منتدى عالم الأسرة والمجتمع - والله احترت ابن جيراننا وابني

السلام عليكم ورحمة الله

انتهى الموضوع يوم الاربعاء بس ماقدرت ادخل النت الا اليوم فسامحوني رجاء ..
الموقف انتهى بشكل مؤلم جدا .. ونفسيتي كانت صفر ولا تزال ..

الولد يوم الاربعاء العصر جا دق علينا الباب

وطلب في ولدي .. انا قلت طيب .. دقيت على زوجي كان لسا في شغله وقلت له الولد يطلب في وليد يطلع معاه .. ممكن؟

قال مو مشكله طالما انه مع باقي عيال الجيران

وطلع ... على اساس ان فيه مباراه ..وبيلعبون مع باقي العيال ..

بعد ساعه تقريبا او اقل دخل ولدي ومعاه هدايا

العاب مو سهله

قلت له ايش هذا؟ قال الولد عطاني اياها هديه .. وقام يسوي حركه بشفايفه!!!!

قلت اشفيك؟

قال يا ماما والله اني صرت اخاف منه

دخن مره ثانيه .. !!!!!!!!!!!!!!!!!!!!!!

اخذت الالعاب ووريتها زوجي .. قلت له شوف .. الولد دخل مرحله جديده من العلاقه ومالها اي الا معنى واحد

انه يبيه يمشي معاه وهذي بداية الطريق ..

دخن مره ثانيه
وهالمره نادى ولدي عشان يدخن قدامه!!!!!!!!!!!!!

قال لي خلاص انا سكت كثير .. مايصلح سكوت اكثر من كذا .. وابوه صار لازم يعرف ... رح اتفاهم معاه
ومسك الجوال و دق على الجار .. نص المكالمه :

السلام عليكم يابو فلان
انت بالبيت ؟
الحمد لله .. اطلع ابي رايك في سالفه صارت معاي ..
لا ان شاء الله خير .. بس تعال ابيك..
سلام عليكم

لا زياده ولا نقصان .. هاليوم بجميع تفاصيله انحفر في الذاكره السوداء مع الاسف ..

زوجي ساعتها كان جدا متعقل ولا قصده الا يحل الموضوع بكل هدوء .. مع الاب .. ويحلون المشكله من جذورها ..

وفعلا خرج وانا قلبي صار برجوووووووووولي وادعي يارب تعدي هالليله على خير وتهدي سر الاب ..

طلع زوجي وقابل الرجال .. الا يشوفون الولد ماشي وبيطلع برا الحاره ..

ابو الولد تسائل بكل براءه .. قال غريبه وين رايح وتارك المباراه؟ خبري به حريص؟

زوجي قال شرايك نمشي وراه واكلمك بالسالفه؟

قصد زوجي انه اذا مشى وراح للهندي فالحمد لله ورح نبدا الموضوع وننتهي في نفس الوقت ..... واذا كان بس يتمشى .. برضو الحمد لله واضمن ان الاب ما بينفعل ويعدي الموضوع بأقل الخساير النفسيه ..

بدا معاه زوجي بكلام عام ان العيال مسؤوليه ولابد من اننا نحط جميع الاحتمالات ومن هذا الكلام ..

والاب مستغرب من وجهة ولده .... ومن كلام زوجي

مشوا وراه ..هي دقيقتين بس ..

وفعلا .. وقف على باب واضح انه غرفه صغنونه في بيت .. حقت سواق

وطلع منها السواق .. هندي ملتحي .. يعني انه وقور وراعي امانه و ينفع يكون محل ثقه للعوايل الله لا يوفقه

هنا كانت الطامه الكبرى

قام يصيح على الولد .. هاه شنو تبي .. انت ولد مجنون .. انا زهقت من انت .. انا تعبت من انت .. يارب انت فيه موت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

والولد مخذول بالمره قدامه بس يطلبه الدخان بتصميم

طبعا السعر ارتفع صار خمسه ريال على ثلاث اصابع دخان بس .. !!!!!!!!!!!!!!!!!!!!!!!!!!!!

طلع له ثلاث اصابع ورماها على الارض .. قال له خذها يا......................................

الجار قام يركض بجنون .. زوجي قام يلحقه .. ومسك ا الهندي وبدون اي تفاهم قام يصفق فيه.. وبقوس .. وتشويت .. وجميع حواسه تشتغل وبلا اي هواده .. وابو و ليد ماقصر دق ع الهيئه

وطبعا جميع انواع الكلمات اللي تعرفونها وماتعرفونها ... زوجي يحاول يهديه بس على قولته مو من قلبي خليه يعطيه درس في حياته ما ينساه ..بس قعدت انبهه لا تضربه على راسه لا يموت .. (ماقصرت يابو وليد جزاك الله خير )

الولد من الخرعه صار يرتجف .. وعملها على حاله ( بكييييييييييييييييييييييييت لما قال لي هالنقطه اعوذ الله ولا زلت ) ويتحامى بزوجي .. وهو يهدي فيه ويسمي عليه

جارنا يعطي الهندي كف .. و يعطي الولد كلمه في العظم .. شويه ع الهندي وشويه ع الولد .. ( وقام يدعي على الام وهذي مصيبه ثانيه يالييييييييييييييييييييييييتني ماسمعت فيها .. طلعت الام فعلا فعلا فعلا مهمله بشكل مش طبيعي )

ثواني الا الهيئه مرتزه ..

الهندي قام يترجاهم انه عنده عيال وانه مسكين وانه الولد غصبه يعطيه ... اما هو لما قالها .. زوجي يقول: انا عطيته بقس على فمه قلت كيف يعني طفل صغير تسع سنوات يغصبك يا كذاب؟ والبقس لحقه كم بقس كمان ...

الهيئه يالله يالله قدروا يفكون الأب من الهندي .. زوجي قام يهدي في نفسه ويهدي الرجال .. ( الولد رايح فيها طول هالوقت )

قام يبكي الاب ويدعي عليه بكل ما اوتي .. و يسأل الهندي بكل انكسار .. انت سويت فيه شي ثاني ؟ قصده تحرشت فيه ؟ قام يصيح الهندي ويقول لالالالا الا هذا انا ما اسويه ..

التفت الاب على الولد و انهار فوقه .. لأن الولد ياقلبي قام يتأسف من ابوه ونفسه مقطوع من الخوف ويقول والله ما اعيدها ويبوس يد ابوه .. !!!!!!!!!!!!!!!!!!!!!!

الحاره كلها طلعت على اصواتهم ... اهل البيت طلعوا .. ماكان فيه الا اولاد بس .. ابو البيت اعتقد مسافر ..
تبرأو من سواقهم على طول قالوا لا نعرفه ولا يعرفنا واللي تبونه سووه

الهيئه مسكت الخاين .. وقالت لزوجي و الجار يجون

زوجي اخذ الجار والولد ومشى معهم للبيت وهو يذكر الجار بالله وانه الحمد لله عدت على كذا بس
ووووووووووو

انتظره برا البيت واخذه معاه وراحوا للهيئه

تأخر شوي .. ورجع .. ما ادري وش صار بالهندي الله لا يوفقه

ولدي مايدري عن شي

تحسفت ان الموضوع لنا يد فيه

الحين ما ادري وش حال الولد

ولا ادري بكره بيقدر الجار يداوم او لا ؟اذا ما داوم معناته الموضوع مسبب ازمه فظيعه في البيت ..

الزوجه ما ادري وش بيصير فيها ؟ لكن وين بتروح من الله !!!!!!!!!!!!!!!!!!!!!!!!!!!!!!

ما ادري احس الموضوع كبر بزياده .. لكن اجي افكر فيها .. زوجي طلع على اساس يكلمه بس الله ساق الولد قدامهم

الاب ماكان بيصدق .. على كل الاهتمام وكذا؟

الولد مخذوووووووووووول .. يقول زوجي انا متأكد الموضوع وصل لأبعد من الدخان .. ولو مو من الهندي يمكن من غيره!!!!

اليوم العصر جارنا ارسل لزوجي رسالة شكر عميقه جدااااااااااااااا بس زوجي يقول احس انه يقصد عكسها

قلت له لا تحمل الكلام غير مايحتمل ... وماعلينا الا من الظاهر..

وربك فوق .. له حكمه في طلعتكم ورا الولد .. والا احنا لنا اكثر من اسبوع مو عارفين نصيد الولد لحالنا !!!!!!!!!!!!

هز راسه .. بس متألم ..

لحد هنا ودورنا انتهى

الله يستر من الجاي .. والله جيل يخوف