|
اقتباس:
والله إذا تبين الصدق انتي واضح ان الناس يعيشون جزء من حياتك كبير , وواضح ان امورك ماشيه بالناس ، يعني حياتك تقريباً مفضوحه ، والا المفروض ما يكون لأحد نقاش معك في مثل هالمواضيع لا صديقاتك ولا أهلك حتى لو عرفوا أن البطاقه معه ، وخيييييييير إذا كانت البطاقه معه وش يدخلهم في أمور مثل كذا .. عموماً أنا اقترح عليك أنك تتفقين معه أن الراتب حلال زلال عليه ( مع ان المفروض أنه يعطيك بطاقتك ويتقي الله ويعز نفسه عن الكلام اللي ماله داعي ) المهم وبعد ما تقولين له أن الراتب حلال عليه تتفقين معه أن أي ريال ياخذه من راتبك تسجلونه ، علشان انتي تضمنين حقك في حال أنه طلقك الله لا يقدر .. وعموماً هذي حياتك وانتي اعلم بحياتك وزوجك وشوفي اللي يريحك لان ما تسوى هالبطاقه تسبب بينكم مشاكل وشوفي اللي يصلح لك وسويه خصوصاً انك تقولين انه مو مقصر في شي ابداً واللي تطلبينه تجدينه ، لكن المفروض انه ما يقول مصاريف البيت كثيره ولازم اخذ من راتبك لان هذي مشكلته وامر واجب عليه مو عليك .. موفقه |
الغيها وطلعي بدل فاقد ............ بس هاه ترا فيها مشاكل :)
|
إنتبهي أختي كثر الدق يفك اللحام وكثر الزن يخرب البيوت إذا كان زوجك يحبك وتحبيه وأنت عارفته زين فليش تستمعين لكلام الناس بلا أهلي بلا صحباتي حطي عقلك براسك ولاتخلين أحد يتدخل بحياتك
والرجال ماهم سوى وأنت أعرف بزوجك وتصرفاته وأنت أدري فين ينفق هلفلوس بعدين طلبتي شئ منه وما عطاك أختي الحياة تفاهم والفلوس وسخ دنيا وأهم شئ الراحه النفسيه والتفاهم والعيشه بسلام هاذا شريك حياتك والله فلوس الدنياكلها ماتسوى رجله وأنا أشوف إن لوإنت واثقه بزوجك وماليه يدك منه وشايفته كتاب مفتوح قدامك فليش الخوف منه بالعكس إعطيه الثقه خافي من زوجك لوكان إنسان غامض في تصرفاته وصاحب خرابيط وأمور ثانيه هذا خذي صرافتك منه للأبد أنت أعرف بزوجك وشخصيته يا أختي ماتصلحه مشاحنات ومشاكل ونرفزه علشان هذا الموضوع وأنت بتعاملك وطيبتك تقدري تقنعيه بلي تبغينه وأنتم جالسين تبنون مستقبلكم فليش تخلين غيرك يهدم ما بنيتيه والرجال ماهم سوى طالعي أصابعك ماهي سوى وبالنسبه لصديقاتك ذولا الله يعينك عليهم أهلك لوتدخلوا ذولا أهلك بس صديقاتك بصراحه هاذي لقافه ماهي نصيحه وأنتي شكيتي لهم علشان يتدخلون بحياتك أختي بعض الصديقات مثل الحرباء لها سبعه الوان وتصطاد بالماء العكر إنتبهي يمكن أنت مرتاحه بحياتك مع زوجك ومبسوطه وذولا حسد وغيره ذبحتهم منك أنا صراحه سمعت مره إن فيه معلمه كان دايما اصراها عند صديقه لها بلمدرسه معلمه وكانت بينها وبين زوجها مشاكل كان تقول لها عليهاوصديقتها تكيل لها النصايح واحده تلوى الأخري حتى وقع الفأس بالرأس وطلقها زوجها وما أكمل شهر حتى تقدم لصديقتها ووافقت عليه وتزوجها فإنتبهي أختي فاقد الشئ لايعطيه سكري أذانك وإللي يسأل عن صرافتك جاوبيهم معي وليش تسألون مدام إنه ماناقصك شئ ليش تنكدين عيشتك وبعدين لوشفتي زوجك من النوع إللي مايحفظ الريال طلعي لك قرض من البنك وإلا سوي جمعيه بمبلغ طيب وإشتري لك أرض بإسمك وخليها هيه لاتاكل ولاتشرب معاك خليها للمستقبل بعدين الأرض سعرها فيها ويزيد كل ما أرتفع العقار إللي بالمنطقه وبكذا ماخسرتي شئ وخذي مصاريفك والباقي من الراتب خليه ياخذه ولاتضايقين خاطرك بشئ مدام إنه زوجك بيدك ماعليك من أحد إنتبهي لبيتك وحياتك ولا تسمعين لكلام لايودي ولاكن يجيب التعاسه والشقاء لنفسك ولبيتك أختي أنا لست موظفه ولاكن الحق يقال أقسم لك بالله إن زوجي موظف وراتبه عشرة آلاف ريال وإنه فاتح لي رقم حساب لي وصرافتي معي ودايما أول ماينزل الراتب عنده هاتف مصرفي يقول لي حولي إللي تبغينه من الراتب لحسابك رغم إن عليه أقصاد للبنك والله إني أدخل جمعيات وأودعها بحسابي ووقت مايطلب صرافتي ياخذها أعطيه يسحب إللي يبغاه ويرجع الصرافه والوصل معها بلمبلغ إللي سحبه وأقسم لك باالله العظيم إن كل حساباته أعرفها وحتى الهاتف المصرفي زوجي مايعرف رقمه لوبغى يحول أو يسدد أو يستفسر عن شئ أنا أدق له الرقم وهو يكلم الموظف لأنه ممنوع يتصل غير صاحب الحساب بس تحويل وتسديد أنا أحول وأسدد لأنه آلي حتى لوجيت بعطيه رقم الهاتف المصرفي يقول لي خليه عندك أنا الصرافه تكفيني وبصراحه بالتفاهم والحب تقدرين تاخذين راتبك وراتبه بعد لا وهو يضحك ومبسوط بس متى أقولك متى ما حطمتي الحواجز إللي أنت حاطتها بينكم وكل شوي عطني صرافتي ولوزعل رجعتيهاله أختي الله يهديك هذا رجال كبيرموجاهل كل شوي هات وشوي خذ وأنتي كل ماقال لك أحد الرجال مالهم أمان جيتيه هات وكل مالاحظتي تغيره أعطيتيه ليش تخلين الماده والصرافه عائق لحياتكم وسعادتكم بإمكانكم المشاركه في بناء منزل مع بعض أو إفتتاح مشروع يكون لكم دخل مادي من ورائه وهذا زوجك وأبو أولادك بلمستقبل فشئ أكيدمابيصرف كل فلس إلا في طريق سعادتكم ولنا في السيده خديجه رضي الله عنها أسوة حسنه فقد جعلت تجارتهافي يد زوجها النبي محمد صلى الله عليه وسلم ولم أقرأ في يوم أنهاقد حاسبته علا شئ أو جرحته بشئ اوسمعت كلام صديقاتها أو أهلها رضي الله عنها وأرضاها أختي إذا كنت لست بواثقه في زوجك وتحسين بأنه فعلا يمكن يبيعك برخيص فهنا خذي صرافتك بدون ماعاد تعطيه إياها وإصرفي علا نفسك ووفري منها لأنه شئ أكيد ماراح عاد يلتفت فيك وعندك راتب حتى لوزعل وعصب إتركيه بعدين يرجع يهدى أما إذا كان إنسان قلبه طيب ويحبك ومعطيك كل شئ فنصيحتي لك إنسي أمر الصرافه وعيشي حياتك بلا منغصات ولاتسببين شرخ في حياتك الزوجيه ماعاد يتعالج مع الوقت بل يزيد ويكبر ولاكن يأختنا الكريمه إن شاء الله إن زوجك رجل طيب وفيه خير لك وعسا الله أن يهديكم ويصلحكم لبعض ويارب يبعد عنكم كل مفسد ومن أراد بكم شرا جعل الله شره في نحره وأستودعك الله الذي لاتضيع ودائعه. |
كانت اختي نفس وضعك وشد وجذب في الكلام وقلة رااحه مع زوجها
الين جا اليوم اللي قررت واخذتها وكل واحد عرف اللي له واللي عليه وطبعا ماجات برضاا الا بزعل وفترة خصاام وفترة وعدت هالشغله وطبعا هيه تصرف معاه في البيت وايجار البيت والاطفال بس حقها لها تعرف اذا تقدر تصرف والا ماتقدر واحيان ماتصرف شئ على حسب مايكون معها والشغاله عليها والسواق حقها ومصاريفها من الى هيه بتجي بزعل بس فتره ويروح لكن تعالي له بهدوء ورواق وناقشيه واقنعيه انو هالشئ المفروض يكون بيدك وانك مو مقصره بتصرفي على نفسك وبيتك وعيالك بس زي ماهوه ماسك بطاقته انتي تمسكي بطاقتك اقنعيه انو لو فرضنا انك اخذتي بطاقته وصرتي تصرفي منها ولا ترجعي له في شئ كيف شعوره وقتها وهوه ماياخذ شئ منك .. لازم يحس بالموقف ويعييشه عشان يعرف قسوته عليك على فكره انتي اعرف مننا بنفسية زوجك واذا بيكبر السالفه والا لا فكري في الموضوع تماام وربي يهدي سركم ويريح بالك موفقه بأذن الله |
مهما كان الاستقرار والأمان بين الزوجين بطاقتك يجب أن تكون معك
وانتي اصرفي على نفسك وساعدي بشئ بسيط في البيت حتى يرضى ويحس نحوك بالايجابية ولكن بطاقتك وفلوسك تحت تصرفك وحاولي انك تجعلين لنفسك وباسمك شئ للمستقبل حسب قدرتك المادية ارض أو عقار |
مهما كان الزوج طيب او لئيم
ووفي او خائن وخلوق اونكدي ومثالي ولا فيه مثله بالدنيا او او او(((بطاقتك خليها معك)))) صرافتك تحت يدك قولي اللي تامر عليه اعطيك اياه واذا انزنقت مايفزع لك الا انا وابشر اساعدك باغراض البيت .... وحتى لو زعل وتضايق ...قولي ياحبيبي انا اتعب واكرف ومن حقي مليون بالميه يكون راتبي تحت تصرفي ماعليك انتي اصملي واصمدي امام هذا الجفاف والزعل بيجي يوم ويتعود وترا معك حق لاتخافين بس هااااااااااااه انتي لاتقصرين عليه وارجع ازيد واقول بطاقتك تحت يدك وخذيها منه بالطيب والاسلوب الحلو مو بالخصيمه وبالتوفيق |
أنا أشهد أن الرجل اللي مثل زوجك ليس له من الرجولة الا اسمها , من يقتات على حساب زوجته ..
|
أختي
إنت قلتي زوجي ما يقصر معاك في أي شئ تكتبي لنا إذا ما عندك مانع ؟ كيف ما يقصر معك ؟ هل زوجك كريم معك ؟ هل زوجك يعطيك مصروف ؟ هل حياتكم مستقرة ؟ فخلينا نركز على جملة إنه ما يقصر معك حتى لا ينخرب بيتك لا سمح الله بسبب بطاقة صراف |
بطاقتك لازم تكون معك
وانتي لو حسيتي انو البيت ناقصه شي تجيبيه مو البطاقه تكون معاه عن نفسي اعرف الرقم السري لبطاقة خطيبي بس هو مايعرف ومستحيل يطلبه او يخليني اقوله هذي خصوصيات بس انتي الي وصلتيه الى هنا حاولي اكثر من مرة وخلي البطاقة معك وقوليله اي شي نحتاجه انا اجيبه مارح يتغير شي |
الحياة الزوجية ليست قائمة على المصالح المادية و إذا قامت على ذلك فإنها سريعة الانهيار وإذا كان الرجل طامع في مال زوجته مع الأسف ما يصلح زوج لذلك بادري بأخذ البطاقة بطريقة دبلوماسية و لو استمر على هذا الحال عشرين سنة لأنكر الجميل في يوم واحد
و لابد أن تعوديه على أن يعتمد على نفسه و أن تكون علاقتكما تقوم على شرع الله و إذا قضاء الله و رسوله أمرا فليس لهم الخيرة بعد ذلك و يجب عليك أختي العزيزة أن تحافظي على بيتك أشد المحافظة و لا تشركين زميلاتك أو أخواتك أو أمك في شؤون بيتك لأنهم يحكمون على الظاهر و لا يعرفون الباطن |
| الساعة الآن 04:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©