|
وافق ووقت ترجع البيت يحصل خير لك ولها
ثم انت تقول انو 7000 تصرف عليهم بالشهر ها نزلو لل3500 ثم وافق وموافقتك ليست معاهدة دول ولا شركات اولادك يستحقون ملايين الدنيا وقت يتربو ببيتك انت تقول تغير عتبت بيتك وما اهونها ولكن اولادك هل فكرت بهم هل لهم حسبان وعطف وحب بقلبك اولادك فلذة كبدك الا يحق لهم ان يعيشو مع والديهم بسلام ومن ثم وقت تكون زوجتك عند اهلها حاول انو ما تتشاجرو عل التلفون ادعو الله ان يرد لك زوجتك واولادك |
ياخي قول لعمك تمممام و على عيني و كل طلباتك مجابة
و خذ زوجنك و اطفالك وروح بيتك و بالبيت تفاهم مع زوجتك و افهم منها هذه طلباتها و لا ابوها ؟؟؟ اذا كانت طلباتها ساعتها لكل حادث حديث و اذا هي طلبات ابوها فقط و هي ماطلبت شي فا خلاص محلولة .. تقول لابوها ايه يعطيني و قفلوا الموضوع اعتقد زوجتك و الله اعلم مشتاقة ترجع لبيتها و لك لكن ابوها الله يهديه اش ذنبها هي الله يجمعكم |
لا توافق وطنشهم ومردهم لك يبي يملون ويرجعون لك
وإذا زوجتك فاهمة تبي تجي من نفسها وش اللي 3500 ريال كل شهر !! صح إني أنا ومالي وكل ما أملك لعيالي واللي يبون من عيوني لكن التشرط والشي اللي بالغصب ماله داعي ولو سمعت كلامه بالشي يبدأ كل يوم يملي عليك شروطه ومن كلامك موضوعك له شهرين وإذا قابلت أبوها ولا نفع معه حاول توصل لزوجتك إنك تبي تتزوج ثانية وأكيد يبي يتغير الموضوع إن شاء الله والله يسهل أمورك ويكتب لك اللي فيه الخير |
أخوي مافيها شي لا انفقت على اهلك وماخليتهم يحتجون لغيرك
وشروطهم مقبوله بس يخفض سعر الراتب الشهري مثلا 1500 وشغالة حاور ابوها وقول له بنتك على عيني وراسي وهي الغالية ومايغلا عليها شي بسس تبغى الصدق والله تحتاج للخدامة وبما ان عندك فلوس لا تبخل على زوجتك عطها والله يعوضك ان شاء الله |
السلام عليكم ورحمة الله مرحبا اخي والله انا مع رأي ام عزام واختنا قريين صحيح انت ما كتبت اصل المشكله بس انت حسب ما قلت انك تصرف عليهم سبعة الاف ريال شهريا وهي طلبت ثلاثه وخمسميه ومع راتب الشغاله ما يوصل خمسة الاف انا اشوف ان انت الربحان بهذي الحسبه يعني بيطلع لك زياده الفين وشوي انت ممكن تعطيها وتقولها انها لك ولأولادك طبعا من غير المأكل والمشرب وهي بتسدد فاتورتها وبتشتري الاشياء اللي هي تحبها وبيكون شي واضح ويرضيها ويرضيك وانا اعتقد انك لو وافقت على شروطها صدقني راح تحبك وتتأكد انك تحبها وشاريها انا اعرف بعض النساء يشترطون بعض الشروط فقط لتتأكد من محبة زوجها لها واول ما ترجع المياه لمجاريها تنسى الشروط اللي اشترطتها. وانت يا اخي الكريم ياليت لما تتكلم مع زوجتك او حتى بينك وبين نفسك ما تجيب سيرة اهلها والد زوجتك معذور بتصرفه مع ابنته ومن حقها عليه الوقوف معها ورفع الظلم عنها يعني تخيل انها بنتك وجتك زعلانه وتشتكي ايش راح يكون موقفك الله يصلح بينك وبين زوجتك ويجمع بينكم عاجلا غير اجل يا رب العالمين |
أشكر الجميع على المداخلات ولا تنسوني من دعواتكم بأن يصلح الله الحال ووالله كان ودي أبادر بالتنازلات مع أبوها بس خشيت من عواقب ذلك واسأل الله الخيرة بس عندي سؤال : في بداية المشكلة قال أبوها انها تبي الطلاق هل هذا يعقل وأنا والله لم اضربها او اتكلم عليها بكلام قبيح صح اني اعصب احيانا وتنتهي بسرعه ومن فترة ما اهديت لها شيء ولا أذكر اني نزلتها عند اهلها الا معها مصروفها كامل ياناس انا محتار هل يتصور ان تطلب الطلاق أو ابوها يكذب ؟ |
اقتباس:
اعتقد ان زوجتك ما تحل ولاتربط..كل شي بيد أبوها يا اخي اعتبره مثل ابوك وقوله حااااضر..وبس تجي زوجتك لبيتكم اقعد معاها ودلعها وفهمها بالود واللين واشتر لها هدية كشخة...صدقني بتنسى كل شروط ابوها وبتعتبرك انت أبوها وتحذيييييير لاتتهاوشون ع التلفوووووون مرة ثانية الله يؤلف ما بين قلوبكم ويجمع شملكم قريب يااارب |
بصراحة أنا جلست مع نفسي أستعيد ذكرياتنا ولله الحمد الامور تمام بس تذكرت إن الفترة القريبة ما أعطيتها مبلغ بيدها بس اذا بغت شيء وديتها السوق واشتريت لها قلت يمكن البنت كرهتني لأني مقصر معها من هالجانب ولا تبي ترجع لكن هل يتصور ذلك |
ياخي ما اعتقد زوجتك لها دخل بالموضوع
يمكن تكون فضفضت لامها عن شي معين على سبيل الفضفضة و اللام نقلت الكلام مع شوية بهار فا عمل الاب ما عمل لانه يعتقد بان ابنته تعاني معك ولم يستمع اليها و اصر على ما في راسه اخي ارجعها و ساعتها لكل حاديث حديث |
أخوي الكريم الذي فهمته من كلامك الأخير( الرد 28 وكلام نور (29 أن زوجتك خبرت والدها بمشكلة لا توصل لهذه المواصيل لكن والدها أراد تكبير المشكلة ولعل كلامك عنه ووصفك له بأنه فيه داء العظمة فهو يبغى يذلك ويبغى يتفاخر أمام بنته وبناته بأنه فعل وفعل !!!! فإذا كنت تقدر تتواصل بأي شكل كان وتأثر عليها وتحل مشكلتك بينها وتخرج هي من تأثيرها والدها هذا إذا ضمنت زوجتك وتعرف طباعها والله يكتب لك الخير عزوبي بس رجل |
| الساعة الآن 03:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©