|
أخي بندر السالم جزاك الله خيرا على مرورك ونصائحكم وبإذن الله أواصل في تنفيذها .. ولقد رددت عليك في اول رد لي بالنسبة لتساؤلاتك أخي المسداني آآآمين وجزاك الله خيراً وفعلا ماندري وش تخبي الأيام لكن ان شاء الله الايام الجاية كلها خير وسعادة لي ولكل مهموم .. رووووعة أشكر مروروك ومعاك حق ماتضيق الا وتفرج وبالنسبة لنظرية الناس مابلانا في عيشتنا غير كلام الناس اللي يسم البدن والواحد منهم يقول كلمة ويصدق نفسه عليها .. أحب زوووجي كلامك في الصميم وفقك الله لما يحبه ويرضاه حرم فلان فلاني الله يعوضك خير ويسعدك قريبا والله كل ماتقدمت ونسيت الماضي جاء شي من الماضي وذكرني .. حتى اهله دائما يسألون ويبحثون عن جديدي والله العظيم أدري انها مو محبة بالعكس غيرة.. ولاتوصين حريصة بأطلع عيونه وروحه بعد .. ههههههههههههههه سحابة الصحراء كل الناس ممكن أتوقع منهم نية طيبة ماعدا طليقي واهله والحرمة التي تعالج شعبي وزميلة زميلتي أثبتتوا لي شي من صالحي وهو انه ليس بي عيب في شكلي او خلقي او ديني وانما المشكلة في طلاقي وهذا قضاء وقدر من الله ولم يكن بيدي والحمدلله على المكتوب.. وانا اتوقع انها كانت مقتنعة تماما بي لكن تخاف عليهم من كلام الناس بيقولون اعزب ومأخذ مطلقة اكيد فيه شي او عيب في ولدها.. والله ماذبحنا وودنا في ستين دهاية الا كلام الخلق اللي مايخلص .. قلبي طفل مغرور آآآمين يارب ونعم بالله .. ليدي سوفت لاتيأسين من رحمة الله بإذن الله يكون فرحك قريب وتبشرينا .. اكثر المناسبات اللي أروح لها قرايبنا هي مرة واحدة رحت زواج زميلتي اللي حدث فيه واحدة من المواقف اللي ذكرتها في موضوعي هذا وكل ماودي اروح لمناسبات ناس مو قرايبنا يجينا ضيوف او يكون عند ظروف .>> شوفي النحاسة ههههههههه موهبة الكويت ماشاء الله ربي يوفقها ويبارك لها بأولادها والله انك صادقة مافي حل غير التطنيش وهذا الأسلوب لي فترة استخدمه مع الناس اللي احسها تتعمد إيذاءي وبجد لقى فايدة معهم وانا ارتاحت وبعضهم اذا مافاد معهم التطنيش ارد بكلمة او جملة مسكته يعني مأكثر كلام لكن أخذ حقي لكن اول كنت اسكت ولا أرد حتى مأزعلهم لكن مايستاهلون الحشيمة.. دنيا خربانة آآآآآآآآآآمين يارب الله لا يحرمني منك وفعلا رزقي باقي ماجاء والعباد مهما قالت او سكتت لا تقدم ولا تؤخر شي في المكتوب صحيح كلامكم .. بنت مكة الله يرزقك باللي يسعدك عاجلا غير آجل صحيح كل شي قسمة ونصيب ماشاء الله(الله يوفقها ) حتى خالاتي يقولون نفس كلامك لانه يتوقعون انه ابتلاء اذا الله اعطاك أشياء يحرمك من شي حتى يشوف صبرك والله أعلم .. Hala122 جزاك الله خير وفعلا ماجاء باقي النصيب والمكتوب ولو نصبر احسن لنا لان الله مايكتب الا خير وكل تأخيرة فيها خيرة بس طبع الانسان طماع وعجول بفرج ربه .. |
ياحبيبتي حنين للأمل إلهي يسعدك ويوفقك دنيا وآخرة بجد اسعدني ردك وانا الحمدلله من الله منيحة لكن من بعض الناس ....... لكن مأشمل كل الناس لي مجتمعي ولي ناس تحبني وتقدرني واعلم ان لي مكانة عندهم وهذا من فضل الله علي والحمدلله ماهو بحولي او قوتي لان فيه من افضل مني .. خالي يقول يمكن من كرت الدعوة مقصدهم خير وانه انتهى اللي بينكم قلت له الا بالأصح من حقهم مايزعلون منا ماغلطنا عليهم وثانيا ماعندهم كرامة لذلك ماعليهم .. لو الرزق بيدهم كان اعطونا اخس الناس من كثر غيرتهم منا والا وش عليهم منا مايخلونا في حالنا ؟! ان تزوجنا او تطلقنا ماهم مستفيدين منا شي بس خليهم يأخذون ذنوبنا ... واكيد مانسيتنا من طيب أصلك حتى انا في ناس مانساهم ابدا واحبهم واسعد بردودهم .. كورنليا فعلا تهمهم بعض الرجال الأمور هذي بالدرجة الأولى لكن حياء يمنعنا من الكلام في هذي الأمور آآآآآآآآمين يارب وأشكر مرورك .. فلها وربك يحلها وحشتيني بالحييييييل الحمدلله تمام .. أنتي أخبااارك ؟ الله لا يحرمني منك ومن كلامك اللي دائما تحاولين بعث الأمل والسعادة في نفسي وفي نفوس الاعضاء اللي تشاركين في مواضيعهم والله يوفقك دنيا وآخرة .. الله يفرج همك ويفرحنا فيك عاجلا غير آجل .. ورب العباد بيأخذنا حقنا إن شاء الله بالدنيا او بالأخرة .. والحمدلله عايشة حياتي ومبسوطة وأهلي معاي في كل لحظاتي والناس اللي تحبني بس لابد ماتنسين اللي جرحك طال الزمان او قصر (وهذا هو المشكلة) .. وشعاري القادم أجمل مثل ماطلبتي وكماترينه وضعته في توقيعي وانا مؤمنة بالله وبفرجه وان هذا الشعار سوف يتحقق بإذن الله والله يكتب أجرك .. حلم وتحقق ..... الله يحقق حلمك وماتتمنين .. والله مأدري وش يبغون بالضبط منا ؟! من قهري أدعي عليه والله أبوي يدعي عليه احيانا بدعوات قوية جدا والله اخاف منها ان تحقق لأني مأتمنى أشوف أحد مهلك وبسببنا بس لما اجي اسرد الماضي اكره وانقهر منه وادعي واذا نسيت الماضي خلاص انساه ومأدعي .. |
بعد ردودكم ارتحت ويافرحة ماتمت امي قبل شوي تقول لي ترى جدتك (ام امي ) رايحة لزواج طليقك لا تنصدمين واحنا مالنا فيها ومن جد تضايقت مأبغى احد من أهلي يحضر له وش رأيكم انا صح او جدتي ؟؟! انا بقولكم بكل صراحة طليقي مأحبه من بعد صار الطلاق ولا أتمنى أرجع له لان اللي انكسر صعب يرجع وزوجته و الله مافيها شي ينغار منه لا عقل ولا رزانة ولا ...الخ حتى لا تقولون ان سبب مضايقتي هذي الأسباب لكن مأدري وش فيني أحس اني مخنوقة وودي ابكي و أحاول اصبر نفسي لكن الحزن الرهيييييييب مسيطر علي وخمول بجسمي.... أعوذ بالله من الشيطان الجيم عمري والله ماحسدت احد على رزقه وماكنت أتوقع اني أتأثر بزواج طليقي يوم من الايام وبس سمعت ان جدتي بتروح كأني بس كنت ناقصها هي ؟؟! (لاحول ولاقوة الا بالله ) ... ومأبي أحسس أهلي بشي احسه عيب وفشلة وش أقول لهم ؟؟! بس والله هالضيقة غصب عني ماهي بكيفي ... الزواج ماباقي عليه الا ايام بسيطة جدا ....... |
محد مرتاح بهالدنيا
ماقول غير ربي يرزقك بالزوج الصالح التقي النقي قريبا عاجلا يسعد قلبك ويريحك يااااااااااارب ياكريم ياكريم ياكريم |
أختي الفاضله .. أسأل الله أن يرزقكِ الزوج الصالح الناصح ..
نحن بشر .. لذلك لابد أن نتأثر بما يحدث حولنا .. تأثركِ الشديد بزواج طليقكي .. أعتبره عادي .. صحيح أنتِ لاتتمنين الرجوع إليه .. لكن مجرد تذكر زواجه يقلقكِ.. الأمر عادي .. ولكن آمل أن لايغلبكِ هذا القلق .. جدتك تذهب أو لاتذهب .. لايسيطر عليكِ هاجس الحضور .. اجعلي الامور تسير على ماهي عليه.. هذه الوساوس وهذه الأفكار التي تأتيكِ كل ما قَرُبَ موعد زواج طليقكِ .. هي تذكركِ بالماضي .. إذاً هل تودين الرجوع الى زوجكِ السابق ؟ هل الآن لو تراجع عن زواجه .. وطلب منكِ العوده إليه ..هل تعودي ؟ أنا سأجيب بناءاً على ماقرأته من ردودكِ بالطبع الإجابه ( لا ) ..!! إذاً ياأختي الفاضله .. يتزوج طليقكِ او لا يتزوج .. يحضر من يحضر .. لايهمكِ دعي عنك كل هذه الهواجس لاتسيطر عليكِ .. انشغلي بأمور تفيدكِ واتركي كل ما بذكركِ به .. أنتِ لاتريدينه .. فدعي كل شيئ يذكركِ به .. أقبلي على الحياة بنظرة تفائل وأمل .. هناك أمور لو انشغلتي بها استفدتي بإذن الله .. على أن يأتي النصيب ولعله قريب .. وفقك ِالله |
كنت قوية شكرا لمرورك .. فعلا مافي أحد مرتااااح بهالدنيا لان الإنسان خلق في كبد في هالدنيا الفاااانية أخي ثنيـــــــــــــــــان جزاك الله خيرا على ردك .. معاك حق بكلامك وانا والله ماكنت مهتمة بزواجه بس مأدري ليش لما قرب زواجه جاء هالحزن حتى والدي جدا متضايق من زواجه لكن أسأل الله العوض والفرج عاجلا غير آجل .. |
اختي مااطيل بكلام ماله داعي كل مااقوله لك لاتحزني ولاتشيلي هم مدام في رب يدبر الامور وفرحي عند حصول المصيبه وستبشري خيرا لعل بهذه المصيبه دفع مضره كبيره واتيان فرج كبير اختي لاتنظري لمشاكلك من باب السلبيات بل من باب الايجابيات حتى المشاكل لها ايجابيات وانا اتبع تلك الطريقه بحياتي ومرتاحه
|
يعطيك العافية أختي مناين ونعم بإلهي مدبر الأمور فارج الهموم وجزاك الله خير لمرورك الطيب .. كل ماتذكرت همي قلت الحمدلله على كل حال انا أفضل من غيري حالا الله يعين ماتضيق الإ وتفرج بس اللي يعطينا الصبر لحد وصل الفرج .. |
:-) اللي امساعدني وامهون علي فكرة الطلاق
إن مجتمعي اختلف تفكيره عن قبل ب وايد .. ل درجة إن فيه 3 اعرفهم امطلقين وحده منهم يا دوب اسبوع وتزوجت مره ثانية !! احنا ألحين الحمدلله مايطالعون المطلقة ب نظرة دونية أو إنها ناقصه ب العكس اغلب المطلقات اللي اعرفهم اتزوجوا مرة ثانية والله يعينج ويعينا والله :-) |
اختي العزيزة
لاتتضايقين لبى قلبك والله خلي جدتك تروح بكيفها انتي لاتتضايقين ربك يفرجهاا عليك بالاستغفاار اخراخبااااااااري نجحت والحمدلله وباقي لي سنتين واتخرج على خير لاتتضايقين ربك يفرجهاا مددامهامايهمك الحمدلله رزقك جاي خلينا نفرح بحياتنا ونعيش اليوم بحلوة ومرة ونطنش كلام النااس وماعاش اللي يضيق صدرك تفائلي خير وربك كريم يابعدي والله يعوضك بزوج صالح اميييييييييين يارب انامجتمعنامتخلف ينظرلننا كمذنباااااااااااات ديري بالك على حالك وخلي ذكرالله في بالك والله يسعدك عزيزتي |
| الساعة الآن 06:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©