|
اطياف الرياض
يعجبني الذكاء وسرعة البديهه عند المرأة وأشكرك على عد السطور . ماذكرتي من كلامك وجهة نظر موفقة جداً ولمحات دقيقة وأنا أعتقد كذلك مثلك أن من يكون قدوة في نفسه إضافة على مقدرته على القيادة فهو الأجدر في التأثير وصنع الطرف الآخر ودفعه للنجاح بوركتي ووفقتي دوماً الورد الجروح مرحباً بك ضيفه كريمة في موضوعي وأترك المايك لأختنا مشكلتي اصدق للإفادة بارك الله فيك |
رائع موضوعك ولكنى عندى سوال هل نجاح الرجل هو ان استطيع ان يكون معه الماده ولا النجاح مثلا لو شئ فى عاداته مش كويسه وانا غيرتها بصراحه انا غيرت زوجى فى اللبس الحب يعنى اشياء من هذاالقبيل لكن الماده للاسف اخرته وده مش لانى كثيرت الطلبات وارهقته بها ولكن مش بعرف ادخر وهو مثلى تمام ماذا افعل حتى انجح:30:
|
نعم وراء كل رجل عظيم امراءه انا ولله الحمد غيرت في اسلوب زوجي حاولت ودعيت ربي ونجحت ولله الحمد اني اغيره للافضل... |
اخى الرسمى موضوعك شائك
تغيير الطباع من المحال لكن تحسنها ممكن اما ان تساعد الزوجه زوجها فهو موجود وهناك من النساء ماتهد الجبال وتحيلها سهولا طليقى ساعدته كثيرا وقفز فى 15 سنه من سن الاربعين لل55 قفزه هائله علميا وعمليا وحتى فى مركزه حقق مالم يكن قد حققه فى شرخ شبابه مال وجاه ومنصب ودكتوراه واصبح علما فى مجاله كل ذلك لانى كنت اثق بانه الافضل لم اساعده بمال او علم عندى ولكنى ساعدته برؤيتى له بغض النظر عن فشل او نجاح زواجى الا انه يستحق ما وصل اليه وارانى غيرته لسبب بسيط جدا انه قبل زواجى كان متزوجا ولم يحقق اى شىء وبعد طلاقنا لم يرتفع ولا درجه واحده عن درجات السلم الذى تركته عليها بالنسبه لى حقق لى طموحا واحدا ان انشر كتابا باسمى........... غيرت فى طباعه واصبح افضل عن يوم ان تزوجته افضل بكثير |
اقتباس:
اي غيرته من هالناحيه الحمد لله نشأت في بيت مليان رجال بسم ما شاء الله ما دخن فيهم واحد .. الا خالي وبعيد بعد ما نشوفه ..والتدخين يعتبر منكر .. بل ان زوجي واهله خبوا علينا انه يدخن.. والا كنا رفضناه مهما كانت مواصفاته .. بس الحمد للهانه خبا:d متعوده اذا جا من برا , انط اجري عشان ابوسه اضمه .. اذا شميت الدخان ننحرم منها واتنكد وهو ينحرج وتخرب علينا الأجواء ولا اجلس جنبه وابعد عنه اذا اكلمه وقلت له للأسف حتى بالليل لا تحلم تحصل شي لأن انفاسه تكون مشبعه بالدخان و انا تلوع كبدي من الريحه وحاجه ثانيه تحصل له بس استحي اقولها ( يعني كنه جربان اسم الله عليه) .. بل انه كان دخن بالبيت .. مع اني قلت له انا امرض من الدخان .. بس كان يعاند .. اول مرتين ثلاثه كلمته بأدب .. بس بعد كذا دخلت عليه و خبطت بالباب وقلت له اطلع برا وعصصصصصصصصصصصصصبت .. طلعني من طوري .. اقول لك انا امرض تقوم تدخن؟ خاف وطلع لأن من حقي ما تدخن بالبيت ..عندك الشوارع ببلاش اطلع فيها ومن هذيك المره ماعاد دخن في البيت .. وهو شغله بعد يهد الحيل فلما يكتشف انه ماعنده سجاير يتكاسل يجيب .. غير اني حلفت له لأطلع فجأه اروح السياره وافتشها اذا فيها دخان لأنتفه .. وفعلا كم مره افاجئه بطلعات تفتيشيه :d وما نطلع مشوار الا افتش السياره وياما صدت علب دخان.. وقدامه وبدون اي نقاش اكسسسسرها واخربها حتى لا هو ولا غيره يقدر يستفيد منها كنت اجمع صور لضحايا التدخين وصور مقززه في اغلبها ..واخليه يقرا التعليقات عليها .. وسلاحي الفتاك كان ولدي .. كنت اقول له ادعي يا ولدي ان الله يهديه ما يدخن .. واسمعه دعا الولد واخليه يحرجه بالأسئله .. وش فايدة التدخين وليه تتخبى مننا اذا دخنت .. وهيك يعني وتحذيري اللي خلاه يفكر الف مره قبل لا يدخن اكثر .. قلت له التدخين سبب رئيسي للسرطان .. واذا انت اصبت فيه فلا انا ولا ولدك مسامحينك لأنك بيدك جبته لنفسك وانت عندك مخ وانتبه على شفايفك لا تصير سودل لأن ساعتها والله ما تطول فهو مع الوقت صار يستحي .. بزياده .. |
راح وقت تعديل الرد
اخر سطر .. قصدت بكلمة ما تطول .. ( يعني ما تطولني ...... اي العلاقه الخاصه لأن شكل الشفايف السود على بنفسجي مقزززززززززز وانا ما اعرف اضحك على نفسي واقول لا مافيها شي ) ولما منعته يدخن بالبيت صار يستحي يدخن برا البيت عشان الجيران فالحمد لله تقفلت عليه من كل جهه مع كثر الحصار انبسط انه صارت تمر فترات طويله قبل لا تغريه سيجاره مره ثانيه فصار يتماسك ولا يدخن ويجي يبشرني انه قاوم .. والحمد لله مشى الموضوع |
اقتباس:
ماشاالله عليك عزيزتي أفكار وحركااات وتهديدات والله شي حلو!!! على فكرة افتكرت حديث "يغلبن الكريييم ولا يغلبهن إلا اللئيم" وإذا انت غلبتيه فواضح إنه كرييم ولكن ياكثر اللئام يعقد الواحد زوجته ويجيب لها الضغط صح!!! والحياء لا يأتي إلا بخير لولا يستحي ويشيل هم ما كان قلل يكثر اللي وجههم قوي والا إيش رايك؟ عندي أخوي يدخن رفع لحرمته الضغط!! يدخل البلكونة لما يكون عندنا!! وحلوة طردتيه من البيت !! وعصبت!! غيره يخوف ويعصب بدالك!!! وأنا كدا عجبك ما عجبك...الخ!! وألف شكر على الرد والحمد لله إن زوجك رجل عظيم وجد امرأة عظيييمة نفسها طويييل استخدمت ونوعت الوسائل .. وخفيفة دم... لكن ماحد جاوبني بخصوص الدين.. هل تعرفون حالات تأثر الزوج بزوجة متدينة؟ وأنت يا أخوي الرسمي ماعندك فكرررة؟؟؟؟ ومشكووووور لأنك تركت لي المايك!!! اتفضل معاك!!:17::17: |
shera
المال ليس شرطاً للنجاح تغيرك لزوجك يعني أنك مؤثرة والتأثير يعني أنك نجحتي والنجاح سلم للعظمة وأما موضوع الإدخار فيمكنك دخول جمعية سنويه وإختيار أن تكوني آخر من يستلم وستجدي أنه أصبح لديك مال كثير تستطيعي أن تحققي به رغبة معينة بارك الله فيك منور والنعم بأمثالك من العظماء أعجبني إتكالك على الله سبحانه وتعالى بالدعاء ثم المحاولة حتى النجاح إستمري أختي نحو الأفضل بتوفيق من الله ورعايته فتوشي أنتِ أستاذة ماشاء الله فلا يعد هذا بغريب عنك .. إن كان توقف إرتفاع علوه للدرجات فذلك يعني أنك فعلاً من صنع ذلك يكفي أن تشعري بنشوة النجاح حينما تتذكري أنه دكتور وعلماً في مجاله ولكي أن تفخري بقول وراء كل رجل عظيم إمراءة بُورك في عمرك وعملك الورد المجروح من خلال مشاهداتي فإن تأثير المرأة المتدينة على الرجل الغير متدين في الغالب يكون ضعيف ( أقصد في الأمور الدينية ) وأما تأثير الرجل الغير متدين على المرأة المتدينه فهو أقوى ( أقصد يؤثر على صفاتها وقد يؤثر على دينها ) والله أعلم وقد يكون كلامي غير صحيح |
اشكرك اخوي الرسمي على هالموضوع الرائع :22:
طبعا انا من يوم كتبت موضوعك كنت متابعة بصمت:) وموضوعك الجميل خلاني استرجع ذكريات زواجي الحلوة والمرة عشان اتذكر وش غيرت فزوجي الغاااااااااي راح ادخل بالمضوع عشان ماطول عليك اخذت زوجي وانصدمت انه انسان ماااايرحم لكنة طيب فنفس الوقت يعني لمى امرض ماااااايحس فيني:24: وانا هذا اهم شي ابيه من زوجي ابيه يررررررررررحمني قبل مايحبني حتى انه فاول حمل لي كان يحط عند عزايم كبييييييييرة يعني ذبايح ورجاجيل وحريم وماااااايساعدني ومايبيني اقول ايييي حتى مراجعات الحمل مايوديني:29: والسبب ان ابوه كان قاسي مع امه مايرحمها هي طبعا قالتلي قبل تموت الله يغفرلها حتى هو حتى لو كان مريض مايرحم نفسه يشيل ويحط لهله لكن لي لاااااااااااااا:29: المهم انا عالجت الموضوع طبعا ما قلتله ارررررررررحمني !!!!!!!!!! لان هذا شي حسي ماقدر اطلبه زي ما اطاب الفلوس بديت ارحمة اذا مرض طبعا ماسويت كذا عشان يرحمني لاوالله جا كل شي طبيعي والله اني اذا مرض اقعد ابكي قوف راسه واذا جتة حرارة احاول امتص حرارتة بيديني واتمنى ان كل الالم اللي فية فيني من جد مو مبالغة كل هذا من حبي له واللحين سبحااااااااااااان الله زوجي احن زوج مو هو الاولي يرحمني اذا حملت مايبيني اصلح ولاشي حتى الدوام يخااااف علي مايبيني اداوم وانا يجيني صداع اذا زعلت ولا عصبت :29: وما يطيب راسي الا بابر مسكنة صار يتألم معي ويحاول يهديني عشان ماصدع طووووووووووووولت عليك وحسيت اني قصيت قصة حياتي :d وانا اتكلم عن صفة وحدة وهي الرحمة راح ارجع اكتب صفات ثانية غيرتها فزوجي الحبيب بس مرررررره ثانية لاني تعبت من الكتابة ونفسي اذا تسمحلي ارد على الاخت الورد المجروح |
بياعة الورد 2010
ماشاء الله عليك أستطعتي أن تغيري سلوك في زوجك وهي الرحمة بالآخرين والتعاطف من أجلهم وهذا إنجاز ونجاح قمتي به وبإنتظار عودتك لتحكي لنا عن إنجازاتك الأخرى موفقة ومسددة دوماً |
| الساعة الآن 04:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©