|
اختي رسيل من جد موقفك مرعب
وانا اقراه رحت اناظر في باب الصاله حسيت بالخوف:24: مشكوره حبيبتي اخت hala122 مشكوره على المشاركه (ضحكت لما كتبتي مابعد هالرعب وضوء:d الله يسعد قلبك ويحفظلك ولدك |
موضوع يخوف ههههههه
مواقف كثيرة تصير لنا مخيفة ومربكة أذكر منها أثنين واللي هما حاليا في بالي اوله كان قبل سنتين تقريبا وكانن بنات اختي الصغار يتضاربن وأختي كانت طالعة وأنا كنت عندهن المهم إقتربت حتى احجز بينهن وفجأة وحده منهن رمت الملعقة اللي في إيدها تريد تضرب بها أختها ولكنها جات فيني وصارت الاصابة على طول فوق العين من قوة الضربة ما عرفت وين جات بالضبط لكني حسيت بدم ولما رفعت ايدي عليها اتحسس حصلت الدم ينزل من عيني والالم يجي منها خفت كثير وناديت الشغالة وقالت ان الدم يطلع من عيني وصرت ابكي قلت خلاص عيني راحت رحنا المستشفى واكدوا لي ان الحمد لله العين سليمه والضربه فوق العين مباشرة على الجفن والحمد لله جات سليمه. الموقف الثاني قبل كم شهر لما اتصلوا علي وقالوا احضر اجتماع في عملي وكان اجتماع كبير ومهم وانعقد باللغة الانجليزية وطبعا طلب مني ان اكتب محضر الاجتماع كنت مرتبكة وخايفة ولكن الحمد لله الله يسر لي امري والاجتماع كان احسن ما يمكن |
مشكوره أختي نسيم الوسم أنت والأخوات مواقفكم شئ توسع الصدر وشئ محزنه الله لاعاد يعيدها على أصحابها أنا بالنسبه لي أخاف أقول مواقفي أخاف البنات مايقدرو يناموا اليله بس بقول بعض منها
لأنها بسم الله الرحمن أعوذبالله من الشيطان الرجيم والله يبنات إن كل كلمه بقولها صدق وربي بيسألني عنها أناكان زوجي مستأجر لنا شقه وكان باقي ماجبت عيال طبعا في أول حمل كنت بالشهرين الأولى بالحمل وكان دايم تعبانه وأول ماسكنت فياهاذي الشقه كنت أسمع أحد يفك المويه في المغسله وأقوم وألقاها تصب في المغسله طبعا مافيه إلا أنا بالبيت زوجي بدوامه وكان أدخل الحمام وأنتم بكرامه ألقى دش الماء مفتوح ولما أجلس أنا وزوجي في مكان نشرب قهوه ونجلس نسولف نسمع كأن عندنا واحد في المطبخ يطقطق بمواعين المطبخ ونقوم نطالع مانشوف شئ وكل هاذي المؤشرات بسيطه لاكن فيه يوم ماأقد أنساه أبد ماحييت كل ما أتذكره أحس إنه توه صاير لي أنا زوجي وقت دوامه بعد صلاة الفجر طبعا صحي وصحاني معاه وتوضأ وراح يصلي الفجر وأنا قمت توضأت وصليت وجهزت له حليب كافي علشان يرجع يشربه ويروح لدوامه طبعا جاء من المسجد وجلس يلبس وشرب الحليب وراح الدوام وأنا قلت أرجع أنام لي شويه وبعدين أصحى أفطر وأصلي الضحى وجيت نمت طبعا كان عندي نافذه ماعليهاستاره وكان ضوء الشمس نافذ من الزجاج لداخل غرفة النوم المهم صحصحت الساعه تسعه طبعاالغرفه فيها ضوء الشمس داخل من النافذه وأقسم بالله يبنات إني رفعت راسي إلا وأشوف دولاب ملابسي مفتوح وأناظر في داخله وأنا على السرير إلا وأنا أشوف فيه شخص لابس بلوزتي وجالس يطالعني وجهه أسود اللون وشكل وجهه مثلث وعيونه كبار وساع وكان يطالع يبحلق بعيونه ويناظرني وأنا حطيت يدي على وجهي وغمضت عيوني وجلست أستعيذ بالله من الشيطان الرجيم وأقرأ سورة المعوذات والكرسي وأفتح يدي عن وجهي شويه شويه وأطالع لدولاب الملابس إلا وهومقفل وأطلع من الغرفه وأقفلها على بالي قفلت عليه ماعاد يقدر يطلع أروح الصاله أجلس فيها وأنا مرتعبه لأن إللي شفته شكله يفزع بدرجه فضيعه وأنا الحمدلله أول ماسكنت كان ماعندي لاتلفزيون ولا أغاني ولا خرابيط والحمدالله كنا نصلي والتلفزيون جلست خمس سنوات مادخل بيتي أول ماتزوجنا والله إن دولاب الملابس ماعاد فكيته ولا لمسته ذاك اليوم حتى زوجي جاء من الدوام وعلمته بالسالفه عاد زوجي أخذ المفتاح وفك الغرفه ودخلها وفتح دولاب الملابس وحصل الملابس معلقه ومصفطه وحتى بلوزتي معلقه إللي شفته لابسها عليه والله إنهاحرام ماعاد طبت عليه ولالبستها وشلتها ورميتها قلت لزوجي حطهافي كيس وإرميها برى شكل العياذ بالله نفسه فيها والله ماعاد ألبسها وبعدها في اليل من الصدمه صار معي نزيف مره وسقطت وسويت عملية تنظيف والحمدالله على كل حال وبعدها نقلنا بيت ثاني . وعندي موقف ثاني يوم كنا نبني في بيتنا أنا وزوجي رحنا السوق علشان نختار الدهان والسراميك والمغاسل وكان معنا ولدي الصغير عمره حول سنتين دخل معانا المحل والمحل كبير مره طبعا حنا رحنا نختار وإلتهينا عن الولد وجينا نبغى نحاسب إلا وقال خلاص خذي المفتاح وروحي السياره وجلس يتفق مع الرجال متى يجيب الطلبات وأنا طلعت على بالي إنه مع أبوه وكمان كنت حامل بالشهر الثامن وجاء زوجي يسألني هاه منصور عندك قلت لاوالله قال ماشفتيه طلع من المحل قلت له لا والله إن حتى رجولي وأنتم بكرامه من الصدمه ماعاد قدرت أحركها حسيتها ثقلت مره وجاني خفقان شديد ورعشه بجسمي وأنا داخل السياره وزوجي يفر من محل لمحل يسأل عنه وأنا بعد ما أستوعبت وصحيت من الصدمه نزلت من السياره أدور معاه وكل شوي نسأل عامل صديق أنت مافيه شوف ولد صغير هنا يقول مافيه شوف ورجعنا قلنا يمكن جوات المحل خلنا نرجع نشوف ونفتش والعمال معانا ولقيناه في نفس المحل إللي شرينا منه حصلناه جالس ومعه مطرقه ومسامير وعلبة مفاتيح أبواب وجالس يلعب ويهندس وقت ماشفته والله كأني خلقت من جديد ودعيت ربي إن ماعاد أشوف هاذا الموقف بحياتي وشلته وطلعنا السياره وجلست أبوسه وأشمه وأبكي وذاك اليوم مابقيت ولاكلمه إلا وقلتها لأبوه وما كان ناقص إلا أضاربه حتى العشاء زوجي جابه وماتعشيت يومها وحتي طفلي جلس ثلاثه أيام في بطني ما أحس فيه يتحرك وحملت زوجي المسكين كل شئ رغم إني أناشريكه له بس هوقال لي شيليه معنا وأنا كنت بحطه عند جدته وعماته وأروح السوق لأنه يتعبني جلس يصيح يبغى معنا قال أبوه خلينا نشيله معنا أنا أشيله عنك وافقت أنا وشلناه وصار إللي صار. وكمان صار لي موقف ثالث بس لاتضحكوا سمعت صوت قطتين تخانقو على الدر ج وأنا قفزت وكسرت طاوله كانت مليئه بأكواب الشاي والقهوه قدامي مو خوف بس علشان ألحق أفك بينها وبنفس الوقت كانوا عيالي نايمين وخفت يسمعوها ويصحوا يعلنوا حالت الطوارئ بالبيت وتصير غرفة نومي ذيك اليله ملجأ للخوافين منهم . وأخير ا تسلم أختنا الغاليه وأخواتنا اللي شاركوها بمواقفهم وأسأل الله أن يديم السعادة بحياة كل واحدة منكم يا أخواتي العزيزات . |
اختي العابده الف الحمد لله على السلامه
وزيييين انها ماجت بعينك وان شاء الله موفقه دائما في كل اجتماع مشكوره على المشاركه:) [COLOR="rgb(153, 50, 204)"]حيا الله بنت الحكمي مرحبن مليون موقفك الاول بجد بجد بجد مرررررعب:24::24::24: والحمد لله ربي سلمكم من ذاك المكان وقراءة الاذكار والسور في ذلك الوقت تصرف حكيم احسن من ان الواحد يشهق او يصارخ الله يحفظك واولادك وزوجك من كل شر وانتبهي تغفلين عنهم في الاماكن العامه خطف الاطفال منتشر الله يحمينا واياكم وانتبهي ثاني مره تكسرين الطاوله ههههههه:d الله يسعدك[/COLOR] |
السلام عليكم ورحمة الله وبركاته اخواتي العزيزات نسيم الوسم ورده بين الثلوج hala 122 لقد افرحني جدا دعائكم لأبنتي اسأل الله ان يتقبله وان يجزيكم عني خير الجزاء اما من ناحية المواقف المرعبه فقد مرت على مواقف كثيره جدا اهمها وانا صغيره تقريبا عشر سنوات فتحت باب الشارع انادي للسواق وما رد فتحت الباب بقوه عشان اطل من الفتحه وكان الباب مفتوح على مصراعيه وانا خلف الباب وما حسيت الا برجال طويل عريض المنكبين لابس ثوب وشماغ وجاكيت ( كان شتاء) دخل البيت وصار يمشي ومعطيني ظهره وانا انادي لو سمحت يارجال وهو يضرب بعصاه الأرض ومستمر في المشي وانا وراه وراه يا شيخ, يارجال, لو سمحت, بعدين رحت اركض جوا البيت وناديت على الوالد وطلع لقاه جارنا الأعمى كان رايح للصلاة وكانت البيوت كلها متلاصقه واخر الشارع يلف يسار للمسجد فلما انا فتحت الباب كان يظن ان وصل للنهاية الشارع ودخل المسكين الله يرحمه ويجعل الجنه داره. بس بصراحه على قد ما أرعبني الموقف الا اني كل ما أتذكره اضحك لحد الان. |
من المواقف المرعبة التي حصلت لي
استيقظت من نومي وكان يوم اجازة وزوجي نائم بجانبي وكذلك عيالي في غرفهم توضأت وصليت ،،قلت أنزل أجهز الفطور وأنظف البيت نزلت أسفل وأفتح باب الصالة وألاقي زوجي صاحي وجالس عند التلفزيون أنا مت خوف وقفت شوي وقلت انت صحيت قال لي: ماجاني نوم قلت يالله بسويلك فطور أنا أكلمه وماني قادرة أخذ نفسي وهو ماانتبه يحسب إني فحمانة من الدرج دخلت المطبخ أجهز الفطور وأفكر اللي فوق مين لايكون اللي في الصالة النسخة المزورة لانه هادي طلعت من المطبخ وأكلمه رافعة راسي فوق وماأطالعه بعيوني علشان ما يعرف ايش أفكر: باروح اطمن على عيالي نسيت أمر عليهم قبل ماأنزل وركض على الدرج والله ماحسيت بنفسي وافتح باب غرفتي مافيها أحد فتحت الحمام أعزكم الله مافيه أحد فتشت الدور كله مافيه إلا عيالي قريت عليهم ونزلت ،طلع اللي تحت النسخة الأصلية! |
اختي الغاليه كنت انثى
اشكرك جزيل الشكر على المشاركه للمره الثانيه الله يعطيك اللي تتمنين بالدنيا والاخره ................................ الاخت طالبة خير مشكوره حبيبتي الله يحفظ لك عيالك وزوجك وموقفك مو سهل بالمررررررررررررره وسالفة النسخه المزوره والاصليه من جدتضحك وهنا تظهر اهمية قراءة اذكار النوم وقراءة اذكار المساء والصباح الله يحفظ الجميع من كل شر |
قبل اسبوعين حصل لي موقف ارعبني بشدددددة
كنت مع زوجي بالسيارة ومعنا اختي الصغيرة و4 اطفال كنا بنطلب من ماكدونالدز فملما جينا عند المدخل حق طلبات السيارة ولا في سيارة تبغى تخرج من نفس المدخل ويبغى من زوجي يرجع عشان هو يخرج مع ان المكان دخول زوجي اول شي عند وقله الطريق لي انت ابعد شوي عشان اقدر انا ادخل وانت تخرج الاثنين عندوا بعدين زوجي رجع ورى وخلى صاحب السيارة الثانية يخرج والله يهديه زوجي غلط وقله لصاحب السايرة تفو عليك كان صاحب السيارة الثانية ولد عمره تقريبا 20 ما شفت ولا نزل من السيارة وجانا يصارخ قام زوجي نزل ولا الرجال اعطاه كف بعدين جو اثنين ومسكوه من يدينه لزوجي وطيحوه في الارض وصارت مضاربه مرة قوية انا وكل الي بالسيارة صرنا نصااارخ بعدين ما شفت نفسي الا ونزلت من السيارة ورحت ضربت الرجال الي طايح فوق زوجي صرت اضربه برجولي ومسكت شعره كان كدش شديت شعره بكل ما اعطاني الله من قوة حتى شعره كله طلع بيديني وقتها خفت يقوم ويضربني الرجال جريت على السيارة وجو ناس فرقوا بينهم والحمدلله انتهت على خير بس يومها اعصابي تعبت مرررررررررررررة وقضيتها بكا انا واختي والاطفال |
اختي بنبونته
الله يعطيك الف عافيه وماشاء الله عليك منتي سهله:11: وزززين الولد مارجع عليك وسوا لك شئ لان بعضهم قليل ادب ووصي زوجك يملك نفسه عند الغضب لان بعض هالشباب متهور ويملك سلاح الله يحفظكم جميعا ومشكوووووووووووره على المشاركه |
السلام عليكم ورحمة الله وبركاته..
حقيقة أختي قد قرأت موضوعك من كم يوم ولكني لم أتذكر موقفا خطر ببالي وقتها رغم أني مررت بمواقف كثيرة مت فيها رعبا :24: والآن وأنا اتصفح المنتدى لا أدري لماذا تذكرت موقفا وأنا طفلة أضحك على نفسي كلما تذكرته.. وهو أنني خفت وارتعت وفقدت الوعي بمجرد أن . . . . . . . . . نزعت لصقة الجروح عن اصبعي فوجدت اصبعي ابيض والجلد مجعد.. فعلا عقل اطفال :15: الغريب ورغم ذلك أن هناك الكثير من الأشياء لم أكن مخاف منها في الطفولة والآن وبعد أن كبرت صرت أخاف منها.. على سبيل المثال سرعة السيارة، الوقوف في مكان مرتفع جدا، رؤية شيء يذبح وغيرها .. أما عن موقف حدث لي قريبا وخفت وقتها وارتبكت لدرجة أني بكيت .. هو أني كنت أقود السيارة ورأيت أمامي ماء في الطريق فظننت انه قليل وعبرته فإذا به وحل ومياه كثيره جدا لدرجة أن الماء غطى التايرات وغرزت السيارة ولم أستطع أن أتحرك للأمام ولا للخلف ولا استطيع أن أفتح الباب، ومت من الخوف وقتها ولكن الحمد لله الله بعتلي أولاد الحلال وساعدوني وجابوا شاحنة وحاولت أن تسحبني وفشل الأمر كم مرة وفي النهاية نجحت وخرجت من الوحلة التي كنت فيها .. :14: وكان يوم لا يعلم به إلا الله.. |
| الساعة الآن 08:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©