![]() |
اقتباس:
أسأل الله العظيم أن يفرج همك ويشرح صدرك و ييسر أمرك |
لا حول ولا قوة إلا بالله الله يعينك على حرب الحريم ..... بالنسبة لكلامها أنك ما تزور خالاتك وما تحضر مناسباتهم فلا تطيعها وذكرها أن هذا الشيء قطع لصلة الرحم ..... وبالنسبة لمرضها فزورهـا ..... وكلم أخوها قبل زيارتها حتى يكون موجود معك لما تكون معها ودي لو تكلم والدها أو أهلها ..... يقنعوا زوجتك ..... ويضغطوا عليها !!!! عزوبي بس رجل |
اتفق مع اخوي معدن الرجولة قم بزيارتها وتفاهم معاها وجه لوجه وبعدين وجودك معاها في هذي الفترة له اثر كبير على نفسيتها
الله يلم شملكم ويهدي بالكم |
اخي معدن الرجوله الله يعطيك العافيه من جد ارتحت كثير لكلامك الله يوفقك يارب
بس انا الحين حالتي النفسيه زفت حالتي في انهيار اخاف ادق عليها تقول هذا نشبلي او شي من الكلام هذا او تتغلى على فكره انا في فتره قفلت جوالي تقريبا اسبوع طبعا اقلبت الدنيا علي قامت تدق على اخواني وتسال عني ولما شغلت جوالي كلمتني وقالت انا احبك واشتقت لك والحين تقول مابيك وربي حالتي سيئه جدا مدري شسوي اخاف ادق عليه تقول هذا اكيد مايقدر يتركني خليني اتغلى عليه او اشرط عليه نسيت اشكر اخواني الاعضاء الي شاركوني في موضوعي الله يعطيكم الف عافيه |
انا مااتخيل في زوج يحب زوجته ويقول هي حقوده ترى احيانا الخالات يسببوا مشاكل الفروض انك ماتغصبها تروح لخالاتك بس انت روح بكيفك ولاتسمع لكلام احد وخاف الله في زوجتك تراك مسؤل عنها
|
اقتباس:
بس زي ما قلت لك تطمن عليها من فترة لفترة إذا بتضل عند أهلها و إنت شوف متى بتروح المستشفى و روح زورها مع أني أفضل أن تذهب بها أنت للمستشفى فهي زوجتك و ملزومه منك و ترى المرأة مهما كابرت تضل ضعيفه و تصرفات عاطفيه و لمسات حنونه تطيح الي في راسها لكن رجاء خاص حتى لو أرسلت لك رسايل من الي تحرق الأعصاب تجاهل الرساله أكرر تجاهل الرساله لأن الشيطان يكبر الكلمات بينكم ثاني أمر أخي تعلم و علم زوجتك أن إسلوب إثقل و تغلى و يتغلى ما بيسبب إلا الجفوة و البعد زوج و زوجه إختارا بعض و تشاركا الحياة و لا يستطيعان الإفتراق عن بعض فلماذا هذه الاساليب الملتويه بالفعل لازم يعالج الفكر هذا لدى كل الرجال و النساء الله يفرج همك أخي |
معليه ، دلعها ماصخ أول شئ
تاني شئ ، إنت السبب في كل اللي يصير ، لإنك مو عارف تتصرف مثل باقي الرجال باقي بس تبوس رجولها مع إنها غلطانة 70 في المية ، راحت تتبلى عليك قدام الكل و تكذب و تعمل حركات مالها داعي هي مبسوطة لإنك كذا |
اتفق مع معدن الرجوله بكل كلمه قالها
وروح زورها وبيطيح اللي براسها وكوني بنت صادق معدن الرجوله ماعمري زعلت من زوجي وقلتله اكرهك اكرهك ودني لاهلي إلا اكون ابيه يراضيني بنفس اللحظه .. صدقني زوجتك تحبك واكبر دليل يوم قفلت جوالك راحت تدق ع اخوانك .. خلك حكيم اكثر منها واحتويييييها وروح قابلها وجه لوجه بتنسون كل اللي بينكم اما من بعيد ورسايل تغث ومكالمات عتاب ماتنفع ابد لان ابليس حريص وجالس يولعها بينكم فرصتك انك تروح دامها بتسوي عمليه ومنها تشوف ولدك .. وبتتحسن نفسيتك ان شاء الله اسأل الله ان يجعلها قرة عين لك وان يجعلك قرة عين لها ويسخركم لبعض اللهم آميييين |
اقتباس:
|
اقتباس:
يعطيك العافيه اخي معدن كلامك ريحني كثير الله يوفقك وين مارحت بصراحه انا اشتقت لها كثير ودي ارسالها رساله بس خايف اكون اضايقه اوشي وعلى فكره اليوم دقيت على ابوها بسأله عن العمليه ويقول العمليه تئجلت الاسبوع الجاي لان الدكتور مسافر يمكن تكون خيره ان شالله اخوي معدن وش تنصحني فيه ارسلها ولا اثقل شوي والله اني محتار خاصه بعد رسالتها الي قطعت قلبي لما قالت لاتدق علي |
الساعة الآن 01:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©