اختي العزيزه ردي عليهم وقولي لهم انتي في صغرك كنتي تشبهينها تماما ولما كبرتي تغيرتي وحلويتي او قولي لم بنتك في نضرك اجمل بنت في العالم ودائما اذكري امام بنتك بان جمال البنت هو ليس جمال الوجه وانما جمال الاخلاق هو الاحلى كي لا تتاثر من كلامهم

كلا عنده عقدة الجمال ..يا ربي مدري احنا خالقين عيالنا بايدنا ولا شو ؟

استغفر الله

عزيزتي وقع ها الكلام لما يكون على بنت غير عن الولد البنت راح تحس بالنقص وتقل ثقتها بنفسها

انتي الحين عليج انج ما تعطي الجمال في نظرها الشي الكبير ..خليه شي عادي ولا تجيبين طاريه حتى لو كبرت ..وعليج انج تمتدحيها في صفات أخرى وليس الجمال فقط لأننا لو تربينا على هذا حلو وهذا مو حلو ماراح نقدم ولا نأخر في حياتنا شي وراح نكون منعزلين عن العالم

واذا على الناس طنشيهم وراح ينسون

لا تاخدي بخاطرك حبيبتي انا متلك بينقال عابنتي مو حلوة بس ما اعرف ليش لما قلهن انها شبه ابوها بيزعلوا كتيرر هي ما تشبهني بس والله حلوة اهم اشئ ما تتاثري.

كما قالت الغربة مرة ... يا ويله اللي ينتقد شكل عيالي :29:

عاد هذا اللي ناقص!



والله تعليقات تقهر وترفع الضغط .... وكأننا نتحكم في اختيار أشكالنا!!!!




أما ابنتكِ الله يحفظها فأنتِ من ستزرعين فيها الثقة في النفس .. فاحرصي على ذلك.

صح كلام يقهر حاسه فيك نفس الكلام يوجهونه لي لمايشوفوا بنتي مع أنها نعوووووومه وتجنن
بس أنا أرد عليهم وأقول غريبه والله أشوفها ملكة جمال ماأسوى جمبها شي وفعلا يسكتون وماعاد يتكلموا بشئ

أهلين كلرز ..

الله يحفظ بنتك ويرزقك برها ..

بالنسبة إن ابنتك تتعقد مما يحدث هذا وارد ( إذا كان الفارق الجمالي كبير + إذا لم تجد الكلام والاهتمام ولتوجيه المطلوب منك )

وهذا ما حدث معي أنا وأختي حيث أننا في صغرنا كنت أجمل منها وكانت التعليقات تأتي من هناك وهناك وصادف ذلك (حساسيتها الشديدة + إغفال أمي الله يهديها ويحفظها للوضع الذي تمر فيه أختي ) مما سبب ذلك رواسب نفسية إلى يومك هذا تعاني منها أختي مع أنها الآن كل المدح والزين لها وأنا الي طاح كرتي :d

موقف :

إحدى زميلاتي (جميلة بحق ) - ما شاء الله اللهم بارك - وإبنتها أقل منها بكثير لدرجة أن جمالها أقل من المتوسط ( سبحان الله ) !!
وشخصية زميلتي( قوية جدا ) حيث أني في أحد المرات رأيت ابنتها فقلت لها ماشاء الله ابنتك ( حلّوت ) قالت هي أصلا حلوة !!!!!!!!!!!!!!!!
مع إن موقفي في نظري أنه عادي لكن هي ترى أنه في إشارة مبطنة (أن بنتك لم تكن حلوة) فأرادت أن تقطع الموضوع حتى لا أعيد أن أتكلم في جمال ابنتها لا من قريب ولا بعيد!
وأرى أنها بطريقتها هذي تلقم من حولها حجرا !!! >>> وهذا المطلوب ..

هناك أمور في حياتنا ما يبغا لها أسلوب لازم تجي بالقوة عشان تتعدل من ضمنها التعليقات الي تجيك يعني لازم تكون ردودك قوية شوي ولا تستحين بعد كذا بيهابونك لا وأزيدك من الشعر بيت بيشوفون بنتك حلوة !!

أتمنى إن ثرثرتي أفادتك ..

حلو ماشاء الله إن الأخ دافع عن اخته

الله يحفظهم لك

بصراحة هي وجهة نظرهم وما أقدر أصادرها عليهم

لكن ما ودي يجون ويقولون لي عنها أمام ابنتي خصوصا

يحتفظون فيها لأنفسهم

وإن شاء الله تجيني الجرأة أسكتهم لكن مشكلتي في نفس اللحظة ما يطلع الرد المناسب

شكرا لمداخلتك

بنتي لحد الحين صغيره وتتأثر بالكلام المباشر لكني دايما أقول لها إنها حلوه ومن هذا الكلام

وإذا كبرت شوي بيزيد إن شاء الله فهمها أنه الدين والأخلاق والسلوك هي أساس الحكم على الناس

وشكلي بجرب لو حصل موقف أقولهم إن بنتي أجمل وحده في العالم

لكن بيقولون معلوم أمها وبتشوف عيالها أحلى شيء

هذا هو

أنا ما ودي تصير عندها عقدة جمال لأنه مو مقياس

إحنا كبرنا ومعانا عقد على الشكل

ماودي تصير عندها هذه الحساسية

صحيح تقيمنا للناس ماله علاقه بالشكل اللي هو خلقة ربنا

لكن وقت نوقف قدام المرايا تعالي شوفي

والأشياء اللي نتعقد منها في الصغر حتى لو جاء شخص يقول إنها حلوه

نحسه ينصب علينا

أشكر لك مداخلتك

بيني وبينك أول ما جبتها كنت آخذ بخاطري وقت كانو يقولون خساره ما طلعت عليك مره

مآخذه منك صحيح لكن الملامح اللي خذتها من ابوها خربت عليها

ومن هذا الكلام

مع انه سبحان الله مهما كان الشخص جميل وأخلاقه تعبانه بتأثر على شكله

والعكس صحيح

شكرا لك