|
ماشاءالله عليك ياروح الطير
ونعم الأم:17: الله يجزاك خير وموضوعك نبهني على أشياء كثيرة..تسلمين.. |
ماشاء الله على زوج روح الطير
مو شين على قد وصفك يا شيخة .. بس طلعت مرررررررررة حااااااااارة الله يحفظكم ويسعدكم ؛ |
[QUOTE=روح الطير;2444759]عزيزتي لمني بشوق ..
و إذا ساندويتش مثلا بأكلها في معمل الجامعة ، و طاحت من يدي .. أشيلها أمسحها و أكلها .. زوجي يقول خلاص ارميها .. طيب عالأقل لو ما أكلتها ، أشيلها و أعطيها للحيوانات ، أقل شئ .. و لا إني أتركها مرمية .. اختي روح.. كل الاحترام لالتزامك بهذه السنه وحرصك على تعليمها لابنك.. وكل احترامي لكل ما قاله الاعضاء من قبلي.. ولكن اسمحيلي ان اعارضكم جميعا في هذه الجزئية التي اقتبستها من ردك على لمني بشوق.. يا اختي في الجامعة تدوس الاحذية على الارض، وهي حاملة جراثيم وفيروسات وميكروبات من الحمامات العامة وما الى ذلك، كيف تقولين ان الساندوتش بعد ان يقع يكون نظيفا؟؟ وهل اتساخه يكون فقط من الاتربة والغبار؟؟؟ ان الاتربة اهون مئات المرات من الجراثيم والفيروسات المخفية والغير مرئية.. انا معك ان في بيتك لا مشكلة من اكل ما يسقط لانه بيتك وانت ادرى بنظافته، لكن الاماكن العامة غير ذلك.. وانا لا اعارض قول الرسول صلى الله عليه وسلم انه بمسحها يزول عنها الشر، وهو كذلك طبعا، الا ان هذا العصر يتوجب علينا ان نكون حريصين جدا، فانت ترين الامراض التي لم تكن في السابق، لذلك يتوجب علينا الحرص.. عليك بازالتها عن الارض واطعامها لحيوان او على الاقل ان لا تجعل مداسا للاقدام.. اعلم ان ردي مغاير للجميع الا انها وجهة نظر تحتمل الخطأ وتحتمل الصواب.. |
أختي روعـــــــــــــــة
إنت دايما روعة بردودك و لطافتك ،، زوجي في البيت ، يعني كان ينظر لها إنه من باب الكرم .. يعني مثلا إذا شلت الشئ الباقي علشان لا يترمي ، يحسب إنه علشان اقتصاد و توفير و كذا .. فيرميها و يقول نجيب غيرها .. و أمس في العشاء نتعشى ، يتريق علي و يقول شوفيني أهووه بأكل اخر قطعة علشان لا تترمي .. قلت له ، شفت الفتافيت هذه تبع الخبز - اللي كانت قدامه -؟ ما كنا نخليها كذا .. قام جمعها و أكلها .. قلت له ، طيب شفت الصحن هذا اللي بأكل منه ؟ و كوب الشاي ؟ ما كنا نخلي الباقي كذا و قمت شربت الباقي و مسحت الصحن .. :D بجددددد الرجال زي الأطفال .. ;) ---------------------------------------- دلع و كلي دلع كنا زمان نتضايق من أمي و أبوي يوم يجبرونا إننا ما نرمي البواقي .. بس يوم جيت هنا و شفت كيف العالم تستهين بالنعمة و ترميها وو تلعب بها .. حسيت بقيمة اللي تعلمناه .. و وحدة تعرفت عليها .. جاية هنا على حسابها و تحضر دكتوراة ، و تمر بأزمة مادية و تحلف إنها أيام ما تاكل شئ هي و زوجها و ورتني قطعة عيش ناشفة ، هي اللي عايشة عليها من يومين بجد تعلمت منها أشياء كثيرة .. ---------------------------------------- أم داليا حبيبتي .. هو مو شيييييين ،، بس هو دلوع حبتين .. :D يا قلبي ، الموضوع هذا من 3 سنوات و أنا مطولة بالي عليه .. و ما جيت غير يوم شفت ولدي بدأ يتأثر و أنا معاه .. و ما استوعبت للشئ هذا غير يوم رحت عند أخوي و شفته كيف يعلم زوجته ما ترمي العيش الباقي .. و انقهرت من حالي كيف بديت أتغير من غير ما أحس .. أنا بالي طوييييييييل ، بس في الأخير ( بومب ) :D ------------------------------------- أختي أم محمد بالعكس احترم رأيك .. بس حسيت برضو إني ما قدرت أوصل الفكرة .. دايما أعجز عن الوصف :) امممم .. معمل ، مو معمل مختبرات و مثل معاملنا .. معمل نظيف ، فيه موكيت جديد و العاملة تكنسه يوميا .. و فيها أجهزة كمبيوتر و مو أي أحد يدخله إلا برقم سري .. الموكيت مفروش و جديد .. مو مثل معاملنا .. الشئ الثاني .. ساندويتش مثلا أكون توييي اشتريته و مغلفة بالورق ،، و طاحت من يدي مثلا .. خلاص ،، أقطع الجزئية اللي طاحت و ألفها بمنديل و أشيلها عشان أعطيها للحيوانات .. بس الجزئية اللي مغلفة ؟ ما أرميها .. أو فرضا كيكة ناشفة في يدي ، و طاحت .. ما أرميها خلاص .. و أنا معاك في الأماكن العامة ، طاح شئ .. طيب ما أكله ،، بس أشيله عالأقل .. أنا مو قد كذا أجهل القواعد العامة و أسبب احراج لأحد :D بس ما أشوف فيها مشكلة و لا أنحرج أبدا .. إذا شفت قطعة خبز الكل يدعسها و تكون قدامي فأقوم أركنها على جنب.. و يمكن بسبب التصرف هذا ،، يتعلموا الأجانب مننا و يتسائلوا عن السبب .. و يهتدي واحد من بين مليون شخص ؟ :) بس مثلا ، بطاطس مكبوبة في الشارع من - إلى .. فأمشي و ما أدعسها و أقول ياربي سامحني .. لإني مسؤولة أصلا عن الشئ اللي يطيح مني .. و لو أجلس ألملم الشارع ما راح أخلص .. لإنه تلاقي في القمامات الله يعزك ، الأكل مكبوب .. و مو بس عندهم ، أظن حتى عندنا تلقي الرز في القمايم الله يعزك و مليون مرحبا بك :) :) |
ماشاء الله عليك و أحي فيك الروح الحريصة على حفظ النعمة :)
الله يزيدك و يحفظ لك ولدك و زوجك و ترجعووووون سالمين غانمين و تجيبين أحلى بنوتة :15: :15: على فكرة أنا { أحبك } كثيييييييييييييييييييير و أتمنى أشوفك و الله :o |
ذكرتيني ببرنامج خواطر
لما احمدا لشقيري قارن بين اطباق اليابانين و اطباق العرب اليابانين صحو نهم ممسوحه و احنا صحوننا متلتله و تنرمي بلزابله ومن كانو شباب فيا لحديقه العامه ياكلو بطاطا مقليه و طاحت على الارض و لموها و احنا حدائقنا العامه مليانه اشكال و الوان يعني اذا مو من باب السنه فمن باب النظافه و تقليد الشعوب المتطوره الانجليز كمان ياويله الي يترك صحنه مليان لازم يمسحو الصحن و ما يتركو لقمه فيه في مثل يقولDon't bite off more than you can chew' عادي الانجليز اذا طاحت لقمه مسحوها و اكلوها و شايفه هلمنظر يعملوه مدرسات النيرسيري بلحضانه و الخبز دايما اشوف الامهات يجيبوه و ياكلوه للبط انت مو غلطانه و ابنك حيتعلم طبع الانجليز بس استني عليه من يدخل المدرسه ما يخلوه يرمي اللقمه اذا ما كملها او ترجعلك بشنطه الاكل الله المستعان |
اقتباس:
وعرفتي اني امرأه من خلال موضوعي و الحين تقولي اخوي :19: راح اعديها لك هذه المره بس مره ثانيه :16: |
| الساعة الآن 07:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©