|
اقتباس:
وفقك الله لما يحب ويرضى |
احس عايشة بكابوس ازعجني ودي اصحى منه
والقى نفسي في بيت مستقرة مع زوج صالح واسرة صالحة كلما اشوف طفل ودي يكون لي نفسه اضمه لصدري اشبع فيه عواطفي كلما ذهبت للمكتبة اقول متى اجي لهالمكان واشتري لعيالي اغراض المدرسة متى ادرسهم مابي اكبر اكثر وبعدين اعجز عنهم.. ومااقدر اربيهم واهتم فيهم ابيهم يكونون احسن ذرية.. ابي اعوضهم عن كل شي فاتني.. ابي الأولاد يكونون علماء ينفعون الامة بعلمهم .. والبنات يكونون معلمات وداعيات ابي زوج يهتم فيني يحسسني بوجودي واني لي اهمية لما انخطبت آخر مرة وشفت اصرار الخاطب حسيت بداخلي شعور جميل اول مرة احس فيه حسيت ا ني موجودة ،، اني انثى ،، اني مرغوبة ،، اني وحدة من افراد المجتمع << مادري شلون ا فسرها :25: مرات اقول لنفسي ليتني ماعرفت عنه اللي عرفت كنت وافقت وتزوجت لكن ارد على نفسي بسرعة ليش مجنونة بس تبين تتزوجين والسلام عشان تطلعين من نار العنوسة ترمين نفسك بنار زوج نكدي يعيشك بهم وشقاء ومشاكل انتي تبين زوج يريحك وتعيشين حياة هانئة سعيدة مستقرة وتكونين اسرة صالحة ساعات اقول مومشكلة بس ابي اجيب عيال مابي اعيش وحيدة عالاقل يؤانسوني بهالدنيا وساعات اقول لأ لازم الأب يكون موجود .. انا نفسي مو لاقية احد اهتم فيني ويقضي حوائجي فأبنائي منو رح يحمل مسؤليتهم الهم هذا اثر علي كثييييييييير اول لما اشوف المدرسات كيف يبدعون في حصصهم ووسائلهم ويتعاملون مع الطالبات ويشترون لهم الهدايا اغار وابي اصير احسن منهم اما الحين احس مالي نفس ولامزاج عساني احضر واشرح الدرس |
أختي جوهرة ألاحظ عليك كثرة التخيل والهروب من الواقع ، وهذا شئ جميل ليخفف وطأة ما نعاني منه ، ولكن لانستسلم تخيلي معي لو أنك تزوجتي وعشتي مع زوجك ،،، هل راح ينقطع الهم والكدر؟ أو هل حياتك راح تكون أفضل مما أنتي عليه؟ طيب لما لاتبذلي أنت بنفسك وتطلبي عن طريق من تثقين به ليدل عليك الخاطب؟ أكيد تقولي ما أرضى ، وممكن هو ينظر لي نظرة دونية ،،، و أنا أقول لك ،، لا لأن الحلال ما أحد يستحي منه ولذلك لاتجعلي الهم والتفكير يسيطر عليك حتى لاتتأثر حالك أكثر الزواج سيكون من نصيبك قريباً بإذن الله ، لأنك صبرتي وبكيتي كثيراً ودعوتي الله بإخلاص ولاتجعلي مشكلة عدم إهتمام أهلك بك أو إستحيائك في البوح لهم عقبة تمنعك فضفضي ولاتكتمي شئ لترتاحي |
اختي جوهرة الله يفرج همك وييسر امرك
محد يدري الله وش كاتبله ونصيبك توه ماجاء عيشي يومك ووكلي امرك لله الذي لاتنام عينه وان شالله ماتجي السنة الجايه اذا الله أحيانا الا وانت تقولين عرست وصار عندي طفل بين يدي |
أختى جوهرة الكويت والله كلامك صادق جدااا ومن حقك ...وماعلينا جميعا إلا الصبر .. وكما تقول حكمة دائما أتذكرها : العبرة بالنهاية ... إن شاء الله نهاية صبرك يكون خير ... وتتزوجين من يعوضك...ويستاهلك .. على قدر صبرك وإيمانك .وفقكى الله.
تحياتى اخوكم m.s |
اهلين اختي جوهرة الكويت اخبارك ياعمري
هوني على نفسك وبأذن الله راح يجي اليوم اللى تكوني فيه متزوجه ومكونه اسرة وربي نفسك حالتك صاير يجيني حزن وكوابيس وما احب اطلع عند الناس احب اكون وحدي |
اللهم ارزقها زوجا صالحا تقينا غنينا واجعله قرة عينا لها واجعلها قرة عينا له وارزقها الذريه الصالحه .......
عليك بالاستغفار وصلاة الضحى وربي يوفقك |
اقتباس:
لا حرمك ربي الاجر ويسر امورك جميعها |
حبيبتي وسعي صدرك و هونيهاوتهون
لك حق تتضايقين لكن اعلمي أن الارزاق بيد الله وفتره وتعدي وبتشوفين بيجي يوم وبتبشرينا هنا باذن الله انك بتتزوجين قريب دام الأمل موجود الفرج بيجي من الله الله يرزقنا واياك الزوج الصالح بنات المنتدى والمسلمين اجمعين |
الله يعوضك خيرا
|
| الساعة الآن 04:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©