|
اقتباس:
|
اقتباس:
جزاك الله خير |
اقتباس:
يعطيك العافيه اختي هو يمكن الحين ندمان ويبي يتخذ قرار لكن اهله مايعطونه الحق في اتخاذ اي قرار الله يعينه ويعيني وحسبي الله ونعم الوكيل |
وش وضعك عند أهلك ..
يعني مهتمين فيك والا لا أما زوجك لا تردين عليه لا هو ولا اهله بشئ أبداااا من جد قلة أدب من البنات وش دخلهم بعد هم قلة عقل الحريم متوقعه لكن حتى الرجل مصيبه |
شوفي يالغالية
المتوقع الآن إن التحريض قائم على قدم وساق وبنزوجك اللي أحسن منها وع عليها وغيره وبالعكس تلقين من حب الانتقام الحين يدورون له على وحدة أنا أفضل بمثل هالحالات تزينين علاقتك بزوجك وهم خليك زعلانة خلي أهلك يستدعونه واجلسي معاه وابكي عليه هالنوع غالبا يكون عاطفي ورحوم قولي له احبك واشتقت لك بس ابي اعيش مثل الناس طبعا ببكى وارفضي ترجعين لبيت اهله اعزميه عندكم عشاء وسهرة ودلعيه وخليه يستمتع والا اقترحي بعض الليالي تروحون شقة مفروشة المهم أدي حقه باللي يرضي ربك واللي غيره خليهم يعرفون حدودهم أقولك هالكلام لاجل 3 امور: *تسدي الثغرة اللي تحطينها وقت غيابك في قلب وعقل زوجك لأن الرجل بس يحس بالحاجة ولا يلاقي أحد يبدأ يفكر جديا بالبديل ايا كان...وياما حالات مثلك طاح الفاس بالراس خصوصا أن اهله شايلين عليك *ترضي ربك فيه فيرضيك فيه إن شاء الله *ماراح يقبل بالتحريض لما تكوني انت قايمة بواجباتك خصوصا الخاصة.. الله يسعدك |
الزوج اللي ماله كلمه ولا له اي شخصيه اريح لك انك تتطلقين ابرك من العيشه معهم من جد تخيلت موقفك صراحه الله يعينك عليهم حياة قرف كذا وربي تعاسه الله يفرج همك من جد لا صار تفارق شخص يجيب لك الهم والغثا تحس براحه عجيبه وتحاقر نفسك انك عايش طول هالفتره معه وانت كل يوم ضايق خلقك عشانه بالعكس اللي يريح نفسك اتخذيه ولا تفكرين الا براحة نفسك |
[QUOTE=bzns;
00 لااعلم عن المجتمع الذي تعيشين فيه حتى نقترب من بعض العادات لكن مهما كان ارجو ان تغضي النظر عن ان فلانه تقصد كذا او كذا ولاتنظرين للمرقبة اللصيقة التي تقولينها انها متاعة من قصد الانتقاد وانما كلما شاهدوك تتاثرين من تصرف اصروا عليه مما يزيدك غيضل كوني متسامحة واعملي قدر الامكان في خدمة وضاء زوجك بالتقرب من امه واخواته ومع الزمن ستزول كل العوائق فالله جعل الصبر على مشاق الحياة ووعد الصابرين بالنصر انا اعرف عن هذا المجتمع اللي انت مانت قادر تتخيله وصدقني مهما احترمتهم وتقربت منهم بيضلون يطاردونك في كل صغيرة وكبيرة تسوى والا ما تسوى بس تدرين وش صرت اسوي لا شفت احد منهم قلت الله اني اجعلك في نحورهم واعوذ بك من شرورهم صدقيني لها مفعول السحر ولا تنسين اللهم اكفنيهم بما شئت وحسبي الله ونعم الوكيل وفي ايات في سورة ال عمران دايم ارددها " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173) فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ ۗ وَاللَّهُ ذُو فَضْلٍ عَظِيمٍ (174) إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ (175) احفظيها وردديها الله يحفظك ويفرج كربك |
في إعتقادي بأن أهل زوجك يعانون من فراغ بدليل حبهم لإشتعال المشاكل وإن كانت صغيره لا تستحق وزوجك بدوره منقاد منطاع لكي لا يخسر حبهم ولا يستطيع بأن يرد لهم أمر حتى يكونون في تمام الرضا عنه أعتقد أن الجهل مسيطر عليهم جميعا لكن استخدمي عقلك عزيزتي في مثل هذه الأمور بما أنك تعيشين مع شخص ضعيف الشخصيه منهز من الداخل فاعلمي بأنه سريع التأثروأنت بدورك تستطيعين التأثير عليه وشاكلته ينفع معه قوة الشخصية مع تدليل حاولي أن تكسبيه في صفك فإن خسرتيهم هذا لا يعنيك أهم شئ لا تخسرين زوجك وبيتك وابنك الحل بيدك عزيزتي دعي الريموت كنترول في يدك حتى تكسبيه وحاولي توسيع فكرة حبك لأمه وأهل في عقله حتى ينقل هذه الفكره إليهم لتتحسن العلاقه وإن كنتي لا تحبينهم لكن استغلي الفرص من صالحك لتستمر علاقتك بزوجك ومع مرور الوقت حاولي بأن يكون لك بيت مستقل عنهم ولا تجعلين حجتك الأساسيه أهله حتى لا يكون هناك عناد ومشاكل لا تنتهي اجعليه من باب أنك تريدين أن توسعي على نفسك وقولي نريد سكن قريب من أهلك وليس بالأساس أن يحصل بالقرب منهم لأن الرجل من أن يشعر بأن زوجته لا تحب أهله فإنه من باب الولاء لن يحسن معاملة زوجته غاليتي نصيحتي لك اكسبي زوجك في صفك فشخصيته قابله لذلك وقوي شخصيتك عليه بدون أن تفقدي الاحترام وإن رجعتي لهم عامليهم برسميه أقصد أهل زوجك ولا تحاولين أن تدخلينهم في أمورك الخاصه حتى لا يستحقرونك ولا يكون هناك طريق للمشاكل وفقك الله وأعانك على التغلب على هذه المحنه |
| الساعة الآن 08:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©