|
يالله
هذا الموقف بالذات الله لا يحط أحد فيه الله يحفظ عيالنا وبعيد الشر عنهم يموتون ولا واحد يضيع ولا أدري عنه هي بس ثانيه تختفي من قدام عيوني أحس نفسي أنشل وقلبي انشلع من مكانه الله يحفظهم وجميع أبناء المسلمين هو لو ضاع أكيد بيكون قضاء وقدر لكن الواحد بيقعد يلوم نفسه لين يموت حتى لو زوجي هو اللي كان معاه الطفل وضاع ما بيخلى الأمر من لوم نفسي أيضا صحيح بلومه وبزعل لكن الأمر ما بيوصل للانفصال أكيد بتجيني حالة كآبة وأول ما أشوف وجه بتذكر اللي ضاع بسببه لكن الله يعينه هو يتحمل الانهيار النفسي والعصبي اللي بيجيني لا قدر الله في مواقف كذا وفكرة الأرقام والبطاقات حلوه أعرف ناس يكتبون أرقام الجوالات على اليد لكن البطاقات ما قد سمعت عنها ولا طرت لكن الواحد يتعيجز يسويها واستفدت منكم صراحة انه أول شيء الواحد يبلغ اللي في المول يقفلون الأبواب بس المشكلة لو صار مكان عام ولا في الحرم يا ساتر والحمد لله على سلامة يوسف ربي يحفظه ان شاء الله |
اقتباس:
اقتباس:
يوووووه يااغربة ايش هذا .. مستحلفاله :) ... الله لا يحطك بهكذا مواقف ياارب و يحمي اولادك اطمني ... استفدت جدا و زاد حرصي جدا جدا .. الواخد فعلا بيعيش امن و ضامن و كانه بعيد عن الحوادث و المواقف هذه و لما تصير له يعتبر فعلا و يعرف انه كل شي مش مضمون و لازم الحرص و الانتباه الله يحفظهم |
اقتباس:
امينن يارب ربي يحفظ اولادك من كل شر .. بس فعلا الواحد ما يأمن دايما .. لازم لما تطلعي تحطي اسماء اولادك و ارقامكم معاهم سبحان الله الاشياء هذه تصير بلمجح البصر .. الله يحفظهم لك و تشوفيهم باعلى المراتب ياارب |
اقتباس:
اقتباس:
صح يقفلون الابواب و الاهم الواحد يمسك اعصابه و يحاول يفكر وين ممكن الطفل يروح و يتعقب خطواته لكن الخوف و الفزع يخلي الواحد مايعرف يفكر زي ماقلتي اذا في مكان مغلق الموضوع اسهل . لكن بالاماكن العامة ربك الحافظ اهم شي تستودعيه الله قبل ما تطلعو ا من البيت و ان شاء الله ربي يحمي اولادك و الله يسلمك حبيبتي |
.. موقف صعب على كل أم ..
بفترة الأمتحانات , بنتي تخلص من المدرسه الساعه 12 وربع , وانا نسيت , لانه بالعاده تخلص الساعه وحده وعشر دقائق .. .. تأخرت عليها ربع ساعه تقريبا .. قمت أدورها بكل مكان , والطريق والشارع فاضي وما فيه أي احد , قمت انادي عليها باسمها وابكي , حسيت نفسي مجنونه .. .. وشفت رجال أثنين سئلتهم عنها , ماشافوها , شفت حرمه مع بنتها , سئلتهم ما شافوها ,, اهنيه خلاااص فقدت أعصابي وأنهرت ,, .. وفجأة جاء في بالي أدخل المدرسة , يمكن دخلت داخل المدرسه تنتظرني , لاني تاخرت عليها .. .. والحمد لله , لقيتها بغرفة المشرفة الاجتماعية , وكانت حزينه , ومعها كم بنت , كمان اهلهم ناسيين يجون ياخذونهم في التوقيت الجديد !! .. والمشرفة الاجتماعية , ماقصرت فيني من الكلام الحلو خخخخ , مو مهم عندي , المهـــم , لقيت بنتي .. والا بتقوله تقوله لين تشبع .. .. ولو شريك حياتي ضيع احد من العيال , ابدا مابقدر اعيش معاه ..واحتمال اني ازنطه ( ازنطه = اخنقه ) ^_^ ..نووره .. أخرة مرة تحطين موضوع يخرع الامهات *_^ |
Ms.blue
قعدت اتخيل موقفك ..... ماخطر ببالك من البداية تدخلي داخل المدرسة تسألي؟؟؟ على طول رحتي للشارع تسألي الناس :) عاد تخيلي لو كنتي تنادي من برى باعلى صووووووووووووووت ..و ردت عليك هي و المشرفة من داخل المدرسة قمة الاحراج :) المهم الحمدلله .. و ربي يحمي لك بنوتك ياااارب وولايهمك ماعاد نخرع الامهات .. بس والله استفدت من بعد الموضوع هذا صرت كل ما طلعت سويت كرت بجيب ابني احتياط ... الله يحفظهم لنا ياارب |
مرحبا .....
الله لايجيب هاللحظة ....اموت ولايضيعون مني عيالي ولاالاقيهم ... وينكم عن البنت اللي لها 5 سنوات ضايعه اسمها ابتهال المجمعه دائما افكر بأمها وابوها وادعيلهم بالثبات .... موضوعك يضيق الصدر :( لاتتعودينها تقبلي مروري .... |
ياحبيبتي الله يحفظ اولادنا تصدقي التفكير في الموضوع يخوف الله يحميهم دايما اذا خرجتي قولي اللهم اني استودعك ابنائي فاحفظهم لي فانه لاتضيع ودائعك
|
اقتباس:
ياهلا بكنااااافة وينك مختفية حبيبتي ... امين الله لايجيب هذه اللحظة ابد و يحمي لك اولادك لا والله ماسمعت عنها الله يردها لاهلها ياارب ياقلبي سامحيني مو قصدي اضيق لك صدرك .. بس هكذا حوادث ممكن تحصل و الواحد يستفيد من تجارب الغير و انا بالفعل استفدت بعد ما طرحت موضوعي . صرت اذا خرجت استودعت ابني رب العالمين و احط بجيبه ورقة فيها اسمه و رقم جوال ابوه .. سبحان الله الامر مايخلى و الاشياء هذه تصير بلمح البصر . الله يحمي اولادك ياارب و يفرحك فيهم و الف مبروووك النجااح [ quote=شوكه بين ورد;2453444]ياحبيبتي الله يحفظ اولادنا تصدقي التفكير في الموضوع يخوف الله يحميهم دايما اذا خرجتي قولي اللهم اني استودعك ابنائي فاحفظهم لي فانه لاتضيع ودائعك[/quote] اهلا بشوكة و لا راح اسميك وردة احلى :) ... امين ربي يحفظهم و يحميهم .... خلاص مداومة على هذا الدعاء داايما مشكوووورة |
طبعا انا الكبيره باخواني
مره رحنا للجيران وكانو معايا اخواني يمكن انا كنت 12سنه وشوي ادور لاخويا 4سنين ادورله مالقيناه وجلست ابكي مو لانو ضاع لا هههههههه خايفه من ماما وياربي جلسنا ندور ندور اخر شئ قلنا يمكن راح بيتنا وخايفين نروح ندور في بيتنا وماما تعرف انو ضاع والقى على راسي وراحت بنت الجيران تطلب من ماما اندومي ولقت اخويا عندهم هههههههه موقف ماانساه |
| الساعة الآن 05:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©