|
اقتباس:
طيب انتي تقولين كلمتي أمك طيب أيش كان ردها عليك ؟؟ وماتدرين حبيبتي يمكن العريس مو خير لك فلا تزعلين لو ماتم الموضوع لأنه أكيد خير لك مادامك أستخرتي لذلك أعتمدي على الله قبل كل شي بهالموضوع والحي بالدعاء أن كان لك فيه خير يتممه وأن كان فيه شر يصرفه عنك وبأذن الله مايخيب رجاك |
اقتباس:
لماذا أقاربك سيخربون الخطبه لو علموا عنها ؟ |
طيب هل انت متأكده من اخلاقه يعنى ربما والدك يعلم ما تجهليه انت ولا يريد ان يخبرك ومعذره لى سؤال آخر انتم من ابها وصديقتك من حائل اذن كيف حدث التعارف بينكم وهل هى زارتك فى بيتك وانت كذلك ام مجرد تعارف فى الجامعه مثلا وفقط ثم مكالمات فى اثناء الاجازة الصيفية |
اتوقع ان السبب الاول والاخير ابوك ماهو موافق لانكم من ابها واهل العريس من حائل
يعني العادات والتقاليد غير عن بعض ومدام قلتي جماعتكم لو عرفو بيخربون معناته انهم مايشجعون على زواجك من قبائل ثانيه نصيحتي لك لاتشدين على اهلك ماتدرين وين الخير اكثر من واحد يتقدم لى واهلي يرفضون وافضل اني ماتدخل لانهم اعرف مني واكيد تهمهم مصلحتي مالك الا تستخيرين وتوكلين امرك لله وان كان ربي كاتبه لك مافيه شي بيعوقه والله يسهل امرك |
الله يوفقك ويكتب الخير والتوفيق
راح اقول كلام اتمنى تسمعية للنهاية الفتاة المقبلة على الزواج لايجب ان تدبر هي موضوع زواجها بل ينبغي ان تترك مساحه لاهلها ليقوموا بهذا الدور لان هناك أمور تخفى على المقبلين على الزواج وواضحه لكبار السن. لاتتصوري ان لو جاء المناسب ان أهلك يرفضوا كل والدين يتمنون السعادة لابنتهم. واضح انك أكبر البنات ويمكن تجربة الزواج عليكم جديدة بالبيت فلازم تكوني ثقيلة شوي. مو عيب ان تقول البنت رأيها وحتى تبين لاهلها رغبتها بالزواج فهذة من سنن الحياة ولكن الصبر زين. أختي المجتمعات وتنوع ثقافتها واهتمامها مهم لكل عريس وعريسه فهمة وراح أقول لك شي ممكن تضحكين منه لكن جد كلامي ولا أمزح. الكلام انتي من ابها وهو من حائل وراح تتعبين شوي عادات المختلفة بينكما من ناحية الاكل واللباس وطريقة الكلام وعادات الفتاة مع اهل الزوج والزوجة وخلافه وراح اعطيك مثال حتى اقرب لك الصورة بابها اذا جابت البنت ولد بعد الحمل تجلس في بيت الزوج وتجي امها عندها ومنقود انها تروح لاهلها؟ صح بحائل العكس منقود انها تجلس عند الزوج فهذة مسالة؟ بابها العادة ان الزوجة مع الزوج في كل شي الروحات والجيات والعزايم ومعروف ان اهل ابها رجالهم دائما بالبيت مع اهلهم وابناءهم وهذة محمدة لاهل الجنوب بينما اهل حائل يوميا عندهم شي اسمه الشبه يعني الدورية او العزيمة اليومية مع اصحابة ويجيك متعشي وينام وراح تجلسين مع نفسك معظم الوقت. لو طلب منك تصلحين عشاء او افطار لضيوف عنده فراح تتعبين ولاتقصرين وتصلحين الاكل الزين اللي حنا نعرفة عن الجنوب العريك والسمن والمبثوث والعصيد والمرق والمشغوذة والمسيلة وهذي اكلات رائعة ونحبها لكن زوجك ما راح تناسبة الاكلات ولو صلحتي اكلهم ما راح تعرفينة صح وتصيرين مضحكة. القهوة عندكم المهيلة وعليها النخوة والزنجبيل وهناك ما يعرفون الا اللي كلها هيل ومليانه زعفران ودلة ما تنشال الا بالغراف. عندكم بالجنو ب العمات والخالات لهم نصيب من العطايا والسلام وفي نجد وحائل غير معروفه وراح تصيرين ترقعين وتدفعين من عندك علشان تمشين الامور . في المناسبات والزواجات والعزاء لاسمح الله مشوار عليك وعلى زوجك وعيالك بعدين الروحه والجبية او تصيرين منقطعه عن اهلك ومدينتك. اختي انا ما ابي اكرهك بالزواج من غير مدينتك بالعكس فيها فيه ناس مبسوطين ومرتاحين وعايشين سعادة لكن لابد مراعاة الكلام اللي قلته لك. اكرر لا تفكري بعاطفة وخلي عنك البحث عن الرومانسية وبكرة يقولوا عنك البنات راحت لامريكا وبريطانيا الدراسة كلها اربع سنوات وترجعين وبعدين تعيشين عمر طويل وهناك الحياة الحقيقية..... ادعوك مرة اخرى فكري بهدوء وعقل ووالديك احب الناس ان يعطونك الخير لك وقولي لزميلتك الله يوفقكم ويوفقني ويكتب الخير للجميع وخليك من بادية حياتك جادة وتأخذين الامور بجدية ولاتمشين في انصاف الحلول ترى المشوار القادم طويل والله يوفقك يارب بزوج يسعدك وتقرين عينه ويقر عينك ويحقق الشي اللي في بالك وتقبلي كلامي بصدر رحب |
اقتباس:
لانهم للأسف ما يحبون لنا الخير |
اقتباس:
انا متاكده ابوي مايعرف عنهم شي بالنسبه لصديقتي انا تعرفت عليها من الثانويه وانا الان بالجامعه وهي معي بنفس التخصص صديقتي ابوها جنوبي وامها من حائل واللي خطبتني له ولد خالتها لكنه اخوها من الرضاعه وهو متربي عندهم لان امه وابوه متوفين |
اقتباس:
ايوا صح عليك هذا السبب من الاسباب اللي اهلي رافضينه علشانها امين يارب الله يكتب لي اللي فيه الخير جزاك الله خير |
اقتباس:
مشكوووووووووره يالغلا |
أتخيل اذا أهله جو وخطبوك رسمي رح يتغير كل شي
وأكيد اللي ربي كاتبه خير لك بالنهايه موفقه |
| الساعة الآن 04:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©