|
بسم الله الرحمن الرحيم
اسمعي حبيبتي انتي تقولين هذا اسلوبه من بدايه الزواج اسالتك احد الاخوات عن البس انتي ساكنه مع اهله بس اكيد عندك غرفه تاخذين راحتك فيها وبعد خليك با الغرفه لما يكون جاي من الدوام او يبي ينام اهمسيله باذنه( احبك وحشتني ووووووو) حتى لو صدك انا عارفه انها قويه بس معليش اذا اخوانك مابهم خير حاولي معاه وصدقيني راح تلاقين رجال يحبك مع الوقت والرجال زي الطفل يبي وحده تدلعه وتقوله احبك لو بخاطرها شي عليه معليش حبيبتي تحملي عشان تاخذين اجر وعشان تكسبين حب زوجك ....والله يسعدك ويرحم والديك .... بس لاتنسين تبلغيني با النتيجه الله يسعدك يااارب |
لا حول ولا قوة إلا بالله الله يعينك على ما ابتلاك صراحة فارق العمر كبير ولو حسبنا بعد عشرين سنة أنت في عز شبابك ونضوجك وهو في الكبر وغير كذا بهذا العمر وتصرفات بهذا الشكل الله يسامح عمك .... أنت ذكرت أن تعامل أمه وبنات عمك على أحسن ما يرام ويعتبرونك مثل بنتهم طيب هل كلمتهم بالموضوع ؟!!! وكيف ردة فعلهم تجاه ضرب زوجك لك ؟!!! عزوبي بس رجل |
اسفه طولت عليك حبيبتي .....
قلوب مطمئنه !!احرجتيني والله ...الي يسمعك يقؤل الله شكل همس دكتوره نفسيه !!!خخخخخخخخخخ ليت الكل يدري بنت متخرجه من الثانوي من 2سنتين ....انا افيد لاني فهمت شخصية الرجل من شخصية زوجي فااحس اني افهم شخصية الرجل لو بلقليل ..وكيف نكسب الزوج... الاهم يااخت بارود ..... انتي اكيد نفسيتك تعبانه من تعامل زوجك معك !!.؟ واتوقع اخذك غصبا عنه وعنك انتي لاجل الظروف ؟؟ الان لاتفكريين الا بكسبه فقط ولو من بعيد ..... يعني انتي تدرسين ؟؟وساكنه مع اهله !!واكيد لكم غرفه او قسم صغير بلبيت !! ودوامه من الساعه كذا الئ الساعه كذا .؟؟؟ يعني سؤال متئ تتواجهون ,,,,!! هذا كفيل بانكم تبتعدون عن بعض بحكم دراستك وبحكم دوامه وبحكم سكنكم مع اهله .... يعني كيف تفهمون بعض وانتم بضل تلك الظرؤف ؟؟؟!!!طبعا مستحيل انك تطلبين سكن مستقل دامك مرتاحه مع اهله واحمدي الله علئ ذلك ... لكن الحل بظل تلك الظروف هو انك تفعلين اشياء بدائيه للتقرب منه ...يعني مثال بسيط... ابدئي من الليله مثلا اذا كان نايم بغرفته ..تروحين وهو نائم طبعا !!وتغطينه بلبطانيه اذا هو مو متغطي بها !!واذا متغطي عدلي البطانيه له ولو علئ خفيف !!وودي يحس هو ! واصلن الرجل يحس وهو ناااائم يعني احساسه الداخلي صاحي وهو حاسة اللمس ...وهو حتئ لو ماقال هو يدري اصلن ! لايهمك تجاهله ... اليؤم ال2 لايقؤم الا وقدجهزتي فطور له خاصتا ويكون علئ طاوله بنفس الغرفه ومعها كوب ماء وورده وورقه صباح الخير يالغالي ... اكوي لبسة الدوام او ثؤبه وحطيها له علئ الشماعه ...واكتبي ورقه عندها الله يحفظك مع السلامه ... ارسلي له مسج حلو يدل علئ حبك له وتقديرك وليس رومانسيه جدا ماافضبها من البدايه لاجل مايقؤل ه اذي وراها شيء! داومي علئ هلموال اسبؤعين وشؤي علئ الاهتمام به مثلا تعطرينه تسئلين عنه اذا غاب وطول عن المجيء للبيت اذا قال خير ان شاء الله وش التغير المفاجئ فقولي ؟؟مو انا زوجتك فااكيد احبك واهتم فيك ...واذا جرحك قؤلي الله يسامحك يالغالي !!!هو صدقيني قلبه بيندم من داخله وينحرج... والتزين والمكياج الخفيف اذا كنتم بغرفه مجاوره او قبل النوم ...وودي تجاوبين كم لكم غرفه ببيت اهله هل لكم قسم لكم انتم ام غرفه وحده واذا غرفه وحده كيف تنامين بلصاله !!! استمري بلدعاء وادعي وقولي اللهم اشرح صدره لي اللهم حنن قلبه علي وو.........الخ واستمري بلاستغفاااااااااار اكثر من فترات بليؤم .....وادعي بلسجود ...... واستمري بتحمل كلامه وجرحه ...بلسكوت وعدم معاندته ,,,واذا هزئك اكتفي بقؤل الله يسامحك وروحي لغرفه 2 بعيدا عنه لكي يهدء وانتي بعد تهدين...ولاجل ما يضربك او يمسكك... اما من ناحية التزيين فااكيد ان غرفته قريبه من الصاله فاالبسي لبسه حلوه مثلا ودي يكون عندك من القمصان الي يكون 2 في واحد يعني يكون القميص الداخلي قصير الئ الركبه والقميص الخارجي طويل وساتر يعني بسب سكنك مع اهله واذا كنتم بغرفه لحالكم حولي لفت انتباهه قبل نومه يعني مثلا ؤانتي لابسه هلبسه مثلا او أي قميص قصير لازم يكون عليه شبيه بلبالطوا !!انسيه انتي بلدولاب وانتي بتكونين عامده هالشيء !!! ادخلي بلغرفه الي هو فيها وكأنك ناسيه شيء بلدولاب فاادخلي وقولي معليش نسيت شيء وخلي زينتك كلملكه وماعليك لاتخجلي ...!واذا قال ليش هللبس !!قؤلي لك انت ياحبيبي !!اذا قال انتي بغرفه وانا بغرفه !!قؤلي انا ادري حبيبي !!خليك غامضه له...وتزيني له بفترة نوم الجميع...وهو بيلاحظ تغيرك معه ..ماعليك من التجريح تغاضي عنه استمري بلتزين له ..استقبليه اذا جاء وعطيه شراب سؤئ ماء او عصير عادي حتئ لو امام اهله ... عطريه بعطره اذا راح او بع وجبة اكل ... تقربي منه لو شؤي يعني لو يسؤلف حاولي تاخذي وتعطي معه امام اهله او بدون اهله عادي بادليه ... انتي الان بعيده عنه بسب اسلؤبه وهذا الاسلؤب خطئ !! تقربي منه بلتدريج شؤي شؤي .. وبعد ايااااااااااااااام واسابيع من تقديمك للفطور وتجهيز الغداء والعصير والحلئ وتزينك له وبلاخص اذا صرتوا لحالكم واكيد في وقت لوقصير او لاحظات لحالكم وكوي ملابسه واوراق الرسال تصبحينه وتودعيه اكتبي معها كم بيت شعر قصير وحلو ....يبين عن غلاته عندك وو,.......الخ بعدها اذا لاحظي انه تغير لو نسبيا باسلؤبه معك اكتبي له بلؤرقه الي تحطينها بصحن الفطور ...اكتبي اتمنئ ان اكون بجانبك لكي افطر معك ..وهذا مااتمناه... وشوفي يناديك او لا...اذا لم ينادي !!فااتركيه !!عادي ولا كان شيء حاصل واستمري باهتمامك به بلسؤال عنه ارسال مسجات الحب ثم شؤي شؤي تجرئي بلرساله ..اتمنئ اني اكون معك بلغرفه !! وعادي ترئ هذا زوجك ..طبعا بعد اسابيع من تطوراتك معه ... لاتقؤلين اخجل ماادري ايش !!حبيبتي هذا زوجك اجذبيه لك ...!مالك بعد الله الا هو !!فااااهمه ..لااخوان ولااخوات دروا عنك .... حبيبتي انتي بسن صغير فاكيد انتي بتبدعين باسلؤب الدلع والغنج والتقرب منه بئي طريقهاجلسي بجنبه اذا كان يناظر التلفزيون او تصفح النت يعني شؤي شؤي طلعي لك فكره ...وبتلاحظين تغيير اسلؤبه والكلام الي ابقؤله الان لاتسؤينه الا بعد تغير اسلؤب زوجك معك حتئ لو انه لم يقؤل كلمه حلوه بل يعين قل تجريحه لك ا واو ....ووووالخ !. اشتري قمصان حلوه امامه ...وبناطيل وغيرها ..اشتري له هديه وسوي حفله صغيره له بغرفته قبل قدومه للغرفه وغيري الابجورات بلون اخر او اشتري لك من الابجورات الرومانسيه ومع كيكه صغيره ا واكله يحبها وكوبين عصير وكوني خارج تلك الغرفه بلغرفه التي انتي معتاده بلنوم بها او بغرفه مجاوره لغرفته وابدعي بتغيير الفراش بشرشف ابيض وحطي ورد كبيعي تلقينه بريال الورده الوحده ... وانثريها علئ المفرش عطري الغرفه او المفرش بعطر خاص بلمفارش ... وارسلي مسج رومانسي ...وقولي في مفاجئه بغرفتك ياحبيبي !! واذا دخل لغرفته بيتفاجئ وانتي او لمايدخل البيت روحي ورحبي فيه ...حتئ لو طنش عادي انتي افرحي بنفسك لانك تحاولين انك تكسبينه ! ومهما كان قلبه بيضعف حتئ لو بعد حين ... وحطي هديته علئ الكمدينه واكتبي ورقه هذي هديه مني لك لاني احبك احبك احبك موت ... وهذا احلئ اكله تعجبك ,,, واكتبي بلعافيه واكتبي اتمنئ اكون معك ! وانتهئ ...اذا ناداك كان بها ولله الحمد واذا لا فااستمري معه باسلؤبك الحلو ...لاتياسي خليها تحدي بينك وبين نفسك لجذبه لك ... هو اظنه اعتبر خوفك منه وبعدك عنه انك لاتحبينه ولا تهتمين به ...فنفسيته تتعب اكثر ويجرحك اكثر الفرؤض تبدين تحببينه فيك ... سؤي الي قلته لك وان شاء اله تنجح قؤمي اوتري وادعي الله بتفريج همك... ولا تنسي ذكر الله . تحياتي اتك همس . لاتسؤين الحفله الا اذا لاحظتي تقربه منك او تغيره بلاسلؤب معك ... تزيني وابدعي بشكلك روحي واصبغي شعرك وتزيني فاجئيه .وثقفي نفسك اكثر من النت كيف تكسبين زوجك وكيف تجذبيه استفيدي من الحركات الي تجذب الزوج غيري من شكلك ولبسك له لايهمك تجاهله لك بلبدايه يسؤي نفسه انه مايهمه لكن بعدين بيضعف قلبه فهو بلنهايه رجل ومهما كان الرجل يضعف قلبه امام جمال وزينة المرءه بلبسها واسلؤبها انتي صغيره بلعمر لكنن بعد الان اعتبري نفسك خلالالاص انتي زوجه ولازم تطوري من نفسك بلاسلؤب والتزيين . واي سؤال انا حاظره انا واخواتي بلمنتدئ !! هاه وش رايك بكلامي ... لاتنسين تعلميني بلتطورات لاتفهميني غلط اني ابي التفاصيل لا!! انا قصدي اذا في تحسن بحياتك فااكتبي الحمدلله في تحسن ..!.. |
خواتنا ماقصروا الله يعافيهم تأكدي بانج قدها وقدود يا عسل موفقة ان شاءالله : ) |
صح في فرق بينكم بلعمر لكن هذا لايكون له تاثير علئ حياة اي زوجين
لا بل التاثير الاهم وهو تربية الاهل لكلا الزوجين وكيف البيئه التي تربؤا فيها انتي الان ليس لك حل الا كسبه فقط بلتعامل الحسن والدعاء والا ستغفار والتزيين والبعد عنه وقت الغضب تطنيشه اثناء جرحه لك .... يعني العناد معه لن ينفعك تكليمك لاهله لن ينفع بل يزيد النار اكثر لانهم بيهدونكم وهو فيما بعد يااخذ حقه منك يعني لن يؤقفؤا ولدهم عند حده وصدقين لو دخلتي اهله بحياتكم لن ترتاحي انتي ابدا بل سيصبح زوجك يفتري عليك لجلب اهله له وانتي بتكونين بصؤره سيئه امامهم جميعا ولا يكون لك احد الا الله سبحانه فلا افضل ان تكلمي اهله ولا اي شخص اخر ابحثي الان عن سبل وطرق لتصليح الامو بينكم انتي افعلي ماقلت سابقا واستمري لمده الئ ان يتعدل ولو بلقليل حبيبتي كوني له الام والاب الاخت والاخ والصديقه ... اهتمي به اكثر كلميه واسئلي عن حاله واسمعيه كلام حلو اني اشتقت لشؤفك لاجل كذا اتصلت بك ! استقبليه اذا جاء من الدوام بردي غرفته يعني شغلي المكيف قبل قدومه بكم دقيقه اطبخي غداء يحبه هو جهزي له الحمام اذا هو معتاد علئ الاستحمام عند المجيء من الدوام قؤميه بحركه حلوه (بؤسه )مثلا عند وقت الصلاه وقؤلي قؤم حبيبي !ولا يهمك كلامه اذا جرح اهتمي بشياكتك امامه ومكياجك ولبسك وبلاخص قرب فترة النوم اكتبي رساله وناديه معك لاجل يسؤلف وحطيها بجانب السرير مثلا تكتبين مساء الورد حبيبي اتمنئ تجيء وتقعد معي مشتاقه تجلس بقربي وطبعا تكوني قد جهزتي نفسك !اذا تجاهل لايهمك استمري بجذبه لكن مو مره وحده وكل يؤم لا خلي بينها فترات متباعده اعزميه علئ مطعم لكم انتم الا2 !!وعطيه خبر لكن يكون مافي دوام عنده مثلا خميس وجمعه طبعا لاتحجزين طاوله بلمطعم الا وقد تغير معك لو نسبيا اشتري له هديه كما قلت سابقا ولا تنسي الاهم الدعاء ثم الدعاء ثم الدعاء والاستغفار فما للانسا ن الا اللجواء الئ الله سبحانه وقت الشده او غيرها ... وصدقيني الله ماينساك من رحمته ... استمري وانتي بتكسبي . جربي وش بتخسري ! |
الله يصبرك يا قلبي
مالك الا الدعاء والصبر وان شاء الله ربي يفرجها عليك ويحنن قلب زوجك ويسعدك ويريح بالك |
الله يفرج همك عاجلا غير اجل
... حبيبتي استمري بلدعاء فلا تيئسي من لرحمته سبحانه ... والله ان تجدي الفرج باذن الله. |
ودي تقؤلين رئيك للاراء التي ذكرتها ! وان شاء الله اقتنعتي فيها ..؟
وصحيح كم عمرك ؟؟شكلك صغيره ؟ |
قصتك اثرت فيي
ان شالله لك اجر من ورا الصبر.. بعدك زغنونة..اذا استمر الوضع هيك (ضرب و اهانة و كره) انصحك ان تعملي الاتي: اكتبي رسالة ** زوجي الغالي..انا اسفة اني عبارة عن عقبة بحياتك..بس ما ذنبي!!! اهلي تركوني ولم يودعوني..اخواني نسوني..كتب الله اللقاء بيننا..لعله خير.."اذا الله احب عبدا فبتلاه" اعتبرني بلاء تكسب الاجر من عطفك علي..فانا يتيمة..و رسولنا الكريم وصى بجبر خاطر الايتام..و ربي اعلم اني كم نغسي اتقرب منك و اخليك راضي عني و ابسطك في حياتك و احطك تاج على راسي..بالمقابل حسسني بالحنان اللي فقدته بالونسة اللي نسيتها. بالعطف اللي متشوقة له من زماااان.املئ علي وحدتي و رمم جروحي.. خلينا نفتح صفحة جديدة..و اذا فعلا ما تحبني ارجوك لا تضربني..لا تؤذيني..لا تهينني..ليس فقد لاني مجروحة من ما فعلت الدنيا فييّ..بل لاني احترمك كزوجي و احب الخير لك و اعلم انك بما تفعله لي و ظلمك و هجرك لي لن يرضى عنك الرحمن..و هذا ما اخشاه عليك.ا اعطف علي..فمن لي سواك بعد الله! زوجتك. اكتبلو هيك و حطي الورقة على تخته لما يجي ينام يقرأها..و الله يسير اموركم..طمنينا شو بيسير معك. |
رفض زوجك لفكرة الزواج اساسا غريبه مع انه كبير
وغير كذا انه ينومك بالصاله وهو بالغرفه فيه نقطه ماتطرقتي لها ابدا .. كيف علاقته معاك بالفراش ؟؟ مستمره او توقفت او لم تحدث ابدا |
| الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©