|
الصبر مطلوب .. آه اصبر شوية
بس بصراحة قلة الادب لاتحتمل الست بتولد خلاص يعني اساسا مش بيكون عندها وقت تعامل جوزها بالطريقة دي وشوف الردود يعني اخرها تكتئب منه مش تقل أدبها .. خليها في بيت اهلها لأمد انت تحدده بدون ماتراضيها ولا تكلمها، تتصل بس تسأل على ابنك وتقفل .. وبعد كدا كلم ولي امرها شوف ايه علتها دي .. يعني يبقى كلام رجالة ويديك خبر ياتكملوا يا لأ.. احنا بنتحمل بلاوي والحمل كله قرف على قرف وتغير مزاج... والولادة وكون انها تجربة بين الحيا والموت .. بس عمره ما كان بسوء الأخلاق دي ! وانت مشكور وكرم اخلاق منك انك اتحملت ده كله في حملها ومتحمل نفاسها .. وبرده انت راجل وليك حقوق .. طيب انت بتقول راسها يابس يابس على ايه يعني هي بتقول ان انت مالك يعني ، ايه اسبابها اللي منشفة دماغها بيها؟ يعني الاتهامات الي بتخرج من فمها ايه بصراحة وبدون انك تحلل في راسك، انقلها كدا؟ |
لاتنسون ان الحمل صعب وبلاخص الوحم ...من بعد ماذقته !!اتمنئ اموت ولا اذوق القلق والتوتر ووووالخ...
والشيء الاخر ماادري عن الاكتئاب مابعد الولاده ....لكن لاتنسون السهر من الطفل وقلة الاكل من الارهاق وعملية الولاده الطبيعيه والاهتمام بلطفل هذا كله يسبب ضيق الاخلاق وبقؤه انا اذكر كنت منشغله عن زوجي وبلاخص يؤم رحت معه للبيت واول ولد لي يغيت اموت وولدي من النوع الي يبكي وماادري وش السبب!! وانا من النوع العصبي ....... طيب سؤال اخي الكريم انت بحياتك مع زوجتك بها مشاكل او امور اختلافتوا فيها وما حليتها بنقاااااااااش!!يعني مثلا جبرتها علئ رئيك بدون ماتسمع لها وتلب طلبها؟ اوبعد ولادتها اختلافتوا بشيء لو بسيط يعني انت برئي وهي برئي؟؟؟ اشك انها تراكم مشاكل.... او انك معد اصبحت انت مثل الساااابق من ناحية العاطفه ؟يعني من يؤم راحت عند اهلها ماغير تسئل الا عن هلولد؟؟وبس ولا تقؤل كلمه حلوه او غزل او مدح ؟؟؟والسبب لانك تجد منها تجاااهل ترئ احيانا اشيل بخاطري شؤي من زوجي اذا سئل عن ولدي ولا سئل عني لكن والله اقؤله افآ وانا ؟؟؟؟ اما من ناحية اهلها يمكن انت شايل عليها واكيد انك شايل فاشكيت ان اهلها بعد ؟؟؟طيب وش لاحظت علئ اهلها هل جرحوك بكلمه او او...الخ؟؟ اخي مالك الا انك تجلس معها تطلع انت ويااااااها مكان لمدة ساعه وتناقشها ؟؟ انا زوجك ليش تعاملك معي كذا ؟؟ وش مغيرك علي؟؟ انتي زعلانه من شيء؟؟قؤلي لاتخبي ؟؟ انا تعبت معك وتحملتك وقت الحمل والوحم وصبرت وفرحت انك جبتي احلئ مولود والنهايه اجد انك باقي متغيره علي.... ابيك تصارحيني ولا راح ازعل قؤلي لي؟؟ وصدقني بتقؤل لك,. |
اقتباس:
ثم يا اخي، وياكل الازواج، ليتك تعلم، كم ان الحمل والولادة مرحلتان مرهقتان ومتعبتان وتستنفدان طاقة الزوجة واعصابها، وتحمل مسؤولية طفل وصراخه ومحاولة التاقلم معه ليست بالامر الهين على الاطلاق.. اما ردا على كلامك انه لو كان اكتئاب ما بعد الولادة، لكان حتى مع اهلها، فانا اقول لك لا، والتفسير ببساطة انها تعلم يقينا، انها لا تمون على شخص غيرك، فانت شريك حياتها، وانت الاجدر بتحملها، اما هي الان ضيفة عند اهلها، ولا تريد ان تكون ضيفة ثقيلة وغير مرحب بها.. لا تفكر بالطلاق، ناقشها وحاورها اخي الفاضل. . حمدا لله على سلامتها ويتربى بعز ابيه وامه... |
النساء هداهن الله الغالبيه منهن هكذا يكفرن العشير الامن هدى الله سبحانه وتعالى وعرفت حقوق زوجها عليها0
وعليك اخي بكثرة الاستغفار والدعاء والصدقه ومحاولة الكلام باللين مع زوجتك لعل الله يؤلف بين قلوبكم0 |
انا استمر معي الاكتئاب 6 شهور وانا مشاكل مع زوجي بسبب الاكتئاب بعد الولاده وكنت افهم زوجي
لازم توقف معي ولااقصر معي ويقرا علي الاذكار وينصحني اصلي ركعتين والحمدالله خف علي خلك واقف جنب زوجتك ودلعها وان شاء الله يروح لاتستعجل اصبر بعد بالتوفيق .. |
أقول أنا واحد مجرب وهذا شي طبيعي تمر فيه كل فتاة متزوجة سواءا عند الدورة تتغير الهرمونات عند الزوجة والحمل وبعد الولادة وفترة النفاس وزوجتي تغيرت علي مثل موضوعك وأكثر لكن مافكرت بالطلاق لاني عارف أن هذا الشي تمر فيه كل فتاة متزوجة واصبر علي زوجتك وثق ثقه تامة أنها راح تتغير لان الزواج نعمة من رب العالمين خاصه أذا علاقتكم حلوة من بعد الزواج واذا خلصت إن شاء الله من فترة النفاس خذلك يوم فترة النقاهة سواءا سفر أو حجز ليلة بفندق او هدية وخل كل الي تسويهم مفاجاه بدون ماتدري وخلك مهتم فيها بكل الحالات الي ذكرتهم
يرجى كتابة (ان شاء الله ) كما بين أقواس و شكراً/الاشراف |
حبيبي... اكيد انك تموت فيهااا
لذا انصحك بالصبر.... والله هذي حالة اغلب الحريم... الله يعينا عليهم بس لاتشك انها ماتحبك... ابد حط في بطنك بطيخ صيفي من هالناحية المراة تمر بمراحل غريبة ومتقلبة... ابتدا من الوحم وحتى بعد الولادة وتستمر لعدة شهور لا تبعد عنها خلك حولها... يعني مره باليوم... وحاول تخلتي فيها ولاطفها... وخذ واعط معها... بدون انفعال تمنياتي لك بالتوفيق |
مازيد عن كلامهم عااااااااادى اكتئاب ياخى شل فى بطنك بالونه تسعه شهور والله عزوجل يقول فى كتابه (حملته امه وهنا على وهن)يعنى تعب على تعب ومشقه والم الولادة وبعدين طفل صغيرر مرات ممكن الوحدة تجيها ردة فعل وتكرهك لانك السبب بالشى هذا:) وعلى فكرة الى عندها لخبطه هرمونات او اكتئاب قبل يزيد معها بهالفترة وهنا دورك تصبر وتتحمل وتطنش مو عالطول طلااااااااااااق وشهذا!!!!!ماعاد فيه تحمل مسؤليه والحين بينكم طفل اتق الله واصبر فترة وتعدى ان شالله وانت على اجر
|
المواضيع اللي زي كذا يبي لها مصاارحه
صارحها بكل شي وشووف ردة فعلهاا ووبس والله يسعدكم |
يالله دائماً الرجل اناني
صدقني لو تمر عليك ساعة وحدة وحم كرهت نفسك ولو يمر عليك يوم ثقل كرهت الدنيا ومافيها ولو تولد كان مت ودفنوك اهلك متى الرجل يترك انانيته ويحس بالانسانة اللي عايشة معه المرأة تحتاج للاشياء المعنوية اكثر من المادية تقدر تتحمل الجوع والفقر ولا تقدر تتحمل ساعه هجر وحرمان متى بتفكرون ان المرأة انسانة مثلك لها احاسيس ومشاعر واجزم ان اللي صاير معك ناتج عن تراكمات كثيرة بداخل زوجتك صدقني المرأة ماتبي الا كلمة حلوة وانت على طول مفكر بالانفصال وابغى اقولك عن معلومة قريتها ان المرأة من تحمل الى مابعد الولادة بستة اشهر عقله يصغر عن اول مايرجع لوضعه الطبيعي الا بعد سته اشهر من الولادة واعرف ان السهر مع الطفل هذا لحالة يطفش ويقلب المزاج يعني الى مايتم الطفل تسع شهور وهو على الحال واحيانا اقل بشوي يعني قدر ان مسئولية الطفل كبيرة اكبر من مسئولية الزوج والبيت والوظيفة وكل شي من جد استغرب ماعلى السنكم الا سيرة الطلاق متخيلين الزوجة صخرة ماتحس ياناس حسوا بزوجاتكم وربي راح تنحل كل اموركم ومشاكلكم صدقني كل الحريم مروا بنفس اللي مرت فيه زوجتك ويمكن اعظم اذا مالقت لها زوج يحس فيها ويداريها اذا تحبها من جد راح تساعدها انها تتخطى هالازمة وفيه بعض الحريم تزيد معهم الامور اذا كانت تاكل مانع مايناسبها وتضطرب امورها كلها وتصير شرسة لان كثير من الحبوب تدمر نفسيه المرأة وانا من اللي عانيت نفسها وصلت لمرحلة الانهيار بس الحمدلله مشت الايام ومشينا معاها |
| الساعة الآن 01:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©