم الواحد يتصبر ويارب هذا اللي أنا فيه ويقتل كل احساسي بالسعاده يكون سحاة صيف وتعدي وتفتح ازهار الفرح في حديقة بيتي . يارب أنا وكل بنات المنتدى وكل من نام وعينه حزينه ريم البحر البحر واكيد ياغاليه راح ادعيك اسعدني تواجدك |
اقتباس:
ياهلا وغلا فيك اختي والله يعوضك خير ويقر عينك بضناك عاجل عير آجل ويرزق كل محروم ... وأنا بعد والله يشفيك من الضغط وعلومه . شوفي ياغاليه أنا هذه الحاله ماسكتني من بعد ما أنتهت سنتين مرت على كلها مشاكل وهم تصدقين .. قبل كنت ابكي لما اتذكر وش صار في حياتي ... وبعد اقوم اغسل وجهي وواغير ملابسي واطلع مع اهلي اما زياره أو لبيت اخواتي أو اسافر .. أحس بطعم التغيير هذا واشوف مزاجي يرتاح ويتغير . لكن الحاصل اليوم شي غريب ... تبلدت الطلعات والخرجات والسفر والعيد وكل هذه الأمور ماتبسطني زي أول السنه اللي فاتت كنت أفرح بغياب وحده من دكتورات الكليه وانبسط وأحس اليوم يصير عيد لكن اليوم لو جت هذه الدكتوره البيت عندي وجلست تعطيني محاضراتها اللي تجيب البلا ماعندي مانع زي بعضه ... مايفرق . منت عاجبني >>> معرفك راكب علي وش رايك نتبادل :) اسعدني تواجدك وكلامك ومعرفك بعد دمتي بحفظ الله وانتبهي على صحتك |
اقتباس:
فالبيت أزين وش رايك >> كلامي صحيح |
اقتباس:
ذكرتيني بصديقتي الغاليه ماعدت أنا وحشتني ليتها ترجع ومايصير إلا اللي يرضيها , هجرك عذاب وأنتِ بعد نفس حالتنا متبلده والمشاعر مقتوله الله يعين ويرجع ماعدت انا هجرك عذاب اسعدني تواصلك |
حياك الله يا أختي بعد طول غياب ما تعانين منه هو فراغ وملل وشوية إكتئاب الحل يا أختي فرفشي و أطلعي من القوقعة اللي أغلقتي نفسك عليها لاتتركي الهم أو السرحان يسيطر على تفكيرك ، ولاتكوني لوحدك ، و إنما شاركي أهلك حتى لو بالجلوس بصمت أنت بخير ولكن لكل جواد كبوة ، و بإذن الله راح ترجعي حديث اللي الكل يتمناها ويفرح لها ويسعد ويأنس بالجلوس معها وبكلامها و أنا واثق أن ما في شئ صعب عليك ، لأن التفكير في الماضي ما له قيمة ولن يعود عليك بالنفع |
اقتباس:
حياك الله أخي عبد العزيز 1424 شرفني تواجدك الحقيقة أنو ماعندي وقت فراغ وإذا فضيت افضى ساعات بس مشكلتي مشاعري فقدتها طعم الحياة فقدته تساوى عندي الفرح والهم نفس الأحاسيس الماضي اليوم مايعنيلي كثير علمت نفسي كيف انسى واتناسى لكن في المقابل فقدت حديث كل شيء كان عندي له أهميته ومعناه ... قبل لو عندي سفر استعد له من شهر ولو فيه مناسبة زواج وماشابة من بداية الإجازة استعد لها لكن اليوم أخر همي اشوف وش البس في حفل زفاف أو عيد .. يمكن ما أعذب حالي وأشتري شيء جديد . يارب يارب ترجعلي حديث اللي كانت حتى في قمة همها تحب الحياة يارب أخي شاكره مرورك الكريم |
بين السطور سبحان الله الإنسان يتغير بكل شيء حتى افكاره تتغير قناعاته تغيير ماادري هل مرور الوقت هو سبب التغيير أوالظروف حتى لوكانت عابره تغيرنا ليش السعاده مانحس فيها كل وقت حتى لو توفرت كل مسببات السعادة إلا ويبقى شيء في قلوبنا يحرمنا الإستمتاع بالسعاده . ليش يوم أقرر إني انسى الماضي واقفل باب الذكريات واسمح برحيلها , يرحل معها إحساسي ومشاعري وجمال روحي . صرت اجلس بعيده عن الناس عشان ما يؤذوني ... لأن همي من اوله لأتلاه سببه الناس . أنا كنت أحب اصحى الفجر اطلع من الفجر مع ابوي وامي نفطر برا البيت نروح كل مكان نتمناه كنت ارجع البيت بشوق له الفرح في كل مكان .. هذا وأنا كنت توني مطلقة وقتها . اليوم الساعة 6 ولا 10 ما يفرق . أشوف أختي تفرح بأشياء كانت قبل تفرحني اليوم اشوفها تافه . اخوي يسألني حديث وش أحلى يكون المدخل مربع ولا مستطيل ... اطالع فيه واعطيه جوابي السريع ما ادري ياخوي . جواتي اقول كيف صرت كذا ومتى تغيرت .>> وتسبق سؤالي دمعه تصحي كل اللي طويته . بصراحة فقدت حديث واتمنى ترجع لأني احتاج اكون حديث عشان اعيش كل الوان الحياة ياحديث ارجعي |
| الساعة الآن 08:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©