|
اقتباس:
انا ماقبلت فيه بشوري اهلي اجبروني عليه لاني رفضت الكثير ومو قادرين يصبرون اكثر من كذا حتى كل شوي يقولون اللي اصغر منك تزوجن وخلفن وانتي تتعففين انا ربي وحده اللي يعلم ليه رفضت الخطاب كله شان الحب اللي عشته وكنت وفيه معه بس الحين الامور مو بيدي اقتباس:
كلامك صحيح هويفكر من قبل انه ياخذ بعثه وحاول كثير وتقدم لجميع الوظايف بس ماقبلوه للحين بشيء |
اقتباس:
انا ظليت وفيه معاه 6 سنوات وربي كنت اتمنى طول هالفتره يتحسن مستواه المادي بس عشان اهلي يوافقون عليه انا اعترف اني غلطت لاني استمريت معه بس حبيته وربي ماقدرت اتستغني عنه حبي له مو عشان الماده وربي لو بكيفي اقدر اعيش معه بخرابه بس اهلي مو فاهمين الشي الوحيد اللي فاهمينه اني كبرت ومارح تجيني فرصه الإ ذي ،، على فكره انا توني متعينه معلمه والحمدلله ماناقصني شي بس حرام انا ماخنته وربي رفضت الكثير علشانه وهو يدري بذا الشيء حتى كنت اقول كلم ابوي لو خطبه وهو يرفض لين يتعين رسمي مع العلم كثير عندنا متزوجين وهم مو متوظفين روح الطير انا حبيته وهو حبني وللحين افكر فيه مو مستوعبه للي صار وهو مو مستوعب وحبيت انوه اكثر من مره قال لي ان الرجال مالهم امان و انه مستعد يهدم كل اللي بناه مع اي شخص بدقيقه إذا صار سوء فهم معاه وهو صريح بزياده احيان احس بخوف منه واحيان العكس انتظر ردك |
معليش أختي حب 6 سنوات يروح بسهوله .. !!
أنا عندي إحساس إنك قبلت بإبن عمتكِ لأجل أحواله وأموره الماليه أفضل بكثير من الأول..! إذاً ما كان ذاك حب..!! عموماً الآن تشعب الموضوع وحصل فيه قطع لطريق الحب من قبل ابن عمتكِ .. والجميع مجمعون عليه ..! كنت أتمنى أن لو أن الحبيب تقدم للخطبه وليكن الرفض من قبل الأهل لأجل أن يكون هناك عذر مقبول ..!! صلتي الإستخارة ..... نعم .. .. وترين الرغبة جامحه لإبن عمتكِ .. وافقي والخيرة فيما اختارها الله ... ربي يسعدكِ ويوفقكِ .. |
مشكور اخي ثنيان
الحين تو قمت من صلاة الأستخاره صليتها من جديد ادع لي بالخير اخوي فانا بحاجه ماسه لدعائكم |
أختي
يقولون كلام مجرب ولا كلام طيب أعتقد أنك أنتظرتي 6 سنين كفآآآية لو بيتقدم كان تقدم من أول لو خطبة وكلام بس بين الأهل لحد مايجي له التعيين بس هو موقفة سلبي يحبك بس مايعرف يتصرف لحقي على عمرك ترى ما أنتي صغيرة وكل سنه تزيد بعمرك تقلل الخطاب عنك والله يكتب لك الخير وين ما كان وييسر لك |
وعليكم السلام الأخت الفاضلة المسألة ليست مسألة ماديات أو أنه ما استطاع طوال تلك الفترة أنه يتقدم لك بسبب وضعه المالي ....!!! بل المشكلة الأساسية أنه بأي حق من جهته أن يمنعك أو يتهمك بالخيانة إذا قبلت بمن يتقدم لك فهل مبرره أن خطبك ؟!!!!! وأنت بالمقابل توافقين عليه ووتتفقين معاه طوال ست سنوات على إنكم لبعض ... وتنتظرينه حتى تتحسن أموره ... فبأي حق يلزمك بأن ستتزوجين ويعدك بذلك ، وبأي حق أنك توافقينه وترفضين المتقدمين ؟!! لا يوجد بينكم خطبة واتفاق بين أهلك وأهلا و تم بينكما عقد قران حتى تتحسن أوضاعه ويتم الزواج !!! لا يحق لأي شاب أن يعد فتاة بالزواج ، وبالمقابل لا يحق لفتاة انه تتفق سراً معه على رفض من يتقدم لها وعلى أن تقوم بانتظاره هذه هي المشكلة وقد تدفعين الثمن غالياً وست سنوات طويلة !!!!!!!!!!!!! 8 7 الله يبصرك بحالك عزوبي بس رجل |
طيب يالغالية
تضمني إذا تزوجتي ابن عمتك ، إنه مشاعرك راح تكون له لوحده ؟ إنه ما يوصل له كلام إنك على علاقة مع قريبك من 6 سنوات ؟ إذا قريبك رافض يتقدم لك ، و إنك كلمتيه كم مرة و قلتي له ترى ولد عمتي بنقبل فيه.. فخلاص عملتي اللي عليك .. بس إذا فجأة قبلتي بولد عمتك .. وقتها كان المفروض تقولي لقريبك علشان يتقدم دحين لازم تقطعي علاقتك فيه .. إنت مخطوبة لشخص اخر لازم تخلصي له مشاعرك و كل شئ و إذا إنك متأكدة إنك راح تنسيه تماما ، فخلاص لا تفكري فيه .. و إذا إنت خايفة منه و مرات ما تحسي بالامان من قريبك .. ليه استمريتي معاه 6 سنوات ؟ هل هو فراغ عاطفي ..؟؟؟ طيب ايش ذنبه هو ..؟؟؟؟ بس كل اللي اقول لك ، اقطعي علاقتك خلاص في قريبك و لا تتزوجي ولد عمتك إلا و إنت متأكدة مية بالمية إنك خلاص ما راح تفكري في أحد غيره |
حسنا أختي ... فهمت موقفك الآن ..
ولكني في ذات الوقت أرى بأن يتقدم لك قريبك .. ويتم الزواج .. وتتساعدون في النفقات بما أنك موظفة .. صحيح أنني لا أميل لأن تنفق المرأة على البيت لكن للضرورة أحكام .. لكن إياك أن توافقي على ابن عمتك وما زلت غير قادرة على نسيان قريبك ... فزواجك بابن عمتك في هذه الحالة مخاطرة لا أتنبأ لها بالنجاح ... تخيلي لو تواصلتما بعد الزواج واكتشف زوجك ذلك كيف سيكون مصيرك ؟ ستعودين لأهلك بالخزي والعار .... وأقول أختي طالما أن الظروف المادية مهيأة فليتقدم لك قريبك وتعاوني معه في النفقات حتى ييسر الله له الوظيفة .. لأن حب ست سنوات لن يمحى بسهولة وقد لا يمحى أصلا ... نقل فؤادك حيث شئت من الهوى *** ما الحب إلا للحبيب الأول ِ |
من رأي روح الطير و شاطئ المحبة
اذا تزوجتي ابنك عمتك ما راح تقدري تسعديه حرام ينظام معااااك و اذا دور و سأل راح يعرف بحبك القديم لانك زي ماقلتي كثير يعرفوا بحبكم و ساعتها راح تدب الغيرة بقلب خطيبك و تنقلب حياتك جحييييم برأيي تصارحي ابن عمتك .. انك استعجلتي بالموافقة و تخليه هو اللي يفسخ .. عشان اهلك ما يعصبوا عليك بس من ناحية ثاانية لازم تكوني جدا مقتنعه بقرارك هذا و ماتندمي علييه ابدا ابدا لانه من الممكن جدا قريبك يماطل زيادة و من الممكن يجيك عريس ثااني غير ولد عمتك و اهلك يغصبوك و احتمال تتزوجي قريبك اللي تحبيه و تندمي .. فالحب مش كل شي بالدنيا و بعد الزواج يخف وهجة كثيييرا لازم تحطي كل الاحتمالات و تفكري بعقلانية و تستخيري و تقرري اذا بتنسي قريبك و ماعاد ابدا تسالي عن اخباره و تعيشي فقط لزوجك و تحاولي تسعديه بكل الطرق ... فا الله يوفقك اما انك تقبلي ولد عمتك و يظل قلبك معلق بقريبك و تظلي تسألي عنه و تدوري اخباره فلا يابنت الناس من الحين افسخي الخطبة احسن ما تتطلقي بعدين |
جزا الله كل الخير من رد على موضوعي
انا الآن اشعر ببرود لا يوصف لكن وكلت امري لله سبحانه وتعالى ومازلت اقوم الليل وادعي لعل الله يرشدي ويأخذ بيدي ربما لن يتفق فحصي وفحص ابن عمتي ويكتبه الله ليس من نصيبي الله اعلم جزاكم الله خير ادعوا لي ولـ قريبي بالنسيان |
| الساعة الآن 04:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©