|
اقتباس:
أنتِ لم تكشفي أسرار بيتك ! ولكن هي اطلعت على بعض الخصوصيات التي يطلع عليها أي ضيف يدخل البيت , وهذه الخصوصيات لا يمكن إخفاؤها عن الضيوف . شيئ طبيعي إنسان دخل لبيتك , لابد أن يطلع على مستوى بيتك ومعيشتك , ومستوى الضيافه المقدمه له , والحمدلله كلنا مستورين في بيوتنا . يعني هي ساكنه بقصر ؟! |
اقتباس:
والحمدلله أنا بعيده كل البعد عنها ولاأبغى منها شئ ومابيني وبينها غير السلام والإحترام رغم إني سمعت من البعض إنها تريد الصلح وهي مصره عليه وكلمت كام جاره بخصوص الموضوع قلت لهم ماأبغى صلح وإللي جاني منها كفايه ..الله يسترعليها وعلينا ..لكن أنا ماأبغى منها شئ الأن وأترك أخذ الحق للواحد الديان والله يسمع منك ويبعدها عني وعن كلامها .. نورتي حبيبتي |
اقتباس:
لكن في مره من المرات جونا ضيوف على غير ميعاد والوقت متأخر يعني بعد عشره بالليل وهي عندي فزوجي راح جاب من مطعم للوجبات السريعه لأنو بمنطقنا مافي مطاعم كبيره وكتيره المهم أتعشينا وراحوا الضيوف ..تفتكر سكتت ؟؟ راحت تقول للناس بالله أحد يجيب أكل من مكان وجبات سريعه ..وإنو روعه وزوجها عملوا كدا ؟؟ منجد أنقهرت ومره جاتني وشافت عندي مجلس جديد فرشتو ..راح تعيب على ألوانه رغم إنو ألوانه حلوه ومتناسقه والحمدلله ذوقي حلو وناعم ..راحت تقول للناس روعه فرشت مجلس زي وجهها ..وربي عيب والله كنت معها خير جاره وخير صديقه .. الله يسامحها بس |
اقتباس:
جارتك هذه ينطبق عليها القول العامي " فاضية أشغال " وكما نقول بالعاميه " أخصريها وكبري عقلك " واكسبي راحتك . |
اقتباس:
.. .. والله يسعدك انتي كمان وين ما كنتي .. .. العزيزة ( روعة ) .. .. هي طلبت الصلح .. ولكمت كم جاره .. اذا رفضتي راح ينظر لك الجميع نظره ثانيه .. وراح تكون هي الافضل في نظر الجميع .. لانها هي من سعت للصلح , وانتي رفضتي .. .. فكوني دائما رائعه .. ولا ترفضي الصلح .. بل وافقي .. ودعيها تعتذر لك .. .. وبعد الصلح .. أبقي علاقتك معها في حدود .. لا تتعدينها .. فقط لها السلام لا أكثر .. .. |
اقتباس:
بيننا إني قد عفوت عنها وماأبغى منها شئ الأن ..لكن أترك الحكم لرب العالمين وصدقيني ياقمر طالما وصلت الموضوع لأهل زوجي وقالت لهم عني وبلغلوا زوجي ..خرج الموضوع من يدي وزوجي هو من يرفض أي صلح ..بس يقولي لو شفتيها سلام باليد وبس ..هي تبغى الصلح عشان تعود المياه لمجاريها وأروح عندها وتجي لعندي .وإللى جاني منها كتير والحمدلله حتى طريقة كلامي وأسلوبي لأني أحب الكلام الحلو قالت فيه إني ممثله وكلو كذب في كذب وهالشئ زعل زوجي .وبصراحه زوجي يقولي عليكي بطاعتي الحرمه دي ماتدخل البيت ولو دخلت وأنا ماأدري راح أزعل منك ..ومستحيل أعمل كدا إرضاءاً لله ثم له منوره يابعدي |
أختي روعــــــــــــة ، مثل ما قال زوجك اسمعي كلامه
وحدة صاحبة أمي ، من 30 سنة زوجها طلقها طلقة أولى ثم رجعها ، لإنه منعها تدخل وحدة بيتها و ما سمعت كلام زوجها و استقبلت الحرمة في بيتها ، بس انبهك لردات فعل الرجال مرات فلا تخسري زوجك عشان وحدة ما تستاهل |
اقتباس:
هو دا اللي راح أعملوا وكل همني هو رضا الله ثم رضا زوجي وبس والإنسانه دي مالي ومالها ليتها تستاهل أو نقول زلة لسان .. حتى ماحاولت تعتذر بل بالعكس رايحه عند كل الناس وتقول شوفوا روعه فيها وفيها .. وتسلمي حبيبتي على نصيحتك الغاليه مشكوره |
اقتباس:
العزيــزة ( روعــة ) .. .. فعلا انتي رائعه .. وكرم منك انت تعفي عنها .. وهذا يدل هلى أخلاقك العاليه .. .. وبما انك عفيتي عنها .. خلاص مالها عندك شيء .. ومثل ماقال زوجك .. ليس لها غير السلام .. .. سواء بلفظه ( السلام عليكم ) او باليد .. .. اسمعي كلام زوجك .. ماشاء الله عليكم .. ويبعد عنكم كل شر .. مبين عليه يعزك كثير .. .. علشان جذي منعها تزورك مره ثانيه .. .. ومالك الا انك تسمعي كلامه .. .. واي احد يحاول يرجع العلاقه بينكم مثل اول .. قولي له .. والله فلان ما يقبل .. .. والزوجة تبع زوجها .. وتطيعه .. .. الله يسعدك ويوفقك بحياتك .. |
اقتباس:
لحالي ..إلى الأن تتكلم عني بس محد بيرد عليها ولاأحد يقولها كلمه ..والحمدلله بلغني إنو كتير من الجارات تعرف مين هي روعه وكيف أخلاقها ومستحيييل أدخلها بيتي تاني تروح تشوف شئ عندي أوتسمع بحاجه وتخبر الناس لالالا خلاص توووبه الله يسامحها وشكراً نورعيني مس بلو إنتي والأخوان والأخوات ماقصرتم والله بردودكم على موضوعي ريحتوا قلبي وكنت حامله هم إن يكون علي ذنب قطيعتها ..بس أذتني هالجاره عسى ربنا يصلحها يارب تقبلي ودي يابعدي |
| الساعة الآن 06:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©